|
8/24/2010 8:59:15 PM
|
|
رجال من المريخ و نساء من الزهرة
|
السلام عليكم...
في البداية احب أشكركم على الجهد المبذول...ومن اطلاعي على ما كتبت يبدو أن الكتاب مفيد..
ولكن السؤال الذي يدور في رأسي.. هل يتشابه الرجل الغربي والمرأة الغربية مع الرجل الشرقي والمرأة الشرقية في التركبية النفسية
هناك أمور كثيرة لها تأثير كالعادات والتقاليد والقيم والدين وو .... فنحن لا نتشابه معهم ..لذلك حتى التشابه والاختلاف بين الجنسين في المجتمعات الشرقية
تختلف عنها في المجتمعات الغربية وأنا أعتقد أن البحث يخص شريحة معينة ..
لكن هذا لايمنع أن أحييكم عالمبادرة الطيبة.. فالعلم لا حدود له ولا وطن..
تقبلوا تحياتي....
|
|
8/24/2010 9:06:42 PM
|
|
كريمات و صابون طبيعيه بدون مواد كيميائيه
|
انا جربت المنتجات الفرنسية ومنتجات البحر الميت.. بصراحة مافادتني..
وتبون نصيحتي ..عليكم بالمنتجات الايرانية.. لأنها طبيعية ..
ومكوناتها من مواد جبليه...وانا جربت لأن بشرتي حساسة....
حاليا أستخدم كل شي الحليب المنظف و المرطبات والحماية.. 
بالتوفيق
|
|
8/24/2010 9:09:13 PM
|
|
سيدتي .. من تختارين ؟؟؟
|
أثنينهم أي شي..
يا جماعه هذا زواج .... مو يوم ويومين..
الله يرزق الكل بالزوج والزوجة المناسبين
|
|
8/24/2010 9:18:07 PM
|
|
الي يبي يلعب لا يراسلني
|
بصراحة أنا ما ألوم الي تكتب هالعبارة...
لأن شي ممل وتضييع وقت ...
يعني ياربي ناس داخله الموقع ونيتها زواج مو لعب
وتلقى ناس داخلين يلعبون ويضيعون وقت........
مع هذا اخرتها الي يلعب راح يمل..لأن ماراح يحصل شي
 أنا عن نفسي ماحب القصة تطول... بس أتأكد من كل شي
أحول الموضوع للعائلة وبجذي مافي مجال للتحايل
اذا بيلعب راح ينسحب .. واذا جاد بكمل ... وكل شي قسمة ونصيب
والله لا يبلينا
|
|
8/24/2010 9:25:06 PM
|
|
ما هي أفضل طريقة للزواج بالكويت؟
|
السلام عليكم....
مانقدر نحكم على نجاح الزواج ...
أعرف ناس تزوجوا زواج تقليدي بعضهم نجحوا وبعضهم فشلوا..
وناس تزوجوا عن طريق النت البعض نجح والبعض فشل.......
وناس تزوجوا عن حب البعض نجح والبعض فشل..............
صدقوني...مافي قاعده ثابتة...
المهم الوضوح ..الصراحة عدم المجاملة في بداية الزواج..
تقبل الآخر بعيوبه ومحاسنه .......الاحترام المتبادل
وعدم تدخل الآخرين
في الحياة الزوجية..كلها عوامل نجاح ..بالتوفيق للجميع
|
|
8/25/2010 4:48:17 PM
|
|
حالات الزواج عن طريق موقع خطبة
|
السلام عليكم...
صلوا عالنبي احنا بشهر رمضان...
بصراحة ردود الأغلبية محبطة....
إنما الأعمال بالنيات..............
انا مادخلت النت الا لأني شفت حالات زواج ناجحة
وقلت اجرب حظي.. لأن حياتي كلها شغل ودراسة
فوقتي ضايع.. واحتكاكي بالناس قليل............
ومن هالمبدأ لازم الواحد / الوحده تصفي النية...
