|
5/28/2010 6:27:44 PM
|
|
المطلقة ، جريمة أم ضحية ؟
|
الله يعطيكم العافيه أنا إمرأة مطلقة وماأحكم على الرياييل من منطلق تجربتي الشخصيه بالعكس أنا لي راي ثاني فعلا أنا إنصدمت في نظرة المجتمع والناس للمطلقة وإنخطبت وايد بعد طلاقي وشفت العجب العجاب بس مع هذا أنا مؤمنة بأن الله يقدر لنا ماهو الأصلح لنا في حياتنا وديننا وأشكرالله وأحمده ألف مرة,,,,,,,, المهم اللي بقولة مو كل مطلقة مظلومة والرجل مذنب ولا كل مطلقة مجرمة والرجل برئ من خلال خبرتي بالحياة دخلت بيوت عاشرت ناس شفت وسمعت بعيني اللي فعلا يضيق الخلق ويشيب له الراس وااااااااااااااااايد متزوجات يخونون أزواجهم ويركضون ورا الحرام وللأسف إن أزواجهم من أفضل الأزواج على خلق ودين يخاف الله في بيته وعياله والمجتمع قاعد يشوف المطلقة بس في بلاوي داخل بيوت إعتقدت إنها بيوت محترمه فيها زوجة عفيفة لقيت الزوجه ماتخاف الله وغيرها وااااايد بصراحة صعقت بطلت أصادق حريم لامتزوجات ولامطلقات وحتى البنات صاروا يخوفون وشبابنا ماصاروا جذي وإنحلت أخلاقهم الا من البنات وهالحريم اللي معطينهم فرص متوفرة للمتعة الحرام لو كل وحدة صانت نفسها وأهلها ربوها عدل صدقوني راح البيوت تتعمر وتخف مشاكل المغازل والأشياء المبتذلة من الشباب صحيح إن في بنات وايد على عيني وراسي قمة الآخلاق لكن للأسف في نسبة كبيره موزينة وإطلعوا الشارع وشوفوا المتزوجة والبنت والمطلقة من عشر رياييل وغيرهم والمتزوج والشايب قاعدين بالكافيهات بس همهم العلاقات ليش ياجماعة تاركين كل هذا ونقول المطلقة موزينة عليها ماركة عدم الشرف عشان لمسها ريال كان زوجها بالحلال وفي رياييل محترمين طاحوا على خيانات زوجاتهم وطلقوهم بهدوء عشان الفضايح ومستقبل العيال عشان مايتعايرون بأمهم وهالنوع من الرياييل جد مسكين بالع موس إن إشتكى عليها وفضحها دمر عياله وبناته مستقبلا وإن سكت وهذا اللي قاعد يصير تلعن خيره هالمرة بالمحاكم والطلبات والمصاريف بحجة العيال وتلاقيه فقير بالمحاكم يراكض لما يفضى جيبه بس عشان عياله وهي تلعب من الصوبين وبصراحة أنا لو رجل وشفت زوجتي تخوني خل تنفضح أرفع عليها قضية وآخذ عيالي وهي ماتشوف الدرب تتنازل عنهم وأربيهم وخل يعرفون لاكبروا إن أمهم خاينه ويحاسبونها بس ولا يعيشون طفولتهم متأذين ويمكن تغسل مخهم وتترس راسهم على أبوهم ولاكبروا وقفوا ضده معاها ,,,,,,,,,خلونا ياجماعة نهتم بالأمور الجوهرية ونترك النظرات السطحية نترك القشور اللي سهل يطيرها الهوا ونطالع الحياة بطريقة أفضل ونربي عيالنا على الصلاة والدين والخوف من الله عشان لاكبروا مايغريهم كل شي ويصونون نفسهم وعسى الله يهدي عيالنا كلهم ونشوف كويتنا أحلى بلد وأحلى شباب ونقول والنعم فيهم والله يستر عليهم ويكافيهم الشر
|
|
8/9/2010 12:38:08 AM
|
|
عن موقع خطبة
|
