|
10/10/2008 9:41:00 PM
|
|
وجهة نظر !
|
السىلام عليكم أنا كتبت رأي في اعلان الزواج واختفى من كل المنتدى زين أبي أفهم العضو المشترك في الموقع اللي يطلب مدة معينه للزواج ليش؟؟ ليش معقوله بنات حوا الشرقيات المحافظات اللي فعلا اهمه يبون السترة من ظروفهن أكيد ما لجأت لهالموقع وأؤكد الا عشان تخلي الموضوع بسترة على قدر ما اهو الموضوع حساس ما تبي تمشي وتقول أبي أتزوج تر وايد صعبه والمثل قال اخطب لبنتك والرسول صلي الله عليه وسلم أوصانا بالتحقق من الكفاءة زين ليش ما يكون أعضاء الموقع صدقج صادقين ليش صغار بالعمر يلهفون على الحريم اللي أكبر منهم للتسلية وغيره وما أدري ليش المتزوج يبي زواج بالخشيش أبي أفهم والله الهدف من انشاء الموقع وايد راقي وصدقج مو لازم يساء استخدامه للتعارف اللي مايروح ولا يودي وكلام مأخوذ خيره يبى يا شباب أرجوكم ليش ما نكون صريحين تر والله العظيم التوفيق من رب العالمين لما يكون كل شي واضح من البدايه للنهاية وعسى نسمع عن زواجات تمت بالفعل ونشارك فرحتهم للمعاريس اللي ضبطت واياهم التعرف وبهذه المناسبة تجان زين الموقع يرصد لنا الحالات الناجحة ! ودمنم بخير
|
|
10/10/2008 11:48:43 PM
|
|
حال البورصه
|
Islamic Financial Institutions have not been affected a lot by US sub-prime cris due to the fact that Islamic finance principles stipulate that deals must be based on tangible assets and require tight securities.
|
|
10/11/2008 5:15:44 PM
|
|
غذاء الروح والعقل ايضا
|
When I want to hear I start with:
Fajer Time : Quraán
Music & Songs:
Morning : Fairouz
Mid of Day : Symhonies.., YANNI either by its Guitar or his concerts, Beethoven ,Mozart, Tchaikovsky: Swan Lake Op20
Evening : Jasem Hussain, A.K. A.Q+ Shagaya Elleil...
|
|
10/12/2008 6:53:54 PM
|
|
غذاء الروح والعقل ايضا
|
Thanks Gem lol  Sorryyyyyy OFCOURSE Hussain Jasem Mashkooor  vice versa
|
|
10/12/2008 9:23:25 PM
|
|
غذاء الروح والعقل ايضا
|
السلام أخوي جيم، صدقج بكلامك لا تحاتاي ما أحب الكآبه بس الهدوء في الأغاني والنعم والسبعة أنعام في حسين جاسم صدقج اللي قالو" اللي ما له أول ما له تالي" بس صرراحه يبيضها وان شاء الله يكون له مستقبل ولده أحمد ويصير مطرب بطرب .
بتعرف شكلنا نضيف فقرة أمثال الدارجة في الكويت صدقج حلوه ودمتم
|
|
10/16/2008 11:51:44 PM
|
|
خوش موقع حط العمر والوزن ويعطيك الرجيم المناسب
|
خوش موقع أخ سيريوس وعندي هالموقع زين بعد:www.freedieting.com
تحياتي
|
|
10/17/2008 12:46:12 AM
|
|
فوائد التدليك ( المساج)
|
السلام عليكم
صحيح بالنسبة للسلوليت فأن المستحضرات المعلن عنها الآن لعلاج هذه المشكلة سواء أكانت كريمات أو دهانات أو سوائل أو جوارب ليس لها تأثير علاجي ملموس، وفي الوقت الحالي يمكن القول بأنه لا يوجد كريم موضعي موثق علمياً للتخلص من هذه المشكلة؛ لذا فالاعتقاد السليم هو ممارسة الرياضة هي أفضل طريقة، ولابد من الالتزام بممارسة التمارين الرياضية بشكل منتظم (20 دقيقة في اليوم بمعدل ثلاثة أيام أسبوعيا) ويفضل ممارسة أنواع الرياضة الهوائية مثل السباحة والتنس والمشي.
والشيء الآخر هو:
التدليك فإن استخدام مفصل الأصبع الأكبر في تدليك كتل الدهون بمعدل مرتين أسبوعيا على الأقل قد يكون كفيلا بصرفها أو تسويتها.
