|
1/15/2009 2:23:46 AM
|
|
للمتزوجين فقط
|
انا مشاركتي يمكن غريبه بعض الشي انا زوجه اولي مومقصره مع زوجي باي شي حتي اليهال حرمت نفسي منهم عشان راحت ريلي صايرتله رفيجه موزوجه تفاجأت انه يبحث عن زوجه ثانيه وعشان يستعطف البنات كان يقولهم زوجتي فيها اعيوب الدنيا كلها بعض البنات ايصدقون اكاذيب بعض الرجال اللي مايخافون الله بحريمهم فتحاول انها اتعوضه هالنقص بشخصيه مزيفه وبعد ما تكون زوجته او صاحبته تدور عليها نفس الدايره وتصقط الاقنعه يا اخواني وخواتي لا تبنون سعادتكم علي تعاست غيركم والقناعه كنز لا يفنا اقنعوا بنصيبكم واذا مافيكم حيله وتبون تستمتعون قولوا الصج ولا تعذربون بحريمكم ورياجيلكم واحطو الله بين اعيونكم الظلم موزين واسمحولي علي الاطاله وجهت نظري من خلال تجربتي وحرقت قلبي وارجو احترامها وعدم الزعل منها .....
|
|
1/16/2009 8:03:45 PM
|
|
للمتزوجين فقط
|
اخوي احمد انا قرات تعليقات بعض الاخوان والاخوات بعضهم تعاطف وبعضهم هاجم وبعضهم ماعلق اللي تعاطفو معاي اشكرهم من كل قلبي واللي هاجمني اقوله الله يرحم حال زوجتك ويهديك لها قبل لا تخرب بيتك انت بايدك وتخسر زوجتك عشان وناسه لحظه ...الموقع هذا انحط للي مو متزوجين سواء بنات او شباب عشان كل واحد يتعرف علي شريك حياته ويابخت من وفق راسين بالحلال اللي يثير الدهشه ان بعض المشاركين متزوجين من الرجال وداشين يبون صداقه او زواج مسيار هذا الشي يثبت ان العيب بالشخص اللي قاعد يبحث مو بشريكه الثاني ,,, الزواج الثاني للي ماعنده اسباب مقرون بوقت وينتهي لان ماله اساس .. انا ما اظلم الرياييل كلهم في بعضهم معذور وعنده اسبابه بالزواج انا ما اقصدهم بكلامي انا اقصد اللي يلعبون ومايقنعهم شي...
|
|
1/16/2009 8:04:45 PM
|
|
للمتزوجين فقط
|
اخوي احمد انا قرات تعليقات بعض الاخوان والاخوات بعضهم تعاطف وبعضهم هاجم وبعضهم ماعلق اللي تعاطفو معاي اشكرهم من كل قلبي واللي هاجمني اقوله الله يرحم حال زوجتك ويهديك لها قبل لا تخرب بيتك انت بايدك وتخسر زوجتك عشان وناسه لحظه ...الموقع هذا انحط للي مو متزوجين سواء بنات او شباب عشان كل واحد يتعرف علي شريك حياته ويابخت من وفق راسين بالحلال اللي يثير الدهشه ان بعض المشاركين متزوجين من الرجال وداشين يبون صداقه او زواج مسيار هذا الشي يثبت ان العيب بالشخص اللي قاعد يبحث مو بشريكه الثاني ,,, الزواج الثاني للي ماعنده اسباب مقرون بوقت وينتهي لان ماله اساس .. انا ما اظلم الرياييل كلهم في بعضهم معذور وعنده اسبابه بالزواج انا ما اقصدهم بكلامي انا اقصد اللي يلعبون ومايقنعهم شي...
|
|
1/17/2009 12:36:19 AM
|
|
قصيده بعنوان -وين الكلام اللي انا وإنت قلناه
|
صح السانك ياسلام عليك هذي الكلمات جت علي الوتر والجرح الله يعطيك العافيه
|
|
1/17/2009 9:53:45 PM
|
|
ملاحظاتكم بنات عن ( بعض ) شباب الموقع ...
|
انا راح اعلق علي هالموضوع من خلال تجربه شخصيه............