السلام عليكم ورحمة الله وبركاته,,,,,,,
بصراحة حبيت أذكر لكم موقف جدا مهم وفاجأني بنفس الوقت بخصوص الموقع أمس كنت في دبي وفي الفندق فتحت الإيميلات الخاصة فيني طبعا كالعادة لقيت إيميلات اصلتني من الموقع ييت أفتحها عشان أشوفها وكانت المفاجأه طلعتلي رسالة إن هذا الموقع محظور لدى دولة الإمارات العربية المتحة لسياسات الدوله وقوانينها ,,,,, تخيلوا مانعين هالموقع تدرون ليش لآن في نظرهم هذا موقع سيئ بس تدرون ياجماعة المشكلة وين المشكلة عندنا موفيهم العيب الجماعة مامنعوه إلا وشايفين شي موزين,,,,, فمتى إحنا بنكون زينين الموقع كموقع وفكرته جدا جميله ولو بناخذه من الناحية الإيجابية ياجماعة الموقع ممتاز يختصر على الناس الوقت والجهد في البحث عن شريك الحياة بس للأسف ناس كثيرين داخلين الموقع من الجنسين للعب واللهو فياليت هذا النوع من الناس يطلع من الموقع للشارع وللإنترنت ومواقع كثيرة وطرق عديدة فيها لهو وتسليه خلونا نحترم الهدف الأساسي اللي نوضع له هذا الموقع ونطرح أفكار بناءة ونحترم بعضنا ونرتقي بإسوبنا وأخلاقنا ويكون فيه رفابه أكثر من إدارة الموقع من خلالها تقدر تنقي الموقع من الناس اللي مالهم هدف فيه خير خلونا نكون دولة متحضرة راقيه عشان باقي الدول تحترمنا وتقدرنا وماتمنع مواقع وضعت لتكون موافع كلها خير للناس ولكن بعض الناس إستخدموها بشكل جعل الكثير من الدول يحتقرونا خلو الكويت حلوة دايما في عيون الكل والجميع والله يهديكم ويصلحكم يااللي داخلين للعبث واللهو فقط ويزيد من أمثالكم يااللي داخلين للخير والتعارف الجاد والمشاركات المفيدة والآراء السديدة وإنشاالله جميعا نجد من الله التوفيق والهداية يارب
|
|
8/9/2010 1:15:42 PM
|
|
كيف نخاطب أعضاء الموقع
|
السلام عليكم من أول يوم إشتركت وأنا لا أستطيع مخاطبة إدارة الموقع ماهي الطريقه لمخاطبة الإدارة أحيانا نحتاج للإجابة لبعض الإستفسارات نشعر بأننا ضايعين بصراحة ياليت اللي يعرف الطريقه أو الموقع نفسه إذا قرأتوا مشاركتي بامنتدى تفيدوني أرجوكم أنا أمس كتبت مساوئ بعض الناس بالموقع وحظر الموقع بدولة دبي وطلبت الرقابة والاحترام من المشاركين واليوم الموقع باعثيلي رسالة تنبيه يمكن هذا رد فعل لمشاركتي واعتبره ايجابي وليس سلبي بخصوص الأرقام والايميلات والاهتمام ولكن كنت حابة أرد وأستفسر إذا كان هذا تجاوب من الموقع على رأيي اللي عرضته بالمنتدى فإذا كان تجاوب فهذا شئ ممتاز بصراحة بس الرجاء إعطائنا طريقة لمراسلتكم بشكل مباشر
مع جزيل الشكر والامتنان
|
|
10/27/2010 12:04:43 AM
|
|
عن موقع خطبة
|