كما أن أجهزة التدليك والأمواج فوق الصوتية قد تعطي مفعولاً إيجابيا بعد مرور مدة لا تقل عن الشهرين.
ونصيحة نصحية الرياضة وأتباع أي برنامج يحتاج لطولة بال وصبر لظهور النتائج الايجابية. وبالتوفيق للجميع
|
|
10/17/2008 12:59:52 AM
|
|
وجهة نظر !
|
أختي عفيسه صدقج الحرص وايد مطلوب وهذا نصيب بس لا تزعلين شفيها المطلقة والا الآرملة هذا كله قدر ما تدرين ظروف المطلقة شنو اللي خلاها تتطلق والله لا يقول والأرملة هم بعد قضاء وقدر من رب العالمين تحتسب بالحالتين وتقول اللهم أجرني في مصيبتي واخلف لي عليها بالخير المهم أرجع وأقول أنا عندي أهم شي شرط الكفاءة أهو اللي لازم التحقق منه وصدقيني أن هذا كله أقدار بس بالاستخارة والاستعانة بالتوكل على رب العالمين أهو اللي يفتح البصيرة وييسر.
أتمنى التوقيق للجميع
|
|
10/17/2008 2:08:57 AM
|
|
مواقف وقصص واقعية من موقع خطبة
|
السلام صراحه هذا المواقف صارت مع زميلتي بس ودي ما تزعل وتشيل وخلاص أهي نست أول واحد بس لما تعرفوا على بعض وشافته طلع رفيقج أخوها هههههههههه صراحه اثنينهم توهجوا حيل حيل ومرة ثانية بعد لما تعرفت على اللي عجبها يغيب عنها بالأسابيع ويرجع يقول لها أموت فيج هههههه ومالي غيركج في هالدنيا وبعد تعرفت على واحد المفروض اهو عازمها على الغداء ولما راحو ما خلى شي بنفسه ما طلب وبالآخر يوم اجي الحساب قالها ما عندي فلوس وانحاش!! ههههههههه مسكينه والله قلبي وايد يعورني عليها والحين في واحد يراسلها بس شنو علشان يستقيد من أفكارها بالشغل وبس فهمها أنو ما يقدر يتزوج لأنه لما فكر عدل لقى نفسه عليه مسئوليات وايد واهو ما يقدر يحملها بس للحين ما شاء الله متواصل حيل.
والله نصيحه ديروا بالكم ويا ريت الصدق ثم الصدق ثم الصدق !
|
|
10/17/2008 6:43:40 PM
|
|
فوائد التدليك ( المساج)
|
عفوا أنا " أختي" ولست " أخوك" أمرأة وهلا فيك ومشكور على طرح الموضوع وايد شيق ودنا الكل يستفيد 
|
|
10/17/2008 6:45:59 PM
|
|
مطلوب أقسام ضرورية للمنتدى
|
قسم للثقافة الأدبية
قسم للأمثال الكويتية الشعبية القديمة اللي اهي من تراثنا وما يعرفها الأجيال الناشئة
|
|
10/17/2008 6:48:55 PM
|
|
السعاده
|
صراحه أشكرك أخت ليديكويتي تعريفاتك ونظرتك للسعادة وايد حكيمه وأكثر من رائعة يعطيك العافيه جزاك الله خير
بالتوفيق
|
|
10/17/2008 6:55:37 PM
|
|
حتى تكون أسعد الناس ....دكتور عايض القرني
|
أشكرك مرة أخرى أخ خالد صراحه أنا من المتابعين للشيخ د.عائض القرني وأقرأ له وآخر كتاب كان روائع عائض القرني استلها محمد اليامي ما أدري اذا اهو نفس الكتاب اللي تشير له بس صراحه فيه وايد موضوعات وطبعا اهو مقتبس من عدة كتابات له على سبيل المثال -لا تحزن-العظمة-مقامات القرني-حدائق ذات بهجة-هكذا حدثنا الومان- اطلالة على ساحل ابن تيمية-ضحايا الحبامبراطور الشعراء الشاعر الأسطورة وغيرها وفعلا ما شاء الله تبارك الرحمن على علمه وحكمته وصحة بلاغته.