في واحد بالموقع قالي بيانات معينه وطلبات خاصه بشريكة حياته وانا صدقته حالي حال كل وحده بالموقع والسبب راجع الي صدقنا بكل شي انقوله وحسبالنا الناس كلها نفسنا المهم بعد فتره اكتشفت ان صديقتي امسجله بنفس الموقع وعرفت منها ان الشخص نفسه امكلمها ومواعدها علي الزواج بس المضحك بالموضوع انه معطيها بيانات غير عن البيانات اللي عطانيها ...
والشي اللي استغربت منه ان اكثر الرجال اللي بالموقع اعمارهم من 40 الي 50 ولاحظت ان اكثر البنات اللي بالموقع بال 20 اعمارهم !!!!!
ماكو توافق بالعمر؟؟
وبعض الشباب داشين يبون صداقات
وبعضهم يقولون احنا ماندور الحرام نبي زواج شرعي ..ومن شروط الزواج الشرعي الاشهار والاخوان شارطين بالزواج انه يكون بالسر!! ابي افهم اشلون مادورون الحرام؟؟؟؟؟
وفي بعضهم صادق ويبي زواج شرعي بس للاسف قليلين بهالموقع بس عندهم عيب واحد اللي هو التردد بالاختيار وايكلم كذا وحده عشان ايقارن بينهم منو تصلحله وبالاخير يخسرهم الثنتين
خلاصة الحديث::::
مفقوده المصداقيه بالموقع ويعض الشباب استغل هالموقع وقام يلعب علي البنات بحجة الزواج الثاني وتحت شعار انه مايبي الحرام ....
والحقيقه عكس ذلك ..
األ الله ان يهديهم ويستر علي بناتنا واعيالنا من الحرام ...
|
|
1/17/2009 10:18:31 PM
|
|
مقتنعين بالزواج من الانترنت !!!
|
يا اخ فلفل وجهت نظرك ولك منا كل الاحترام والتقدير في ناس كثيره نفس وجهت نظرك سواء رجال او نساء ما يأيدون زواج النت وبنظرهم انه اهانه له جدام اهله وجدام الناس لا اعرفو عنه....والناس اللي من هالنوع حياتهم بتكون جحيم اذا تزوجو عن هالطريج الزوجه بتشك بزوجها بكل لحظه يغفي عنها بتحط براسها انه راح للنت ومن السهل انه ايلاقي غيرها ...
اما الزوج بيشك بماضي زوجته وحاضرها ومستقبلها وبينتهي زواجهم ب.....1_اما يقتل الزوج زوجته او العكس 2_او يتبرا الاب من الابناء لشكه انهم مو ابناءه 3_او الطب النفسي لاحد الطرفين 4_او كل يوم بالمستشفى الزوجه متكسره من العذاب اللي شايفته او.......الخ
الله المستعان عشان جذي النوع هذا من الرجال يحب يتزوج وحده ما يعرف عنها اي شي شنو ماكانت اخلاقها اهم شي انه مايعرفها عشان يحس بالاستقرار النفسي والراحه النفسيه وهو يقدمها للناس ...
هذا النوع من الرجال صار قليل هالايام وصار الشاب ايفضل انه يرتبط بوحده ايعرفها وشايفها عن انه ياخذ وحده نظام امسح واربح .. الله يعين الجميع ويرزق كل واحد علي نيته...
|
|
1/19/2009 3:12:28 AM
|
|
كيف البحث عن زوجه
|
اخب العزيز انت انسان صريح وانا احترم فيك صراحتك واحترم فيك تقديرك لزوجتك وانك ماحطيت اللوم عليها وبريت ذمتك واعترفت انها اصبرت معاك بالايام السوده اللي انت عشت فيها ولله الحمد انها انقشحت..
