|
صفحات
1 2 3 |
|---|
|
10/22/2008 4:50:49 PM
|
khale_dm
Posts 358
|
بسم الله الرحمن الرحيم
اتاح ديننا الاسلامي الحنيف بتعدد الزوجات .....وقد اثبتت الدراسات ان المستفيد الاول من تعدد الزوجات هو النساء ويعد من اهم الوسائل للقضاء على العنوسه
يوجد نساء ترفض ان يتزوج عليها زوجها وانها تلجأ للطلاق بمجرد زواج زوجها من غيرها
نقاش الموضوع:
ليش ترفض الزوجه تعدد الزوجات؟.... شنو الدافع اللي يخليها ترفض ان زوجها يتزوج عليها ....ليش ما تروح تخطبله اذا يبي يتزوج؟!!!!!
ليش الريال ما يتزوج اكثر من بنت؟
|
|
10/22/2008 5:13:16 PM
|
khale_dm
Posts 358
|
[i]شروط تعدد الزوجات:أن يكون الإنسان عنده1
- قدرة مالية ،
2- وقدرة بدنية ،
3-وقدرة على العدل بين الزواجات .
|
|
10/22/2008 5:45:44 PM
|
gem
Posts 267
|
اشك ..... لا والله اجزم انه في ريال يقدر على الثالثة
كلنا عيال أدم و كلن يعرف هالقمندة عدل
فلا احد يزايد
اما اذا قبلت وحدة بالوضع ( no matter what ) فهي حرة و اختيارها
انما عدل مثل ما نفهم كلمة عدل ؟؟؟ انسى
|
|
10/22/2008 6:44:39 PM
|
el7saweya
Posts 55
|
khale_dm كتب:
بسم الله الرحمن الرحيم
اتاح ديننا الاسلامي الحنيف بتعدد الزوجات .....وقد اثبتت الدراسات ان المستفيد الاول من تعدد الزوجات هو النساء ويعد من اهم الوسائل للقضاء على العنوسه
يوجد نساء ترفض ان يتزوج عليها زوجها وانها تلجأ للطلاق بمجرد زواج زوجها من غيرها
نقاش الموضوع:
ليش ترفض الزوجه تعدد الزوجات؟.... شنو الدافع اللي يخليها ترفض ان زوجها يتزوج عليها ....ليش ما تروح تخطبله اذا يبي يتزوج؟!!!!!
ليش الريال ما يتزوج اكثر من بنت؟
صج الشرع حلل اربع بس انا شخصيا ما ارضى اتزوج واحد متزوج عنده مرة على ذمته ، حراااااام شنو بصير بمرته الاولى؟ انا بنت واحس ، كل بنت تبي تملك زوجها وتبيه لها بروحها بس، ولا قطوة تشاركها فيه ،..و مابي زوجي يتزوج علي وحدة ثانية .. امردغه اهو وزوجته .. واللي مارضاه حق روحي مارضاه لبنات الناس ..
