View User Profile - Khitba Forum Forums

gem - جميع رسائل المستخدم

10/12/2008 7:48:01 PM
صفات الغير جاد	لى فكرة هي القصة ان المعاكسات ما عادت مخصوصة بالذكور هذا امر صاروا يتشابهون فيه الاثنين و ممكن تكوت بالنهاية لاننا بمجتمع ذكوري فالاسبقية كانت للذكور .. هذه ما نتناقش فيها ... و ممكن حتى النسبة الاكبر لهم كذلك ما نتناقش ... بس هي الان مثل ما قلت يتشابهون و انا دقيق بهذه الكلمة المنتديات مجهزة بشي اسمة خاص ... ممكن الواحد او الوحدة و خاصة البنت ما تفتح مجال فيه الا بعد ما تكون اخذت فكرة ( اولية ) كافية عن الشخص اللي بيوم من الايام فتحت معاه خاص و الخاص عاد يستمر هني لغاية ما تغربل كل اللي بجعبة هالشخص و اذا تكون شوية ذكية تاخذ منهمعلومات عنه توضح شخصيته و تشتغل عليها لتتعرف على جوانب شخصيته من بره لبره ... مو احنا ربعنا _ ذكور و اناث ما شالله ,, من يوم فري كويت ماكو لا مبادئ و لا دين فالجذب اشزينه منهم و على كيف كيف الحلفان و الايمان ... لا تقولولي مو كلهم لاني اعرف انه اذا خليت خربت بس من يعلم بما بالقلوب و اشلون تصيد اللي ماهو بجاذب ... ( حلني !! ) المهم الحرص هو زبدة الزبدة ... و ترى اللي تطيح او ان كان ذكر الي كايح ...من جيسكم ( كيس هذه للي ما يعرفون اللهجة ) و مو من جسي احد بس في شي مهم للي ماخذين العدائية بشكل رهيب ضد الرجال اقول لهم ترى العدل هو سيد الحكم و عدل الاحكام من صفات الخالق و اسم من اسمائه .. و لا يجوز ان نتشرذم ضد الذكور لان كثير منهم لعوبين ... ما الاناث الان في منهم الكثيرات يحتلون الكثير المراكز العشر الاوائل ... فهل نسل سيوفنا ضدهم ؟؟؟ العدائية اخت التطرف و التطرف ليس من شيم العقلاء .وهذا الكلام لبعض المعلقين لان السلوكيات هذه مشتركة ... و كذلك للبعض من اللي بروفايلاتهم ما فيها الا التهديد و الوعيد ... يا ساتر تقول داش مخفر متبرعين فيه مو نت مفتوح للجميع !!
10/12/2008 7:58:06 PM
غذاء الروح والعقل ايضا	تكفين اختي مسز لا تقولين لي اغنية حلفت عمري .... يا الله هالاغنية على جماليتها و ابداع المهنا فيها بموسيقاها ... بس وايد كئيبة .. يعني لو الموسيقى بس مالت هالاغنية موجودة او تنسمع جان راح تعتبر من اجمل مقطوعات الموسيقى العربية ... بس الكلمات يبيلك بعدها عصير درزنين برتقال و نص درزن ليمون و بندول علشان تنشال من الجو اللي تحطك فيه اما باقي الاغاني ملوته مثل اشعلامك بالاسمرانية ... !!! عليج واحد ... شمعة الجلاس شيخة الاغاني ...من المقدمة حتى تنتهي بعد ما تكون عايدها كم مرة .. و غيرها من اغانيه الخفيفة و الطربية كانت ممتازة ... لكن شنقول حسافة عليه وايا خباله ( هذه الكلمة من حرتي السموحة من الفنان الكبير و منكم ) يوم انه توقف ...كان مبدع
10/12/2008 11:41:03 PM
