|
10/20/2008 3:43:50 PM
|
|
عندى ملاحظات على البنات اللى بالموقع
|
اقتراح للأخ فلفل >>>>>>> ودك عن طريق المرأة تدش الجنه ؟
بما انك من نخبه رجال الموقع و ماشاء الله عليك قمة في النشاط الذهني ، اكتب موضوع تحت عنوان :
"" كتبو ملاحظاتكم على الشباب اللى بالموقع ""
والله راح تاخذ اجر و تخفف ذنوبك و رواسي تدش الجنه ... لا و تشكرني بعد 
حزن
|
|
10/20/2008 4:06:30 PM
|
|
:: اسباب العنوسه ::
|
اخواني و خواتي ... سمعو سالفتي آنه الحزونه المسكينه 
|
|
10/20/2008 4:18:51 PM
|
|
:: اسباب العنوسه ::
|
قبل كل شي ... يا ناس تطورا شوي و شيلو اللقب هذا ... شنو يعني عانس ؟ شوفو بلاد بره البنت بس توصل 30 يالله توها تفكر انها تتزوج
لأنها تحس انه اكتمل عندها النضوج الفكري و العقلي و العاطفي و تقدر تختار صح ... بس احنا بس البنت يصير عمرها 30 و ماتزوجت ، يقولون
عنها عانس !!! الله يصلح حالكم بس
يعني البنت عشان مايلقبونها بالعانس ، تتزوج كل من هب و دب و طب باب بيت ابوها ؟ مايصير يا جماعه
ياما بنات مساكين تزوجو و تطلقو و العيال تبهدلو والخ ....
انا بالنسبه لي شخصيا كنت رافضه فكرة الزواج من كثر ما كنت متعقده من المشاكل الزواج و من كثر ما كنت اشوف الاحصائيات المخيفه للطلاق
كنت اقول مادام عايشه مرتاحه معززه مكرمه في بيت اهلي اشحقه اتزوج ؟ يعني انا بروحي اخترت اني اكون هذي اللي يسمونها " عانس "
بعدين اهم شي ... لو الله سبحانه كان كاتب لي الزواج ، جان الحين ماشفتوني في الموقع ... يعني كل شي بيد الله سبحانه و انا راضيه بارادة ربي حبيبي
حزن
|
|
10/20/2008 7:15:04 PM
|
|
ملاحظاتكم بنات عن ( بعض ) شباب الموقع ...
|
مساء الخير حساويه حبيبتي مشكوره علي قبولج اقتراحي اللي اقترحته علي اخونا المعقد " فلفل " اللي ماعنده شغل غير الطنازه علي بنات دبرته الله يهداه ان شاءالله
و اتمني ان البنات يطلعون احسن من الشباب في طرح الموضوع هذا بكل صدق و امانه و شفافيه و من غير تجريح
،،،،،،،،،،،،،، دعوة لكل البنات انهم ينتقدون بكل صدق و امانه اخوانهم الشباب و من غير استهزاء لأن هم بعد يظلون اخواننا و خلينا نكون احسن منهم ،،،،،،،،،،،،،،،،
انا بصراحه و بكل امانه كل اللي شفتهم في الموقع - ما عدي اخونا عاشق المرأة اخ فلفل - كانوا قمه في الأخلاق ، جادين - ماعدي جم واحد
عيال حموله و اكابر ... فعلا ماقصوا علي من حيث الوظيفه و بعض المعلومات العامه و الخاصه ... راقيين و محترمين و انا اعتز بوجودهم
هذا رأيي بصراحه و من غير مبالغه ... مادري اذا انتو شايفين غير هذا ... بس انا شفتهم جذي
طبعا يزعجني شي واحد فقط ، الأغلبيه من اللي انا ادور عليهم و اتمناهم زوج لي ، يبون مسيار او سري
مثلا واحد قمه قمه في كل شي ... متزوج و محتاج زوجه ثانيه ... بس يخاف من زوجته ! يبي مسيار او سري
مادري ليش هذول تفكيرهم جذي ... ولد اكابر و منصب و حالته حاله و كل شي ... بس مايقدر يواجه زوجته و يقول لها بتزوج
يضيع حقه في الزواج و يضيع حق البنات المسلمات بعد معاه ... مع اننا في مجتمع اسلامي و الدين حلل ... بس مساكين والله يكسرون خاطري
الشي الوحيد اللي يزعجني هذا هو و اتمني يشيلون السري و المسيار هذا
حزن
|
|
10/21/2008 1:40:14 AM
|
|
هل تعلمين !!!
