|
صفحات
1 |
|---|
|
1/4/2009 10:19:57 PM
|
elazrq
Posts 7
|
![]()  كيف البحث عن من يناسبك في الموقع خاصه شريك تحاول العثور عليه اتكلم عن نفسي قرأة الكثير من التعليقات حول موضوع الثقه والصفات وشاركت بالردود ويمكن تطفلت وراسلت اكثر من وحده منهم من رد ومنهم من طل على البروفايل وماعجبهم لكن بكل الاحوال انا ماني زعلان بالعكس جدا مرتاح حاس انه فعلا في جديه ولا احد يعرف نصيبه وين اقولها بصراحه عشت حياة جدا عصيبه من ديون وهموم ومشاكل اكبر لكن بفضل المولى عز وجل كلها تجاوزتها وبديت من جديد ومادري بعد القدر شنو خاشلي لكن لكن هذي الحياه لكن بالنهايه وين الزوجه اللي تفهمك او الزوج اللي يفهم عقلية زوجته انا اعاني من زوجتي بشي ينقصها يمكن يكون العيب مني وانا ساكت عنه الله العالم لكن حاولت باللين والكلمه الطيبه حاولت بالشده لكن بالنهايه اجد اني قداكون ظالمها لانها امانه وقفت معاي بكل حياتي والظروف اللي مرت علي او يمكن العشره ماتهون علي احبها نعم تحبني نعم لكن في فارق كبير بطريقه التفكير اهي شرق انا غرب الكامل وجه الكريم لكن يبقى النقص والرجل يبحث سنه الحياه انا اعشق المراه بجمالها وانوثتها وادارتها لامور المنزل والحياة الزوجيه صريح لا الف ولا ادور يمكن اكثر اللي دشو من يشوفون قليل من شرب الكحول ينحاشون لكن لي فتره ماشرب ولا ابيه لكن هي رغبه مني مو شغلت ضعف النفس وما تشتهي جذي انا ماخذها لكن يبقى السؤال كيف البحث ادري طولت عليكم ويمكن الموضوع مانفهم لكن الله الموفق
|
|
1/19/2009 3:12:28 AM
|
Al3jayb
Posts 27
|
اخب العزيز انت انسان صريح وانا احترم فيك صراحتك واحترم فيك تقديرك لزوجتك وانك ماحطيت اللوم عليها وبريت ذمتك واعترفت انها اصبرت معاك بالايام السوده اللي انت عشت فيها ولله الحمد انها انقشحت..
لكن هل انت راضي عن نفسك وانت قاعد تبحث عن زوجه ثانيه الحين؟؟؟؟
هل هذا هو الجزاء اللي ناطرته زوجتك الصبوره منك؟؟؟
هل تعتقد انه في وحده تبي ترتبط بواحد يشرب ؟؟ حتي لو مره وحده بالشهر؟؟
اخي العزيز زوجتك دانه فحافظ عليها لاتكسر قلبها واتخيب املها واضيع صبرها معاك واترد طيبها بانك تتزوج عليها ..
انا صبرت علي زوجي بأشياء مافي وحده بالدنيا هذي كلها تصبر عليها تحملت شذوذه وطبعه الخايس واسلوبه الجارح واشياء كثيره مايجوز اني اقولها لاني حبيته وهو ماحبني ..قلت خلني اصبر لعل الايام الجايه اتحببه فيني مع العلم اني موناقصني اي شي انوثه وجمال ومال واصل وفصل وروح مرحه اسامح واصبر لان الصبر مفتاح الفرج ..تخيل بعد كل هذا اكتشف انه يبحث عن زوجه ثانيه وعذره ان وحدة ماتكفيه..وحط فيني عيوب الدنيا عشان يستعطف البنات ويرغبون فيه..
تدري شنو كانت ردت فعلي؟؟؟ تركته وعافته نفسي لان الحرمه تقبل عيوب زوجها كلها الا انه يتزوج عليها وهي اصلا ماقصرت معاه وضيعت عمرها وهي صابره عليه تنطر انه ايجازيها علي صبرها تقدير واحترام مو يتزوج عليها...
نصيحتي لك يا اخي العزيز حط ايدك علي الجرح وعالجه دامك معترف ابصبرها وحبها شالمانع انك انت بعد تحبها كل انسان فيه اعيوب حتي انت فيك اعيوب محد خالي حاول اتعالج هالعيوب اللي فيها مره واثنين وثلاث لاتيأس لادور بديل لانك ماراح اتلاقي نفسها ..
وانت انسان كبير موصغير عشان احد ايعلمك شوف وضعك الحين في اي وحده عطتك وجه اوكلمتك ؟؟؟ حتي لو كلك زين عيبك الشرب لايمكن احد يقبله الا اللي تشرب والعياذ بالله عشان جذي ارجع لزوجتك وحبها لاتضيعها من ايدك ..واسمحلي علي الاطاله يمكن كلامي مابعجبك بس وجهت نظري واتمنا انك تتقبلها واسال الله انه ينيرلك طريجك ويريح قلبك ...
اختك.. العجايب
|
|
1/30/2009 8:41:40 PM
|
wo1978ow
Posts 2
|
استاذي عجبني فيك صراحتك الى الكثير منا يفقدها
اتمنى لك التوفيق
|
|
1/30/2009 10:51:14 PM
|
aleidan75
Posts 148
|
اخوي الازرق الواضح من طرحك انك انسان واعي جدا وتملك ضمير يشاركك آرائك اسمعها من اخوك لا تضيع بنت الحلال اللي عاشت معاك دنياك
اصبر عليها ومأجور وابدأ معاها خطوة يديدة نور بصيرتها بالذوق والتعامل الراقي ترى المرأة متى ما كانت طيوبه وحبوبه وسهلة العشرة سهل جدا انك
تجاريها وتنزل لمستواها وترتفع معاها ، وربي يوفقكم جميعا .
