zarkovic - جميع رسائل المستخدم
6/8/2010 9:14:39 PM
من كل حرف حكمة . أنا عندي كلام مو حكمه بس مجرد خاطره تطري على بالي وايد

كثير ما أسأل نفسي (ربي أعطى المرأه حرمه ليش المرأه ما تبيها و تدوس على الحرمه و تمشي و لي صار ما صار تقعد تصرخ و تنادي أنا حرمه ليش يسون فيني جذي الي ما يخافون
ربهم )
السؤال الي محيرني هو منو الي ما يخافون ربهم الي كشت بالحرمه و الا الي تعدى على الحرمه الغير موجوده

كرجل أجاوب نفسي و أقول اذا اهي ما خافت و لا أحترمت حرمتها و قدسيتها تبي الناس تحافظ لها على حرمتها

ضعف الانسان عجيب سبحان الله
6/8/2010 9:21:54 PM
ماهو الاحترام .. ومن هوالشخص المحترم ؟؟؟ الاحترام بنظري له معاني كثيره و كلها تندرج تحت مكارم الاخلاق

بس شيء ايسر يفسر لي مكارم الاخلاق

(المؤمن الناس منه براحه و هو منهم بتعب) أمير المؤمنين علي ابن أبي طالب عليه السلام

و هم عنه عليه السلام قال ( أعرف الحق تعرف أصحابه )

كلنا نعرف الحق بس م ا نسوي
6/8/2010 9:30:16 PM
اتحدا الشباب والبنات بالاجابه على اسئلتي بصراحه :) أول شي في حب ؟

منو مستعد يبتسم بوجه زوجته و هي تزفه ؟

منو مستعد ينام راضي على زوجته و هي حاقرته ؟

منو مستعده تتحمل الحاح الزوج و هي عندها أولويات أهم منه

تبي تشوف و ين الحب شوف منو أعظم منك قدر و أعلى منك مكانه و مو محتاجك بشي و حاجتك عنده و لكن رغم أسائتك ما يحرمك من حاجتك
6/9/2010 12:43:44 PM
الفراغ شيء الكل مستغني عنك و انت لا تحب السلطه و لا الترأس سيحل الفراغ الذي اسميه و الله اعلم الفؤاد الفارغ

من يستغل هذا الفؤاد الفارغ؟

الشيطان أعوذ بالله من الشيطان فهو يطالبك بالمعصيه

و أعانه على ذلك النفس الاماره بالسوء و قله الناصرين

ماذا يريد الشيطان من الفارغ ؟

اليأس و العياذ بالله

و مالحل ؟

لا أعلم و لكن أعتقد و الله أعلم الحل بالتعاون على البر و التقوى

فنحن اليوم بامس الحاجه بأن نعرف من نحن

ما دورنا ؟

فوجدت في أعماق نفسي حب المشاركه

أحب أن أعطي و آخذ

لا أحب ان اعطي بدون مقابل

و لا أحب أن اخذ دون أعطي

و لكن أعطي ماذا و أخذ ماذا ؟

الان لنعود الى الشيطان ماذا يزرع بالفارغ اذا كان هاربا من العصيان

حب الكلام نعم حب الثرثره

1- الغيبه

2- النميمه

3-الكذب

4-المدح السلبي

5-الذم بدون سبب

6-النقد لمجرد الاستمتاع (تكسير مجاديف)

7-الشتم

8-قول الزور

10-التودد و المغازله بالحرام

كل هذا يمحى بالمشاركه و أفضل الشراكه هي الزواج

قال نبينا صلى الله عليه و آله من تزوج فقد أحرز نصف دينه فاليتقي الله بالنصف الاخر

هل ترون ان الهدف مجرد اشباع لذه ؟

بل هو اعظم من مجرد اشباع اللذه

اذا كان العزوف عن الزواج يسبب تفشي الفساد الغريزي و الفحش فماذا لو كان مصحوبا بالفراغ و ترتباته المذكوره و ترتبات ترتباته

النتيجه تعم الفوضى
6/11/2010 4:56:05 PM
تسويف التوبه السلام عليكم و رحمه الله و بركاته