حبيبتي مشكورة على نصيحتج للبنات وأنا دخلت شهرين وبعدها لغيت إشتراكي ومافتحته الا ألحين عشان أقرا رسالتج وأرد عليج وأرجع ألغيه عموما الحمدلله أنا ماتعرضت لأمور الإبتزاز اللي تعرضتيلها إنتي وبنات وايد على نيتهم المفروض ماتتركون مجال حق أي ريال إن يوصلكم لأن اللي نيته شريفه ويبي زواج مايراوغ مع البنت أو يطلع معاها ويحاول يحطها بمصيدة لازم كل وحدة تكون مفتحه والدنيا ماخلت من الرياييل الزينين أما بهاموقع وغيره إنسي تلاقين أحد يبي يتزوج مستفيدين من فلوس الإشتراكات عشان جذي مخلينه والا الموجودين من الرياييل عجب العجاب نادر ماتلاقين واحد محترم والمحترم بس بيسولف يضيع وقت والباقي دايخين وبعدين خير ياطير شفيها لاقعدنا بدون زواج إذا مالقينا الإنسان المناسب أعتقد بيوت أهلنا مافي أروع منها وحياتنا الخاصة والحريه ترى وايد في إيجابيات للحياة بدون زوج شوفي المتزوجات كم وحده فيهم سعيده وكم ألف وحدة فيهم متأذيه بحياتها ترى حبيبتي الفايدة الوحيدة اللي تاخذينها من الريال إنج تيبين عيال لآن العيال لج والشي الوحيد الحلو في الزواج فيما عدا ذلك وجود الزوج مثل عدم وجوده لأن الزوجه قامت تقوم بكل المهام في البيت تصرف وتحط وتييب وتشتغل وفوق هذا أم تربي وتطبخ وتجابل العيال وهو يرجع من الدوام ياكل وينام وباالليل يطلع مع الربع ويرجع ينام والضغط كله عالزوجه أنا أقول بصراحة عشان البنات مايتعرضون للإبتزاز والإعتداءات من ضعاف النفوس خل يهتمون بأمور ثانية ولايفكرون بالزواج ويخلونه من أولويات إهتماماتهم لأن النصيب إذا يه بيي بدون مواقع ولا تعارف ولاشي اللي يكتبه رب العالمين هو اللي في خير لنا لوقعدنا طول عمرنا بلا زواج ولاعيال عادي عيشوا حياتكم يابنات لاتحسون إن اللي مومتزوجه فيها نقص بالعكس عندها مزايا كثيرة أهمها راحة البال طالعوا وضعكم بشكل إيجابي ولاتسمحون للشباب المنحرف يتلاعب فيكم باسم الحب والزواج عيشوا صح وإستمتعوا بحياتكم الحاليه وإتركوا الزواج لرب العالمين والله يوفقكم ويحميكم من كل شر يارب
|
|
12/14/2010 3:36:25 PM
|
|
عن موقع خطبة
|
السلام عليكم ورحمة الله وبركاته مع إحترامي لآراء الجميع وإختلاف الرأي لايفسد للود قضية شي واحد بأضيفه بالنسبة للمطلقين والمطلقات مو كل من تطلقوا معناه إنه لابد في عيب بأحد الطرفين إما الزوج أو الزوجه ترى أحيانا الأثنين رائعين كل واحد أحسن من الثاني بشي يميزه عنه بس سبحان الله القبول والحب شي من رب العالمين أحيانا بعد الزواج يصير فيه فتور أو نفور من الزوجين يحسون إنهم مو قادرين يستمرون تعبانين وهم مافيهم عيوب تستحق الطلاق ولكن الراحه النفسية بين الزوجين أهم من أي عيب يستدعي الطلاق إذا النفس ماإرتاحات والقلب ماحب شريك حياته يستحيل الإستمرار بالزواج ولكن يظل كل منهم إنسان محترم ورائع والطلاق نعمة من رب العالمين للأثنين نشكر الله ونحمده ألف مره على هالنعمه والله يرزق كل إنسان على نيته وأخلاقه والكل يستاهل يكون طيب وينعم بالطيبة اللي مثله
ومع السلامه
|
|
12/14/2010 3:59:54 PM
|
|
مرة فرح..