نقص الحديد في الجسم يضعف ذاكرة النساء	ها ها ها طبعا تسامحني اذا خليت معاها الكرت ... هي من تبلش بالتشري و تندمج عدل و الله لو تشوفني مع وحدة ثانية ما راح تهتم !!! بس عقب السكرة .... آآآآآآآآآخخخ وايد ادري و الله ادري ان المراة ام المبادرات و كل الاشياء الجميلة و احنا يا الرياجيل ( اوبس ) ننسى ميلادنا ممكن ( املج ننسى ... ناطرين الهدية ) و لكن خليني اقول لج شي ... ننسى ميلاد الزوجة هذا مو صحيح ... اذا العلاقة مستمرة بعد مدة قصيرة او متوسطة و ما زالت متجددة و بعيد عن بوز مني و واحد مناك .. هذه لا يمكن ينسي فيها شي ... و طبعا ما انسى ان حتى على المدى الطويل علشان محد يعلق على هالموضوع على الاثنين اشلون يخافون على اشيائهم لا تخرب و تكون محتاجة صيانة وقائية قبل لا تخرب !! عليهم ان يرممون هالعلاقة و مثل اللي يسوولها اشلون تسوون صيانة للكمبيوتر ؟ .. تلغون افكار و ذكريات غير مستحبة .. و تعيدون ترتيب الاولويات و بقلوب محبة على فكرة مو كلن يعند لفكرته ... جذيه يصير ضرب جريش مو ترتيب ..هذه كذلك ... شيلوا بين فترة و فترة متعلقات غير صحية ... و لما نقول تنشال حقيقة تنشال ... و هذا محتاج الى تدريب للعقل و المشاعر .. بس عاد ما توصل الى بلاوي ما لها علاج ونقول شيلوا لا احنا نتكلم عن ناس عاقلين اخطاءهم مثلهم عاقلة .. و لما الاثنين يكون ذوي تفكير بناء و ايجابي حقيقة ... صعب ان علاقتهم تخرب او حتى تصير رتيبة . ... و مثل هذه العلاقة محد ينسى اي شي لحبيبه حتى لو كان ولاعته او ترجيتها !!! تخيلي ريلها يراكض وراها حبيبتي ترجيتج !! و الا شباصتج علشان تشيل الكشة الناس مو محتاجة خرعة !!! ................. عادي حذفي اللي تبينه انا بامان السموحة منكم
10/12/2008 11:54:09 PM
وجهة نظر !	هو احلى ما في الموضو انج تخافين بالمقام الاول ... بالنت او بغيرها هي المقابلة الاولى و بعدين خطبة ؟؟ طبعا محد راح يثق بالاخر البنت مفترض انها ما تحقق له المقابلة الا بعد ما تكون تاكدت من شخصيته بشكل مبدئي ما يقبل النقاش و لا القسمة و اللي يحدد هذا الامر هو امر هام جدا العقل و لا شي غيره ... اذا ترك اي انسان اختيارة بتفحص الطرف الاخر ...( الللللله المشية .. البسمة ... المادري شنو و الا شنو و الا ... الخ ) و كل هذا ترك قياسه للقلب فقط ... خله يبشر بالتكرفس و على الوجه اختيار الطرف الاخر لا يتم قبول النداء فيه الا بعد ختم العقل له ... و هنا لازم العقل يحط الموضوع و يشتغل عليه بشكل رياضي اللي من بعدها محد يسال على قولة المصريين ... تلت التلاتة كام اكيد لازم تخافين يا اختي العزيزة و لكن اذا كنتي من اهل العقل صج ... فلا تتوجسين اكثر مما يحتاج الامر و بعدين اكو اهل يسالون و يمحصون و هم بعد يحمصون المعلومات عنه ... الاساس انج تشيلين العفيسة من تفكيرج و تركزين عدل ... و في تمارين ممتازة لهذا الامر على فكرة اذا الاخ بيقابلج و بعدين بيغير رايه تكون ساعة السعد لج لانه ما يستاهلج بوقته ... ليش قابلج ...للزواج ؟؟ اصبح ليش يغير راية .... للعب ؟؟ ... ابركها ساعه العذر منكم على الاطالة
10/13/2008 12:11:17 AM
غذاء الروح والعقل ايضا	و الله ما اعتقد ان احمد يشيل نفس الجينات مالت ابوه طبعا هو في مشكلة بحكمي انا شخصيا او اللي عاشوا الفترة اللي فاتت بجمالياتها حسب ما كان موجود بوقتها و اتمنى على الاقل انه يقدر يلقى لنفسه مكان بين ابناء جيله و اتمنى يحصل ذلك على اساس موسيقي طيب و فني حقيقي بس انا سمعت عنه انه مصاب بآفة قاتلة للفنانين .. و هي الغرور ... الله يستر عليه و يوفقه ... عنده خامات ممتازة بس يبيله شغل تمشي معاج الفنون الشعبية الكويتية ؟؟ خاصة السامري طبعا الحين تقولين اشهالتحويلة الغريبة ... تانغو و كلاسيك و سيتار و جيتار و بعدين سامري ؟؟؟ طبعا انا موسيقي اصلا... ( او مدعي ذلك !!) و كنت سنين طويلة مبتعد عن الفنون الشعبية ... و مركز تماما على الشرقي و لكن مع السنين و التفاتة الواحد شوي شوي لبعض الاغاني و استماعه .. و شوي شوي استمتاعه بالموسيقى لهذه الاغاني ابتديت اهتم فيهم و شفت عمليا فنون جميلة و تحتوي على مقطوعات عالية بالجمال و روعة الالحان بس الناس و انا منهم سابقا ينظرون للاسف لها و كانها مو لهم او منهم ... هي موسيقى صعبة القبول للي ممتنع اصلا عن ذلك و لكنها بالتشبيه .. سهلة الهضم على العموم مابي اطول اكثر تحية للجميع
10/13/2008 10:30:37 AM
:: اسباب العنوسه ::	هههه و الله يا حليلج يا عفيسة ..... شدختي بالرياييل يهديج الله ... اذكرج بعد بشي يخليهم اقل ... و هو يا ماخذله اوربية او امريكية و الا لاتينية ( يلعن يومه هذا منين صادها ) و الا اسيوية سيلانية هندية فلبيية صينية ماليزية سنغافورية يابانية ... يلعن يومهم ربعنا صكوا على ابائهم اللي كانوا يتاجرون و يتزوجون من برة ... يعني المنافسة حامية ... وين هالمسكينة الكويتية يوصلها الدور ... و ان وصلها ,,, بتكون يا على راس وحده منهم او بعدها ... و الله المفروض الكويتية اللي يجيها واحد من هذول ... ترنه .. يعني تصكة او تحرقه ) بتربيطات و لعنة خير اولا عقاب له على الزواج من بره و بعدين علشان ما يرفس مرة ثانية ... ( ادري نحيس !! )
10/13/2008 10:44:49 AM
وجهة نظر !	على فكرة يا مس ... فكرة الزواج بالنت ما عادت قائمة على بحث الشباب ... للعلم بانها صارت اكثر و اكثر للكبار و اللي يتزوجون عن طريق التعارف من النت يزيدون ... فلا تحتاين ... اهلج ان عصبوا اول ما يدرون بعد اسبوع بالكثير راح يتعاملون مع هالوضع بالشكل المعقول ... لا تخافين ما راح ياخذون اللاب و لا الموبايل ... لان المجتمع كله ابتدى يتفهم هالتكنولوجيا ... هم يخافون مثلا من الركضة وراها بالشكل اللي يؤثر سلبا على اولادهم و بناتهم و لكن اذا سار الامر بعقلانية و الكل حفظ نفسه و سار بالامر على ما يرام فما راح بالنهاية يعارضون ... خاصة الاهل يحليلهم من تقول لهم زواج ... حتى ممكن ما يسالون من وين و اشلون ... الخ .
10/13/2008 2:51:54 PM
مواقف وقصص واقعية من موقع خطبة	لا حول و لا قوة الا بالله يا مس قصص الناس ما تخلص مو قلت لكم مرة خلوهم يلفون و يراكضون بالسايت تطلع منهم مواقف تضحك ؟؟ و الاخت 26100 ... يا ريتج لاحقه على الكورس اللي كتبوه الاخوان في نفس المنتدى ,,, جان ما دفعتي 5000 دينار على كورس ( درس ) علشان تعورين قلبج كان الله بعونج ... اعتقد ان الخدعه اقوى حتى من ال5000 المهم ... يقولون الضربه اللي ما تقتلك تجعلك اقوى ... فديري بالج و الله يحميج من اولاد اللي ما يتسماش و بالنسبة للي تكون زوجته معاه و حاب انه يتقدم على الزواج ... هذا مثل لما يتقدمون لاي بنت ببيتها و يكون الريال متزوج ... لها ان توافق او ترفض ... لو توصلين الريال هذا مع وحدة من اللي ممكن توافق على ضرة ... راح ترضين الاثنين و اصلا ساعتها راح تعرفينه على حقيقته اذا ملج و كمل اللي رز ويهه علشانه كان بها و كان لج بميزان حسناتج ... و ان شفتي غبرته يكون يا دار ما دخلك شر اكيد الكل يتفهم ان اللي تمر بموقف مو زين راح يكون عندها رد فعل ...