الدين الاسلامي العظيم

شفيه ؟

ما ترك لنا عذر

شلون ؟

عطانا كل شي بالحلال

ما فهمنا وضح أكثر بس بدون فلسفه زايده بلييز

ما أقدر لازم اتفلفسف علشان يقولون عني فاهم ماعلينا

الرغبه و الحاجه هل زرع فيك الخالق عز وجل الرغبه و الحاجه و انزل لك دين يمنعك من هالرغبه و الحاجه ؟

خل نجاب على هالسؤال بالتدريج

1- شنو الشهوات و الغرائز الموجوده بالادمي (الاكل و الشرب . حب المال , حب الكشخه , النكاح , حب التطوير ) و احنا نسوي كل هذول علشان نرضي انفسنا (حب الذات)

وين الي احنا ممنوعين منه؟

ماكو كله مشروع للانسان

عيل ليش العصيان اويلاه عليكم بس ؟

قال تعالى (ونفس و ما سواها فألهمها فجورها و تقواها قد افلح من زكاها و قد خاب من دساها ) صدق الله العلي العظيم

زكاها يعني ماسوي الي نفسي تشتهيه ؟

كككككككككك و من قال جذي يا حظي زكاها يعني بالحلال و كل واحد لازم يرضى برزقه

شاء الله عز شأنه ان يجعل المسبب في خلق الانسان هو الانسان نفسه فلهذا حب الشهوه ضروري علشان يكون دافع للانسان علشان يتزوج

بالله أنا بشتغل و اتعب و اتحمل قرقه و حنه و مصاريف و دوخه و تعال و روح و سو و لا تسوي بدون دافع ؟

و هالمسكينه تقعد من الصبح تسوي الريوق و تزهب الملابس و سكتي و ذلفي و ما عندج سالفه بلاش ؟

لا في دافع و لكن لكل واحد منه دوافعه الخاصه

المهم خل ندش بالموضوع الرئيسي وهو تسويف التوبه

ماذا يعني تسويف ؟

تسويف جايه من كلمه سوف يعني راح يعني بعدين أتوب

شلون يعني ؟

يعني انا توني صغيرون استانس 20 سنه قبل الاربعين اتوب

شنو حكمه تسويف التوبه ؟

من كبائر الذنوب

و العمل شنو ؟

شنو بعد باب التوبه مفتوح شناطر


السرقه تصير عمل و كد بالحلال

العقوق يصير بر

و الزنا يصير زواج

استماع الغناء يصير استماع القرآن

الحقد و الغل يصير حب و رحمه

الى آخره كل هذه تقدمه التوبه

و التوبه لازم نصوح مو تتوب من شي و تقول ما أقدر اهد الشي الثاني

و التوبه جعلت للانسان حتى لا يقنط من رحمه الله

و لكن دير بالك تخلط الامور عندك رجاء رحمه الله مو يعني تنطر المغفره و انت بالعصيان

لا تغرنكم الحياة الدنيا و لا يغرنكم بالله الغرور

و نسأل الله الرحمه و المغفره

اللهم صلي على محمد و على آل محمد
edited by zarkovic on 6/12/2010
6/12/2010 3:08:55 PM
The True Love Greeting

everybody........

What are you thinking about love quality ?

To be desirable for someone wants you ?

or want someone accept your faults with content heart

If so , you can stay with your mom she only one can give you that .

wanna know my vision ? read this talks

-you made me loving you

-you making me hate you

-ill do that because you want me do but i dont want ( is that : mean i forced myself because i loving you OMG )

-your confusing me I dont know what i must doing for you to be happy ( is she waitng me to pleasing myself Shut It )

so i made all this for her but what she did to me ?

is she lie ?

in her heart somrthing more better ? or she just say what inside her heart

always all ladies wanna love but wanna me creating that love shes just ready to obey

is that true love we are waiting for ? you are waiting some guy come to build your own love ? or you wanna a thin woman making you loving Her ?


ill leave the decision making to you
6/15/2010 5:46:32 PM
ما هي الرجوله ؟ السلام عليكم و رحمه الله وبركاته

الرجوله هل هي طموح ام صفه مدح ام تميز او لقب ؟

كثيرا ما اسمع فلن هذا مو رجال

عجيييييييييب عيل شيطلع ؟

هذا غدر فيني

غدر فيك راحت منه الرجوله ؟ لأ يصير رجل غدار

رجل و لكن نذل , رجل نحيس , رجل بخيل , رجل فاسد , رجل مو محترم

بس هذا يطق زوجته شلون ريال يطق زوجته ؟

رجل ظالم عديم الرحمه ولكن يبقى رجل

و بالمقابل الصفات الحسنه (كريم , خلوق . طيب . رحيم , مسامح , شهم , الخ ) تطلق على الرجل الحقيقي