|
السلام عليكم ورحمة الله وبركاته
أخوي سعود أو الملقب بسعود أنا قريت بعض من مشاركاتك في المنتدى إسمحلي أقولك إنت وايد متحامل على البنات والحريم وكبار السن بعد عشان ماتزعل بأقولك شي ياأخوي مو عشان أنا كبيره ترى بأقوله بس أقوله لك بحك ما أخذناه من الدنيا من دروس وعبر لازم نتعلم منها , المشاعر والاهتمام والحب ماله علاقة بالعمر أبدا فالطفل والشاب والمرأة العجوز والرجل الكهل الكل يحتاج إلى الحب والاهتمام والخصوصيه فلما تقول الكبيرة مالازم تتشرط والجيكرة مالازم تتشرط والمطلقة مالازم تتشرط لازم أولا تشيل كلمة تتشرط لأن هذي ماتسمى بشروط تتسمى برغبات وإحتياجات تحتاجها هذي الإنسانه فااللي عمرها 30 ومطلقة يمكن تعبت تبي إنسان لها بروحها يعطيها الحب والاهتمام ماتبي تحس إنها مجرد زوجه ثانيه تلبي رغبات الرجل وبس تبي بيت تعيش فيه حياتها الرومانسية اللي رسمتها في خيالها مع الرجل اللي إختارته زوج وماأحد يشاركها فيه لاتظلم البنات صدقني لو شفت وحدة من أهلك تزوجت وتعذبت ماراح ترضى عليها إنها تعيش ذليله والا على هامش حياة زوجها راح تغير على كرامتها ووجودها وحقوقها ولو يت تتزوج مرة ثانية أكيد راح تتحرى مليون مرة عن الريال عشان ماتنظلم مره ثانيه صدقني الدنيا أخذ وعطا والحياة تفهم إحتياجات وحب وطمأنينه وهدوء متى مافهمت مابداخل كل إمرأه على هذا الموقع أو في الحياة العامة متى ماوصلت ولقيت شريكة حياتك ولابد إنت أولا تتجرد من كل شروطك تدري ليش لأن شروطك راح تكون القيد اللي يخنقك مايوصلك لهدفك الأساسي الزواج اللي حلله رب العالمين لنا لاتطالع البنات والبروفايلات من نافذة وحده وزاويه وحدة قد يحجب ظلها الكثير من المزايا الموجوده فيه إفتح كل النوافذ وخل النور يدخل روحك وقلبك وإشعر بالهدوء والطمأنينه راح تشوف كل شي جدامك الزين قبل الشين ناقش تكلم مع اللي ترتاحلها أوصل لقبلها إفهمها إنت الرجل اللي أنعم الله عليك برجاحة العقل أكثر من المرأه الإنسانه الرقيقة اللي تحتاج الحب والأمان فقط لاتنظر للي تبحث عن اللهو والفرفشه والأمور التافهة إبحث عن الإنسانه الشفافه اللي تحب تنحب وتحب بالنور وتضحي وإنت تضحي لها هذي الحياة ياأخوي والله يوفقك ويسعدك يارب
|
|
12/14/2010 4:13:47 PM
|
|
هل من الممكن ان تحب شخصا لم تره يوما !!؟؟؟
|
السلام عليكم ورحمة الله وبركاته
ممكن جدا نحب إنسان ماشفناه نحب أفكاره مثل لما نحب كتاب معين فإحنا نحب أفكار الكاتب اللي كتب هذا الكتاب أم الحب العاطفي ممكن يبدا فعلا مع شخص ممكن لقيناه عالنت أو في رساله فيبدأ بإعجاب ونبتدي نتواصل معاه بدون مانشوفه نحب أفكاره قلبه طريقته في الحياة وممكن جدا يتحقق التوافق الكامل بهااللحظه أكيد راح نشتاق إن نشوفه ويشوفنا وساعتها حتى لو شكل الانسان ماعجبنا هم راح نكما معاه ونحبه لأن إحنا حبينا داخل هذا الشخص مو شكله معدنه مو جماله الزايل وهذا اللي راح يستمر معانا مدى الحياة أما إذا شفنا شكله أولا لو عجبنا الشكل ومع الوقت ماعجبتنا الأفكار وماصار فيه توافق راح نتألم ومانتفق ولكن نتحمل ونستمر بس عشان إن في البداية رضينا بالشكل وبالآخر راح نزهق ونبتعد ففهم الذات أولا أهم مليون مره من أن نرى الإنسان أولا ونقرر هل نحبه أم لا الحب قرار نفسي لا شكلي أبدا وعساكم تحبون وتنحبون دوم يارب
|
|
12/14/2010 4:13:50 PM
|
|
هل من الممكن ان تحب شخصا لم تره يوما !!؟؟؟
|
السلام عليكم ورحمة الله وبركاته
ممكن جدا نحب إنسان ماشفناه نحب أفكاره مثل لما نحب كتاب معين فإحنا نحب أفكار الكاتب اللي كتب هذا الكتاب أم الحب العاطفي ممكن يبدا فعلا مع شخص ممكن لقيناه عالنت أو في رساله فيبدأ بإعجاب ونبتدي نتواصل معاه بدون مانشوفه نحب أفكاره قلبه طريقته في الحياة وممكن جدا يتحقق التوافق الكامل بهااللحظه أكيد راح نشتاق إن نشوفه ويشوفنا وساعتها حتى لو شكل الانسان ماعجبنا هم راح نكما معاه ونحبه لأن إحنا حبينا داخل هذا الشخص مو شكله معدنه مو جماله الزايل وهذا اللي راح يستمر معانا مدى الحياة أما إذا شفنا شكله أولا لو عجبنا الشكل ومع الوقت ماعجبتنا الأفكار وماصار فيه توافق راح نتألم ومانتفق ولكن نتحمل ونستمر بس عشان إن في البداية رضينا بالشكل وبالآخر راح نزهق ونبتعد ففهم الذات أولا أهم مليون مره من أن نرى الإنسان أولا ونقرر هل نحبه أم لا الحب قرار نفسي لا شكلي أبدا وعساكم تحبون وتنحبون دوم يارب
|
|
12/14/2010 4:14:12 PM
|
|
مرة فرح..