|
|
10/22/2008 8:35:19 PM
|
7ezen
Posts 37
|
حساويه حبيبتي شلونج ؟
حاولي تقرين عن موضوع التعدد بتعمق و تعقل ... مو عشان تقبلين ، عشان بس تستفيدين ... و سبحان الله ربنا ماحكم و ما حلل و ماشرع الا لأسباب ... و الأسباب قاعدين نشوفها
حزن
|
|
10/22/2008 8:35:46 PM
|
miss_3afeesa
Posts 110
|
السلام
خوش موضوع خالد
اقولكم ماضيعه حلوه ماشالله عليه
انا صراحه مااقبل اني اخذ واحد متزوج او ان ريلي المستقبلي لوووول يتزوج علي
لانه مثل ماقالت الحساويه احنا بنات ونحس واكيد هالشغله راح تاثر بنفسيتها
بس في ظروف تخلي الواحد يتزوج مثلا مرته ماتيب يهال وهو مايبي يطلقها فممكن الثانيه توافق
بس الله سبحانه وتعالى قال (ولن تعدلوا) لانه العدل صعب انك توفي بين الزوجات والابناء واللي مايعدل يمشي يوم القيامه اعرج اوجسمه مائل صراحه مااذكر شنو بس شي مو زي
وشكراااااااااان
|
|
10/22/2008 9:13:11 PM
|
khale_dm
Posts 358
|
مشكوره اخت عفيسه على الاطراء الجميل بصراحه هالشي اعتز فيه كون مواضيعي جميلة وتعبر عن نفوس كثيره من رواد الموقع
|
|
10/23/2008 10:53:13 AM
|
multazem
Posts 2
|
تعدد الزوجات نعمه من رب العالمين وهديه ربانيه لأمة الإسلام
تعدد الزوجات يحمي البيوت من الإنهيار
مثل الإقتصاد الإسلامي إلي يحمي البورصات والأموال من الإنهيار
- -
لازم قبل كل شي نحدد منو إحنا ، مو معقول يعني الإنسان ما يكون عارف منو أهو وشنو هويته وشنو دوره بالحياة
إحنا مسلمين في الأول ومسلمين بالآخر ومسلمين بين الأول والآخر 
|
|
10/23/2008 11:37:46 AM
|
multazem
Posts 2
|
هويتنا الإسلام وحياتنا الإسلام وطريقتنا الإسلام ونومنا على الإسلام والإستيقاظ على الإسلام
ورب العالمين (حبيبنا) ما شرع لنا شي فيه شر لنا
خل نحاول نشوف الموضوع من زوايا أخرى:
- لو كانت ثقافة التعدد منشره كما كانت في أيام عزة الإسلام والمسلمين هل رح تخرب البيوت بهالسرعه مثل ما يصير هالأيام؟
مو ممكن يكون الزواج من ثانيه يمنع طلاق الأولى، بالتالي يكون خير وبركه على الأولى وعلى أولادها. لازم يعني ننطر الرجال لين يطلق بعدين نقبل فيه.
أي أحسن للزوجه الأولى: تنقهر جم يوم عقب زواج ريلها من ثانيه وبعدين تصير الأمور عاديه ، ولا تعيش طول عمرها مطلقه وتتشتت العائله ويعاني الأولاد من عقد ومشاكل ما يعلمها إلا الله؟ منو أحسن؟
أي أحسن للزوجه الأولى : تنقهر جم يوم عقب زواج ريلها من ثانيه وبعدين تصير الأمور عاديه ، ولا زوجها يزني من وراها، وتكمل حياتها مع حقير زاني ، ربه غضبان عليه.
الثانيه اتحر ، أنا ما انكر لكن: دايما تواجهنا في الحياة أمور صعبه حيييل ولحظات فارقه، مثل موت الأب أو الأم أوالولد أو شخص عزيز جدا جدا ، نزعل جم يوم ، وبعدها اترد المياه لمجاريها.
الرجال عددهم أقل من البنات، من وين نجيب رجال؟ العوانس والمطلقات والأرامل رح تصير (أو صارت) قنبله تهدد بانهيار المجتمع، ولي مو مصدق يلتفت حوله في كل مكان ويشوف البلاوي.
كل يوم الزوجين ينامون مع بعض ويصحون مع بعض ويتهاوشون مع بعض و و و، مو ملل؟ شفيها يعني لو ارتاحوا من بعض ، وصارت العمليه يوم وترك
والله والله رح يشتاقوا لبعض ورح يحسوا بقيمة اللحظه إلي تجمعهم ، ورح يجتهدوا يعيشوا هاللحظه في سعاده بدل المشاكل.
عموما إلى أدعوه ، أن خواتي لا يعتقدون أن الرجل في تكوينه وقدراته مثل الأنثى، رب العالمين يقول ( ليس الذكر كالأنثى) تفكروا في هذه الآيه الكريمه، أنا ما أقول الرجل أفضل من الأنثى لكنه (غير) عنها، بالتالي نفسيته وتكوينه مختلف.
