entaa - جميع رسائل المستخدم
12/29/2008 12:49:32 PM
للمتزوجين فقط السلام عليكم
اشكرك اخوي على الموضوع المهم وانا بصفتي واحد من هالاشخاص الي يبحثون عن الزوجة الثانية (طبعا زواج شرعي علني بكامل حقوقها لا مسيار ولا غيره)
حاب اوضح نقطة وانا اتكلم عن نفسي مو عن غيري ... انا كاتب بالبروفايل اني متزوج هذي نقطة تبين اني انسان جدي مو داش العب واني صريح وقلت الي عندي من البداية لا جذبت ولا غشيت احد بس في شغلتين لاحظتهم على البنات الي ابدأ اراسلهم انهم يوافقون للفضول بس يبون يعرفون ليش تبي تتزوج يعني لا اهتمام ولا شي بس فضول ... والشغله الثانيه انا ماني فاهم ليش يستغربون لما اقولهم زوجتي ماعليها قاصر واقولهم انا ما اتكلم عنها واطلع عيوبها حق احد يمكن بعد مافيها عيب ولا ابي الزوجة الثانية تحط في بالها شنو الي قصرت فيه الزوجة الاولى خل انا ما اقصر فيه انا مابي اتزوج ثنتين يكملون بعض لأ... انا حاب زواجي وحياتي يكون المهم فيها انا واهيا مو انا والي الاولى مقصرة فيه!!!بعدين مو لازم ابني حياتي اليديدة على انقاض حياتي الاولى ... يعني الي عاجبها الريال الي يقعد يقول زوجتي فيها وفيها عليها بالعافيه ... لانها تبي توجدلها مبررات عشان توافق عليه وتقنع نفسها فيه وهذا انا اشوفة غلط انا حتى لو زوجتي فيها عيوب الدنيا ما اروح اقولها حق الثانية هذي زوجتي وام عيالي ولازم اداري عيوبها وحتى الثانية بتكون عندي حالها حال الاولى... اشكركم واسف عالاطالة بس حبيت اقول وجهة نظري
11/23/2011 4:31:46 PM
المسيار و المتعه هما طريقان لاصلاح المجتمع اخالفك الراي تماما
11/23/2011 4:34:32 PM
اثبت لي انك شريف ايها الرجل مشكور اخوي عالموضوع بس هالكلام ينطبق على الجنسين والاقنعة الكل لابسها ومحد صادق بكلامه ... وشكرا
11/23/2011 4:40:41 PM
لا للزواج المسيار ولا المتعه ولا العرفي عدل كلامك ويعطيك العافية
1/6/2012 2:00:20 PM
حالات الزواج عن طريق موقع خطبة السلام عليكم...طبعا الموقع يهدف لغرض نبيل وهو الزواج بس للاسف العيب في الناس الي تستغل شي هدفه طاهر لحاجة في انفسهم ...
يظهرون الصلاح والاستقامة ويخفون الشر والضرر للناس طبعا انا اجمع الكل بكلامي شباب وبنات...
وطبيعة الحال وصلنا مرحلة مافي مصداقية ولا امانة الناس غرامها الجذب والخداع لدرجة ان وصلنا لمرحلة اليأس
ياجماعة الهدف من الموقع بوجهة نظري ان الموقع يساعد الشخص ان يختار شريك حياته مو يفرض عليه اغلبنا مروا بتجربة زواج عن طريق الاهل واهي ناجحة نسبيا بس عيبها التوافق والتفاهم لانك عن طريق الاهل ماتقدر تعرف منو هالشخص الي جدامك هل هو صادق او كاذب هل يتحمل المسئولية ولا لأ هل في توافق فكري وعقلي بيناتكم؟؟
اسألة كثيرة يقدر الموقع يجاوبك عليها بس للاسف الناس مو صادقة يعني في ظل مجتمعنا وعاداتنا وتقاليدنا وين ممكن يكون في علاقة صداقة طاهرة بين الجنسين مبينة على الحوار والتفاهم ومن وراها تقدر تقرر هل هالشخص مناسب لك ولا لأ للأسف مجتمعنا تقتصر فيه كلمة صداقة بين رجلين او امرأتين فقط اما صداقة بين الجنسين فهي معدومة واذا وجدت لازم تقلب مصالح او علاقات مشبوهةز
اسف عالاطالة بس حبيت اشاركم وجهة نظري ويعطيكم العافية
1/7/2012 5:33:45 PM
ارجو مرقبه وارجو طرد كل وحده مو جاااده السلام عليكم...
حبيت اشارك بالراي اذا سمحتولي...
بالنسبة لمواصفات شريك الحياة هذا حق شرعي لكلا الطرفين ومن حقي اختار وبالذات للناس الي نفس حالتي مروا بتجربة سابقة فاشلة وماودهم انها تتكرر,ومااعتقد انها تشرط لا سمح الله
بس عشان ما نعيش واقع مرير مو لمرة وحدة لا مرتين...
وبالنسبة للبنات الي يتهمون الشباب بالجذب ما اقولهم غلطانين بس الجذب والخداع صاير من الطرفين ترى مو بس شباب ونفس ما قلت من قبل في احد الردود ان احنا اساس الخراب لو كل واحد يدش الموقع بحسن نية جان ماصار الموقع وسيلة الواحد يستغلها بالشر... وسلامتكم
1/7/2012 5:48:18 PM
المراة من اهم اسباب الطلاق يعطيك العافية على الموضوع الحلو...
بس بقول حكمة وايد اعجبتني(المرأة نصف المجتمع وهي من ربة النصف الآخر) هذي مقدمة عشان ما يزعلون علينا البنات

كلامك مانقدر نقول عنه غلط للاسف المرأة الكويتية اصبحت مشهورة بالتباهي والمغالاة والمظاهر اكثر من اي امراة عربية او اجنبية والدليل على هالشي :
القرقيعان -- اعياد الميلاد -- استقبال العودة من الحج -- استقبال الولادة -- مكان الولادة -- استقبال العودة من السفر -- استقبال الخطبة -- استقبال الملجة .......الخ
يعني مناسبات مهمة او تافهة تلقى هذا الي شاغل بالهم ...
وبالمقابل الرجل الكويتي غير متحمل للمسئولية يفكر بنفسه ماجنه وراه بيت وعيال ... الاجهزة الالكترونية عندة اغلى من عيونه عنده ايفون,بلاك بيري, ايباد ,6 لابتوبات ,واجهزة يديدة والله ماعرف اسمها حتى يعني هم ما يصير...تلقاه عمره بالثلاثينات وعنده كل اجهزة البلاي ستيشن والثانيين هذول ماعرف اسمهم يعني هالكلام مو صحيح والقصور من الطرفين
الموضوع الي بيكون فعلا ممتع واتمنى ان احد يطرحه ... اهو ليش صرنا جذي ليش كلا الطرفين غير متحمل للمسئولية شنو الي غيرنا عالاقل ابائنا ماكانوا جذي ؟
ومشكورين واسف عالاطالة
الصفحات 1
تسجيل faq AspNetForum v.0.0.0.0