لكن هل انت راضي عن نفسك وانت قاعد تبحث عن زوجه ثانيه الحين؟؟؟؟
هل هذا هو الجزاء اللي ناطرته زوجتك الصبوره منك؟؟؟
هل تعتقد انه في وحده تبي ترتبط بواحد يشرب ؟؟ حتي لو مره وحده بالشهر؟؟
اخي العزيز زوجتك دانه فحافظ عليها لاتكسر قلبها واتخيب املها واضيع صبرها معاك واترد طيبها بانك تتزوج عليها ..
انا صبرت علي زوجي بأشياء مافي وحده بالدنيا هذي كلها تصبر عليها تحملت شذوذه وطبعه الخايس واسلوبه الجارح واشياء كثيره مايجوز اني اقولها لاني حبيته وهو ماحبني ..قلت خلني اصبر لعل الايام الجايه اتحببه فيني مع العلم اني موناقصني اي شي انوثه وجمال ومال واصل وفصل وروح مرحه اسامح واصبر لان الصبر مفتاح الفرج ..تخيل بعد كل هذا اكتشف انه يبحث عن زوجه ثانيه وعذره ان وحدة ماتكفيه..وحط فيني عيوب الدنيا عشان يستعطف البنات ويرغبون فيه..
تدري شنو كانت ردت فعلي؟؟؟ تركته وعافته نفسي لان الحرمه تقبل عيوب زوجها كلها الا انه يتزوج عليها وهي اصلا ماقصرت معاه وضيعت عمرها وهي صابره عليه تنطر انه ايجازيها علي صبرها تقدير واحترام مو يتزوج عليها...
نصيحتي لك يا اخي العزيز حط ايدك علي الجرح وعالجه دامك معترف ابصبرها وحبها شالمانع انك انت بعد تحبها كل انسان فيه اعيوب حتي انت فيك اعيوب محد خالي حاول اتعالج هالعيوب اللي فيها مره واثنين وثلاث لاتيأس لادور بديل لانك ماراح اتلاقي نفسها ..
وانت انسان كبير موصغير عشان احد ايعلمك شوف وضعك الحين في اي وحده عطتك وجه اوكلمتك ؟؟؟ حتي لو كلك زين عيبك الشرب لايمكن احد يقبله الا اللي تشرب والعياذ بالله عشان جذي ارجع لزوجتك وحبها لاتضيعها من ايدك ..واسمحلي علي الاطاله يمكن كلامي مابعجبك بس وجهت نظري واتمنا انك تتقبلها واسال الله انه ينيرلك طريجك ويريح قلبك ...
اختك.. العجايب
|
|
1/19/2009 3:46:49 AM
|
|
ما سبب ارتفاع نسبة الطلاق بالكويت
|
اسمحولي اقول الاسباب الرئيسيه بالعموم علي البنات والشباب بدون اي تحيزوبدون اي زعلمن اخواني وخواتي هذي وجهت نظري...
1- القروض الربويه// بدايه حياه زوجيه بمال حرام
2- معاشات الشؤون للمطلقات// العبو بحسبت البنات وخلو الحرمه اللي زوجه ماينفق عليها او اللي مدخوله بسيط او مديون اتفضل انها تاخذ هالمعاش من انها تعيش بهالحاله الكسيفه
3-انتشار الخطابات بالكويت// خلو الريال ايعيش كانه هارون الرشيد كل يوم يتفرج علي وحده واشكال وانواع وموكويتيات وارخاص تبي بس الستر /طبعا كذب هي تبحث عن الجنسيه والبيت
4-الأباء اللي ايسامحهم // ابتدخلهم بحياة ابناؤهم اعفسوها
5- الكمبيوتر والنت // كل واحد حاطله كمبيوتر بالديوانيه وحاطله الف رفيجه وطايحله كذب علي البنات وهاد زوجته بالبيت اتلوف بالبهال واتربي وصابره ومتحمله ويقولها ياويلج اذا جيتي الدوانيه انت وعيالج ربعي عندي .. والحبيب طايحله امغازل
6-بعض البنات لاتزوجت ويابت يهال اهملت زوجها ومادرت عنه ودايما مشاكل وطلبات وازعاج
7-بعض الرياييل السانه بدال مايكون رطب بذكر الله امرطبه بكلمة انتي طالق هذا اسهل شي عنده لحل المشاكل..