تحياتي
|
|
10/18/2008 11:48:06 PM
|
|
ممنوع الدخول للبنات !!!
|
والله ما أدري ليش زعلانين حريمنا من الشاميات كل الناس خير وبركه وأرجو أن لانسيء لهم لأن "قرعة راس أبو كل واحده" ينعرف مين وين اذ ا تابعنا السؤال عنهن وخلينا بين عيونا شرط الاحترام و الكفاءة لأنهن أكيد عيال ناس ولأ ناس أشراف بعد وهذا شي نصيب يمكن أهو اللي يركض عليها مو أهي اللي تدور وبعدين في شي يمكن غايب عليكم أهمه بنات الشاميات اللي اهمه مواليد الكويت تربو ودرسوا فيها ما يعرفون ديرتهم قدر ما يحبون الكويت وهالديرة الخير وين يروحون اذا كانت طبائعهم الحين ما تتوالم مع طبائع أهل بلادهم ولا يقدرون يتكيفون معاهم أنا أقول لازم لهم عذرهم ووسعوا صدوركم وتفهموهم عدل .
موفقين 
|
|
10/18/2008 11:55:25 PM
|
|
المشاكل الزوجية ..... هل تستحق الطلاق؟
|
يعطيكم العافيه الموضوع وايد شيق بس عندي سؤال شنو تسوي الزوجه ووين تروح اذا كان زوجها النحيس العنيد اللي راسه يابس اذا كان أهو كبير العايله يعني أكبر اخوانه وخواته وأمه وأبوه متوفيين ومصدق نفسه سايق فيها يمين وشمال ومو فارقه معاه لا كبير ولا غيره واللي يسلمكم قولولي شلون تلاقي وسيله للتفاهم معاه بو ترباس اللي لا يودي ولا ينداس ترى وايد يبط الجبد!!! لأ مو بس جذي ولازم أهو دايما الصح صج ولا مره يكون على غلط شنو أعوذ بالله غرور!! يعني يعجزها ويخليها ما تدري اهي المينونه! مو أهو اللي عنتر زمانه ليش جذي والله حسافه الرياييل مرات يضيعون نفسهم عفوا ما أقصد كلهم بس هالنوعية العنيدة على شنو والله على أسباب تافهة ما لها معنى الله يبعدهم ويهديهم بس. 
|
|
10/19/2008 12:24:04 AM
|
|
اخفاء عيوب الانف بالمكياج
|
منارات أشكرك واااااااااااااااايد تدرين أختي من يوم ما سوت عملية تجميل للأنف وأهي رايحه راده تبيني أسوي بس أنا ماكو أنفي وايد صغير ومافي شي الا شوية عظمه تصدقين الحين لما شفتها بعد ما سوت عمليتها اشوف أنفي وايد طبيعي والحمد لله الحمدلله مافي شي بس مسكينة أنفها عقب العملية وايد صار صغير وبعدين أنا لاحظت كل اللي يسوون عمليات تجميل للأنف تصير" عندهم فتحة المنخار" دائرية وصغيره والحمد والشكر مو طبيعية والله لاحظوها الا ما يبين عليها شي ما تبين طبيعي وصدقج الحين الكل يقول أوه أنفي أنا وايد جذاب لوووووووووووووووووووول 
|
|
10/19/2008 6:33:26 PM
|
|
المشاكل الزوجية ..... هل تستحق الطلاق؟
|
أختي قمر صح السانكج الاختيار من البداية والله وايد سعيده بردك بس فعلا حريم هالايام احتارت مع الريال وعلى سبيل المثال والغشمرة أخذي هالنكتة توها واصلتني وحبيت أشاركم فيها :الريال ... ماكو فايده فيه دايما عنده عذر ويتعذر اذا الواحده سألته 'أنت ليش ما تمسك ايدي واحنا طالعين '
Friends الصاحبـــــه
'أنت ليش ما تمسك ايدي واحنا طالعين '
'لأ ...فرضي احد من اهلج شافنا؟ ولا احد من اهلي؟ على الاقل جذي نقدر نرقع , إن
شاالله يا حبيبتي باجر آخذج وامسك إيدج جدام الدنيا كلها ' أنا أقول : صراحه معاه حق 100%
.............................. Engaged
مخطوبيـــــن
'أنت ليش ما تمسك ايدي واحنا طالعين ؟'
'علشان مابي احد يتطنز علينا ويقول صايرين كناري لان توهم مالجين...وبعدين
بصراحة ما ارضى احد يتطنزعلى حبيبتي...
.................................Married
متزوجين
'أنت ليش ما تمسك ايدي واحنا طالعين ؟'
'يا حبيبتي إحنا مو مراهقين عشان نمسك إيد بعض في الشارع وجذي....إحنا اثنين
متزوجين ومحترمين وعندنا بيت نسوي فيه اللي نبيه'..
