Khitba.com

صفحات 1 2 3 4 5 6 7 8 9 10 11 12
	7/1/2010 9:09:13 PM
zarkovic Posts 54	أيد كلام الأخ تاييب و أحب أعقب بعد يا شباب خير النساء الودود الولود خل هذا مقياسك للبنت الي تبي تتزوجها و بما أن صفه الولود بعلم الغيب اكتفي بالودود بس على فكره ما راح تعرف انه ودود بالانترنت لازم تشوفها و تقعد معاها (في بيت أبوها و مو بالأفنيوز ) بس علشان ترتاح بهالموقع أكشت بالشكايه أم أفلام هنديه و الشكاكه و الذمامه و المتذمره دائما هذي حط عليها اكس عود هذي قبل الزواج و المسؤوليه جذي بعد الزواج شتسوي و عساك عالقوه يا عم تاييب
	7/2/2010 12:45:16 AM
TALAL_4488 Posts 362	ذكرو ربكم اشفيكم واحد شاب على الثاني هالموقع فيه الزين وفيه الشين مو كل من دخل الموقع ناوي يتزوج بعضهم داخل يرقم ويتعرف ومو كل وحده دخلت هالموقع هم قالت بتزوج بعضهم داخلين لمجرد الفضول والمكتوب ينقرا من عنوانه
	7/2/2010 2:14:05 AM
zarkovic Posts 54	كلامك على العين والراس يا أخ طلال ولكن في مواضيع ما تتحمل الغشمره و لا الضحك و هذي قضيه زواج هالبنات أعراضنا و أنسابنا و هم بحاله يأس لعدم الجديه من الشباب و استغلال هذا الموقع و استغلال حاجه بنت و المشكله ان البنت هي الطرف الأضعف بسالفه الزواج ( الزواج طموحها و هم لازم تنطر نصيبها ) وهذا جهاد البنت بس لما تمشي بالطريج السليم و الخطوات الصحيحه و الشين خرب على الزين لو كان في بنت وحده بس صادقه بمسأله الزواج و شاب واحد بس صادق يبي الزواج الموقع لازم يطرد الكل و يخلي هالأثنين و الا موقعكم هذا ما فيه مصداقيه أما بالنسبه للي داش فضول او لعب كيفه و هذي حريه الجميع يدش و يشوف بس مو كيفه و لا كيفها تمس و تعبث بمقدساتنا أولا وهو الزواج و احساس بناتنا الي لقو طريق يسعون فيه للزواج بالالفيه الثانيه هذا ثانيا أما ثالثا هو أنا و انت و غيرنا من الشباب الي قاعد نشوف هالعفيفات المنقذ لنا من الحرام و بعد في غيرنا ما يعرفون عن الموقع و لا يعرفون شي عن الانترنت اساسا راح ندليهم عالموقع لأنا نحبهم و نبي لهم الخير بس بحاله وحده اذا تاكدت ان هذي الي بدليها أو بدليه الموقع راح يكون في مكان امين edited by zarkovic on 7/2/2010
	7/2/2010 12:10:45 PM
Meeem Posts 22	اكيد فيه الزين وفيه الشين .. بس الشر يعم والخير يخص ... اللي اشوفهم جادين اغلبهم اعمارهم آخر الثلاثينات وبالاربعينات .. بس هم للاسف اغلبهم متزوجين او عندهم عيال .. ومو عيب هالشي بس على حسب ظروف البنت هل توافق يكون عندها شريكه .. او هل توافق تاخذ واحد عنده عيال .. او هل اهلها بيوافقون وماراح يردون الرجال .. يعني كله يعتمد .. والبنت ابخص بهالشي انا عرفت واحد زين .. بس يمكن ماصار بينا تفاهم .. اهو انهى العلاقه وقال مانصلح لبعض .. وانا مو زعلانه بالعكس اللي اوله شرط آخره نور .. ويعجبني الصريح بالبدايه .. بس قلنا واحد من بين 100 واحد حسيتهم مو جادين .. يبون يحبون .. بالله واذا ماصار حب شسوي ؟؟ الحب ترى مو بالترقيم والطلعات والا انا غلطانه ؟