هذا بعض ماتوصلت انا له شخصيا من خلال مواقف سمعتها وشفتها والله ماالفتها عليكم واتمنا ان محد يزعل مني انا ما عميت انا خصيت واسمحولي
العجاااااااااااايب
|
|
3/1/2009 11:00:45 PM
|
|
ارجوا قراءة بروفايلي من خواتي الفضليات ولنفتح حوار
|
الله يرزقك فبنت الحلال اللي تحافظ عليك وعلي الحياه الزوجيه معاك ونتمنالك الخير والمراه الصالحه
|
|
3/22/2009 9:41:42 PM
|
|
الزواج حرام....! ! !
|
مابني علي باطل فهو باطل
الزواج الشرعي اللذي شرعه الله ورسوله صلي الله عليه وسلم ورواه عنه صحابته رضي الله عنهم جميعا وارضاهم هو الصحيح وما دون ذلك باطل
الزواج الشرعي مبني علي شروط اساسيه اذا اختله فيه شرط بطل العقد .... وهي
يجب ان يكون بولي شهادة شاهدين الاشهار الا يكون يقترن بوقت محدود يدفع للمراه اجرها اللي هو المهر اللخ...............
والزواج الشرعي يظمن للمراه حقوقها الشرعيه بعد الطلاق من مثل ... نفقة العده والمتعه نفقه الابناء توفير المسكن واشياء اخري
هل زواج المتعه او زواج العرفي يطبق هذي الشروط طبعن الاجابه لااااااااااااااااا اذا فهما وما دونهما باااااااااااطل وهذي وجهت نظري وارجو احترامها
|
|
4/25/2009 10:15:08 PM
|
|
عن ماذا تبحثون ؟
|
بالنسبه لي فأنا طلبي مختلف نوعا ما ......
انا ابحث عن زوج جاهل بالكمبيوتر
مايواطنه وما يعرفله
وللاسف ماحصلته الكل هنا ماخذين دكتوراه بعلوم الكمبيوتر
وسبب كرهي له من خلال تجربتي الخاصه
هذي رغبتي وارجو احترامها
|
|
4/29/2009 9:53:26 PM
|
|
مواقف وقصص واقعية من موقع خطبة
|
السلام عليكم
الموضوع المطروح اسمحولي يا اخوان وياخوات اعتبره تدخل بالخصوصيات ........
واعتبره من باب الاشهار لان كل وحده من الخوات وكل واحد من الاخوان قاعدين يفضحون نفسهم
ان الله ستار حليم ليش ماتسترون علي نفسكم وعلي تجاربكم بهالموقع
اشلون تبون تتزوجون وكل وحده من الاخوات اتقول انا كلمت افلان وكلمت علان والشباب كذلك
ياجماعه استرو علي انفسكم انا ما احثكم علي الخداع بالعكس الصراحه حلوه بس موبكل الاوقات واسمحولي ولا تزعلون مني
|
|
4/29/2009 10:37:11 PM
|
|
الساعه ثمان
|
ما شاء الله عليك وعلي هالابداع الله يحفضك ويوفجك كمان وكمان ونشوف ابداعاتك
وانا اختلف مع الاخ طلال وارجو المعذره
احسن شي سواه انه كتب هالقصيده بهالمكان
خالف تعرف
تحياتي العجايب
|
|
5/2/2009 2:51:41 AM
|
|
كلمة آآآآسف تغني او تسمن من جوع ...... موضوع نقاش
|
السلام عليكم
بالنسبه لرايي انا كلمة اسف تغني عندي من الجوع
لانها ترضي غروري
بس نصيحه اذا احد اجرحك وغاب عنك وبعدها رجع صك بابك في وجهه