|
السلام عليكم ورحمة الله وبركاته
أخوي سعود أو الملقب بسعود أنا قريت بعض من مشاركاتك في المنتدى إسمحلي أقولك إنت وايد متحامل على البنات والحريم وكبار السن بعد عشان ماتزعل بأقولك شي ياأخوي مو عشان أنا كبيره ترى بأقوله بس أقوله لك بحك ما أخذناه من الدنيا من دروس وعبر لازم نتعلم منها , المشاعر والاهتمام والحب ماله علاقة بالعمر أبدا فالطفل والشاب والمرأة العجوز والرجل الكهل الكل يحتاج إلى الحب والاهتمام والخصوصيه فلما تقول الكبيرة مالازم تتشرط والجيكرة مالازم تتشرط والمطلقة مالازم تتشرط لازم أولا تشيل كلمة تتشرط لأن هذي ماتسمى بشروط تتسمى برغبات وإحتياجات تحتاجها هذي الإنسانه فااللي عمرها 30 ومطلقة يمكن تعبت تبي إنسان لها بروحها يعطيها الحب والاهتمام ماتبي تحس إنها مجرد زوجه ثانيه تلبي رغبات الرجل وبس تبي بيت تعيش فيه حياتها الرومانسية اللي رسمتها في خيالها مع الرجل اللي إختارته زوج وماأحد يشاركها فيه لاتظلم البنات صدقني لو شفت وحدة من أهلك تزوجت وتعذبت ماراح ترضى عليها إنها تعيش ذليله والا على هامش حياة زوجها راح تغير على كرامتها ووجودها وحقوقها ولو يت تتزوج مرة ثانية أكيد راح تتحرى مليون مرة عن الريال عشان ماتنظلم مره ثانيه صدقني الدنيا أخذ وعطا والحياة تفهم إحتياجات وحب وطمأنينه وهدوء متى مافهمت مابداخل كل إمرأه على هذا الموقع أو في الحياة العامة متى ماوصلت ولقيت شريكة حياتك ولابد إنت أولا تتجرد من كل شروطك تدري ليش لأن شروطك راح تكون القيد اللي يخنقك مايوصلك لهدفك الأساسي الزواج اللي حلله رب العالمين لنا لاتطالع البنات والبروفايلات من نافذة وحده وزاويه وحدة قد يحجب ظلها الكثير من المزايا الموجوده فيه إفتح كل النوافذ وخل النور يدخل روحك وقلبك وإشعر بالهدوء والطمأنينه راح تشوف كل شي جدامك الزين قبل الشين ناقش تكلم مع اللي ترتاحلها أوصل لقبلها إفهمها إنت الرجل اللي أنعم الله عليك برجاحة العقل أكثر من المرأه الإنسانه الرقيقة اللي تحتاج الحب والأمان فقط لاتنظر للي تبحث عن اللهو والفرفشه والأمور التافهة إبحث عن الإنسانه الشفافه اللي تحب تنحب وتحب بالنور وتضحي وإنت تضحي لها هذي الحياة ياأخوي والله يوفقك ويسعدك يارب
|
|
12/17/2010 4:00:46 PM
|
|
رحلة الى كاتلونيا
|
موضوع حلو في بلد أحلى وهي إسبانيا بالفعل إسبانيا تستحق الزيارة أنا رحت لها من سنوات طويله قبل اليورو ورحت لها قبل شهر بعيد الأضحى مرة ثانية فعلا برشلونه جدا جميلع وشارع الرامبلا رائع جدا تتمشى فيه طول اليوم ماتمل منه بس مو رخيص مثل ماقلت أخوي خالد بالعكس أغلى من الكويت بس البضاعة اللي فيه حلوة وايد واللبس الشتوي أحلى والحين فيه شوية خصومات عشان الكريسماس وراس السنه وطبعا تشرينا وعلى قولتك يبيله شهر عسل مو مثلنا نروح مع أهلنا وربعنا وعندي إضافة نصيحة اللي يروح إسبانيا يزور ماربيا ترى هم منطقة جدا حلوة ويروح البورت