..................................
Married with Children
متزوجين وعندهم عيال
' أنت ليش ما تمسك ايدي واحنا طالعين ؟'
'يعني امسك إيدج ولا امسك إيد الياهل ولا اشيل لجياس هذي كلها؟!'
.................................
Married for 25 years
بعد 25 سنه مـن الكفاح المسلـح
'أنت ليش ما تمسك ايدي واحنا طالعين ؟'
'أي إيد هذي اللي بمسكها الحين! إنتي تبين ريل بنتج يقول عنا كبرنا وخرفنا؟!
يعني المسكينة جنها راحت عليها والله صراحه أنا أعلنها من الحين اللي ما يبي يمسك ايدي من يوم الزواج جدام الناس ويعقدني لا يبه خليني عند بيت هلي يمسكون ايدي وامسك ايديهم وأحبهم بعد ويترضون عليي باقي العمر على مسكة ايديهم هههههههههه
وآسفه على الاطالة
|
|
10/19/2008 10:41:04 PM
|
|
مقتنعين بالزواج من الانترنت !!!
|
السلام تر أنا والله دخلت في هالموقع يعني كثر خيرهم ويعطيهم العافية ادارة الموقع اللي خلتنا نتحاور ونعرف بعضنا بس ما أدري وين تروح ردود أسويها وتختفي وكنت حابه أقول شغلتين :
أول شغلة أنه كل الناس خير وبركه وكل الناس لها أصل واللي يسأل ما يضيع وأتمنى يا حريم ما نغلط على أحد بالعكس تركو الناس بحالهم.
الشغلة الثانية أنتو مو ملاحظين معي أنه اللي متواصلين في المنتدى أهمه ما يوصل نسبة عشرة بالماية من رواد الموقع ومن هالنسبة صراحة وبأمانه ويا ريت تكوننون أمينين ويانه حتى لا نتعلق بأوهام " الرجل ذا المواصفات الرائعة" ما يبون الزواج بس تعارف ودردشة ونصائح صراحه جزاهم الله خير مأجورين لأن فيهم خير كثير ربنا خلاهم بطريقنا ينصحونا بس هم أحنا قاعدين آخذين من وقتنا علشان نشوف الخيارات المتاحة للارتباط صراحه يعني هذا رأيي وأقولكم شغله واحده بعمري والله دايما أدعي الله "اللهم لا تذرني فردا وحيدا وأنت خير الوارثين" تدرون الوقت يمر بسرعة وأحنا حريم ما ودنا نطول عليكم
|
|
10/21/2008 4:39:45 AM
|
|
من هى المرأه !!! تكمله للموضوع الاول
|
حبوب منع التسوق للنساء
خبر سار للرجال وتعيس للنساء ففي الأيام القادمة سيشهد العالم
نزول أول عقار يسهم في احجام المرأة ومنعها عن التسوق وانفاق
الأموال الباهظة على شراء أشياء وسلع غير ضرورية ويتوقع للعقار
الذي اكتشفه الطبيب الأمريكي اللبناني الأصل الياس ابو جودة حتى يحفظ
للازواج البقية الباقية من أموالهم التى ينفقونها لتلبية طلبات زوجاتهم غير
الضرورية فان تجربة العقار الذي يحمل اسم ( استيالويرام) خضعت لها
نحو مائة سيدة وحققت نجاحا بنسبة ( 70 %) واتضح ان المتعاطيات
للدواء ( المانع للشراء ) تشعر بالسعادة الزائدة وعدم الرغبة في صرف اية
نقود ويشير علماء الاجتماع ان هذا العقار قد يقلل الازمات الاقتصادية التى
تتعرض لها العديد من المنازل بسبب ( خفة يد النساء ) ويعزز الحاجة لهذا
الدواء ( دراسات نفسية ) كشفت ان المرأة بطبيعتها تميل الى الشراء بداع او
بدون داع الى حد ان بعض النساء يفضلن التجول في الاسواق دون نية شراء
وهناك دراسات اضافية استنتجت ان اكثر العمليات تعذيبا للرجال هي مرافقته
لزوجته في مراكز الاسواق000
منقوووووووووووووووووووووووووووووووووووووووووول
|
|
10/24/2008 6:35:15 AM
|
|
تتعد الزوجات............ بس الرفض والقبل
|
