|
8/6/2010 11:20:28 AM
|
|
اكثر ثلاث مشاريع ربحا
|
سلام عليكم الموضوع مشوق صراحه و حبيت أشاركم برأي ويا ريت تتقبلونه بكرمكم
بالنسبه للمشاريع الناجحه بالكويت أنا شخصيًا عندي كذا تجربه و كانت و لا زالت أفضلهم تجربة المطعم و الصراحه في كلمه من الوالد قالي ياها من بغيت أدخل السوق ( التجاره خساره و ربح مو العكس ) ( عينك على مالك دوى ) ( ما ينظر المال إلا صاحبه ) طبعًا أنا أدري فيه من كثر خبرته بالسوق و بالتجاره الحره أهو عنده خبره كبيييييرة فكنت ماخذ رايه على هذا الأساس و لمن نبهني بهل 3 جمل إلي قالهم نبهني على وايد أشياء و حسابات كانت غايبة عن بالي
عاد ما أطل عليكم بس صراحه المطعم من فتحته ليلحين الحمد لله الشغ تمام و على بركة الله و صراحه مشروع الواحد يكون فيه مرتاح من هم الإشكالات الشرعية و هل سوالف الي تعور الراس بالتجاره و المدخول بالبدايه مثل ما قالي الوالد كان خساره و تعب بس ألحين بلش المطعم يشيل نفسه بنفسه و منغير لا نقص و لا زياده بس في بعض الأحيان قاعد يطلع ربح يثلج القلب صراحه و هذا على قولت الوالد بشارة خير و إنشالله الخير ياي بالطريج و أرتاح من تعب هل سنتين إلي طافو ..... عاد إدعولي بالتوفيق و أدعيلكم الله يرزقم بالخير و المشاريع الطيبه إنشالله
و على فكرة أنا هم أنصح بالسوق العقاري بس يبيله قلب و صبر كبييير و راس مال مو أقل من 40 ألف صراحه و ألحين مع ثبوت السوق أتوقع يبيله زياده لأني دخلته من قبل و كان مدخوله حلو بس إتيكم فتره ماكو فلس يدر عليكم يعني تكونون على الحديده و يمكن حتى الحديده ما تحصلونها بس بعد الهدوء هذا تهب العاصفه و تبشركم بخير كبير و علشان جذي أقولكم يبيله صبر كبيير
و أما عن شركة تغذية و مواد إستهلاكيه هم الشغل فيها حلو بس يبيلكم مندوبين لبقين بالكلام و يعرفون شلون يخلصونلكم المعاملات التجاريه مع المحلات و الأسوقه الصغيره بالسوق علشان تفضون إنتو حق المعاملات التجارية الكبيره مع الجمعيات و أسوقه الضخمه و راس مالها 32 ألف مو أكثر هذا بزياده بس عاد لازم إديرون بالكم على مدة الصلاحيه و قلبكم لازم يكون كبير وتعرفون شلون تتخذون القرارات الحاسمه بدون أي عصبيه أو تردد علشان لا تخسرون لأن مشكلة مثل هل نوع من التجاره يا فوق يا تحت ماكو مكان بالنص يعني بالعربي ( يبيلها رجال ) ومو تفهمون غلط رجال بالقرارات مو بالمعنى الحرفي
هذا و سلامتكم و أدعيلكم بالتوفيق و الخير يا رب
|
|
8/7/2010 3:57:44 PM
|
|
همسة في أذن كل فتاة مقبلة على الزواج !
