|
1/12/2011 9:10:03 PM
|
|
ليش والف ليش
|
السلام عليكم
انا بعد اوافق اختنا فانيللا الراي
ولازم اخاف واتحذر اكثر من الرجل واهو لازم يعطيني اسباب الثقه
الى جانب ان البعض يزعل لما الحقيقه تنكتب
وقام واحد يكتب لي بطريقه جارحه ليش??? عشان كنت واضحه بالموضوع??
والا المفروض استانس على كثرة اللي يكتبون لي??
بس نقطه وحده ذكرها كان فيها حق واهو وقت دخولي النت
انا بلندن ادرس الحين وارد البيت اطبخ وانظف وادرس وبعدين اقعد شوي عالكمبيوتر فيعني الوقت يكون متاخر وبالكويت بعد متاخر اكثر
يا بنات يابنات انتبهوا لهذه النقطه اللي غابت عني
ونقط ثانيه اكيد غايبه عني للحين
من حقنا نخاف والتعارف راح ياخذ وقت السالفه تطول مومثل ما انا كنت متصوره
والله يوفق الجميع
|
|
1/12/2011 9:23:57 PM
|
|
تعارف وتواصل!
|
السلام عليكم
وحلو منج اختي دينا انج فتحتي الموضوع لان اعتقد وايد فينا صارت لها مواقف بس مستحيه تقول
وكلامكم كلكم عدل والله خصوصا ان الطبيعيين مايلفتون النظر لانهم طبيعيين
والله يجيب اللي فيه الخير للجميع ان شاء الله
|
|
1/17/2011 10:25:33 PM
|
|
مواقف وقصص واقعية من موقع خطبة
|
السلام عليكم
بصراحه الموضوع حلو وكان في محله
والله يعين اللي صارت فيه مثل هالمقالب
يعني فعلا قصص تعور القلب الله يعينكم والله
في مواقف المفروض انها ماتصير ليش اودي فلوس حق احد مااعرفه مثلا ,يعني الواحد يحسب الف حساب بهالمواقف
اماالباقين بس الله يعلم بحالهم
ومشكورين على انكم تشركونا معاكم في احاسيسكم
وان شاءالله يكون الدرس للكل موبس اللي صاير فيه مقلب
والله يوفق الجميع
|
|
2/13/2011 2:13:55 AM
|
|
كل بنات الموقع كذابات
|
السلام عليكم
اتهام قوي وجارح لكن صحيح
وللاسف الشباب ايضا
اكيد في ناس وايد يلعبون..يعني لما نروح السوق والا البحر ونلاقي هالشباب اللي تغازل..مووايد?
اهم نفسهم يدخلون النت
بس مكر اي انا اعتقد النساء عندهم مكر اكثر..وانا اتكلم عموما مو بس هني بالموقع..
الشاب في اشياء وايد عادي يسويها, واذا في مشكله راح يحلها بالعضلات..
اما النساء اللي هما اضعف, تطور عندهم مع الزمن والتعلم المكر والدهاء وهذا لانها ماتقدر تحل مشاكلهاا بالعضلات
يعني بصراحة الرجل اذا كره اواحتقر مرته قايم قاعد عنف وطق واهانات
لكن الحرمة تودره وتقطه سجن والا شغلة جذي
اللي اقصده اي النساء يكذبون ويمكرون اكثر لان هذه وسيلتهم الوحيدة
بس النسبه اللي فعلا ماعندها ضميراقل بكثير من النص (باعتقادي عالاقل)
اما عن هني بالموقع المفروض ان محد يلعب
لكن الشاب نيته يلعب بس من غير ما يجذب لان حتى لو اهله عرفو عن الموقع مافي مشكله
لكن البنت اللي تلعب لازم تغلف الموضوع عدل 
اسفه طولت بالتحليل لكن الموضوع له تفرعات كثيرة وايد
ومشكور اخوي عالموضوع الحلو
|
|
2/13/2011 3:10:13 AM
|
|
مــن أروع الأدبيات بإلعـالـم ..