اعذروني طولت عليكم
عندي مفاجأه ثقيله خاشها لكم، بس خل اشوف تفاعلكم يالغاليين
|
|
10/23/2008 1:22:19 PM
|
Karbala
Posts 318
|
السلام عليكم
تعدد الزوجات موضوع حساس جدا ..شروطة اكثر من الزواج من واحده
وشعرة خفيفة تفصل بين الجنة والنار ...
قال تعالى : "فانكحوا ما طاب لكم من النساء مثتى وثلاث ورباع فإن خفتم ألا تعدلوا فواحدة"
السؤال المطروح هو :
ما هي شروط تعدد الزواج ؟
ما هي نوعية وكيفية العدل ؟
تقبلوا تحياتي
اخوكم/ كربلا
تقبلوا تحياتي
|
|
10/23/2008 3:07:26 PM
|
hassasa
Posts 65
|
اذا الرجل عنده قدره على العدل بين الزوجات.. مومشكله خله يتزوج
وانا راضيه اني أكون مع شرايج..
لكن ادري انه ماكو واحد يقدر على العدل بين الزوجات..
صدقوني صعبه.. واااااااااااااااااايد صعبه
في مشكله 2 ماتدرون عنها.. الزوجات الأخريات...
كل وحده تسوي مشاكل وخطط هجومية على الشريجه عشان تكون الأفضل في نظر زوجها..
يالله.. حلو هالمشكله يا شطار .. لووووووووووووووووووووووووول
|
|
10/23/2008 3:14:27 PM
|
khale_dm
Posts 358
|
مشكور اخي العزيز ملتزم
بصراحه كلامك جدا رائع وممتع وجزاك الله خير على الاسباب اللي تشرح تعدد الزوجات
وياليت تخبرنا عن المفاجئه اللي تبي تقولها
|
|
10/24/2008 6:35:15 AM
|
MRS.Q8
Posts 24
|
صراحه موضوعكم شدني وحبيت أشارك عشان خواتي تنتبه وتاخذ العبره أنا أوافق الأخوات وأقول في ايامنتا هذه صعبه العدل بس عشت عن قرب تجربتين الأولي تعرفوا على بعض على مقاعد الدراسة أسويلك بحثك وأسويكج بحثك ما يقعدون اللا يم بعضهم واهو طاير عقله فيها وكل الزملاء فرحانين فيهم وما شاء الله الأخ ما قالها أنو متزوج في يوم لما أكتشفت بروحها وخرت عنه وقالت له ما آخذ ريال متزوج خدعتني كان لازم تقول لي من البدايه مو عقب هالفترة وتركت الدراسه من وراها بس قلبها تعلق فيه لما زار أبوها وعرفه عن نفسه واقتنعت عائلتها انه مو عايش عيشة المتزوجين وجاب كل أهله وخطبوا البنت وتزوجوا وقالهم الزوجه الأولي أكيد بترحل لأنها على طول هاده البيت تصدقون عاشو مع بعض حوالي عشر سنوات بس أهو مو فكره الامع الأولى وتدرون رفعت الأولى عليه قضايا ما خلت شي ليمين اخذت منه الطلاق والثانية تترجاه لا تطلق وما في فايذه لأ وما رضى أنها تجييب وتحمل وتحييب عبال واهي تقول لا حول ولا قوة هذا رزق من الله سبحانه وتعالى مسكينه وايد حاولت معاه بس الأخ مو معاها فكره عقله كله مع الأولى أنها شلون بتشيل تربية الولدين جان يجيها بيوم للثانية يقولها لازم نتطلق زين ترجته وايد رد الأولى وأنا راضيه أكون زوجه ثانية خلاص نصيبي وعارفته من البدايه بس الأخ وايد يخاف من الأولي وتلاقي شرطها الأول أن يطلقها للثانية وفعلا تطلقوا والحين طبعا أخذ أحلى أيام حياتها ! شنو اللي نفعها من عقب هالمهذله هاذي ضحيت بشبابها وينها الحين قاعدة واهو رد الزوجة الأولى وكاهم