	7/2/2010 4:44:08 PM
TALAL_4488 Posts 362	كلامكم على عيني وراسي انا صارلي بالضبط بالموقع من زمان والله والله والله اللي شفتها جاده وحده اكبر مني بالثلاثين وراضيه فيني بس للامانه الاصل اهو اللي صار مشكله بيننا قالت المشكله الاصل ياطلال اهلي والقبيله اللي انا منها مو كل واحد نزوجه لازم يكون رشيدي او عازمي او صلبي قلت لها هذا حقج وكل واحد يعتز بصله وقبيلته والباجي ما شفت منهم شي لا خير ولالا شر وبالنسبه للشباب انا بصراحه مع البنات ما الومهم والله شفت اشياء مايعلم فيها غير الله لعب ومصخره وجذب على بنات الناس وفعلن موقع ترقيم وتعارف صار عند الشباب والبعض منهم جادين واللي اهم كبار بالعمر بس عندهم طلبات لوول حدها شي والباجي الله اعلم ونلتفت اشوي للنسااااء وما ادراك ما النساء ابي زواج مؤقت ابي زواج عرفي ابي زواج متعه شنو يدريج انه مايكون فيه مرض معدي يعني تبين قبل لا تتزوجينه متعه او عرفي او مؤقت بتقولين له روح سو فحص اهو ما راح يسوي لان من اولها الزواج جذي ما راح يستمر مجرد تسليه اهو زواج متعه لا فحص ولا بطيخ بالاخير انتي خساره والامراض المعديه كثرة بالوقت الحاضر ابي افهم مستعده تخسرين الدنيا ورضا الله عشان مجرد غريزه بجسم الانسان (( انتو فاهمين )) وحده تقولي ابيك تتزوجني بس بشرط زواج علني جدام الكل بس (( ابيه يكون حبر على ورق )) يعني مالك شغل فيني ولا لي شغل فيك تخليني اخذ راحتي وجدام الناس نكون متزوجين على سنه الله ورسوله ولا رحت للبيت ولا كانه صاير شي امانه اشرايكم بالموقف هذا موقف صج صج صج حلو وجميل وبالاول والاخير صدقوني مساله قسمه نصيب edited by TALAL_4488 on 7/3/2010 edited by TALAL_4488 on 7/3/2010
	7/3/2010 10:13:32 PM
Meeem Posts 22	كله بكوووم واللي تبيك حبر على ورق بكوم ثاني هذي من صجها ؟؟؟ لهالدرجه وصلنا للمستوى هذا ؟؟؟؟
	7/4/2010 5:27:42 AM
TALAL_4488 Posts 362	اي والله اشفيج ابيك تجي وتخطبني جدام اهلي ونتزوج بس حبر على ورق تصدقين لليوم هذا ماسألتها ليش تبين جذي واكو افكار وايد براسي توديني وتجيبني ليش وليش وليش ويمكن ويمكن بالاخير رديت عليها بكلمه (( الله يستر عليج وايقاف )) لان عندي خوات واهل اخاف عليهم يااااعبدي كما تدين تدان وحطيتها ضمن ايقاف المرسل ما احب عوار الراس اللي فيني مكفيني من هموم ومشاكل
	7/15/2010 2:30:05 AM