|
طبعا روعه روعه
وفعلا تعور القلب
وطبعا اهي دلالة لنكران الجميل
وان الانسان يتبطر على النعمه
سبحان الله
مرات الواحد ما يكتشف غلطه الا بعد فوات الاوان
يسلمو
|
|
2/13/2011 3:29:25 AM
|
|
قـــــالتـــ & قــــــلتــ .. خاطره اتمنى تعجبكم .
|
ستايل وايد حلووغير
حسيت كاني شايفه المشهد جدامي
للاحسن ان شاءالله
|
|
2/14/2011 12:52:34 AM
|
|
سؤال مهم لكل بنت وشاب (واثق من نفسك فى جاوب)
|
السلام عليكم
حبيت احياء هذا الموضوع لما له من اهمية
الاسئلة المدرجة لازم نجاوب عليها لانفسنا عشان نكمل اشتراكنا في هذا الموقع
لازم يكون عندنا الثقة بانفسنا ونكون فاهمين اثار زواج النت على حياتنا المستقبلية وما نتسرع باتخاذ القرارات
واعتقد اكثر الاجوبة اللي اعجبتني مع احترامي لجميع الاراء اهي جواب sdaja و niceman2009 و darkbroonz و sa7ar111
فراح ادمج اجاباتهم بجوابي للتسهيل (بطيئه بكتابة العربي )
- هل انت او انتى مقتنعه من زواج النت ؟؟
نعم انا مقتنعه بالزواج عن طريق النت لاني مؤمنه انه يوجد عقول ناضجه وتخاف الله وتدري انه وراها حساب وعقاب يوم لقاء ربها واي شيء سواها ياخذ جزاه دنيا واخره انا مقتنعه بأن كل شيء بتوفيق من الله .. غير أن النت يسمح بتحديد الشروط بالتالي يكون الطرفين على بينه
2- هل ان اصبح توافق بينكم تصارحون اهلكم من اين عرفت بنتنا او العكس؟
بالنسبه لعقلية اهلنا لحد الان مايستوعبون الموقف بس انا متأكده انه على ايام عيالنا راح يكون عادي, بس راح اقول التقينا باحد المنتديات الفكرية
3- كيف تضمن ان التى اخترتها ..اخترتيه .. لم يكن هدفه ان تكون سلم وصول؟؟؟
ماراح اختار شخص إلأا وانا دارسته من جميع النواح,و لن يكون لدي ما من اتخذ السلم من أجله .. وسوف يضيع وقته طالع نازل وهو الخسران بينما وضعت له خط مستقيم وواضح لكي يصل إلي
4- هل لو اصبح خلاف بينكم وقال ( انتى عرفتك من انتلانت نت وضفيتك فى بيتى ) ماهو الرد..؟؟
انا مااعتقد اني اتزوج واحد راح يكون بهذي العقليه انا قلت انا راح اختار عقليه ناضجه تخاف الله واللي يقول هذي الكلمه انسان مخادع نفسه ومسكين لانه اشلون يتزوج من مكان هو مو واثق منه[/b[
5- هل تثقين,,تثق.. ان الشاب جاد فى الاختيار ويسعى للهدف الى تسعين له؟؟
انا في البدايه اثق وراح يبين لما نكمل مع ببعض
6- كيف اضمن ان هذه .. هذا .. لم يخنى ويلعب من وراىئ..؟؟لا يوجد ضمان والدعاء وصفاء النية والاستخاره أفضل وسيله لتجنب هذه الفئات وفرصة حدوث هذا الشيء هي نفسها سواء كان زواج نت اوتقليدي
|
|
2/17/2011 11:35:24 PM
|
|
كل بنات الموقع كذابات
|
الصراحة الموضوع مو سهل عشان اختصره ب1و2و 3...