عايشين مع بعض وراح الحب اللي ذبح نفسه عشان ياخذها بس تبخر ّّ طبعا اهوو كان احسن حل الطلاق لأنه على طول شارد الذهن مو متجاوب معاها يخاف من الأولي. آسفه أكون طولت عليكم بس الي أقوله أنه حرام يا ريييال اللي تسوونه اذا ما كان فيه من البدايه تفكير عقلاني أسباب وايد قوية للزواج الثاني ترى والله حرام بنات الناس مو لعبه لجام سنه ونهدها على صخر هذا زواج شنو ذنب اللي كبرت واهي لاهية في الدراسة مثلا ولما تقبل تتزوج تاخذ مثل جذي مقلب في حياتها اتقوا الله وأنتم يا بنات ما يدوم الا الصح اذا البدايه كانت صح تمشي الأمور صح واذا كانت غلط مو راكبه والله ما يبيلها لا زعل ولا شي خيرة من رب العالمين وأفول لكم الله الحافظ وموفقين بالاختيار لأنه الواحده لازم بعد تحكم عقلها قبل قلبها!!! لح أرد أسولفلكم عن التجربه الثانية اللي لما تزوجوا الزواج الثاني صراحه الريال ريال من البدايه صارح زوجته تر في واحده أحبها واهي بنت ناس وجذي أكيد وايد تأثرت بس لما تزوجوا ما أصدق ما شاء الله اللي أشوفهم اثنينهم راضيين اثنينهم متفاهمين يوم يسافر مع الأولي الثانية تاخذ عيال الأولى ادرسهم وتسوي لهم كل شي واهي بعد لما تسافر الأولى تشيل عيال الثانية ما شاء الله الله يتمم عليهم وعسى ربي يهنيهم . تدرون وين العبره في السالفتين الموضوع يتوقف على الريال الصدقج أي أهو اللي يحدد اطار العلاقة مع حريمه مو على كيف واحده طلق وأرد لك أو لا تتزوج أو الثانية طلق الأولى كل هالخرابيط ما يصير بالعقل الريال أهو اللي يحكم واهو جذي سي السيد والله ربنا سبحانه وتعالي أكيد بيوفقهم ويعيشون بسعادة .
مره ثانية آسفه على الاطالة يمكن صفحة بس ان شاء الله تكون عبره وفقكم الله جميعا
|
|
10/24/2008 8:38:07 AM
|
el7saweya
Posts 55
|
ملتزم كلامك عدل ؟، وكلكم شباب كلامكم عدل بس والله صعب .. صعب جدا جدا ، الريال بصير الضحية حتى لو اعدل بينهم ، حريمه راح كل دقيقة يتناجرون ويسوون خطط توم وجيري وكل وحدة بتحن على راسه ، اذا ما وصلت طق بالزاوية نفس القطاوة ، شسوي الريال ؟؟ خل نكون واقعيين .. ماكو مرا ترحب بشريجتها مستحييييييييييييل .. البنت تحب زوجها ملكها .. شباب تدرون شنو يعني ملكها ؟ لو اشرح لكم هالشعور 100 سنة ماراح تعرفونه .. سبحان الله صج تكوين الريال غير .. مابي اطول عليكم بس بقول ان الريال اول شي بيستانس عنده حرمتين ( بعيش ملك ) بس عقب شهر اذا مو اقل راح يشوف الهوايل .. وبعدها راح يضطر يختار يا اما يطلقهم اثنينهم والا يعميها مرة وحدة يتزوج الثالثة والرابعة ويعيش باجي حياته يشوف فيلم اكشن او رعب او حروب بين زوجاته ..
|
|
10/24/2008 1:51:48 PM
|
newlife
Posts 73
|
سلام عليكم ورحمة الله وبركاته
ياجماعة ما في عدل من الأساس في هالدنيا شلون الريال يقدر يعدل صعب علييييييييييييه الأغلبية جذي ويمكن في قلة تعدل عشان مانظلم أحد ..