وردج اختي عجائب جدا جميل وانشاء الله اخونا الازرق ياخذ برأينا وانتي الله يكون بعونج على ما تحملتيه من اسيه وعوار قلب والله يعوضج بانسان يقدرج
ويقدر العشرة ويحافظ عليج ويحفظج بعيونه .
اتمنى التوفيق للجميع .
العيدان
جميل ان تبتسم ودموعك على وشك الانهيار
|
|
1/31/2009 5:24:11 PM
|
TALAL_4488
Posts 362
|
اخوي الله يعطيك العافيه ويلهمك الصبر
ومابي ازيد على كلام اخوي العيدان اصبر والصبر مفتاح الفرج
|
|
2/4/2009 11:09:57 AM
|
meme83
Posts 70
|
السلام عليكم
اولا اشكرك اخوي على صراحتك و قليل اللي يتمتعون بهالقدر من الصراحه حتى لو كانت سلبيه و هذا يدل على انك انسان عاقل .
انا رايي من راي اللي ردوا على هالموضوع قبلي ، انت بنفسك اعترفت ان زوجتك مومقصره معاك و وقفت معاك بأيامك السودة لدرجه انها رضت فيك وانت تشرب حتى لو كان (قليل من الكحول) لان هذا مسكر و حرام حتى لو كان قطره رب العالمين مايرضى فيه فمابالك بالبشر! وانت الحين تقول ان ايامك هذي عدت والحمدلله و اكيد هالشي ماصار الا توفيق من رب العالمين ثم وقفه زوجتك معاك و الحين تبي تجازيها بانك تدور زوجه ثانيه بس لمجرد عذر انها ماتناسبك بالتفكير ؟!! خاف ربك يا ريال ! حاول انك تتكلم معاها و تحاورها بكل جديه و حاولوا تردون شعله الحب او المودة اللي بينكم عشان بيتك و عيالك و اذا كلش كلش مافاد عالاقل تزوج الثانيه برضى زوجتك مو من وراها !.
وشكرا
|
|
6/4/2009 3:37:03 AM
|
Al3jayb
Posts 27
|
اشكرك يا اخوي العيدان وجزاك الله خير لدعائك لي
وعلي قولتك جميل ان تبتسم ودموعك علي وشك النهيار
|
|
6/24/2009 12:50:47 PM
|
messenger
Posts 79
|
يا عمي اشتبون بهالسوالف يا شباب
( بعد اذن الادارة و صاحب الموضوع و البنات )
شوفوا هالخبر
بدون زعل او ضيق من احد
-------------------------------
بعد مروور سنوات من المباحثات التي جرت ..
تم فتح باب إستقدام الخدامات من أوروبا ..
روسيا - بلغاريا – أوكرانيا
إذا دخلت البيوت مثل هذه النوع من الخدامات ..
اكيد راح نسمع بجنون النسوان وزيادة العنووسه في الدول الخليجيه .. طبيعي لو جت الشغاله بيرووح عليها زووجها ..
( طبعا الصور اللي حاطينها للمتقدمات شي يطير غطى الجمجمة و يكرهنا بعقد زواجنا !! .. و من زود الطلبات يقول لك ماكو كتالوجات بصور الشغالات .. لا هذاك حق اللي قبل الجياكر ، الحين اكو مجلدات بصندقجات بالعراقي ماكو يقول لك علشان تشوف بس تاخذ موعد .. اللي بين القوسين من عندي مو تابع للخبر .. )
يا ويلكم يا النسوان
ولا ننسى السيلانيات والحبشيات ..
أوول ماسمعووا بالخبر المساكين .. طارت عقوولهم ..
توقعووا وش اللي بيصيير من ردوود الفعل ....
اظن يا شباب 500 او 600 دينار على شغالة من مكاتب الخدم الحين صارت فدوة .. و ثنتين بدال الوحدة اللي كنا متثاقلينها قبل ... و الا ايه
الى الامارات للامام سر ... تعيش الامارات و الفال للدول الباجية ... بطيئة التعلم
هذا خبر صجي مو تأليف .. الله يا شركات الوقود بتفلس .. الشباب بيبطلون قز.. اللي عنده اسهم بشركة وقود يبيعها بسرعه
و شركات التلفونات راح تشتغل على ان يلغون هالقرار لان التلفونات مالت الرياييل كل مسكرة و ماكو ايرادات منهم
الله يا ثقافة الرياييل بتتعدل و الواحد منهم راح يتعلم اربع لغات غير لغته الام
و بيطالبون بتخفيض ساعات العمل .. لانهم يقولون 7 ساعات دوام وايد جنهم يداومون اصلا .. و النقابات بيصير لها اهمية علشان تضغط لتحقيق هالموضوع
النساء يقول لك بينامون عند العضوات الاربع علشان يضيفون عمليات التجميل على لائحة العلاج بالخارج
الله يجيب اللي فيه الخير للرجال ...... ثم النساء
|
|
6/26/2009 7:15:19 PM
|
cute.gurl
Posts 6
|
السلام عليكم ...أخوي الكريم كن مع الله وأشجعك على صراحتك بس ديربالك على زوجتك وقفت معاك بالضراء واكيد يمك بالسراء استهدي بالله والله يكتبلك فيه الخير
وانا مع الرد الرائع مع الاخ الكريم "العيدان وتقبلوا مرورري بفائق الاحترام
|
|
صفحات
1 |
|---|