|
صفحات
1 |
|---|
|
10/15/2008 2:53:10 PM
|
ajm
Posts 6
|
يوجد قواعد للسعاده قد تكون مفيده وهي
لا تكره احدا - لا تقلق - عش ببساطه مهما كنت - توقع الخير مهما كثر البلاء - اعطي الكثير ولوحرمت -- لاتقطع دعائك لأحد - ابتسم
|
|
10/15/2008 9:44:19 PM
|
gem
Posts 267
|
صحيح الكلام يا اي جيه ام
بس تدري او تدرين ... اخر كلمة اجملهم و تشملهم كلهم
البسمة صدقة و كل ما سبقها يمكن ان يتم على اساسها . فالانسان المبتسم انسان واثق الكل يرتاح
لسلوكه و يحب عشرته ... و من تحبه تقدم له و يقدم لك
فمهما تعسرت خلوا الامل بالله قوي و خلو بسمة المؤمن الواثق على الوجوه
و الله يجعل ايامكم كلها ابتسامات و ضحك و جمال عطايا الكريم
|
|
10/17/2008 1:45:46 AM
|
Ladykwiti
Posts 12
|
السعادة في ذكر الله وشكره وحسن عبادته ،السعادة شعور عميق بالرضا والقناعة، السعادة راحة نفسية،• السعادة في أن تدخل السرور على قلوب الآخرين، وترسم البسمة على وجوههم ،وتشعر بالارتياح عند تقديم العون لهم وتستمتع باللذة عند الإحسان إليهم.• السعادة في تعديل التفكير السلبي إلى تفكير إيجابي مثمر . • السعادة في الواقعية في التعامل وعدم المبالغة في المثالية عند النظر إلى الأشياء. السعادة القدرة على مواجة الضغوط والتكيف معها من خلال التحكم بالانفعالات والأعصاب والمشاعر. السعادة في العلم النافع والعمل الصالح. السعادة في ترك الغل والحسد والنظر إلى ما في أيدي الآخرين ..
تمنياتي الصادقة بالسعادة للجميع ودمتم
|
|
10/17/2008 6:48:55 PM
|
MRS.Q8
Posts 24
|
صراحه أشكرك أخت ليديكويتي تعريفاتك ونظرتك للسعادة وايد حكيمه وأكثر من رائعة يعطيك العافيه جزاك الله خير
بالتوفيق
|
|
10/18/2008 7:54:04 PM
|
gem
Posts 267
|
ليدي ما شالله عليج .. صاحبة ثقافة طيبة ... طبعا ما هي غريبة
خليني اضيف بس شي واحد
كل اللي تقضلتي فيه اذا خلى من شي صغير جدا اسمه القناعه ... ساعتها راح تكون سعادة الغير قنوع هي
تطبيق سياسة ... خذ ... و طالب
و الله لو كان الانسان مفتقد لهذه الخصلة ... الله يعينه ساعتها و يعين اللي معاه
القناعه اللي اسمها قناعه ... و لما تتفحصها اليوم .. بعد سنة ... 10 .. الخ ... راح تظل قناعه ...
اما قناعه اليوم و بعد مدة ... تتغير الى .. ما صارت هذه !! و بس مليت !!
هذا تمثيل و كلام ما ينكتب على ورق _ gloss _
و بالنسبة للباقي انا اتفق معاج ... بل ان هناك امور اخرى يمكن تنضاف ... و لكن اللي تفضلتي فيه يكفي اي انسان يحب انه يشوف السعادة
تحية
|
|
11/23/2008 11:32:53 AM
|
gem
Posts 267
|
اعذروني على استخدام موضوع قديم .. في ايميل قديم نوعا ما يكلم فيها الحبيب زوج الحبيبة بقصيدة
اتمنى تعجبكم و ما تثقل عليكم
--------------------
هذي قصيدة من مجهول أهداها إلى زوج حبيبته ليلة الدخله
الله يهنيك
أبد ما جيت أبــــارك لك ولكن جيت باوصيك
على الله ناوي(ن) تدخــل بها اللـــيله ... معذبتي
ترى لولا الظروف اللي عطّـتك وحدّت محاكيك
قســـم بالله مـــا تدخل عليــــها لو على رقبتي
ولكن النصيب أقوى ولاادري ويش اسوي فيك
نعــم...صــارت معزبتك,, ولا صــارت معزبتي
كذا شـاءت بنا الأقـــــدار تحرمني لجل تعطيك
كذا لازم عشــــان تفوز انت,,أنا اخـسر بتجربتي
تراها غاليــــة جدا..وتكفى.. والله يخلـــــيــــك
تدللــــــــها..تدلعــــــــها..تنسّــــيها مصاحبتي
أنا من كثر مااغليها أحس اني بديت أغلـيك
ولاتسـأل بأيـة حـق والا وش مناســــــبتي
لأنك لو بتسألـني بتسمـع شي مـــــــا يرضيك
لذا يا خــــــوي لا تسأل ولا تسمـع لأجوبتي
أبيك تحطها في داخل عـيونك وبين ايـديـك
وهي دلوعة إعتــــــــادت على كثرة مداعبتي
فداعبـها شوي شوي حـتى تشتهي طاريك
وشاغبها إلـــــــــيـن تقول: بـطّــل من مشاغبتي
واذا هي مالها خلقك,,ولا تضحك ولا تسليك
تحمّلــها وإسألـها :ياعمـــــري ليـــه عصّبـتي
وبالك أسمع انك يوم تضربهــا وهي تشكيك
ما يحتــاج أوري لك بفن الضـــرب موهبتي
صحيح انك بتملكـــها ومعك العقــد بالتمليـــك
وانا عــــارف حدود الله ومن حــقـــك معاقبتي
ولكن قل لها : المجنون وصّـــاني وهو يعنيك
يقــــــول انه بيــنــتظـرك لوشـيّـب وشـيّــــبتي
وانا مجنونها اللي مـا نساهــــــا وانت مايمديك
تغــطي ذكريـــــاتي.. في هواهــــا و ربع تجربتي
أحس اني تماديت بكلامي,, والغضب حـــاديــك
ولو انك في مــكاني ما تفكر في محــــــاسبتي
كفاك اني تركت الليــــله أشغالي عشان أجيك
دخلت القاعة برجلي ولا أدري ويش عاقبتي
وانا ما جيت أخرّب عرسك الليله ولا أذّيـــك
أنا جيتك عشــان أخاطـبك واسمع مخـــاطبتي
توصّــــى .. وانتبه.. واحرص عليها والله يهنيك
ترى كل الكلام اللي طلع من ضيقي وكبـــتـــي
ولكن ما قدرت اني أقوله وانت مايخفـــــيك
أخـــــاف اني اذا قلته تقوم وتقطـــع رقبــتي
------------------------------
|
|
11/23/2008 9:53:26 PM
|
khale_dm
Posts 358
|
مشكور اخي الغالي على كلامك الطيب الممتر والله لا يحرمنا من جديدك وتواصلك
اخوكم/خالد
|
|
صفحات
1 |
|---|