لو كل زوج وزوجة يقعدون مع بعض ويتفاهمون بالعقل شنو اللي يبيه من الثاني ويحاولون يعدلون أخطاءهم كان الدنيا بخير بس شنسوي بقلة العقل عند الأغلبية !!
أتمنى من كل قلبي كل واحد فيكم يالمتزوجين إنكم تكتشفون العيب فيكم أول وتصلحون نفسكم وتصارحون زوجاتكم بعيوبهم عشان تعطونهم فرصة يمكن يتسنعون وطولوا بالكم
على أمهات عيالكم وراعوا العشرة مو بس تفكرون بنفسكم ووناستكم وراحتكم قدروا شوي وضحوا عشان عيالكم بعد ..
وإذا مافادت هالفرص كل واحد فيكم حر في اختياره بعدين والكل لازم يتحمل نتيجة أخطاءه والله يهدي الجميع إن شالله ..
|
|
10/24/2008 2:23:18 PM
|
zhara
Posts 37
|
السلام عليكم حابه اشارك معكم عن تعددالزوجات بصراحة مستحب ايضا بأن يتزوج الزوج امراتين الي اربع نساء ولهذا تعدد الزوجات في فائدة عظيمة وهو انه يمنع وجود العوانس فى المجتمع وبذلك يقضي على الانحراف والرذيلة لان المراة اذا لم تجد زوجا قد تنحرف الي اتباع الشهواتها وفي زوجات من كثر الارهاق والتعب المنزلي وكثرت المشاكل الزوجية تمنع زوجها من نفسها وهنا كانها تساعد زوجها الي ارتكاب المعاصي والرذيله وهذه االحالات كثيره وموجوده (مافي هروب من الواقع )ومن هنا شنو الحل عند الزوج ؟
الزواج او ارتكاب المعاصي افضل ؟
قد راى بعض من في قلوبهم مرض من غير المسلمين ان في تعدد الزوجات اهانة لشخصية المراة ولذا قاموا بحملة مركزة تحت عناوين متعددة كلها تهدف الي محاربة التعدد في الزوجات .
ممارسة خاطئة :
ان اكثر ما يوجب تشوية هذا التعدد في الزواج مايمارسه الذين عددوا الزوجات ولم ينصفوا بينهن او يعدلوا وان اغلب من عدد فى الزوجات جار فى الممارسة وكان زواجهمن الثانية على حساب راحة الاولى وامنها واستقرارها فان الرجل الضعيف الدين عندما يتزوج الثانية ويهجر الاولي وهذه طريقة ظالمة لا يتحملها الاسلام وانما يتحملها الزوج الذي لم يلتزم باحكام الاسلام واذا ربما مارس الزوج هذا الاسلوب مع الزوجة المنفردة فهل من العدل ان تحمل الاسلام هذا الانحراف والجور؟بل يتحمله الزوج
فى يااخون برنامج عادل وضعه الاسلام للرجل واذا اتبعه الزوج والله ارتاح من كثير من المشاكل ان يعدل بين الزوجات مثل
1-المبيت عند كل زوجة ليلة وهذ حق لها مشروع واذا قصر الزوج فى ذلك ياثم في هذا الواجب فمتي تزوج الثانية انقطع عن الزوجة الاولي وامتنع عن النوم عندها الاعندما تقلقه وتزعجه فيهرب منها
2-يجب على الزوج ان ينفق على زوجاته بقدر حاجتهن من الماكل والملبس ويستحب التسوية فى الانفاق
3- ان لا يظهر الزوج حبه لاحداهن امام الاخريات بل المستحب له ان يبدي لكل واحدة منهن انها اميرة (عاد ما صدق )عنده قريبة منه والمحبوبة لديه
وهذا الاسلوب انجح الطرق .