بونس منطقة المليارديربه وايد حلو البورت والمطاعم والمحلات وفي بالسنتر بماربيا بعد شاطئ جدا جميل عليه مطاعم وممشى للرياضة وااااااااااااااايد حلو وروحوا غرناطه لايطوفكم قصر الحمراء شوفوا المسلمين شنو كانوا وشنو كانت إنجازاتهم سبحان الله هالبلد كانت إسلامية مئة بالمئة لمن دخلت أمريكا وخلت المسلمين يطلعون منها شوي شوي وصارت كلها مسيحيين تاريخ إسبانيا رائع يستاهل الزيارة والإطلاع وأتمنى لكم رحلة رائعة
|
|
1/31/2012 1:59:43 AM
|
|
سؤال مهم لكل بنت وشاب (واثق من نفسك فى جاوب)
|
السلام عليكم ورحمة الله وبركاته
ردي بأختصار أن الزواج نصيب هذا اولا وثانيا موبس هالموقع الناس تتعرف على بعضها فيه في برامج كثيره عالنت الناس تتلاقى فيها ثالثا اللي ماعنده ثقة بنفسه هو اللي يردد الكلام الجارح للطرف الثاني لأنه النقص عنده والمشكلة بتفكيره الإنسان الواعي المثقف الفاهم مايشك ويعاير بزواج هو جزء منه ورابعا الأشخاص ممكن يلتقون ويتعرفون على بعض بأي مكان موشرط بالنت ممكن بالعمل بالشارع بسفره بطياره إذا الله أرد التوفيق وكتب لشخصين الزواج يجعلهم في طريق بعض بأي مكان وهذا مايعيب الانسان اللي يعيب الشخص أخلاقه فااللي أخلاقه عاليه ومتربي تربية طيبة ويخاف الله عمره مايسلك طريق غلط خصوصا اللي هدفه زواج واستقرار مهما اتجه لأكثر من طريقة للحصول على زواج مناسب يعني اللي يروح لخطابة رجل كان أو أمرأه معناه مشكوك في أمره طبعا لا المهم في الموضوع أن اللي بغى الحلال وبغى الاستقرار بيلقاه بأي طريقة كانت واللي بغى اللعب والحرام هم بيلقاه والدنيا ماتخلى فيها الزين والشين بكل مكان ياما ناس تزوجوا بطريقة تقليديه وصارت مشاكل وكلام وتجريحات وتطلقوا وياما ناس تعرفوا على بعض عالنت وغير النت تزوجوا أحلى زواج ومستقرين وعسى الله لايفرقهم وأنا شخصيا أعرف حالات كثيره تعرفوا على بعض وماشاالله حب لي اليوم أخيرا اللي بأقوله ياجماعه إن المهم في الموضوع تفكير الشخص وأخلاقه لا النت ولاغير النت إهي المشكلة متى ماصلح العقل والأخلاق صلح كل شي والله يوفقكم جميعا
|
|
2/3/2012 1:15:57 AM
|
|
سؤال للجميع
|
بإختصار أرد عالجميع منكم بكلمتين ( لو خليت خربت) في الزين وفيه الشين من الجنسين الله سبحانه وتعالى قال ( الطيبون للطيبات والخبيثون للخبيثات) صدق الله العظيم ويكفينا قول الله تعالى فكونوا طيبين سترون بأعينكم وعقولكم وبصائركم وستجدون أمثالكم بلا شك والله سبحانه وتعالى راح يوفكم لما كل واحد منا يحط بباله رب العالمين المطلع على كل شئ راح يتصرف بخلق جميل يجذب كل شخص على خلق له وسيجد من يهتم فيه وإذا ماالشخص نسى وتناسى رب العالمين وبحث عن اللهو والمتعه الحرام حتما سيجد من هم على شاكلته لكن بالآخر سيخسر نفسه وهيبته ودينه وربه وعقابه عند رب العالمين بالدنيا قبل الآخره ...... إذا الله خلق لنا جمال أخاذ هذا لايعني أن أخلاقنا ستكون حتما جميله وليس القبح عيب العيب في سوء الخلق والتصرفات فلا تحزن يامن لاتملك الجمال ويكفيك فخرا بأخلاقك وصدقك وجمال روحك فهناك وردة جميله رائحتها نتنه ليس كل الورد يشم وليست كل فاكهة تؤكل فمن الفاكهه الجميله عند قطفها وتقطيعها تجد دود يسكن جوفها إفخر بخلقك ودينك فاالله يجمل قبحك بأخلاقك وستجد من تحبك حتى الثمالة