|
ميس عفيسه حبيبتي ... احنا ندري ان بنات الكويت شنو لهم و شنو اللي عليهم
بس احنا ، او انا زعلانه علي طريقه فلفل في طرحه للمواضيع
و للأمانه في ناس وايد قاعدين يدشون الموقع هذا من بره الكويت ... صج فشله !
|
|
10/21/2008 1:56:10 AM
|
|
ملاحظاتكم بنات عن ( بعض ) شباب الموقع ...
|
يا اخواتي الحبيبات .. اخواني الأعزاء
بالنسبه للنجم ( فلفل 42 ) يمكن تنصدمون من كلامي ... انا اعرفه اهو انسان جدددددددددددددا خطير و مو هين !
بمعني
انسان مثقف و شاعر و مؤلف ... انا شخصيا قاريه مؤلفاته و هو شخص مو عادي ... يشهد ربي علي كلامي و انا احترمه مثل اخوي الكبير و هو يدري الشي هذا
بس مادري ليش يوم فتحوا المنتدي انقلب جذي ... انا مستغربه منه ... اهو مو معقد لكن يتظاهر ... و بس صاير يحب يلفت النظر ويشوه سمعة بنات ديرته
اهو انسان راقي بعد و من عائله جدا كريمه و تاريخ الكويت شاهد علي كلامي لأني اعرفه - بس طبعا من غير ذكر الإسم - اخذوها مني يا جماعه اهو انسان شخصيته
غير عن المنتدي تماما .... بس مادري شفيه صاير جنه ياهل !!! مع احترامي له
بالنسبه للحنان ، هو صحيح فاقد حنان المرأه و شعوره بالنقص هذا لا اراديا انعكس سلبا في اسلوب طرحه لمواضيعه ضد المرأه .. بس مهما كان التعميم مو زين يا اخي
ياليته يعيد النظر في وجهه نظره عن الجنس اللطيف و كلنا خواته اولا و آخرا
حزن
|
|
10/22/2008 6:13:34 PM
|
|
قصص من الواقع
|
ليلا عزيزتي البنت حبته والحب مو سهل
و يمكن شافت فيه انه مناسب لها من كل النواحي و ماحبت تخسره و تعلقت فيه جذي و حاولت معاه
لا تنسون يا جماعه ان كل واحد فينا يدور علي فرصته في الحياة و يمكن الشخص هذا كان فرصتها
و الإنسان الذكي هو اللي مايضيع الفرص الذهبيه بسهوله
بس الإنتحار ما نقبل فيها
عموما الله يكون في عونها و انتو تدرون ان البنت اذا حبت تحب
حزن
|
|
10/22/2008 7:29:03 PM
|
|
ملاحظاتكم بنات عن ( بعض ) شباب الموقع ...
|
حساويه حبيبتي مافي داعي تعتذرين انا و واحد المهم انج كتبتي الموضوع ... عزيزه و غاليه بعد قلبي
و من اليوم و رايح راح اعطيج مواضيع اذا كان يستحق النقاش
الله يهدي فلفل يعد قولي أمين
حزن
|
|
10/22/2008 7:44:48 PM
|
|
هل تعلمين !!!
|
مساء الخير حبايبي شلونكم ؟
شسالفه غبت يومين و كل هاذه صاير ؟ : - )
الله يهدي الجميع ان شاءالله
اختي ليلي شلونج حبيبتي ؟ مشكوره علي الإطراء .. كل الخوات هني خير و بركه
خليج من فلفل لاتزعلين منه علي قوله حبيبتنا ميس عفيسه مراهق و هو بس شاطر يرفع ضغط البنات و بس
اما بالنسبه لسؤالج انتي من وين ... انا انسانيه ، بس الكويت تقول لي انج كويتيه : - )
اخواني و خواتي مو مهم الإنسان يكون منو ، المهم يكون شنو
ليلا عزيزني لما تشوفيني احكمي علي من شخصيتي و اسلوبي بالتعامل مع الأخرين و ثقافتي و احترامي لنفسي و الغير ، مو من جنسيتي
الجنسيه ماتكبر الشخص ، انما الشخصيه ... و كلنا عيال آدم و حواء
اما شلون تراسليني ؟ حبيبتي انتي ماتقدرين تراسليني ... راسلي ادارة الموقع عشان يشوفون الحل و اي سؤال عندج انا حاضر
ميسووووووو عفيسه شلونج ميس يوووو
لا يوبه انا مازعل من فلفل ، خله يتحرش ياخذ ذنوبنا
حزن
|
|
10/22/2008 8:00:10 PM
|
|
ملاحظات شباب الموقع عن بنات الموقع !!!