الحمدالله أنا جربت وتقدمولي ناس رسميا ..بس
شسوي رايي بيد أهلي..وما يأست وانشالله الله
يرزقني بالزوج المناسب .. الي يحافظ علي
وأحافظ عليه ...
بالنسبة للشباب اللعوب أو العكس.. أعتقد أغلبنا
في سن مناسبة للتفكير واتخاذ قرار...ومو بالسهولة
ينضحك علينا.... يعني الحين انا أدخل الموقع عارفة
الحدود الي راسمتها للشخص الي يعبر عن رغبته بالزواج
مافي طلعات بره مافي تلفونات ليما (الملجه) وكل شي
بحدود ..اذا شاري يكمل ..واذا بيلعب يتراجع..
وهذا كل شي..صفوا النوايا ولا تلغون المسافة ليما يصير
كل شي جد...وأهم شي الصراحة والصدق والوضوح..
الله يوفق الكل بهالشهر الفضيل ويرزق الجادين ويبعد
عنهم عيال الحرام
|
|
8/26/2010 3:45:43 PM
|
|
مواقف وقصص واقعية من موقع خطبة
|
اي والله من أولها جذي يطلب5000
أنا اصلا مايعجبني الريال الي تصرف عليه مره
يعني صحيح الحياة مشاركة بس مو من البداية
مو لما تعرف أصله ومعدنه عدل تتعاون معاه
وتتعاون مو معناه كل شي عليها..
وع على هالنوعية..الله يرزقني بواحد محترم ويرزقكم بعد...
وبعدين انا مادري ليش تسمحون للتعارف يوصل لهالمدى؟؟؟؟
انا ما أسمح غير بمقابلة وحده والثانية تكون في بيت أهلي..
وحتى ما أرضى أعطي رقم تلفوني الا ليما الملجة.........
ليش يا بنات هالتساهل؟؟؟؟؟؟؟؟؟مو لهالدرجة...!!!!!!!!!!!
الله يسخرلكم عيال الحلال .. يارب..
|
|
8/26/2010 4:04:16 PM
|
|
مواقف وقصص واقعية من موقع خطبة
|
انا ضافني بقائمة الاهتمام هندي ..
|
|
8/26/2010 5:26:26 PM
|
|
زواج الكويتية من غير الكويتي
|
الموضوع حساس شوي...
بس انا من وجهة نظري اذا الكويتية لقت شخص مناسب
وخلوق وديّن تتوكل على الله..بس طبعا مو معناه
تاخذ اي واحد.. ترى حتى الجنسيات الثانية فيهم عيال
ناس معروفين ووضعهم المادي والاجتماعي ممتاز...
المهم يكون الاختيار صح..
ومافي زواج مافي مشاكل سواء الزوج كويتي أو غير كويتي...
|
|
8/30/2010 11:43:17 AM
|
|
مواقف وقصص واقعية من موقع خطبة
|
السلام عليكم....
انا لأني مو عارفة أقتبس ..سالفة ال 5000 وحده كاتبة عنها في الصفحة الأولى
انها تعرفت على شخص عن طريق الموقع وأخذ منها 5000 د.ك لأنه طايح بمشكلة
وبعدين اختفى.. انا استغربت يعني هذا موقع زواج مو تعارف وصداقات وحب وخرابيط
المفروض الهدف سامي وواضح .. المفروض محد يسمح بتطور التعارف لهدف ثاني غير الزواج
عشان محد يستغل أحد .. وما يتحول التعارف لاستغلال.. وبصراحة صايرة موضة الشباب يتعرفون
عشان الوحده تصرف عليهمشباب اخر زمنوين جيل قبل
|
|
8/30/2010 11:54:33 AM
|
|
زواج الكويتية من غير الكويتي
|
بصراحة شديدة... الارتباط بكويتي أفضل ... لكن !!!!!!!!