و النذل شنو رجل مزيف ؟

ما دري

عيل منو يدري

تعالو نشوف منو الي حاط مقاييس و معايير الرجوله على كيفه

قليلا ما نسمع رجل يطعن برجوله آخر هناك من يفعل و لكن قليلا

و لكن كثيرا ما نسمع نساء يطعنون برجوله الرجال

هذي مو رجوله - اذا صرت رجال تعالي - متى ما تعلمت الرجوله تكلم الخ .....

و المسكين يحسب انه الرجوله طموح و يصرخ و يزئر انا ريال غصبن عليج

أي شي

هل النساء يعرفون مقاييس للرجوله نحن لا نعرفها ؟

أم أن الرجل طموح المرأه Beware of the Mods...they come in the Niiiiiiight!

و لكن ياتك وحده طموحها شي صعب وايــــــــــــــــــــد

و قالت لنا الرجل الحقيقي غامض

من صجج ؟

ايه من صجي الرجل بحر

رحنا فيها Duhh

شفيك منصدم لا تغار لانك مو جذي الرجل الحقيقي دوامه

يا خراشي دوامه بعد ؟

اي شفيك اذا مو عاجبك طق راسك بالطوفهBrick Wall

ما أدري شقول بس يلا نتعلم الرجوله من الحريم

سلام
6/16/2010 10:22:28 AM
ماذا أريد من زوجتي ( للمتزوجات فقط) السلام عليكم و رحمه الله و بركاته

شلونج أختي العزيزه

محتاره زوجج ما يعجبه العجب ؟

الحل عندي و انا بوحسين مو تسألين رفيجتج الخبيره و تقولج حقريه ترى توهقج

خل نتذكر بدايه الزواج شنو كنا

ياااااااااااااااااااااه انتا لسه فاكر

كل واحد له أحلام جميله يبي يسويها حق الطرف الآخر

حق منو ؟ حق نفسه ؟ لا أمي حق الطرف الآخر

كانت الزوجه تسعى لامتلاك قلب الشريك الجديد

يا عمي من وين طالع لنا هذا اليوم بعد عشر سنين ....يبا زهقنا

ويوم زهقتي شسويتي يا روح ماما ؟ صرتي أسيره الواجب ؟ هذا الي ناطرينا منج ؟

شوفي يا ضنايا

الالتزام و المسؤوليه تزهق و تملل و الواحد تطق جبده

متفقين معاي ؟ خوش ؟

خوش : سؤال لج طاق رصيف : فوق انه زوجج البايخ المليغ الي ما يعجبه العجب و كله يتذمر (بسبب تحمل المسؤوليه) تبين تحقرينه بعد ؟ شصير فيه ؟

لا يبا زوجي لا متحمل مسؤوليه و لا شي أنا أروح الجمعيه انا ابدل دهن انا اودي العيال المدارس أنا ايبهم و اروح الدوام و ارجع تعبانه و احط له الغدا و اقوم بواجبي و ادرس
اليهال و اسبحهم و أحطلهم العشى و انومهم شيبي بعد هالبطران خله يولي ما عنده سالفه

خوش نسيتي تقولين و احجز له تذكره سفر بعد . مو يا حظي هذا هو الواجب الي يزهق

ولي زهقتي انتي احنا رحنا فيها (تدرين شلون ما يحتاج اعلمج شتسوين لي زهقتي )

مو أحنا قاعد نقول المسؤوليه تزهق و تملل

شنسوي عيل ؟

أفا عليج أنا أعلمج شتسوين

1- تهدين بالج شوي
2- تتحملين غثاه و صدوده
3- تحاولين تشكين له الحال بطريقه حميمه

روووووووووووووووح زين عبالنا عندك سالفه

في شي انتي ما تعرفينه عن نفسج احنا نعرفه عنج

المرأه لا تحب الوسطيه ابد

شلووووووووووووووووووووووووووووووووووووووووووووون شلون شلون

نعم مثل ما أقولج جذي المرأه لها قلب اذا أقبل فانه لا يدبر و اذا أدبر فانه لا يقبل الا بعد فوات الاوان بالحالتين