mathgirl Posts 16	بَصراحه مَوقع مافَيه أي درجة مِنْ الْمصداقيه أقرأ البروفايلات وأَستغرب وين عايَشين .........؟ واحد يَبي حَياه أَمريكية والثاني عَرفي والْثالث مُتعه وأَشياء غريبه عَجيبه شنو هذا ..أَحنا ب الْكويت ولا وين وغير الْمواقف الي قَريتها مِنْ الأَخوه والأَخوات شنو هذا ل هذي الْدرجة ماكو قَيم وأَخلاق حتى الْبنات شدعوة ماكو خَوف ولا إِحترام ل عَمرجِ : الْبروفايل مالي واضح أَني داشه فضول ومَع هذا الْرسايل كَلها غايات سَيئِة ب معنى الْموقع وسيلة مبسطة ل أَمورِ الْغَزل والْتضبيط وأَغلبهم يَعترفون ب الْرسايل أَنهم جذي وربي شيء يَحز بالخاطر لا ضَمير ولا ذمه كأَنهم مايَدرون أَنه الْدنيا سَلف ودين : ماقول أَلا الله يَستر عَلينا جَميعاً
	7/16/2010 12:51:27 AM
TALAL_4488 Posts 362	الله يعين وانا اخوج كل شي موجود بالموقع لا تستغربين شي مغازل وترقيم وجذب وكل اللي تبينه وترى في بعضهم صادقين بالزواج بس الخير يخص والشر يعم
	7/17/2010 10:52:24 AM
zarkovic Posts 54	بعد ما قلتوا الي عندهم بقول الي عندي هذا الموقع أصدق موقع فتح مجال للمرأه تسعى بالبحث عن شريك حياتها بطريقه تحفظ ماء وجهها و قامت النساء بالانتظار فهي تريد السلطة و الحريه و العزه و العناد و كل الاربع تساوي العنوسه أما وقد أعزف الشباب عن الزواج لأنهم لا يرغبون بالتنازل و أصروا على هذا المبدأ فأنا أطلب من الشباب عدم خطبتهن و تركهن هم يخطبوكم و هكذا نعرف الجاد و كل واحد و نصيبه
	7/22/2010 4:45:48 AM
kaled1976 Posts 2	اول مره اكتب في منتدي وسبحان الله يطلع اول منتدي هو منتدي خطبه وادري اني ماراح يصيرلي نصيب بالموقع لا كن دخلت عشاني متفرغ وثاني شئ عشان ارضي نفسي باني حاولت واقول الي كل الموجودين مو بالضروره انه يكون الزواج هو السعاده يمكن الوضع الي انتم فيه افضل بمليون مره من الي ادورون عليه وعسي الله يحفضكم من كل شر
	8/26/2010 2:28:10 PM
Meeem Posts 22	بدون زعل انا غسلت ايدي بكلوركس من هالموقع بحصل زوج من الموقع بحاله وحده بس لي حجت البقر على قرونها كلهم اهنيه يبون تعارف وعلاقات والبنت ترى سمعععععععععه اي شي يضرها بسرعه لا كله بكوم والاخ اللي لما وثقت فيه قام يهدد استغفر الله بس قطيت فكرة الزواج ورا الشمس بعد خلاص ماراح ادور على شريك حياتي اللي يبيني اهو اللي يجيني لي باب البيت بدون حتى شسمج ولا جم عمرج هذي تجربتي اللي مادري شقول شررررقع فيها شر البليه مايضحك مادري اضحك ولا ابجي صج ماعنده صور وشغلات عشان يهدد فيها يعني ماكو دليل غير رقم التليفون حتى مسجات ماكو اصلا ما اخذنا وعطينا مع بعض بالحجي كانت البدايه عقب ماتعرفنا على بعض عدل بالموقع تكلمنا بالتليفون عشان نتفاهم بالتفاصيل بس اكتشفت ان الاخ زعول وعصبي وجنه فيه انفصام بالشخصيه مو صاحي ولما حبيت اطلع بالمعروف مثل مادشينا بالمعروف قام يهدد وطلع اسمي الكاامل وطرشه لي مسج يعني ترى عندي دليل ضج الحمدلله الله لطف وستر هالمره وهذي اخرة تعارف البنت على شاب الثقه انعدمت عندي بالشباب وتوبه ماعاد اعطي احد اي معلومه شخصيه عني لا اسمي ولا اي شي نهائيا وخلاص عووووع من هالتعارف والموقع اللي صار كله نصابين وبنات محتالات امحق موقع زواج اعتبروا من قصتي