10/14/2008 12:37:48 PM
مواقف وقصص واقعية من موقع خطبة	اختي 26100 بقى عندج فلوس ؟؟؟ خلينا نلحق ... شكلج احسن من بيت الزكاة لا اوراق و لا واسطات لا تقولين مرة ثانية انج غبية ... انتي طيبة لدرجة كبيرة جدا ... و ماعندج خبرة بالناس اللي اندفع هذا اذا ما تقدرين تردينه عديه دفعة بلا ... و لكن اللي تقدرين عليه لا والله انتي الزم فيه من هالناس اللي ما عنده لا يسوي على قولة المصريين تلائيح جثث ... شكو داق الريشة و راز ويهك على بنات الناس و انتي خلاص يبا خلي رزقه الله يرزقج اياها تروح الى طريقها الصح ... وراج عمر يطول انشالله او اذا ما كنتي مجتاجه تتصدقين فيهم للي يستاهلون ... و تكونين متاكدة ... ترى كل واحد عنده اعذار تبجي الصخر بس مو كلهم صاجين بعدين شنو هالعلاقة اللي وراها سحب فلوس من الطرف الاخر ذكر او انثى ... الساحب هذا ما يستحي و الا هم بعد هذه صارت هي القاعدة و الرزانة و العزة شواذ ... علمونا خلونا انتلاحق عمرنا و نسحب من هالبنات اللي يصدقون !!! الله يجيركم من الساحبين و الساحبات و انتي يا بنت خلاص عاد حطي عقلج براسج كل من يبدي بالطراراة من العلاقة منج .... سويله دلييييييييت و بلوك على ما يقولون الشباب هني ... و بطلي السلوك القلبي هذا ... الله سبحانه عطاج عقل ... خليه شوي يقول راي و سمعيله
10/14/2008 2:18:17 PM
غذاء الروح والعقل ايضا	للي يحب موسيقى البزق ... و المشهورية في اليونان الدول القريبة منها شمالا جنوبا شرقا غربا طبعا كلكم تذكرون موسيقى زوربا الجميلة هذه فرقة يونانية يابوها الكويت من كم شهر و ابدعت بمعزوفاتها لموسيقى قريبة بمسمعها من العربية من ناحية المقامات الموسيقية ... كرد و توابعه و زملاءه الاسم بالعربي للي يتكاسل .... دروموس بوزوكي باند .... يمكن تنصاد بغوغل و اذا ما مشى الحال هذا اسمها بالانجليزي Dromos bouzouki band اتمنى لكم اوقات سعيدة
10/14/2008 4:55:58 PM
عندى ملاحظات على البنات اللى بالموقع	مو خوش ملاحظات الله يهديك شلوطتهم وقعدت انطر اللي بييك .............
10/14/2008 5:00:03 PM
مقتنعين بالزواج من الانترنت !!!	اللي يقتنع بالزواج التقليدي او الغير تقليدي او الخطابة او ... الخ ممكن يقتنع بزواج النت ... و العكس صحيح ما في زود لاحدهم على الباجي المشكلة باللي يجدم على الزواج ... اكو اللي يتشككون و اكو اللي يتقبلون و يتقنعون .