وشكلي راح اقعد اتفلسف شوي فاللي يحب شاي او قهوة يجيبها الحين
واذا وقت صلاة روح صلي اول
وشلون نكتشف اللي تلعب/الغير جادة؟؟؟
ما اعتقد ان عندي جواب..لان اكيد كل وحدة لها طريقتها و شخصيتها
وكل وحدة لها ظورفها اوعمرها او او او.. يعني محد عنده لسته باوصاف البنت اللي تلعب يمشي عليها..اللي تلعب الله سبحانه يكشفها لك ان شاءالله
لكن الي تجذب كذبه بيضا..خلينا صريحين..مثل ما قلت اول ان الولد عادي الناس يدرون انه داخل الموقع لكن البنت بتسوي الف حساب..يعني مضطرة ماتقولك اسمها الصجي والا وين تشتغل لحد ماتاكد او عالاقل تحس انك ثقة يلا بتقولك هذه الاشياء
اقصد ان في كذا شغلة ما راح تقدر تقولك اياها الى ان تدخلون مرحلة الثقة
وهذا (باعتقادي عالاقل) من حقها..المهم ماتجذب باشياء حساسة
لكن في سؤال ثاني..هل فعلا هذه البنت اللي كلمتها كانت تلعب او غير جادة؟؟ ولا بس كانت مو مهتمة 100% وكانت ناطره الفرصة المناسبة انه تنهي الموضوع بطريقة سلسة وما تحرجك؟؟ او ان في سبب اخر بعد؟؟؟
يعني احنا نستعمل كلمة غير جاده على طول ويمكن نظلم فيها الطرف الاخر..
بصراحة مااتفق مع اختي ار تي سي
الشكل مهم, يعني اكيد وده الواحد يعرف طويلة قصيرة حلوة كل واحد واللي يدور عليه طبعا المفروض ما نبالغ لكن الشيء بالمعقول
وحتى اللي يبي مسنجر يمكن ماعنده اشتراك لسبب ما.. بس بعد ماتتكلمون شوي.. اذا من اول كلمة تصير بايخة
بس خلي نركز على اللي يلعبون
يعني ماعندي جواب وافي..لكن ابي اتكلم عن تجربتي
الواحد يبدا بنفسه النية الصافيه والصراحة مع نفسك وبعدين مع البنت
مو لما تلاقي بنت حسبالك تلعب تقول يلا خلي العب شوي معاها واقعد ادور على وحدة ثانية..لان هذا التصرف يزيد من اللعب والشكوك والخذلان في الموقع (وهم يمكن ماتلعب بس طريقتها/شخصيتها غير)
يا الجادين..يارييييييييييييت تكتبون شي عن نفسكم..اهتمو بهذه النقطة
ترا تعطي فكرة عن الانسان خلف البروفايل ويسهل عالبنت تكلمك والا لا
الحين لازم اوافق على اكثر الاهتمامات لان مافي فرق بين البروفايلات
كن على طبيعتك وتكلم من البداية باللي تحبه واللي ماتحبه حتى لو انت تدري ماراح يعجبها..المهم تلقى النصيب اللي افكارها مثل افكارك والدردشة هم رراح تبين لك شخصيتها بس مو طول الوقت يعني حط ببالك كم موضوع جاد يبين لك شخصية اللي جدامك
البنات اللي يلعبون شيبون؟؟ كلام حلو ؟؟ لا تعطيهم كلام حلو (والعكس صحيح..)