	8/26/2010 3:45:43 PM
layaly1974 Posts 13	اي والله من أولها جذي يطلب5000 أنا اصلا مايعجبني الريال الي تصرف عليه مره يعني صحيح الحياة مشاركة بس مو من البداية مو لما تعرف أصله ومعدنه عدل تتعاون معاه وتتعاون مو معناه كل شي عليها.. وع على هالنوعية..الله يرزقني بواحد محترم ويرزقكم بعد... وبعدين انا مادري ليش تسمحون للتعارف يوصل لهالمدى؟؟؟؟ انا ما أسمح غير بمقابلة وحده والثانية تكون في بيت أهلي.. وحتى ما أرضى أعطي رقم تلفوني الا ليما الملجة......... ليش يا بنات هالتساهل؟؟؟؟؟؟؟؟؟مو لهالدرجة...!!!!!!!!!!! الله يسخرلكم عيال الحلال .. يارب..
	8/26/2010 4:04:16 PM
layaly1974 Posts 13	انا ضافني بقائمة الاهتمام هندي..
	8/26/2010 6:42:17 PM
asmarany_kakawy Posts 1	السلام عليكم ورحمة الله وبركاته .. انا يمكن ما قريت المواضيع كامله كلها مجرد رؤوس اقلام . بس انا عندي نصيحه لك بنت واتمنى انها توصل بالشكل الصحيح الحب مو ممنوع لك شخص رجل او بنت ويمكن الانسان ما يقدر يقعد بلا حب ممكن يوقف مؤقت بس ان يلغيه صعب بس اولا شي يا بنت ( فكري بعقلانيه قبل لا تفكرين انج تشغلين قلبج بالتفكير بحبيب او عشيق ) يمكن من القصص الي انقالت فيض من غيض وبره النت اكثر واكثر واكثر الاصابع ماهي سوى ولا هم بطول واحد البشر جذي مختلفين والاختلاف بالاخلاق انا اقول ممكن ان البنت عطت مجال للشاب ان يسوي جذي ويتمادى بكل الي يسوي فيها بس اهي ما تستاهل لانها سلمت القلب قبل العقل للشخص الي شافته بقلبها ان كفو واسمحولي يا شباب ليش تلعبون ليش ما تصيرون صادقين بكل كلمه تقولونها انتو ما خليتو شي للباجي يعني الواحد اذا بيتزوج ويدش موقع يدور على شريكه حياته ما راح يلاقي بسبب سوالفكم الي ما تخلص يعني الاخت الي ادش ادور على شريك حياتها وتنصدم بشخص جذاب ولعوب اعتقد بتكره صنف الشباب كله مع ان في شباب صادقين بكلامهم ربكم يمهل ولا يهمل اذا تبون اجذبون بتحصلون الي يجذب عليكم ويكسر راسكم وينزل خشمكم الارض مهما كنت قوي وما قوي الا الله العظيم بس بالاخير اتمنى ان كل بنت تفكر بالعقل لا تلغي العقل ولا تكثرون ضحايا الشباب الي ما عندهم مصداقيه ولا في عندهم ذرة ذمته ممكن كلامي ما يعجب الكل ولا يحبه صنف الشباب بس ما تصمم الموقع الا للمصاقيه والامور الجاده اتمنى من رب العالمين ان يكون كلامي خفيف حتى على الي مو عاجبه كلامه ما اقول له طق راسك بالطوفه بالعكس بقول له اذكر الله وراع نفسك بغيرك من البشر لانك مو تخرب البنت انت تخرب على غيرك من الشباب انهم ما يحصلون شريك حياته سواء بالموقع او بره الموقع واسف على الاطاله بس الصراحه الامانه تحتم علي اني اتكلم واقول عن الموضوع وربي يحفظ الكل من كل مكرووه