|
شكرًا على الموضوع و الحوارات الحلوه من الكل و أحب إني أضيف راي لرايكم إذا ما كان في مانع
الحياة الزوجية حياه لها أبعادها المختلفه و هي عباره عن مؤسسة ضخمه في توسعة آفاقة و ممتلكاتها و أفكارها و مشاريعها على الرغم من صغر حجمها و علشان جذي برأيي إن أي شاب و شابه يحبون إنهم يقربون من بعض أكثر و يتحدن لازم يعرفون إن في كثير من الاشياء إلي لازم يفكرون فيها قبل لا يرتبطون و في نفس الوقت لازم يعرفون إن في أشياء وااااايد ما راح تطري على بالهم و لا راح يفكرون فيها إلى بعد إرتباطهم ابعض مو هذي نعمه من رب العالمين علشان يختبر كل أثنين قررو إنهم يتزوجون و يكونون أسره ( ونبلوكم لنعلم أيكم أحسن عملا) و هني تبلش تبين قوة الترابط بين الطرفين في علاقتهم مع بعض و هم يبين مدى تحملهم للعوائق إلي جدامهم ومنها تتطور علاقتهم لي الأحسن على كثر ما يشوبها من مخاطر و مشاكل و عوائق و هم في نفس الوقت في علاقات تنتهي عند أول عائق يحوشهم و هذا يدل على إنهم من الأول ما كانو ماشين صح
ولحل كل هذي المشكله برأيي إن نرجع للأمر إلي أمرنا فيه الإسلام و للأسف مو قاعد يطبق صح و هو إن يتقابلون الي مقبلين على الزواج من قبل لا يرتبطون و إذا كان لقاء واحد ما يكفيهم أو ما أعطاهم النتيجه إلي ممكن إنهم يقررون على أساسها فمافي مانع من إنهم يتقابلون مرة و 2 و 3 و أكثر هذا الشرع السليم لكن للأسف أحنا عندنا يا أما إن يتزوجون من غير ما يتقابلون أو يقعدون مع بعض مره و ما يمديهم شوي إيبلشون يكسرون حاجز المستحا إلي بينهم إلا و يقولولهم الأهل يلا خلاص شفتو بعض و نتهى الموضوع
ونتيجه لهل وضع إلي صاير قاعد تزيد حالات الطلاق بكل العالم و خصوصًا بالكويت صايره النسبه 5:3.5 يعني 5 يتزوجون و 3 يتطلقون و واحد يكون مهدد بالطلاق أو الاستمرار و هذا صراحه شي ما لازم ينسكت عنه و لازم يصير في وعي أكبر بين الناس و أول شي نبلش في أنفسنا ( وما يغير الله ما بقوم حتى يغيروا ما بأنفسهم )
و الله يوفق الجميع و سامحوني إذا طولت عليكم
|
|
8/7/2010 4:40:27 PM
|
|
مهم جدا..هل تقبل بفتاة زوجة لك من دون ان ترااهاا!!
|
شكرًا على الموضوع الحساس صراحه ييت على الجرح و أسئلتك في محلها و أتمنى إنك تتقبل رايي المتواضع و الصريح على أسئلتك 
1-هل تقبل بفتاة زوجة لك وانت ماتعرف شكلهاا بس وصف من اهلك واهلهاا....؟؟؟
طبعًا لا أقبل إني أعطي رأيي بالقبول و لا بالرفض لأني لا شفتها و لا عرفتها و صار بينا أي شي ... أهم ما عندي بالنسبة للزواج إني أعرف إلي برتبط فيها شلون شكلها ( تقاطيع ويها ) إلي كليوم بصبح فيه و أمسي طول عمري و باجي الجسم مو مشكله يتعدل و يتغير بين فتره و الثانيه مثل ما إهو الموضوع معاي فتره نمتن و فتره نضعف و فتره نعضل و فتره نتهردق و هلم جرى لكن سبحان الله الويه يضل محافض على تقاطيعه طول العمر من الولاده لي الممات .. ولكم طولة العمر إنشالله .. و أما عن وصف الأهل و الخوات للبنيه عن أخلاقها و فكرها و ذوقها و ما إلى ذلك .. فبرايي إن كل وحده من أهلي تشوف شي معين بالبنيه وتحس إن هذا إهو إلي راح يعجبني فيها أو يكرهني فيها و بيون ويقولولي عنه فرأيهم بنسبه لي مجرد أرض فضا لازم أعاينها بنفسي و أشوف إذا كانت تنفع للزراعه و الإستثمار السليم و لا لأ
2-تقبل انك ماتكلم خطيبتك بفترة الخطوبة وماتتعرف عليهاا وع طريقة تفكيرهاا....؟؟؟هالسوال للولد والبنت
هذا نهائيًا مرفوض لأن من طريقة الحوار و الكلام راح يبين تفكير كل واحد فينا من بعد في النظر و الخيال الي يحمله و الأهداف الي يؤمن فيها كل واحد منا .. و النقاش إهو أساس العلاقه إلي نبي نبنيها بينى و بدوم إنشالله للأبد
3-هل تقبل لو حد جا وخطب اختك انه يشوفهاا مع العلم انهاا النظره الشرعية...؟؟؟لو لا ليشش..؟؟
4-هل تقبل ان اختك تكلم خطيبهاا بفترة الخطوبة لتتعرف عليه اكثر ولا لا ...؟؟؟مع السبب لو سمحت..