في كويتيين يعزفون عن الزواج بالكويتية .. ومادري شنو السبب
الحقيقي... وبصراحة مع احترامي للمصريين والجنسيات الثانية
الأفضل للكويتية الارتباط بخليجي بدلا من هذي الجنسيات..
أصلا بالمنطق والعقل المفروض ترتبط بشخص يكون متقارب منها في العادات والتقاليد
ويكون في تواصل بين الأهل .. لأن صعب الارتباط بغريب .. ومشاكله كثيرة .. وحتى كل دولة
لها قوانين تخص الزواج ..
وفي النهاية كل شي قسمة ونصيب .. ومهما قلنا وعدنا ..محد ياخذ غير نصيبه..
|
|
10/21/2011 5:44:25 PM
|
|
هل انت جاد (انتي جاده) ؟!!
|
السلام عليلكم .. شكرا على الموضوع المهم .. مع اني للحين مالقيت اجابة شافية توضح جدية الباحث أو الباحثة عن زواج ناجح ... لكن في نقطة أحب أوضحها .. ليش الخوف من العابثين والعابثات .. كل المطلوب لا تسلمونهم ورقة يهددونكم فيها .. وعن نفسي الحمدالله تقدمولي من بره الموقع لكن مالقيت شخص يناسبني ووجودي للبحث عن شخص مناسب وانا أقدم تنازلات ماعدا المهر شي ما أتنازل عنه لكن ممكن أتنازل عن وايد شكليات مالها معنى .. وبالنسبة للعابثين انا واثقه من نفسي .. وخطواتي مدروسة .. واذا احد يفكر يلعب .. أول فكرة تخطر على بالي أبلغ واحد من أخواني وشنو المشكلة اذا انا جاده وقصدي وهدفي واضح من دخولي الموقع .. وحتى اسم الموقع يأكد هالهدف عن نفسي ما خاف الا من الي خلقني ... وبصراحة ماجربت يتقدملي أحد من هالموقع .. لكني جربت موقع ثاني .. وكان في ناس قمة في الأخلاق والجدية .. لكن ماصار نصيب بسبب معارضة الأهل .. وانشاء الله ألقى انسان رائع في هالموقع ابن ناس وطيب ومثقف وذووووووووووق .. وبالتوفيق للجميع ... نصيحة للبنات لا تخافون من غير الي خلقكم .. وشوية حرص هذا أهم شي
|
|
10/24/2011 12:42:03 AM
|
|
هل انت جاد (انتي جاده) ؟!!
|
((السلام عليكم
الاخت ليلى تقولين تقدموا لك لكن ما لقيتي الشخص الي يناسبك ؟؟؟؟؟؟؟؟؟؟
ما عندي تعليق
كويتي))
والله يا اخ كويتي مو بالضرورة اني أتزوج لمجرد الزواج ! انا ضد المثل (ظل راجل ولا ظل حيطة !) والحمدالله انا مو من النوع المتطلب .. لكن بنفس الوقت ادور على راحة بالي .. صحيح الزواج مسئولية وفي يوم حلو ويوم مر ...لكن الرجال انوااااع في الي الوحده تعطي كل الي عندها وبنفس راضية علشان ترضيه وفي نوع الوحده تبيع الجدامها ولي وراها علشان تفتك .. وبصراحة انا من كثر ما تقدمولي معقدين من تجارب سابقة صرت أحسب كل خطوة .. انا انسانة احب الحياة وعايشة حياتي بكل شفافية ولما أبي أرتبط الأكيد ابي شخص روحه حلوة .. مو كله يفكر بالماضي ويحاسبني على أخطاء غيري .. والأمر مثل ما قالو بعض الخوااااات .. يكون الشخص فيه عيوب الدنيا وشايف نفسه ونفسيه ويتفلسف على كل عيوبه طبعا هذي مجرد ملاحظات حبيت أذكرها لك .. وترى البنية ماتختار الي يتقدمولها !!!اهي وحظها ...وكل شي قسمة ونصيب .. وانشاءالله القى الي يناسبني بافكاره واحساسه
|
|
1
|