اللي تقول مافي نصيب من البداية ترا صاجة كذا واحد حسباله اني اتغلى 
طبعا اكييييد وايد شغلات عندي مو مثاليه وماراح تحل المساله على طول بس اعتقد راح تساعد
لا تنسون انا ما عندنا امكانية نعرف او نتحكم بنوايا الاخرين بس نقدر بتحسين انفسنا
وصح لسانيي ههههه
|
|
2/17/2011 11:58:25 PM
|
|
حكم تأخير الزواج لمن كان قادرا عليه
|
السلام عليكم
يعطيك العافيه اخوي
الموضوع وايد حلو و في محله
لكن للاسف احنا مجتمع مسلمين وليس مجتمع اسلامي
وايضا الدنيا تغيرت وزادت مطالبها ومتطلباتها
يعني لازم الواحد يفكر بمصلحة عياله واحفاده
الله يساعد الكل ترا وقتنا مو سهل بالمرة
وا
|
|
2/18/2011 12:04:39 AM
|
|
حكم تأخير الزواج لمن كان قادرا عليه
|
سوري..ضغطت الاضافه غلط
المهم احنا دايخين مابين ما يجب ان يكون مجتمع اخلاق اسلاميه
وبين متطلبات الحياة الصعبة
فلنتوكل على الله
|
|
2/18/2011 12:38:22 AM
|
|
زواج المتعة للمقتنعين فيه من المذهبين فقط
|
السلام عليكم
اولا الموضوع مهم وايد وايد
يعطيك العافيه
ثانيه لوسمحتو الله يخليكم لو سمحتو الموضوعية بالطرح
لا نتهجم على بعض وعلى قولتهم خدوهم بالصوت لايغلبوكو
يعني في معلومات ما شاءالله من الكتب المسنودة وبديتو حلو
لا تخربونها بالاتهامات وكلام جارح واللي داشة عرض حرام
ثالثا وهذا فضول شخصي شنو الفرق بين زواج المتعة والمسيار والعرفي
رابعا كل شي بالاسلام جميل واحنا اللي خربناه لوكنا مجتمع اسلامي كان استخدمنا زواج المتعه (وحتى تعدد الزوجات والزواج العادي) في محله وصنا المجتمع من المغالطات والانتهازية
للاسف
ومشكورين
|
|
2/18/2011 4:25:03 PM
|
|
حكم تأخير الزواج لمن كان قادرا عليه
|
ما شاءالله عليج اختي ار تي سي
كلامج عين العقل ميه الميه
ترا احنا الحريم ما بيدنا شي حتى لو كنا في قمة الرزانة والشخصية
وترا احنا اللي نربي اجيال المستقبل وبيدنا ندخل التغييرات للاحسن تدريجيا من خلال طوريقة تربيتنا لاطفالنا
لكن للاسف ننسى اننا كنا شابات او مظلومين او المشاكل الصعبه اللي مرينا فيها في يوم من الايام
ونبدا نحش بروس اعيالنا افكار الجاهلية
خذ يما وحده حلوة
هذه منو تركض وراها
وانتي تزوجي واحد دكتور غني يعيشج براحه
وبعدين شنو هذا؟؟ اوديج لندن تشترين احلا لبس مناك
يعني احنا قاعد نخرب اجيال المستقبل بدل لا نعدلها
بس ارد واقول احنا جزء من المجتمع
ووقتنا هذا صعب احنا لازم نجاريه في بعض اموره
حتى لو عشنا بمثاليه عيالنا بيقولون
كان ودي البس كان ودي كذا
والله اختي الصغيره تقولي البنات ما يمشون معاي لاني بنت عادية ما اتفخفخ واالف قصص مثل الباقين
يعني شبي اقول لها..خليج منزويه منطويه على نفسج واقضي حياتج بالمدرسة باحد الزوايا؟؟؟ على فكرة عمرها 10 سنين
الله يعين الجميع والله 
|
|
2/18/2011 5:12:16 PM
|
|
ماهي اغلى دمعه بالكون ؟
|
روعه واكثر من روعه
يعطيك الف عافيه
|
|
2/18/2011 6:11:58 PM
|
|
كل بنات الموقع كذابات
|
حبيت اضيف شي
نقدر نسوي دعاية للمنتدى
انا الحين كتبت ببروفايلي عن المنتدى
عشان اشجعهم يدخلون له
بصراحة انا يمكن 2-3 اسابيع ماكنت ادري عن المنتدى
والمنتدى ساعدني على فهم اشياء وايد يعني نفعني
خلينا كلنا نكتب سطرين ببروفايلاتنا عن المنتدى
|
|
2/18/2011 10:30:52 PM
|
|
مهم جدا ارجو الدخول (خاص للشيعه والسنه ) !!!!
