|
10/31/2008 4:38:07 PM
|
|
شنو جنسية الزوجه التى ترغب بها ؟
|
السلام عليكم
انا اقول مو مهم جنسية الزوجه المهم هو الاخلاق اختار اي جنسيه ابي لكن المهم اشوف تربيتها شنو هل اذا طلعت عن البيت تحفظني في غيابي
الرسول عليه واله افضل الصلاة والسلام يقول تخيروا لنطفكم فان العرق دساس او في قول اخر ان الخال احد الضجيعين
نهاية كلامي اقول حلاة الثوب رقعته منا وفيه
|
|
10/31/2008 5:00:26 PM
|
|
ممنوع الدخول للبنات !!!
|
مراحب لكل
ليش شفيهم اهلنا وبنات الكويت ليش ندور من بره مع احترامي لجميع الجنسيات الاخري لكن انت مستعد تدخل عليك عادات غير اللي انت متربي عليها يا استاذ فلفل
واما اللي تدور من البنات على غير الكويتي خل تحمل نتايج اللي تبي تسويه لا هذه اللي تبي لبناني مال حلويات ما ادري شلاقيه فيه يمكن تبيه يسويلها كنافه
يا يبا حلاة الثوب رقعته منا وفيه
|
|
11/10/2008 4:24:13 AM
|
|
قصيدة اعجبتني
|
الأم ماتت والقصيدة سلمها الدكتور للولد وهو يستلم الجثة
هذه قصيدة لأم تعيش في دار المسنين تنثر كل أحزانها بصوت الأمومة لولدها الذي
رماها وتركها من أجل خاطر زوجته التي رفضت العيش مع أمة.....؟؟ وتمر ثلاث
سنوات ولم ترى فلذة كبدها ولو مرة واااحدة فكتبت هذه القصيدة ....
يا مسندي قلبي على الدوم يطريك ×× ما غبت عني وطيفك سمايا
هذي ثلاث سنين والعين تبكيــك ×× ما شفت زولك زايرآ يا ضنايا
تذكر حياتي يوم أشيلك وأداريك ×× وألاعبك دايم وتمشي ورايا
ترقد على صوتي وحضني يدفيك ×× ما غيرك أحدآ ساكنن في حشايا
وليا مرضت أسهر بقربك وداريك ×× ما ذوق طعم النوم صبح و مسايا
ياما عطيتك من حناني و بعطيك ×× تكــبر وتكــبر بالأمل يا مـنايا
لكن خسارة بعتني اليوم و شفيك ×× وأخلصت للزوجة وأنا لي شقايا
أنا أدري أنها قاسية ما تخليك ×× قالت عجوزك ما أبيها معايا
خليتني وسط المصحة وأنا أرجيك ×× هذا جزا المعروف وهذا جزايا
يا ليتـني خــدااامة بين أياديك ×× من شأن أشوفك كل يوم برضايا
مشكور يا وليدي وتشكر مساعيك ×× وأدعي لك الله دايمآ بالهدايا
حمدان يا حمدان أمك توصيك ×× أخاف ما تلحق تشوف الوصايا
أوصيت دكتور المصحة بيعطيك ×× رسالتي وحروفها من بكايا
وأن مت لا تبخل علي بدعاويك ×× وأطلب لي الغفران وهذا رجايا
وأمطر ترااب القبر بدموع عينيك ×× ما عاد ينفعك الندم والنعايا—
اللهم زد من يحبني جنونا بي وامنح من يكرهني نعمة العقل
|
|
11/10/2008 4:46:09 AM
|
|
بيانات العضوا والسيرة الذاتية
|
السلام عليكم
انا اضم صوتي للاخت كيوتي بان يكون هناك باب لبيان نوع الزواج والارتباط واتمنى ان لا يكون هناك تشدد من البعض لان المسلمين 73 فرقه وكل له رايه
بالاحكام الفقهيه هذا يحلل وهذا يحرم خلونا على طبيعتنا وكل واحد على فقهه اللي يتبعه مع الاحترام الشديد للجميع حتى الكل يعرف وين يروح ومع منو يرتبط
وسلامتكم
اللهم زد من يحبني جنونا بي
وامنح من يكرهني نعمة العقل
|
|
11/10/2008 7:50:27 AM
|
|
لاتقولون مادري رايكم
|
السلام علبكم
عمر البنت عمره ما كان سبب نجاح او فشل الزواج وايد بنات تزوجو صغار ونجحو بالاختبار وهم وايد بنات كبارتزوجو وفشلو مهم يا عزيزي التربيه الاخلاق
العلاقه الصادقه بين الطرفين واهم شي الرجل يعرف شلون يدير البيت وهم مهم ان يكون المستوى التعليمي متقارب والحاله الماديه عتد البعض متقاربه