لانه قوى قلبه علي الفرقا ومستعد يبعد عنك مره ثانيه وثالثه ورابعه لانه عرف انك انسان مسامح
ولو يحبك ويعزك ما يبعد عنك
وبالنسبه لي صار معاي هالموقف تركني وهو يدري بغلاته وبعدها رجع وقال اسف بعد ما حرق قلبي
ما قبلت اسفه وصكيت بابي ,,,, تركته انا وماحسيت باي ندم لاني تركته بسبب وهو لما تركني بدون سبب
اللي يسامح هالايام ينداس عليه وعلي مشاعره ويصير ارخيص عند الناس
دامه راح الله معاه ....ولا هلا ولا مرحبا برجعته
دور علي غيره حبيب لانه ماعاد هو لك حبيب
وربي ايصبرك وينور بصيرتك واسفه علي الايطاله
|
|
5/3/2009 12:00:01 AM
|
|
هل زواج النت مقبول عند الأهل
|
السلام عليكم
ترا الصج ماينزعل منه ؟؟؟
زواج النت مرفوض عند الاهل ومستحيل مستحيل انهم يقبلون فيه
هذا الواقع مامنه مهروب وموبس الاهل
حتي بعض الشباب بهالموقع رافضين زواج النت موبس الاهل
السالفه مو سالفه اجيال هذا واقعنا
|
|
5/26/2009 12:09:10 AM
|
|
ندمت على معرفة أحد الاشخاص ؟؟؟؟...... موضوع للنقاش
|
ما اجمل الاحساس بالنم
ولكن علي من اندم ؟؟؟ هذا هو السؤال
|
|
6/3/2009 2:09:04 AM
|
|
حالات الزواج عن طريق موقع خطبة
|
ياجماعه كفاكم تمثيل وكلام مافيه من الصدق شي
وربي مافي واحد صادق بموضوع الزواج بهالموقع
وانا اتحدا كل واحد موجود بهالموقع
من صدق كلامه
سمعة هالموقع خربتوها يالشباب انتم والبنات اللي داشين تسليه ولعب وبس
احنا موجهال احنا كبار وفاهمين بعض
وانعرف الصح من الغلط
وصاحب بالين كذاب
وانا ارد اتحدا كل الشباب اللي بالموقع من صدقهم بموضوع الزواج
والدليل كل اللي بالموقع يشتكون من بعض والخداع واللعب زايد عن حده
امنيتي اسمع ان احد تزوج من هالموقع او حتي توالفوا مع بعض امنيتي عشان جذي انا اتحداكم بصدق نواياكم
وجهة نظري وارجو احترامها
|
|
6/4/2009 2:17:48 AM
|
|
ليش نعطى البنت اكبر من حجمها؟؟؟
|
ياساتر يارب
كل هذا الحقد شايله بقلبك علي البنات
ليش تبي تغير مفاهيم الدستور الإلاهي ؟؟ المرأه ليست كالرجل في كل شي
الله خلق المرأه من ضلع الرجل يعني قطعه منه
اشلون ماتبيه يرحمها ويحبها ويعطف عليها ويدلعها ويرفع من قدرها
نحن النصف الاخر منكم ومنا امهاتكم وبناتكم وزوجاتكم وخواتكم
الله يهديك لا تسوي فتنه بين الشباب والبنات خلك بنفسك
ودع الخلق للخالق
|
|
6/4/2009 3:37:03 AM
|
|
كيف البحث عن زوجه
|
اشكرك يا اخوي العيدان وجزاك الله خير لدعائك لي
وعلي قولتك جميل ان تبتسم ودموعك علي وشك النهيار
|
|
6/5/2009 3:15:46 AM
|
|
ليش نعطى البنت اكبر من حجمها؟؟؟
|
انا اكن لك كل التقدير والاحترام والسالفه كلها راي لا اكثر
وبالاخير كلنا اخوان
|
|
1 2
|