	8/28/2010 2:46:44 AM
TALAL_4488 Posts 362	مبارك عليكم باجي الشهر Meeem_ الله يعينج على هالسالفه وربي لو انه رجال جان ما سوا هالشي ومثل ما تكرمتي دخلنه بالمعروف نطللع بالمعروف ومثل هالنوعيه منتشره عندنه بشكل كبير انا وهو طريقة التهديد هذا اشلون لو انه يعرف عنج كل شي جان سوا سوالف بس الله فكج منه وديري بالج بعد هالمره وترى ومو كل مره تسلم الجره ======================================================== layaly1974_ حبيت اعلق بس ماعرفت الغمنده اللي فهمته 5000 ويبي مره تصرف عليه بس سالفه الهندي هاذي شي هههههههههه بعدين يمكن انه المسكين حامل اقصد معوق ومايقدر يشتغل ويبي مره تصرف عليه عالعموم بارك الله فيج على هالدعوه يستاهلون خواتنا عسى الله يسخر لهم الرجال الصالح ======================================================== asmarany_kakawy_ قالوها من قبل الخير يخص والشر يعم ونادر وجود اللي يتزوج اغلبهم يبي تعارف وترقيم وخرابيط تبي هالسوالف سافر بره الديره وتلاقي هالنوعيه ومحشومين انتو هم موجودين هالنوعيه بمجتمعنا وبالنسبه للرقم شنو تسوي مسكينه تبي الستر ومو عيب هالشي بس العيب منهم غلطته انها وثقة فيه واهو بدوره استغل هالشي وصار يهددها بس مقيوله من قبل يعطيك من اللسان حلاوتن ويروغ بك كما يروغ الثعلبو وجزاج الله خير عى هالكلام edited by TALAL_4488 on 8/28/2010
	8/30/2010 11:43:17 AM
layaly1974 Posts 13	السلام عليكم.... انا لأني مو عارفة أقتبس ..سالفة ال 5000 وحده كاتبة عنها في الصفحة الأولى انها تعرفت على شخص عن طريق الموقع وأخذ منها 5000 د.ك لأنه طايح بمشكلة وبعدين اختفى.. انا استغربت يعني هذا موقع زواج مو تعارف وصداقات وحب وخرابيط المفروض الهدف سامي وواضح .. المفروض محد يسمح بتطور التعارف لهدف ثاني غير الزواج عشان محد يستغل أحد .. وما يتحول التعارف لاستغلال.. وبصراحة صايرة موضة الشباب يتعرفون عشان الوحده تصرف عليهمشباب اخر زمنوين جيل قبل
	8/31/2010 1:34:37 AM
TALAL_4488 Posts 362	هههههههه وين جيل اول رااح هالجيل وجاء جيل النيدو اللي يقرا كلامي يقول كلش مو من عيال النيدو اي مسكينه اهي يالله تعتبرهم صدقه او زكاه والله ما يطق بعصا شوفي وين بيلقاها
	10/2/2010 3:37:32 AM
balsm Posts 3	السلام عليكم ورحمة الله زين الي صار فيه منتدى نقدر نتحاور فيه وننصح بعض انا بعد حصلي موقف وابيكم نقرونه وتتعضون منه انا اول مادخلت الموقع علا بالي نفس الخاطبة بس اكتشفت انه غير بعدين تاقلمت مع الوضع تعرفت علا واحد قالي انه كويتي وانه ولد عيلة وعندة خير كالعادة كلهم اغنياء وكلهم مهندسين وكلهم ماجستير هذا اللي اكتشفته وطبعا قال انه مطلق اللي حصل كنت اول مرة اتعرف علا شاب اطلاقا