نعم أقبل و أحرض على هذا الموضوع و أوصي عليه و أحيانًا كثيرة كنت أنا إلي أشرف عليه شخصيًا مع إلي تقدموا لخطبة خواتي و كثير منهم كانو يستحون في البدايه و ما يدرون بشنو يتكلمون و شلون يبلشون حوارهم و كنت أعلمهم و أفتح لهم مواضيع و أخليهم يكملون المشوار لين يكتفون من بعض و بعدها يقررون إما إنهم يستمرون و يرتبطون أو إنهم يكتفون بلي عرفوه عن بعض و الله يوفق الجميع و مع هذا كنت أقول لهم الطرفين إذا كانت هذي المره غير كافيه و يبون يقعدون مع بعض مره ثانيه و يناقشون نفس الأمور أو إمور كانت مو على بالهم في هذي المره فمافي مانع و الشرع محلل لهم هذا الشي و رسول الله موصي عليه و لكن عندي ملاحظه للبنات خصصًا و الشباب إن الشرع صح حلل إن البنيه و الريال يقعدون كذا مره مع بعض و يتعرفون على بعض أكثر لين يتوضح جدامهم الطريج و يتخذون قرارهم لكن في نفس الوقت ما حلل إن في كل مره يبون يقعدون مع بعض تفصخ البنيه حجابها فقط مره واحده إجباريه و الثانيه إن يطلب الريال من البنيه و لأسباب تكون مقنعه للبنيه نفسها مو أحد ثاني ( يعني الأهل و أولي الأمر مالهم شغل ) و بهذ المره البنيه من حقها ترفض و من حقها تقبل بدون ما تبين للرجل السبب لكن على الراجل واجب بيان السبب في طلبه لرئيتها من غير حجاب هذا للي يبون يتبعون الشرع الإلهي و لي يبي يتبع رأيه الشخصي و العادات و التقاليد الباليه هذا شي ثاني و ما يهمني صراحه أنا ما أعترف بالعادات و التقاليد إلي قاعده تحرض بناتنا و شبابنا على الفساد و خراب و بعدين يقطون اللوم على الشرع الي الله نزهه من هل أمور الباليه
و سامحوني على صراحتي معاكم و إذا طولت عليكم بس صج صج الموضوع حساس ( قلبه متروسه مثل ما يقولون )
و الله يوفق الجميع (^_^)
|
|
8/28/2010 11:56:18 PM
|
|
ماذا أريد من زوجتي ( للمتزوجات فقط)
|
اسمحولي بس هل كلام فيه هضم لحقوق المره بشكل واضح و صريح , يعني تبي المره بكل بضع و بكل حاله و بكل الضروف اهي الي تصبر و تتحمل و اطخ و الريال يسوي الي بنفسه و يطلع الي بخاطره و ينف مثل ما يبي و بالوكت الي يبي على حساب هل مسكينه ليش باي قانون هذا باي مبدأ , عمي اسمحلي بس الاسلام يعلمنا المبدأ السليم الي لو طبقناه عدل كل امورنا اتيسر و تصير نظرتنا للأمور واقعيه أكثر نحسن التصرف بكل الظروف و المشاكل الي تحوشنا .
رسول الله قال ان الرجل فينا من ملك غيضه يعني الريال الي يمسك أعصابه بأصعب الظروف أهو الريال فينا من شي ثاني و أعتقد الكل فاهم معنا كلامي عدل , و قالها لقمان الحكيم حق ولده : ان أردت أن تختبر الرجال و تعلم أيهم نعم الرجال فختبر غضبهم و و الصابر منهم سيدهم , و عندنا مثل معروف يقول الرجوله موقف , يعني معنى هل كلام كله إن الي يعرف شلون يفكر بعقله و يمسك أعصابه بالمشاكل الي تحوشه ابيته و مع زوجته إهو الي يعرف شلون يدير بيته و يريح و يرتاح مو الي علبونه راد من الدوام تعبان ينفجر بويه زوشته و عياله لي شتكوله من سوء الحال هني يبينون الرجال من أشباه الرجال .