شرايج؟ فاذا زوجج شرى تذكره تايلند قولي كيفه خل يسافر شعلي منه

و الحل بالصداقه و اسقاط جميع الحواجز و التكلف من الطرفين

الرجل ما عنده مانع يطيح الحواجز مع المره الا المعقد شوي صعب

يعني تغشمري معاه غشمره بايخه و لكن (لا تمسي رجولته و لا تبيني له انه مقصر بشي )

يمعود الثلاجه فاضيه نبي ناكل شلون ما ابين له انه مقصر ( بطريقه شرح الوضع و ليس بطريقه التشكي )

يا بوفلان ترى الثلاجه فاضيه بس مو تكثرين حجي و تقلبينها جنجال جنه نهايه العالم

و اذا تغشمر معاج غشمره بايخه لا تتضايقين و تسوين روحج عروس امس متزوجه و تعالو راضوني و تعالو دلعوني تبين تسوين جذي روحي سألي رفيجتج الخبيره مو عندي

يعني بالعربي صادقيه رافجيه أشوف رفيجاتج يتغشمرون معاج و ما يبقى كلمه ما تقولونها حق بعض و زوجج بس يقولج يااا حتى ما كمل كلامه زعلتي عليه سنو هادا كلام ماما

وييييييييييييييييه الرياييل يغارون من رفيجاتنا قطيعه

لأ نغار من قوه العلاقه من قوه الصداقه بينج و بين رفيجاتج و نزعل لما نشوف رفيجاتج اهم المتنسم لج و من منو من زوجج شريك حياتج و المفروض زوجج يصير كاتم
اسرارج و المتنسم لج من ضغوط الحياه و التزاماتها

Understood ?

و اذا تضايقت منه شسوي ؟ روحي قولي ام زيد و عبيد او حطي بقلبج و سكتي لين تنفجرين او طنشي و خلج غير مباليه و خلي القرعه ترعى
هاذي حلول رفيجتج الخبيره بس حلول بو حسين اكشخ

مو اتفقنا على الصداقه ؟ بطيها بوجهه نعم قولي له بوجهه بس ها بحزتها مو تنطرين السالفه تبرد عنده و هي حاره عندج بحزتها و بنفس الوقت يا فلان هذا الي صار غير
مقبول منك

بس اذا ركب راسه و يبي يركب الحق عليج ؟
بعد شرايج طال عمرج لازم واحد يتنازل و اهو راكب راسه الحين و قلبج كبير و الدنيا تمشي فوتيها له هالمره
بس بدون اي محاوله انتقام مبطنه منج يعني مثلا تكشتين فيه و تمشين او تبتسمين ابتسامه تقهر بل اظهري له ضعف و ضعف المرأه هو مصدر قوتها يعني هذا حزته ياخوج
لي متى خاشه الضعف هذا وايد نطرنا نشوف ضعف المرأه للحين ماشفناه و النتيجه قلبج ينترس و همومج تزيد و تطق جبدج و تروحين حق الخبيره شسوي و شسوي



صادقو أزواجكن الله يحفظكن

و أنتو سوالفكم وايد و الواحد صار ينسى سامحوني اذا نسيت شي و سامحوني على التقصير

الصداقه ثم الصداقه ثم الصداقه

See you Later
6/16/2010 5:49:55 PM
موقع خطبه (حتى لا يموت الأمل) السلام عليكم

عندي أقتراح لضبط هويه موقع خطبه و هو

أن يرتقي الموقع الى مستوى العائلي و ليس فقط للخطبه

1- أضافه قسم الأخبار
2-مكتبات مرئيه و صوتيه
3- العاب يتم من خلالها المنافسه و خلق روح الاسره الواحده بين أفراد موقع خطبه
4-أستضافه الموقع لشخصيات مهمه (سياسيه , أقتصاديه , دينيه , أجتماعيه , نفسيه )



و كل هذا لكي يصبع موقع خطبه موقع الأسره الأول


و أما ما يتعلق بالهدف الأساسي من الموقع و هو الخطبه فهذا يكون على النحو التالي

1-يتقدم الاعضاء الراغبين بالزواج اي كان نوعه الى اداره الموقع بارسال البيانات و المواصفات (صوره شخصيه , بطاقه مدنيه , الخ)
2- يتقدمن الراغبات بالزواج بارسال نفس البيانات للموقع
3- أداره الموقع تكون وسيط بين الطرفين بمنتهى السريه التامه (الخطابه التقليديه)
4- ازاله الشات الخاص لعدم الضروره ( ساعتها الي يلعب و مو جاد يصير وجوده عبث )