والله يوفق الجميع
|
|
2/4/2012 3:05:30 AM
|
|
انا ابي اقول قصه حصلت لي وابي رايكم
|
حبيبتي بإختصار أقولج هذا واحد جذاب ولايعرف أحد يقربلج هذي محاولة فاشلة منه عشان يوصلج بطريقه غير شريفة حاول يخوفج عشان يكون هو الملاذ الوحيد لج بهالموضوع وحاول يسوي روحه الشهم جدامج عشان تعطينه الثقة وبعدين تقابلينه عشان يناقش معاج موضوع الريال اللي يهددج اللي طبعا مو موجود من الأساس وكل القصة من نسج خياله بس لما شافج هددتي وقلتي انج بتجرجرين اللي يأذيج للمحاكم والمخافر انحاش لأنج أكيد بتكشفينه وراح تجرجرينه للمحاكم يوم مايقرب صوبج فطبعا كأي شخص منحط انحاش لأنه جبان ونواياه سيئه وانتي الله عطاج على قد نيتج وفكج منه خليج أكثر حذر مع الشباب في التعامل خصوصا عالانترنت
|
|
2/7/2012 2:37:15 AM
|
|
المسيار و المتعه هما طريقان لاصلاح المجتمع
|
صح لسانك ياأخوي يانواف مافي أفضل من كلام الله تعالى اللي رديت فيه عالأخ القويطي لأنه واضح جدا من كلامك إنك متزن وواعي وعندك عقل يميز مابين اللهو ومابين الحق وتعجبت من عمرك فكلامك ماشاء الله يدل على أنك أكبر بكثييير ولكن فعلا الرجال عقول لا بالأعمار خصوصا وإن الأخ قويطي خص المطلقات بالإنحراف ونسى إنه جزء من الإنحراف ونسى أيضا أن هناك من المطلقات العفيفات الشريفات ولو التفت حول عائلته لابد سيجد واحده عالأقل مطلقه فكيف يجعل الإنحراف صفة المطلقة هل سأل نفسه بنت عمرها 18 سنه وغلا 20 سنه غير متزوجه لماذا دخلت لهذا الموقع أو غيره من المواقع وهي مازالت غير مدركه بالكامل للمخاطر التي تواجهها ومن الممكن أن تتعرض للإستغلال والإنحراف من قبل الشباب المنحرفين بصراحة يكفيني ماكتبته أخوي نواف وعسى الله يجعل منك رجلا يقتدى به الكثيرين أصحاب النفوس الضعيفه اللي مقزرينها سفرات ويدورون على وحده كل مره تسليهم بسفره والا غير السفر الله يهديهم وإن ماإهتدوا لهم يوم والله بيهدهم تأكد لأن الله يمهل ولايهمل ومن سوا سوي به وتسلم ياصاحب العقل الذهب
|
|
2/7/2012 3:00:35 AM
|
|
لماذا البنت لاتتقبل زواج من رجل متزوج ؟
|
السلام عليكم
باختصار المرأة عاطفية وغيورة وماتتحمل إن تشاركها زوجها إمرأة أخرى هذا أولا
والأهم من أولا أن المرأة اللي تبي تتزوج تبي ترتاح عالآخر ماتبي منغصات والزواج من رجل متزوج لابد فيه منغصات لها فتشتري راحتها بالرفض
أعتقد الزواج لراحة الطرفين مو لراحة طرف واحد اللي هوالزوج وهو عشان يرتاح ننعذب أكثر من إمرأة تزوجهم عاطفيا ونفسيا ليش