|
سورة البقرة آية رقم 62
{إن الذين آمنوا والذين هادوا والنصارى والصابئين من آمن بالله واليوم الآخر وعمل صالحا فلهم أجرهم عند ربهم ولا خوف عليهم ولا هم يحزنون}
واحنا المسلمين نكفر بعضنا البعض وما نقبل عبادات بعض وننعتها بالبدع
قال تعالى {فإن تنزعتم فى شئ فردوه إلى الله والرسول}
|
|
2/19/2011 1:58:18 PM
|
|
كل بنات الموقع كذابات
|
السلام عليكم
انا بصراحة اعتقد قلت كل اللي عندي
عطيتكم كل خبرتي هههههه
بس في احد ردودي ما انشر ليش؟؟
بس انت حلولك شنو او شلون تحس بالبنت اللي تجذب
وشلون احنا نحس بالشاب اللي يجذب؟؟؟
سي يو
|
|
2/20/2011 8:22:59 PM
|
|
كل بنات الموقع كذابات
|
السلام عليكم
وللحين ناطرين الرد ان شاءالله
وحبيت اضيف كلمة سريعة للي يقول
والله انا جاد بس غيري يلعب
او لقيت البنت تلعب وقلت يلا مو غلطتي
لا تدعي المروءة عن غيرك
فانت وصاحبك في الهواء سواء
ولا تعطي لساني حجة
فان تكلم صارت حججك هباء
استقم ودعها تلعب زكية
في الغش امية
في الكذب عذراء
وصن نفسك
واظهر مكارم اخلاقك
فلا بد يوما تظهر الشيماء
فان عرفت شيماءك بماض غثيث
بطل صدقك
وخاب للوصل رجاء
 وصح لسانييييي
|
|
3/1/2011 12:14:29 AM
|
|
ظاهرة العنوسه المنتشرة بالمجتمعات العربيه
|
السلام عليكم
الكلام سهل ونقدر نسطر الحلول على كيفنا
لكن الواقع غير
وبصراحه ما نقعد ننتقد الناس وطريقه تفكيرهم لان كل واحد صارت بحياته ظروف ومشاكل خلت رايه يصير جذي
المهم الاسباب تعددت
لكن الحين المسؤوليه تقع على عاتق الشباب
احنا البنات عيب نتناقش بهالامور بجديه جدام اهلنا
دام انتو حاسين بالمشكله يا ابن عمي
ليش تتزوج من بره
ليش تبي سندريلا بالجمال
ليش تبي مدرسه..عشان تاخذ قرض عليها
ليش تبي الكشخه اللي متصبغه عدل (تعرف تتمكيج من ايام الابتداءي)
ليش تاخر زواجك..وتطلع سفر ووناسه وما تخلي ديسكو يعتب عليك..لما تجي تخطب اكيد بتخطب بنت بيوت ما تتوقع البنت تقول حسافه انا حق هذا؟؟
ليش شايف انك جورج كلووني وان يااااااا بختها اللي بتصير من نصيبك..حلو الثقه بالنفس وانك تعرف قدر نفسك بس لا تزودها
لييييييييش ما تتعب على روحك وتحصل تعليم مقبول فيه او وظيفه زينه
وليييييييش ما تتعب على تدينك وتعرف اللي لك واللي عليييك حتى يعلى قدرك بعيون البنات
وخلي لك شخصيه..العب بلاي ستايشن مو مشكله بس لازم يكون لك راي بالسياسه والدين وامور المجتمع
اما انتي يا ابنتي
ولييييييييييييه الارض راحت تشيل وحده مصريه لانها مو قادره تشيييييلج...شوي شوي عالرياييل
وركزي على اخلاقه مو جيووبه
وتفهمي معنى الحياه الزوجيه..اهو يصرف عالاكل والشرب مو على جنطه اغلى من السياره اللي شاريها
واتسنعي..ترا الكشخه مو بس فلوس..يبيلها ستايل ووعي بالاختيار
واهتمي بجمال شخصيتج مو بس يلا مكياج والوان ولا بس تقليد يعني حتى ما قاعد تختارين اللي يناسبج
وانتي اللي مهتمه بشي ثاني اهتمي بجمالج ومظهرج لانه جزء من انوثتج اللي صاحبنا يدور عليها
وبسج مسلسلات تركيه وشوفي مسلسلات ايراني
اما انتي يا ام البنيه وام الولد
انتو اللي تربون عيالكم
ربي ابنج على التكانه والشهامه
وربي بنتج على القناعه والحنيه
للحديث بقيه
|
|
1
|