نظرتي للفكره بأن يضل الموقع هو موقع العرسان حتى بعد الزواج
6/17/2010 2:46:59 PM
قصه الحق الجذاب لي باب بيتهم (قصه واقعيه) الكذب مؤلم و قبيح و يستغل للوصول الى الأهداف و لكن بطل قصتنا فلته هو كذاب و لكن يستغل شي ثاني للوصول الى اهدافه

و اكثر الناس الي يحبون يكشفون الكذاب هم من سيئي الظن بالناس فشسوون يلحقون الكذاب لي باب بيتهم يعني ريحوه بعد من الفراره

المهم أبطال قصتنا نفرين واحد رجل عادي و الثاني فلته و فطين و ذكي ما يطوفه شي و محد يقدر يخدعه راعي تجارب و يعرف الناس و شكاك و دقيق بالتعامل



صاحبنا العادي قليل الكلام و وقور جدا (تكانه) اما الذكي كثير الكلام كثير القصص كثير الانتقاد ماره عليه سوالف
الذكي يسولف عن بطولاته و أمجاده و شلون كشف فلان الكذاب و شلون فشل فلان المتكبر و شلون شفط على فلان الي ما يحترم المواعيد

و هذاك ساكت و ضايق خلقه بس بينه و بين نفسه مع وجود مجموعه من الناس مهتمه بسوالف الحبيب الذكي و هالساكت ما ابدا تضايق من السوالف و لكن هو متضايق

الذكي قام يطالع الساكت (اشمعنا هذا ما يسولف معاي أنا كل الناس تحترمني و هذا ما يعبرني ) يبي يكلمه بس غروره ما سمح له ( لازم اهو يبدا بالكلام معاي ما ابي يقول
اني قاط وجهي عليه ) وبعدين تدرون شصار

العادي سلم على الذكي و الذكي الحين ماله خلقه ( أخيرا يبت راسه الحين بكشت فيه و خله يلحقني ) و قاله شتبي بلهجه غليظه

رد عليه العادي مبتسم أبي اصير رفيجك (عجيب هذا ياي يقص علي آخر عمري و الا شايفني ياهل ) و سكت العادي مره ثانيه و هذا الذكي ما قدر يرد (خل أتأكد أول يمكن صاج)

في يوم الذكي يسولف مع مجموعه ناس و العادي من بينهم و الذكي يقول انا عندي مشكله كيت و كيت و كيت نط العادي و قال انا اساعدك

و فعلا سعى له في مشكلته و خلصها له و بعدين

دق الذكي على العادي تلفون و العادي ما عطى الذكي ويه سلام بارد الذكي ثارت حفيظته ( تدرون الأذكياء اهم شي عندهم لحد يمس كرامتهم )

الذكي احتار هذا من صجه يبي يصير رفيجي ؟ بس لو ما يبيني ليش يرد علي جان كشت فيني ؟ لا اهو يبيني بس الحين ماله خلق ( يا ترى يا ذكي لي متى بتلحق الكذاب )

عاد الذكي واعد نفسه ما يدق عليه مره ثانيه الا لما هذاك يدق و يرجع كرامته اول ( لانه ذكي يحسب اذا حرم العادي من نفسه راح يعاقبه حده ما يملك الا نفسه يهبها و يمنعها )
الذكي يستعمل سياسه الحقران يقطع المصران لا بالبال الذكي زاد حقده على العادي و قام يتوعد بقطع العلاقه بينه و بين نفسه

و بعد فتره يرن التلفون و الا انت يا العادي داق على الذكي, ايه هذا يومك يا ذكي ننتقم حق كرامتنا , و طاف الذكي ما يرد , بعدين رد العادي و اتصل بعد ما مل الذكي من
انتظار الاتصال الثاني بس هالمره جاوب الذكي و لكن في برود و عدم اهتمام

