white.heart
Posts 37
|
وين الكلام اللي انا وإنت قلناه *** وين الوعود اللي سمعنا صداها
ياكم حلم في رجاها زرعناه *** في تربة ما ينعش الزرع ماها
مامر من عمر الزمن ماحسبناه *** تضحكلنا الدنيا ونضحك معاها
لكن سحاب أحلامنا شح في ماه *** وقلوبنا تطر سراب ضماها
طال الطريق وليتنا مامشيناه ***ونفوسنا قام يتبيح خفاها
ماشوف أنا شئ أنا وانت طلناه***أحلامنا قام يتهدم بناها
دار الزمان وكل شئ خسرناه *** من هالوعود اللي ضباب كساها
إذا الكلام اللي تقوله تناساه *** قلبي وعودك كلها مانساها
قلت إنتقاسم همنا بالمساواه *** حتى محبتنا نحقق مناها
واليوم ترميني بنار المعاناه *** وحيد تحرق ضامري في سناها
يامشكلة قلبي وياكبر بلواه *** ماتت أماني عايش في رجاها
الهم قام يتل قلبي من أقصاه *** في ناظري دنياي ظلم سماها
الحب هذا ليتنا ماعرفناه *** اللي نهاياته كثير بلاها
ياغايتي ويلك من الله ويلاه *** روحي بحب يحسن الله عزاها
|