ثم حتى لو كبرت البنت تكبر خبرتها بالحياه
اما اذا قصدكم البنت بهالعمر يكون نشاطها اكبر فهم هذا موشرط
وسلامتكم
اللهم زد من يحبني جنونا بي وامنح من يكرهني نعمة العقل
|
|
11/14/2008 11:15:31 AM
|
|
ســــــــــــــــؤال ؟
|
السلام عليكم
جوابي باختصار مو عيب انك تعتذر لكن العب الاصرار على الخطا
واللبيب بالاشارة يفهم
اللهم زد من يحبني جنونا بي
وامنح من يكرهني نعمة العقل
|
|
11/14/2008 11:37:13 AM
|
|
إذا بتكون صريح أدخل
|
السلام عليكم
تكوين الصداقات مع الناس شي حلو اكتساب معلومه او خبره عن طريق تجارب الناس طرح حلول للمشاكل اللي تواجهني
هني بالموقع احسن لي من ان اطرحها وجها لوجه منعا للاحراج بصراحه بالاول دشيت طماشه لكن لما حصلت بعض المشاكل
معا حصلت من يسمعني ومن يساعدني ويقدم النصائح مع العلم انني متزوج عندي عيال
وانا اتمنى من ادارة الموقع ان مايكون الموقع للزواج فقط بل ان يكون ملتقى او منتدى لايجاد حلول للمشاكل الزوجيه
ام بالنسبه لموضوع الزواج بالنت او عن طريق الاهل فاللي كاتبه الله يجيبه
وسلامتكم واسف عالاطاله
اللهم زد من يحبني جنونا بي
وامنح من يكرهني نعمة العقل
|
|
11/14/2008 11:51:32 AM
|
|
وين الحقيقة او جدية الموضوع
|
السلام عليكم
يا اخ 10 kuwait
يوم انا يوم قلت حق الوالده الله يحفظها ويحفظ امهاتكم ابي اتزوج تعبت على ما حصلت البنت الا بطلعة الروح
لا وكم وحدة شافت من العايله وين و وين لما حصلت البنت اللي الله كاتبها لي وتكون من نصيبي
وانت تقول انك استعجلت انك سجلت لا المساله مساله نصيب ورزق اذا الله كاتب لك تتزوج من الموقع بتزوج اما
اذا نصيبك بره هم بعد بتاخذه والله يعينك ويهديك للي فيه الخير وعسى الله يغنينا واياكم بحلاله عن حرامه
|
|
11/15/2008 4:59:56 PM
|
|
شكرا
|
السلام عليكم
شكرا للجميع من الاخوة والاخوات المشاركين اللي يتحملون بلاوينا وصراحتنا وشكرا لادارة الموقع اللي خصصت واتعبت
عشان توصل لهالفكرة العظيمه للتوفيق بين راسين بالحلال
اما بالنسبه لموضوع الاخ jeep
بخصوص تربية الحيوانات فانا اعتقد انو لو ينضم لقسم الهوايات احسن لان تربية الحمام او الحيوانات هم هوايه
وبس
سلامتكم وتعيشون
اللهم زد من يحبني جنونا بي
وامنح من يكرهني نعمة العقل
|
|
7/25/2010 1:26:42 AM
|
|
المصداقيه
|
السلام عليكم اخواني واخواتي الكرام من ادارة واعضاء بالمنتدى
انا عندي مجرد تساؤل صغير الا وهو انه في بعض البنات كاتبين والبروفايل حقهم ان الموقع ما في مصداقيه وما زالو في موجودين الموقع وكل يوم يشبكون
زين اذا انتي مو واثقه من الموقع ليش للحين قاعدة فيه ؟ ما ادري هل انا غلطان بتساؤلي ؟ وشكرا
|
|
8/10/2010 3:24:07 AM
|
|
المصداقيه
|
السلام عليكم
اشكركم اخواني واخواتي على الردود
اخت الفالودة انا ما تكلمت عن تكوين الصداقات وما رميت الناس بحجر لان انا مطلبي واضح وبروفايلي يوضح هالشي انا اتكلم عن المصداقيه لما اقول عن شغله ما فيها مصداقيه واكون مداوم عليها فانا اللي ما عندي مصداقيه
وانا معاج انو في مواقع للصداقات و التعارف لكن انا الله وفقني للخير في هذا الموقع ولله الحمد وانا اتمنى للكل التوفيق
وسلامتكم
|
|
1
|