الذكي : هلا فلان
العادي : ها شفيك مريض عسى ما شر صوتك تعبان
الذكي : (لا يحسب اني مهتم ) لا سلامتك ماكو شي
العادي : ابي اميه دينار محتاج و ما عندي احد يسلفي انا مسلف الربع و ما ردوا فلوسي ما ادري شسوي ما ادري وين اروح
الذكي : (زين أعتبرني صديق و اعتمد علي . و ما ابي ارده علشان لا يقول اني متضايق منه , مسكين ظلمته احسبه مطنشني طلع عنده شغل ) حاضر تعال أخذ 100 دينار
العادي: (سكر التلفون بدون شكر و لا سلام )
الذكي : مسكين من الفرحه نسى يشكرني ( بس الحين ما راح يشوف نفسه علي مره ثانيه لانه ساعدني الحين بسلفه )

و سلفه اميه دينار ( لي متى بتلحق الكذاب يا ذكي )

لا ردهم و الذكي تطمن اهني وحس انه العادي محترمه و يتعامل معاه بالثقه و معتبره شي كبير (لأنه ما يقدر يرجع افلوسه اذا بياكلهم عليه )

خلاص الذكي تطمن و عرف انه العادي خوش واحد و غير مو مثل باجي الناس مو زينين (سوء الظن و ما يسوي )

العادي طلب فلوس من الذكي مره ثانيه بس هالمره 3000 دينار و قال حق الذكي خل نكتب ورقه بالمبلغ رد الذكي لا لا انت عزيز علي و الفلوس ما تفرقنا

طلب 20000 و مارد الثلاث الاف للحين و عطاه الذكي 20000 الف


العادي : شراح تسوي اذا ما رجعت لك الفلوس يا حلو
الذكي : لا انت ما تسويها
العادي : هههههههههه بس ابي أعرف شراح تسوي
الذكي : أكون خسرت واحد وصخ ما عليه حسافه (و انت للحين ما تعرفه اذا وصخ و الا لأ ؟ و معطيه 23000 دينار ؟ يا لهوي )

و فعلا اكل الفلوس عليه بس ها تعالو نشوف الذكي شنو منطقه ( زين الى افتكيت من هالحرامي )

و بعد هالعادي كم من وحده تبي تختبره و تشوف صدقه و بعد ما تخسر شرفها او شي غالي عندها تقول و لو شصير ما ارجع له ( روحي موتي الحبيب وين وانتي وين )

و للاسف المجتمع الحين يشوف انه العادي زين يسوي

( شر البليه ما يضحك )

6/17/2010 3:10:13 PM
هل للكذب أنواع، وهل يُمكن بأيّ حال أن يكون مقبولا؟ هل نوهي عن الاستماع للكذب ؟
6/17/2010 9:44:57 PM
معركة!! هههههههههههههههههههههه

معركه صج بس انا الصراحه ما احب التنافس مع الجنس الآخر لعدم التكافئ و النديه معدومه
6/20/2010 4:34:49 PM
لا يليق السلام عليكم و رحمه الله و بركاته

هناك تصرفات لا تليق بالرجل و هي كثيره و لكن بكلمكم اليوم عن الغرور

الغرور هو العجب بالنفس من غير أساس يعني واحد شايف نفسه و هو خرطي ما عنده شي (النفخه الكدابه)

العجب بالنفس هو ان يعجب المرء بنفسه نتيجه نجاح كبير حققه يعني شايف نفسه بس عنده شي

الأثنين مذمومين بس لنتكلم عن الغرور و لماذا لايليق بالرجل

اولا الرجل لا يجب عليه ان يكون بهذه السلبيه و الغرور يضعه في موقع و اطار منحصر (يعني يصير مخنز)

ثانيا اشباع غروره يتطلب منه ان يسمع مديح (تطبيل ) أشبه الى حد ما بالغزل فينقاد وراء المداحين حتى و ان اظهر رفضه لهذا المديح

و لا بعد فيه شي أخطر

راح تبدر منه تصرفات أنوثيه مثل محاوله لفت الانتباه و لمن ؟ للرجال الذين لم يعيره اهميه ( الرجال يسلم على الجاجييل و يبدى معاهم بالكلام -اما محاوله لفت الانتباه هي حتى
يتسنى له ان يصد الأخرين و يرفضهم فالمغرور يحب هالسوالف يعني جوني و ما عطيتهم وجه)

شديد الغيره عندما يسمع مديح لشخص آخر غيره

سريع الغضب و التذمر اذا ما حصل الي في باله و يبي الناس تسوي الي على كيفه

المصيبه الأكبر ان هالمغرور أهو الي دايم يدور الناس يعني أنتو شايفين ان حلوه بحقه يمارس غروره بغرفه نومه بروحه لأ يبي ناس يشوف نفسه عليهم ؟