10/14/2008 7:58:59 PM
عندى ملاحظات على البنات اللى بالموقع	ههههههههه والله يا عفيسة مادري ليش احب مشاركاتج ادري وراها شي يضجك و يشيل الرتابة اللي بالموقع بالنهاية ... يحليلج و الله صج تسوين جو اهااااااااااااا ... يعني بالنهاية طلعتي متينة ( بوووووو .... كسر اللمبة !! )... يعني بنت عز ,,, اكيد بنت عز الله يديمه ... بس انتي نسيتي ان احنا الحين مو مثل قبل ... يعني انتي قلتي قبل يبون جذيه ... و تقولين النصيب ما ياني ... الله يهديج موضتج مالت المتن عتيجة وين ياخذونج .................. هههههههههه الله يخلي النوادي و مطاعم الريجيم .. ؟؟؟؟؟ يعني تعرفين عنهم ... و وراج ناسية روحج يا حظي تلاحقي نفسج ... ترى هالايام القطارات صايرة اسرع من الطيارات !! ربي يخليج و يرزقج
10/14/2008 8:29:38 PM
:: اسباب العنوسه ::	شوفي يا مس يا حبيبة ( على وزن طيبة ها ؟؟ شيلوا الظنون ) لاني اعد هالبنت مثل اختي الصغيرة قول و فعل و اعزها و اتمنالها كل خير انا عندي اعتراف ... اخاف بعد ما اقوله يشوتوني من الموقع ... اناماني داخل للموقع ابحث عن شريكة و لا حبيبه و لا اي نوع من العلاقات ,, ما عدا الصداقات و لكن من يدري يمكن مستقبلا اصير مثل عبدالحسين عبد الرضا بمسرحية فرسان المناخ يوم قال ... انا كنت قدوة بس ما لقيت احد يمي جان اقلب .. لكن الاكيد انه تو الناس عليه و سواء كنت جذيه او لا ... انا هذه شخصيتي و على طبيعتي و لله الحمد و قلبي طيب تجاه الكل المهم اللي ابي اقوله ان الجمال عمليا يتكون من مكونات وايد اقلها اهمية للزواج هو جمال الوجه و القوام لان من تزوج اجمل الجميلات على قولتهم دفع الاثمان غاليه ... لان الاخت شايفة عمرها فووووق طبعا اذا خليت خربت ... و هذه الاشياء الوجه و القوام تظل كم سنة بعدين تصير ذكرى يشوفها الزوج بالصور بس !! و لكن الجمال الحقيقي و اكرر لمن يبي يتزوج هو جمال الروح و الموقف و حلاوة العشرة و الصبر و التحمل و هالايام المشاركة !! و ... اشياء اخرى هذه الطباع موجودة عند كل الشعوب .. رجالا و نساءا .. و اعتقد ان من الشباب او البنات اللي يقولون عووووع لابن او بنت البلد هذول ما يدرون شيتكلمون عنه ... لان بالنهاية الحكم بالموضوع هو الشخص فان كان او كانت من عشاق المغامرة و الاغتراب و .. اشياء اخرى و صابهم الياس من نوعية الطرف الاخر فان الزواج من غير مواطن او مواطنة يعتبر من قبيل عدم الاستقرار المعيشي و مشاكل هذه الزيجات كثيرة كافي لغوة مني بس اختم و اقول ان بنات الديرة ... فيهم من الجمال و الكثير من اللي يتمناه اي رجل .. طالب حياة مستقرة .. منهم اللي طبعا تتمنى تحطها مع القار اللي يقيرون فيه الشوارع علشان تفتك منها ... او حتى منه ... و في منهم مرهم و اما بالنسبة للاتينيات يا ستي يا مس ... هذول يجيبونهم اصلا و اكثر شي من امريكا لما يروحون للدراسة ... و اللاتينيات ياكلون القب و ياخذون العقل بالنسبة للشباب ( الله يرزقنا !! ) الجمال و الاخلاق و الاشباه ابد تقول كويتية .. فالاخ يضيع و ما ينتبه حسباله ماخذ بنت عمه !! اسف على الاطالة ... وشكرا
10/14/2008 9:21:47 PM
Life Without Girls	تعجبني يا باش مهندس و الله انت هندسة فعلا حتى نرتاح من الحرائق ما يكون فيه شموع و البوليس يرتاح يا اخي كل شوي وحدة ناطه عن جسر بسيارتها و الا عامله ناس ماشين بامان الله كوبري بس الاهم ان الرجال بعد ما راح يخطؤون و فعلا دغري للجنة الله يفكنا من النسوان
10/14/2008 9:30:10 PM