|
خواتي الحبيبات .. سمعو نصيحه مني ، فلفل و عرفتو سوالفه بس يبي يلعب بعصابنا
لاتردون علي كل مواضيعه و صيروا احسن منه ... طنشوه
حزن
|
|
10/22/2008 8:01:23 PM
|
|
:: ان أكرمكم عند الله أتقاكم ::
|
هوب حبيبتي كلامج عين العقل
|
|
10/22/2008 8:07:28 PM
|
|
وجهة نظر !
|
قمر نجد يا احلي قمر ، كلامج صحيح ميه ميه ... بصراحه البنات هني و خصوصا اللي تحت الـ 25 محتاجين شويه وعي و ذكاء ... و شويه ثقل
و كل شي قسمه و نصيب
حزن
|
|
10/22/2008 8:13:35 PM
|
|
للجادات بالزواج فقط ...
|
موناليزا ردج عجييييييييييييب حده لوووول
بس بيني و بينج جورج كلوني صج يهبل
حزن
|
|
10/22/2008 8:30:04 PM
|
|
الزواج السري اوالمسيار.......لماذا؟
|
والريال يكو خايف من مرته لووووووووووووووووول
فمايستاهل انج تاخذينه لانه مو ريال
ميسوو مو هذا اللي ذابحني !!! مادري ليس مسمينه ريال اذا يخاف من مره ؟
حزن
|
|
10/22/2008 8:35:19 PM
|
|
تتعد الزوجات............ بس الرفض والقبل
|
حساويه حبيبتي شلونج ؟
حاولي تقرين عن موضوع التعدد بتعمق و تعقل ... مو عشان تقبلين ، عشان بس تستفيدين ... و سبحان الله ربنا ماحكم و ما حلل و ماشرع الا لأسباب ... و الأسباب قاعدين نشوفها
حزن
|
|
10/22/2008 9:18:37 PM
|
|
الزواج السري اوالمسيار.......لماذا؟
|
لووول عفيسه صج رد حلو
بس اولا و آخرا يعني يخاف منها ... دام يخاف منها عيل يتحملها يرضي باللي مكتوب
بس تدرين ؟ الله سبحانه شرع التعدد عشان نحل كل المشاكل لكن فقط الانسان العاقل يقدريتصرف
حزن
|
|
10/23/2008 12:40:15 PM
|
|
مواقف وقصص واقعية من موقع خطبة
|
لو كنت رجلا ….
لو كنت انا حبيبي
لا كنت اخاف من المجتمع ولا من البشر ولا من اهلي …
لا من ابوي ولا من امي … لا من اخوي ولا من اختي …
لا من زوجتي ولا من ولدي ولا من بنتي …
ما كنت اخاف " الا "من رب العالمين سبحانه و تعالي ...
ربي و رب حبيبي اللي كسرني ...
ربي و رب حبيبي اللي تركني ...
ربي و رب حبيبي اللي جرحني ...
ربي و رب حبيبي اللي ذبحني …
كنت امسك بإيد حبيبتي و آخذها معاي و نطير مثل طيور الجنه فوق فوق فووووق ...
في الجنه اللي كانت تحلم فيها ...
ل
كني ضعيفه ... و يا لضعف الكائن الذي اسمه ... المرأة !
شكرا يا احلي عالم و اجمل موقع خلاني اعرف حبيبي
شكرا يا اغلي فرصه خلتني اذوق طعم الإخلاص ... المس معني الإصرار
ا
درك معني الوفاء ... اعيش حاله حب ... و انتهي بكلمه اسمها ... الضحيه !
شكرا يا " اعظم " انسان " شفته في حياتي
احمد الله و اشكره علي نعمه الحب و الوفاء
كانت هذه آخر كلماتي ... و ادعوا لي كلكم اني التقي بحبيبي اللي توفي امس ، في جنات الخلد ...
و اعتذر عن استقبال اي مشترك ...
الوداع
|
|
1 2
|