أبسط المشاكل تسدحه اسبوع متخصبق

الله يخليه حق أمه ان شاء الله
6/20/2010 5:31:43 PM
سنبوسه دخلت موقع خطبه بعد جدل مع النفس هل أنا محتاج زوجه ثانيه ؟ و بالنهايه قلت حق الروحي يا ولد الحريم الحين مو محتاجين ريال فلوسها بيدها و كل شي صارت تعرف انت خلك

على كتر . بعدين قلت يلا زواج متعه هذا الشي الوحيد الي الحريم محتاجينه الحين من الريال ؟ شاورت واحد من الربع بخصوص الزواج قالي اشغل نفسك بشي مفيد احسن

يا الحبيب شنو شي مفيد احسن من الزواج بدل حول ما فاد بتزوج يعني بتزوج . يا بوحسين اعقل قاضب عليهم حلال لحد يكلمني و فعلا و ين اروح شسوي ماكو الا الجوجل

زواج متعه بحث . طلع مواقع وايد و فتاوي و بلاوي .قلنا يلا ندش موقع الكويتي ابرك . سويت بحث متعه طلعوا حريم وايد

الحين شسوي شقول ما ادري شطبخه

المهم دزيت رساله حق وحده اطلب منها زواج و قعت خمس دقايق و بعدها قلت هذي لو توافق شلون راح تعلمني دزيت رساله ثانيه فيها الاميل علشان اذا وافقت
بعدين دريت انه فيه شات اقدر اطلبها طلبتها شات اربع مرات كله رفض , شالسالفه؟ لقت وحده ثانيه و نفس الشي رساله اطلب زواج متعه و هم سكب بعدين قلت ما ابي
ادز رسايل كله بستعمل الشات و ادقدق على الحريم ما يردون
و يا نساوين زواج . ما يردون . قلت انا ليش كاتب متزوج . بس هم ما يصير المهم حسيت اني معدي
فتره و اشوف وحده مؤهلات ما شاء الله . و المواصفات المكتوبه تبراك الرحمن . و العمر أصغر مني بوايد بعشر مادري ثمان سنين
ياني فضول اسئلها على هالمواصفات ليش ما تزوجت . طلبتها شات ردت علي و سولفنا عادي . عجييييييييييييييييب الحين يوم ما بغيت زواج رديتو
عاد قمت ادور بالاسامي كل الاسامي نفس النمط سارونا مزيونا رومنسيا منسيه حنونه عطوفه طيوبا .انزين هالاسامي الي كلها حنان ما تعطفو على واحد طالب شات
قلت بتزوج فلبينيه مسيار طلبت الفلبينيه و جاوبت بس قالت لي "انت مو متزوج شتبي بعد " يعني شأبي ياي أقرقع مثلا ؟
و طاف بعد فتره دريت اني سويت خطأ لا يغتفر بالموقع و أشكر الموقع على حرصهم
داز رساله طلب زواج متعه / سوء استخدام
و الحرمه ما بلغت عني

هاردلك ما كنت أدري هذي سالفتي مع خطبه
6/21/2010 3:53:49 PM
الي يبي يلعب لا يراسلني شنو هالعباره الغبيه

هل الي يبي يلعب ناطر منج اذن ؟

هل تعتقدين ان الرجل اللعوب يتمادى على الضعبف الي يسمح بالتمادي و يتحاشى الي ما يسمح ؟

ام انج تقيسين الناس على نفسج؟ مو كل الناس نفسج

ام ان احترام الرجل المحترم لج غرج و قمتي تحسبين انج تقدرين تسمحين او تمنعين الغير محترم

ما ادري شقولج الله يسخر لج عيال الحلال و القانون
6/22/2010 4:54:19 PM
هل انت مع او ضد الزواج المبكر؟ معاه

اسئل مجرب و لا تسئل طبيب

بس ها دير بالك تصير و تذبح القطو من اول يوم و الا بعد عشر سنين تقعد تدور متعه
6/22/2010 5:13:59 PM
المطلقة ، جريمة أم ضحية ؟ الطلاق اويلاااه

بالسابق القريب كانت المره تزعل و ترد بيت ابوها . الابو يعطيعها طراقين و يردها بيت زوجها في روايه تقول انهم قبل جعوص مايبي يصرف عليها علشان جذي يرجعها و روايه ثانيه تقول لا عيب عندهم الطلاق