مواقف وقصص واقعية من موقع خطبة	هااااااااااااااااااي يا فلفل تصدق توني اشوف المشاركة مالتك علشان جذيه مندق و كتبت الموضوع اليوم ؟؟؟ قوية بصراحة ... اشوى ما طلبت منك البطاقة ...اظن لو طالبتها منك جان حذفت البوك كله و رجليك .. جان اليوم اشكنت راح تكتب ... تكتشف انك تقص عليها ... اظن انها راح تبرك بمناسمك ......... اكيد جان موضوعك اليوم بيكون .... روحوا يا ستات منكو لله .... على قولة عادل امام ... هم هيروحوا من ربنا فين
10/15/2008 9:44:19 PM
السعاده	صحيح الكلام يا اي جيه ام بس تدري او تدرين ... اخر كلمة اجملهم و تشملهم كلهم البسمة صدقة و كل ما سبقها يمكن ان يتم على اساسها . فالانسان المبتسم انسان واثق الكل يرتاح لسلوكه و يحب عشرته ... و من تحبه تقدم له و يقدم لك فمهما تعسرت خلوا الامل بالله قوي و خلو بسمة المؤمن الواثق على الوجوه و الله يجعل ايامكم كلها ابتسامات و ضحك و جمال عطايا الكريم
10/15/2008 11:18:42 PM
كلمة إشادة	بصراحة اقول ان المنتدى مرات يكون حده مو خوش ولد !! تكتب موضوع الساعه 6 ينزل الساعه 9 ... تحط موضوعك الصباح ينزل العصر .. في مواضيع انكتبت الساعه 8 و للان ما نزلت اهو بروحه مرات من كيفه المنتدى ( كيف المشاركين ) يكونون باردين و شوية سلبيين ...ماكو مشاركات ... حدهم لايعه جبدهم ,,,, بعد تيي يا منتدى و تكملها شكلي اذا بيكون اغلب الموجودين بهالصورة باردين و المنتدى بهالبطء ... راح الف الديرة
10/16/2008 11:49:19 AM
غذاء الروح والعقل ايضا	الحقيقة انا معاك ان سليمان هو مشروع موسيقي ناجح قد يكون على المستوى الفني انا ما اخالفك الراي ... بس هالولد عنده مشكلة حقيقة ربعنا لما اييون بيطورون الفنون مالتنا مشكلتهم ن اغلبهم من ذوي الفكر التعريبي ... يعني تلاقي الواحد ياكلنا بالصيحة على فكر مسرحي ... و ياكل حنايج لين يقولوله يللا يا معود سندرت راسنا ... يروح يسويلك مسرحية تطفش الجن قبل الانس على بو شنو ؟؟ مسرح جاد ... و كذلك الحال بالموسيقى .. اييون بيطورون الفنون الشعبية .. يهزؤونها الله وكيلك و الل ان اشرطتها حتى بسوق الجمعه محد يشتريها الديكان انا حضرت له امسية موسيقية قبل يمكن 6 شهور ... و حاول يطور الموسيقى و الفنون الشعبية بموسيقى الحقيقة اقل بوايد من المستوى ... انا افضل انه يدخل بكورسات متعمقة جدا بالفنون الشعبية و يهضم روح هذه الفنون و بعدين يبدي محاولاته من جديد الحق على ابوه ... هذا الفنان الرائع و المبدع الليما وقفه عن هالاعمال اللي سواها مو كل من يه و قال بطور نسمعله و بس ... لا الديكان يبيله وايد ... يبيله يصير موسيقي كويتي من هذول اللي غترتهم جرينبه ... يقعد مع المطيرجية و الحداقة و ملوت الجواخير .... يعني يترب البيئة عدل و بعدين يلحن ... انما انا عمليا ما اخالفك انه مشروع موسيقي و ايضا معاه واحد من عيال الراشر و اكو ولد جعفر و الرفاعي شباب كثر نتمنى لهم التوفيق و بالنسبة لمشاكل الوظايف هذا غباء حكومي مستمر و كل اللي تسويه انها تحط حلول ترقيعية ... بس انا اقترح انكم تتجهون للقطاع الخاص ... حتى لو تعب لكن تشترون نفسكم صدقوني الله الموفق
10/16/2008 2:17:36 PM
القاعده 10/90	الموضوع مشى بشكل حلو الى ان بقى يخلص جان يكوكس 10 % - 90 % ما تتراكب مع العادات و التقاليد العادات و التقاليد تدخل فيها امور وايد ما تتناسب بل ما تتفق مع العلوم ... و العلاقة بينهم هي بالضبط عكس عكاس و الدين اصله بالنهاية علم ... لكن خلي تطبيق هذه الامور تسير حسب ما يحددها العلم بذاته دون تدخلات من اي نوع الموضوع هذا ينزع بالانسان الى تنمية شخصيته بالشكل الايجابي و هذا اجمل ما بالموضوع ... فيكفي الانسان ان يقرأ و يتمعن بمعاني هذا الكلام و ذلك جدير بان يؤدي الى ادخال التعيلات الشخصية له بدون ان يلاحظ . شكرا على الموضوع الجميل و كل التقدير على الجهد الطيب و ... دمتم
الصفحات 1 2 3 4 5 6 7 8 9 10 11 12 13 14

Khitba.com