المرأة مخلوق رقيق قال عنها الرسول صلى اللله عله وسلم قوارير يعني أقل شي يكسرها فرفقا يالقوارير
|
|
2/8/2012 2:01:07 AM
|
|
المسيار و المتعه هما طريقان لاصلاح المجتمع
|
شكرا كويتي لوصفك لي بالصفات التي تزيدني فخرا بنفسي مايهاجم شخص ما إلا لأهميته وأنا سعيده بأنني وجدت نفسي وكلامي بهذه الأهمية فلم تزدني الا شرفا واعتزازا بنفسي وفخرا بأخلاقي وعمري وتربيتي وتفكيري الذي لايستوعبه الا شخص ناضج يستحقني وان لم أجده سأظل بلا زواج مدى الحياة يعجبني مرضي النفسي وطليقي اللذي وصفته بالفاشل مع انك لاتعرفه ولاتعرفني وشكرا لأنك أثبت للجميع من أكون ومن تكون والله يوفقك لما تريده
|
|
2/8/2012 12:29:08 PM
|
|
سؤال مهم لكل بنت وشاب (واثق من نفسك فى جاوب)
|
السلام عليكم
حبايبي لاحظت شي معظم البنات مقتنعين بزواج الانترنت ومعظم الشباب مومقتنعين بزواج الانترنت لان اذا تزوجها هالمسكينه بيطلع عينها بالشك لما يصير ينطبق عليه المثل القائل ظل يزن مثل الدبور اللي سعى لخراب بيته حبايبي الشباب اذا مومقتنعين بالموقع للزواج ليش داشين له وليش مجابلينه بالساعات مباراة مثلا تتفرجون عليها وناطرين الفوز حبايبي البنات الصادقات خلكم على موقفكم وثقتكم بنفسكم وخلكم على حذر شديد من بعض شباب الموقع هذه الردود من البعض لازم تخليكم يابنات أذكى منهم والعبرة في النهايه انا متأكدة يابنات ان ماأحد من الشبتب اللي يفكر يستدرجكم للعب بيقدر عليكم ومارده بيمل وتطق جبده ويطلع مم الموقع لأن ماحقق غايته هاالله هاالله بانفسكم يابنات اثبتوا للشباب انكم قد كلمتكم وانكم داخلين وبثقة بجد لهاالموقع وانكم مو فرائس سهله لذوي النفوس الضعيفه قلبي معاكم بنات حواء
|
|
2/10/2012 8:01:12 PM
|
|
المسيار و المتعه هما طريقان لاصلاح المجتمع
|
إذا أتتك مذمتي من ناقص فهي شهادة لي بأنني كامل
|
|
2/10/2012 8:09:48 PM
|
|
سؤال للجميع
|
حبيبتي أفريكانو الميكرسكوب من الرجل الكويتي اللي يسأل عن ماضي من يبي يتزوجها بالتفصيل الممل هذا فعلا مرض لكن شوفيه لا سافر بره ودار ولف في الأماكن اللي فيها بنات ساقطات وحب له وحده فيهم وتزوجها مايهمه ماضيها تدرين ليش لأن باختصار يقول راح أخذها الكويت وماأحد بالكويت يعرفها ويعرف ماضيها فما راح تفشلني وهالكلام أنا سمعته بإذني من شباب راحوا وتزوجوا من بره لوكان من الأساس عنده مبدأ أنه ماراح يتزوج وحده لو مجرد إنها كلمت واحد جان ماتزوج لامن بره ولا من الكويت
وأخيرا بنات الكويت غنيات عن رجل مثل هذا لأنه لو فيه خير جان نفع نفسه موكل همه يدور زلات بنات ديرته وكل من يرا الناس بعين طبعه
الكويت فيها رياييل كفو لابغت البنت تتزوج مو ترتبط بعوير وزوير والمنكسر واللي مافيه خير بهالحاله تقعد بلا زواج أبرك لها مليون مره عند أهلها ولا تتزوج وتنجب عيال من واحد ماراح يعرف حتى شلون يربي عياله عالقيم والدين والمبادئ لأنه كله تناقضات
وعسى الله يخليكم يابنات ديرتي
|
|
1
|