بس الدين الاسلامي العظيم يقولك لأ

الطلاق رحمه و مو عيب بس اذا صار في مكانه لانه مبغوض

بالسابق البعيد كانت الصحابيات يتطلقن من صحابي و يتزوجن من آخر

اهي ما عندها مشكله و هو ما عنده مشكله يتزوج حرمت رفيجه و المطلق ما عنده مشكله يتزوجون طليقته و كلهم ما يشوفون ان في ذلك حرج

اولا هذي المطلقه انسان و الطلاق نتيجه خلاف

هل المطلقه لازم تعامل على انها سكراب و لازم تسقط ارقامها و خلاص مالها شي ؟

هذا غلط

هل نتعامل مع المطلقه على انها فاسده ؟ مله منو هذي ؟

بل انسان كامل له حق يعيش حياته و تتزوج و تطلق و تتزوج و تتطلق سبعين مره ماكو مشكله تضل انسانه سويه و محترمه

ما خالف لا دين و لا شرع بس ارجع و اقول اذا صار الطلاق في مكانه مو تطلب الطلاق لانه ياكل بصل على الريج و تقول مظلومه

و لكن الابتعاد عن الدين خله الناس تمشي على اهوائهم و معتقداتهم الله فكنا من هالمعتقدات الطرمبه
6/22/2010 6:29:13 PM
يا ادارة الموقع طلب مهم جدا جدا انا الي مطمني انا الموقع اوكيه و فيه مصداقيه اني ليلحين ما حصلت زواج متعه

بس فيه شيء مهم نسيتوه با خطبه او انكم حاسبين حسابه بس انا مادري

الي مو مشتركه بالنخبه شلون تقدر توافق على الزواج بحاله انها تبي ترد و الطرف الثاني اوف لاين هل عن طريكم ؟

ثانيا وين مشرف المنتدى الي يجاوب على الاستفسارات انا ما اشوف مشرفين ؟ يريت تشوفون لنا مشرف و مشرفه للمنتدى

و شكرا
6/23/2010 4:40:22 AM
حالات الزواج عن طريق موقع خطبة الي يقول انا أبي أتزوج عن طريق النت شخص يخادع نفسه

ليش ماكو بنات ؟ خلصو البنات ؟ شكثرهم و ناطرين نص رجل يرضون ما عندهم مشكله

البنات صارو الخمطه بربع و محد يبي يتزوج و اعذار الشباب مالها داعي بعد الحين البنات قامو يحاولون يشجعون الشباب على انه يتلحلح و يتقدم للزواج

و الموقع هذا أمل لكل عذراء تبي العفه مجرد أمل و هذا الي بيدها شتسوي بعد

عاد هذا الي صادق و الامر ما يخلى (اعرف ناس تزوجوا معرفه نت ) و يبي يتزوج من الموقع مو تعالي نتعرف على بعض و اشوفج لا ابوي تاخذ الحجيه و تطق باب بيتهم

تشوفها و تشوفك عند ابوها مو بالشيشه

فأرجو من الشباب يتركون البنات (تدرون كلمه البنت تطلق على منو ) يحلمون على كيفهم عسى يجيها نصيبها

و أقول حق البنات ادعو حق بعضكن البعض فان دعاء الملسم لاخيه بالغيب مستجاب
6/23/2010 8:43:08 PM
الدفاع عن حقوق الرجال وليس حقوق المراه فقط !! كلام جميل

بس المرأه الفطريه تفهم هالكلام اما المرأه التي تجردت من فطرتها ما تفهم لانها نست نفسها

و راح يصير الرجل جنس صعب التعامل معاه لانها راح تتعامل مع( الانسان ) أعجب مخلوق

و تحط و تزيد و تروح يمين و يسار و كل ما يحطون لهم قانون يشوفون انه للحين في شي ناقصهم بعد

و لا راح يخلصون ابشرك و هم ما راح يرتاحون لو حطولك كل حقوق الرجل للمرأه

و كل ما زادو بهالحقوق راح يشوفون انه الرجل صار اصعب و اصعب بس هل الرجل تغير و سوى نفسه صعب و عسر ؟

ما ودي أجواب
الصفحات 1 2 3
تسجيل faq AspNetForum v.0.0.0.0