|
صفحات
1 |
|---|
|
11/10/2008 4:24:13 AM
|
homy
Posts 11
|
الأم ماتت والقصيدة سلمها الدكتور للولد وهو يستلم الجثة
هذه قصيدة لأم تعيش في دار المسنين تنثر كل أحزانها بصوت الأمومة لولدها الذي
رماها وتركها من أجل خاطر زوجته التي رفضت العيش مع أمة.....؟؟ وتمر ثلاث
سنوات ولم ترى فلذة كبدها ولو مرة واااحدة فكتبت هذه القصيدة ....
يا مسندي قلبي على الدوم يطريك ×× ما غبت عني وطيفك سمايا
هذي ثلاث سنين والعين تبكيــك ×× ما شفت زولك زايرآ يا ضنايا
تذكر حياتي يوم أشيلك وأداريك ×× وألاعبك دايم وتمشي ورايا
ترقد على صوتي وحضني يدفيك ×× ما غيرك أحدآ ساكنن في حشايا
وليا مرضت أسهر بقربك وداريك ×× ما ذوق طعم النوم صبح و مسايا
ياما عطيتك من حناني و بعطيك ×× تكــبر وتكــبر بالأمل يا مـنايا
لكن خسارة بعتني اليوم و شفيك ×× وأخلصت للزوجة وأنا لي شقايا
أنا أدري أنها قاسية ما تخليك ×× قالت عجوزك ما أبيها معايا
خليتني وسط المصحة وأنا أرجيك ×× هذا جزا المعروف وهذا جزايا
يا ليتـني خــدااامة بين أياديك ×× من شأن أشوفك كل يوم برضايا
مشكور يا وليدي وتشكر مساعيك ×× وأدعي لك الله دايمآ بالهدايا
حمدان يا حمدان أمك توصيك ×× أخاف ما تلحق تشوف الوصايا
أوصيت دكتور المصحة بيعطيك ×× رسالتي وحروفها من بكايا
وأن مت لا تبخل علي بدعاويك ×× وأطلب لي الغفران وهذا رجايا
وأمطر ترااب القبر بدموع عينيك ×× ما عاد ينفعك الندم والنعايا—
اللهم زد من يحبني جنونا بي وامنح من يكرهني نعمة العقل
|
|
11/17/2008 10:41:44 PM
|
sky_bird
Posts 6
|
قصيدة اقل ما يقال عنها انها روعة ..........شكرا لهذه المشاركة
|
|
11/18/2008 12:38:43 AM
|
Fa_had
Posts 16
|
الشعر تعريفة بدون اية اجدال
كلام له معنى مقفى وموزون
ولو قالو ابا اقول عن كل الاقوال
هذا الصحيح وقولو اللي تقولون
ماهو كلام كيف ماقيل ينقال
وشلون مدري كيف ياكيف وشلون
لا قافيه لا وزن لا نعت لا حال
لا وصف لا تشبيه لا شكل لا لون
يعني سوالف بس من غير منوال
سولف واسولف واكثر الناس يوحون
حتى لو انك جبتها مالها اجيال
اهم شي تكون رزه ومزيون
وفي يدك ساعه تعطي الوان واشكال
ماغير تلمع كل ماقلت هاللون
واشياء كثيره غير هذي على البال
ياناس ياعالم هو انتم تشوفون
موروثنا الشعبي غدا نصه خبال
بيدين متشدق وساذج ومجنون
من عقب ماكانت توارثها الأجيال
اصبح مجرد شئ زايد ومركون
ومن عقب ماكان يتنفس ويختال
صار اكسجينه ثاني اكسيد كربون
تعرضوه صوير وعوير والفال
اللي على نهج الثنينه يسيرون
صوير جنب عوير وعوير دجال
وعوير جنب صوير وصوير ملسون
اعوير لا من قال يالال يالال
صوير يصرخ ياخي ابداع بفنون
يامال فرقا العين يامال يامال
جنون يمكن لاكن ابداع تبطون
والشعر مهما صار باقي ولا زال
وشعارنا في كل وادي يهيمون
مليون لاكن لو تجيب لك منخال
تنخلهم بنمنخال مامهوب مليون
وانا ماابري نفسي بكل الاحوال
اخاف فالمنخل مع اللي يروحون
لاكن والله ماني قصّير احبال
ولاني من اللي فالقوايل يضيعون
يقول ابن جدلان في عرض ماقال
تكفون صونو كلمة الشعر تكفون
وانا بقول اليوم عن كل الاقوال
هذا الصحيح وقولو اللي تقولون
|
|
صفحات
1 |
|---|