و بنسبه للمره فهم المفروض ان اهي بعد تعرف شلون تختار الوكت المناسب علشان تكلم ريلها فيه و تقدر ضروفه و ما تستغل الفرصه بالكامل , الأفضل لي شفتي ان الفرصه مناسبه انج تكلمينه و تفاتحينه بمواضيع معينه بالبيت تدرجين بطرح المواضيع من الأهم فالمهم مو العكس و تعطينه فرصه يفكر و حاول يوصل لحل لهل مواضيع و المشاكل و بعدها تساعدينه اذا كنتي حاسه انه غفل عن زاويه بالموضوع أو ممكن يكون عندج حل ثاني تقترحينه عليه و اهتمي بالمهم و خليه يخلص منه أول علشان لو صار اي ضرف و ما قدرتو تتطرقون للمهم تكونون حليتو أهم المشاكل الي مواجهتكم و بجذي تسهل المهم حق مواجهت المشاكل الاقل أهميه , و بجذي تقدرين اديرين بيتج و توصلين لي بر الأمان و الاستقرار مثل ما يقولون .
و بتفاهم فيما بيناتكم و مره تتنازل انت كرجل و مره اهي تتنازل كمره و تحطون ايدكم بايد بعض و تفكرنون بحلول مع بعض راح تريحون نفسكم و ترتاحون و اطمنون عيالكم و تكونون باحسن حال .
و آسف اذا كنت طولت عليكم و الله يوفق الجميع
|
|
12/14/2010 10:26:30 AM
|
|
زواج المتعة للمقتنعين فيه من المذهبين فقط
|
بسم الله الرحمن الرحيم
أشكرك أخوي استاذ اسبورتي على هل موضوع الحساس للغايه كلامك صحيح مئة بالمئة للأسف و أحب أزيد عليك و أقول ان في ناس و للأسف من رجال و نساء يلعبون بنفسهم و شرفهم و باعراض الناس بدون اي شعور بالمسئولية و كل هذا باسم الدين الي اهو بريء منهم و من أمثالهم
الحمد لله الله و رسوله حللولنا هذا الدين مثل ما نؤمن احنا الجعفرية و بعض من اخوانا و خواتنا من اهل السنه بقناعتهم الشخصية و مثل ما للزواج الدائم شروط و ضوابط فلزواج المتعه شروط و ضوابط الاهيه مو من كيفنا مألفينها و الي يمشي عليها و يتمسك بالشريعه الاسلاميه المحمدية ما يتوه عن الحق ان شاءالله و الله يرزقه الثواب و الخير و حسن الخاتمه ان شاءالله
بس مثل ما في ناس تمشي مع الشريعه في ناس للاسف تستغل بعض احكامها بصوره غير سليمه و غير اخلاقيه و غير عقلانية و باسم الدين لاشباع رغباتهم الدنيويه و الحيوانيه فقط و هذا الي ما يرضى فيه الدين و لا رب العالمين و لا رسوله
و مثل ما قلت اخوي هذا الزواج الغرض منه الستر و العفه بالدرجه الاولى و الاساسيه و بعدها ايي هدف الاشباع الغريزي و المادي بكل انواعه لأن مثل هذا الزواج يهتم على حسب ما ورد في عقيدتنا بالمشاعر و الاحاسيس و بث الطمئنينه بين الطرفين و تفعيل روح المسئولية عندهم يعني نقدر نقول ان مثل هل نوع من الزيجات هو زواج لحماية و مساندة الزوج لزوجته من حيث تبادل الحب و القيام بمسئولياته كزوج لزوجته سواء عاطفيا او اخلاقيا او تعاملا او القيام بواجبات الزوجه الي تحتاج فيها الرجل للقيام بمثل هذي الامور مثل تخليص معاملاتها في الوزارات و الهيئات او مساعدتها في صيانة المواد المادية الي تحتاج صيانه و وقفة رجال
و اما على صعيد مسئولية الزوجه اتجاه الزوج فهي توفير الجو المناسب للحياة و تمكين الزوج من نفسها ( على حسب الاتفاق الي بينهم ) و هذا الي في ناس وايد ما تفهمه و لا تعرف عنه للاسف بسبب ابتعادهم عن الشريعه و عدم السؤال و الاطلاع في هذا المجال لأن للأسف الاغلبية ماخذين الموضوع ان فلان من الناس قايلي جذي فتوه موجوده من غير ما يتبين حقيقتها من المراجع العظام و كلن على حسب تقليده في بعض الاحكام البسيطه