صراحه موضوعكم شدني وحبيت أشارك عشان خواتي تنتبه وتاخذ العبره أنا أوافق الأخوات وأقول في ايامنتا هذه صعبه العدل بس عشت عن قرب تجربتين الأولي تعرفوا على بعض على مقاعد الدراسة أسويلك بحثك وأسويكج بحثك ما يقعدون اللا يم بعضهم واهو طاير عقله فيها وكل الزملاء فرحانين فيهم وما شاء الله الأخ ما قالها أنو متزوج في يوم لما أكتشفت بروحها وخرت عنه وقالت له ما آخذ ريال متزوج خدعتني كان لازم تقول لي من البدايه مو عقب هالفترة وتركت الدراسه من وراها بس قلبها تعلق فيه لما زار أبوها وعرفه عن نفسه واقتنعت عائلتها انه مو عايش عيشة المتزوجين وجاب كل أهله وخطبوا البنت وتزوجوا وقالهم الزوجه الأولي أكيد بترحل لأنها على طول هاده البيت تصدقون عاشو مع بعض حوالي عشر سنوات بس أهو مو فكره الامع الأولى وتدرون رفعت الأولى عليه قضايا ما خلت شي ليمين اخذت منه الطلاق والثانية تترجاه لا تطلق وما في فايذه لأ وما رضى أنها تجييب وتحمل وتحييب عبال واهي تقول لا حول ولا قوة هذا رزق من الله سبحانه وتعالى مسكينه وايد حاولت معاه بس الأخ مو معاها فكره عقله كله مع الأولى أنها شلون بتشيل تربية الولدين جان يجيها بيوم للثانية يقولها لازم نتطلق زين ترجته وايد رد الأولى وأنا راضيه أكون زوجه ثانية خلاص نصيبي وعارفته من البدايه بس الأخ وايد يخاف من الأولي وتلاقي شرطها الأول أن يطلقها للثانية وفعلا تطلقوا والحين طبعا أخذ أحلى أيام حياتها ! شنو اللي نفعها من عقب هالمهذله هاذي ضحيت بشبابها وينها الحين قاعدة واهو رد الزوجة الأولى وكاهم عايشين مع بعض وراح الحب اللي ذبح نفسه عشان ياخذها بس تبخر ّّ طبعا اهوو كان احسن حل الطلاق لأنه على طول شارد الذهن مو متجاوب معاها يخاف من الأولي. آسفه أكون طولت عليكم بس الي أقوله أنه حرام يا ريييال اللي تسوونه اذا ما كان فيه من البدايه تفكير عقلاني أسباب وايد قوية للزواج الثاني ترى والله حرام بنات الناس مو لعبه لجام سنه ونهدها على صخر هذا زواج شنو ذنب اللي كبرت واهي لاهية في الدراسة مثلا ولما تقبل تتزوج تاخذ مثل جذي مقلب في حياتها اتقوا الله وأنتم يا بنات ما يدوم الا الصح اذا البدايه كانت صح تمشي الأمور صح واذا كانت غلط مو راكبه والله ما يبيلها لا زعل ولا شي خيرة من رب العالمين وأفول لكم الله الحافظ وموفقين بالاختيار لأنه الواحده لازم بعد تحكم عقلها قبل قلبها!!! لح أرد أسولفلكم عن التجربه الثانية اللي لما تزوجوا الزواج الثاني صراحه الريال ريال من البدايه صارح زوجته تر في واحده أحبها واهي بنت ناس وجذي أكيد وايد تأثرت بس لما تزوجوا ما أصدق ما شاء الله اللي أشوفهم اثنينهم راضيين اثنينهم متفاهمين يوم يسافر مع الأولي الثانية تاخذ عيال الأولى ادرسهم وتسوي لهم كل شي واهي بعد لما تسافر الأولى تشيل عيال الثانية ما شاء الله الله يتمم عليهم وعسى ربي يهنيهم . تدرون وين العبره في السالفتين الموضوع يتوقف على الريال الصدقج أي أهو اللي يحدد اطار العلاقة مع حريمه مو على كيف واحده طلق وأرد لك أو لا تتزوج أو الثانية طلق الأولى كل هالخرابيط ما يصير بالعقل الريال أهو اللي يحكم واهو جذي سي السيد والله ربنا سبحانه وتعالي أكيد بيوفقهم ويعيشون بسعادة .
مره ثانية آسفه على الاطالة يمكن صفحة بس ان شاء الله تكون عبره وفقكم الله جميعا
|
|
1 2
|