وهو عرف من اسلوبيب اننني غشيمة وخبلة وينقص علي سالني عن وظيفتي وجم مرتبي ووين اشتغل بكل هبل وبراءة قلت له تصدقون كانت ايام المخيمات قالي تعالي نروح المخيم وهو يدري انني برفض المهم عرف انه مالي في الطلعات والمواعد قرر انه يستفيد منني قالي بعد عمري انا في ورطة انا مشتري مرسى فالنادي البحري ب20الف دينار والاشتراك السنوي مالة لازم يندفع وان مادفعته سحبوه منيي تكفى ربعي عيال شيوخ وعيال حمايل فشله اطلب منهم بعدين اطيح من عينهم كسر خاطري وهو طبعا واعدني بالزواج فعرضت علية المبلغ 2000دينار اللي قاله فقال لا كرامتي ماتسمح لي وحلفت عليه ولزمت اذا ماخذيته بزعل منك وهو مايقدر علا زعلي ووعدني يرجعهم علا الراتب وهذا من سنة 2008وهذا وجه الضيف نصب علي واخذ فلوسي طارت الفلوس وطار المعرس وانهزت ثقتي بالرجال وبالموقع وحتى بنفسي لغيت اشتراكي من الموقع طبعا سنتين طبعا اهوا متاكد انني ماقدر اطالبه ولا اقول حق اهلي ولا حتى للمخفر شقولهم سواد جهي خخخخخخخخ المهم مرة من المرات قالي انه تعبان ويبي دواء قلت له روح اقرب مستوصف قال لا انتي عالجيني ولا وصي الدكاترة علي قلت له انت كويتي روح للمستوصف مو محتاج واسطة ولا تدفع فلوس قاللي لا انا بدون هذي صدمممممة ثانية المهم في الفلوس ولا فالنفوس الحمد لله اللي جت علا جذيه وبس
	10/2/2010 10:17:06 PM
TALAL_4488 Posts 362	عندنا والعود احمدو مع مشكله من مشاكل خواتنا بصراحه لا تعليق شنو هالسالفه من صجج انتي يالله كل قرصه بتعلومه عشان مره ثانيه تفتحين عقلج عدل ومو كل من قالج انا احبج اهو يحبج وانتي للدرجه هاذي ماعندج عقل فكري فيها غني وعنده مرسى على قولته واخر شي يبي سلف وين قاعدين خل يسحبون المرسى او روح تسلف من ربعك الحثاله لان اللي يسوي جذي مع احترامي الشديد للكل حثل والله قهرتيني هالنوعيه ربج ماراح يوفقه اخر شي اعترف انه بدون ليش الجذب شلي حادك عالجذب ( انا عن نفسي الحمدلله كل بياناتي صحيحه واقدر اققول اني كويتي وطيار الــخ ) بس مع الايام بتنكشف جذباتي واخسر الانسانه اللي جذبت عليها فا قول الصراحه من الاول ما فيها اي عيب انا من سنه 2008 شهر 1 موجود بالوقع والله عمري ما جذب بشي الحمدلله ولا ضحكت على بنات الناس لان كل من يرا الناس بعين طبعه النصاب يشوفهم نصابين الخ عندي 3 خوات وكلهم صغار واخاف عليهم وبالعكس عندي اسلوب اقدر اخدع اللي ابيها فيه بس من الله ما احب هالسالفه والنصب ماشي بالموقع ليش لان البنت المفروض تتزوج بسنه 19 لي 28 وبهد ال28 بيطوفها القطار وبتوصل لمرحلة اللي تتسمى عااانس فا تبي اي شخص يتقدم لها كل هدفها الستر ( بعد الله ما يامر بالنصيب ) وبعض الشباب مستغلين هالشي وماشيه الامور معاهم الله يوفقج يارب وديري بالج وانا اخوج مو كل مره تسلم الجره
صفحات 1 2 3 4 5 6 7 8 9 10 11 12

|