فأتمنى من الجميع الاطلاع و الاستفسار عن احكام و ما يستجد من احكام في هذا المجال من الثقات من اهل العلم و الافضل سؤال اكثر من عالم في نفس المسئلة حتى يتيقن من الموضوع اكثر و اتمنى من الي قاعدين يخربون على سمعة هذا النوع من الزيجات انهم يوقفون مع نفسهم وقفه صريحه و يحاسبون نفسهم قبل لا اي اليوم الي يفر فيه الاخ من اخيه و يوم لا ينفع مال و لا بنون الا من اتى الله بقلب سليم
و بالتوفيق للجميع ان شاءالله
|
|
12/14/2010 10:55:30 AM
|
|
ضع علامة √ أو ×
|
-المرأه دمعه والرجل ارق من تلك الدمعه لكن خلف اسوره وحصون ( صحيح )
2-الحزن بالدنيا اكثر من الفرح ( خطأ بس أحنا الي ما نعرف نختار منو نعاشر )
3-الجمال للبنت اهم من الشهاده ( خطأ )
4-الضحك احلى شي بالدنيا ( خطأ بس بوقه )
5-الفلوس تقدر تجيب كل شي ( صحيح إلا الكرامه و العزه و الحرية )
6-الحياه من غير حب احلى ( خطأ ماتسوى شي )
7-الدنيا حلوة ( صحيح )
8-الخيانه طبع متأصل في الرجل ( خطأ )
9-الحب مثل النبات يذبل ويموت ( خطأ )
10-المره المطلقه اكيد فيها عله ( خطأ الاصح ان الزوجين ما توصل لنقطة تلاقي من بعد الفراق )
11-اذا اخطأ الرجل قالو ما احمقه واذا اخطأت المرأه قالو ما احمق النساء ( للأسف صحيح )
|
|
1/16/2011 4:10:59 AM
|
|
زواج المتعة للمقتنعين فيه من المذهبين فقط
|
سلام عليكم يا اخت ( بنوته ) بنسبه لتهجمج على هذا الزواج و اتهام الناس بالزنا ارجو انج تهدين في طرحج للمواضيع الحساسه الي مثل هذي لانه بنسبه لعلاماء و مفتين اهل السنه هذا الزواج حرام نعم و اتفق معلج لكن بالنسبه لنا أحنا كجعفرية فهذا الزواج محلل و جائز شرعا و ما عندنا غير هذا النوع من الزواج المؤقت و احكامه و قوانينه و شروطه كلها مستنبطه من القرآن و السيره النبوية الشريفه و في من اخوانا و خواتنا من اهل السنه من يؤمن بهذا الزواج مثل ما احنا نؤمن فيه و اذا انتي ما تؤمنين فيه او ما يطابق و لا يوافق معتقداتج فهذا ما يعطيج الحق بانج تقذفين الناس بالزنا و انتي انسانه متدينه و تعرفين حكم القذف بالاسلام شنو فالافضل انج تطرحين فكرج و رايج بشكل موزون في المره اليايه في اي موضوع حتى لا تدخلين في دايرة الحرام و العياذ بالله و بالتوفيق انشالله
|
|
3/2/2011 6:09:38 AM
|
|
تعارف وتواصل!
|
أولا نصبح عليكم بالخير و أشكرج إختي dina71 على هل موضوع الحلو و الحساس
ثانيا : بالنسبة للتعارف فبرأيي ان الاغلبية وللأسف مثل ما تفضلتي مو صريحين و لا جادين بالزواج سواء كانو رجال أو نساء للأسف و هذا الي يزيد من مشكلة سهولة التعارف و تفاهم بين الاطراف لأن الواحد فينا من يتكلم بصراحه و موضوعيه اتهمو باللعب و اللف و الدوران لأنهم اهم بعمرهم ما كانو جديين و لا صريحين فيستغربون من الصراحه الي يبديها الاشخاص الجديين في هذا الموقع
و في ناس للأسف تستغل هذي الصراحه و تستغل كلشي تقدر نها تحصل عليه من الطرف المقابل للوصول الى غايات ما ترضي ربنا و لا حتى كرامتنا و أخلاقنا للأسف
وانتي بنفسج طرحتي مثال عن بعض الي يحاولون يتواصلون معاج و في منهم وااااايد سواء كانو رجال او نساء يعني فصخو الحيا و صار كلشي عادي و مافي مانع و مثل ما يقول المثل " ان كنت لا تستحي ففعل ما تشتهي " و أضن ان هذا مبداهم في الحياة
ف ما أقول إلا الله يستر على المتعففين و الصالحين و الجادين من مثل أصحاب النفوس الدنيئة الي مثل هذي
|
|
1
|