ونقول ان الحب القلبي من الامور التي لا تقع تحت الاختيار ولذا لا يعاقب الانسان عليه ان عشرة المراة نفسها وسلوكها مع الزوج هي التي تحبب الزوج بها وترغبهفيها وسلوكها واعمالها هي التي تبغضها اليه وتجعله يشمئز منها والخيار بيدها
وشكرا لكم وناطره ردكم ؟
|
|
10/24/2008 2:38:40 PM
|
M7al
Posts 11
|
السلام عليكم
قال تعالى : "فانكحوا ما طاب لكم من النساء مثتى وثلاث ورباع فإن خفتم ألا تعدلوا فواحدة"
الاصل بالزواج هوا التعدد مثنى وثلاث ورباع هذا هو اصل الزواج ولكن بشرط العدل
والعدل ماهو صعب او مستحيل مثل ماذكر البعض
ولكن من جهل البنات بالاحكام الشرعيه وبالحقوق اللي لهن وعليهن هو سبب المشكال اللي تحصل
الوحده منهم تبي زوجها يكون لها ملكها بروحها مايشاركها فيه احد
ويمكن البعض منهن تفضل ان زوجها يخونها من وراها ولا يتزوج عليها
وهذا كله من جهلهن ومن ضعف ايمانهن
ليش رضيتي بحكم الله ان يكون هذا الشخص زوج لج ..؟؟ ومارضيتي بحكم الله انه يتزوج عليج ..؟؟
ومو شرط ان الرجل يتزوج على زوجته بسبب انها ماتنجب او فيها نقص لا والف لااا
الزوج ممكن يتزوج على زوجته واهي بالنسبه له كامله والكامل وجه والله
لكن وين اللي تفهم هالكلام عدددل ؟
انا عن نفسي ما افضل اني اتزوج اكثر من وحده
ولا اقدر اعدل بين زوجتين مايرضن بحكم الله
ونصحتي لكل بنت مسلمه ان تجعل ام المؤمنين قدوه لها في دينها ودنياها
وشكراا
|
|
10/24/2008 9:11:06 PM
|
Manart
Posts 69
|
السلام عليكم
بالنسبة ان تعدد الزوجات يحل مشكلة العنوسه فهذا الشيء خطا
الرجل ما يبحث عن الستر بالزوجه الثانيه ( عدا البعض الي يتزوج للانجاب او لاسباب مرض الزوجه وغيره )
يعني حتى شروطه في الزوجه الثانيه من ناحية الجمال تكون كثيره
وبهذا ما حلت مشكلة العنوسه
لان البنت الجميله فرصتها بالزواج كبيره بغض النظر عن اخلاقها
لكن البعض محدودة الجمال وهذه خلقة رب العالمين ما تنعاب
فـشنو حل تعدد الزوجات بهذه الحاله
بالنسبه ان ضد التعدد فهذا شيء ما يجوز
بجذي نكون ضد شريعة رب العالمين
لكن ما نوافق ان يتزوجون علينا او نتزوج متزوج
وشكرا
|
|
10/25/2008 4:31:03 AM
|
khale_dm
Posts 358
|
MRS.Q8 كتب:
صراحه موضوعكم شدني وحبيت أشارك عشان خواتي تنتبه وتاخذ العبره أنا أوافق الأخوات وأقول في ايامنتا هذه صعبه العدل بس عشت عن قرب تجربتين الأولي تعرفوا على بعض على مقاعد الدراسة أسويلك بحثك وأسويكج بحثك ما يقعدون اللا يم بعضهم واهو طاير عقله فيها وكل الزملاء فرحانين فيهم وما شاء الله الأخ ما قالها أنو متزوج في يوم لما أكتشفت بروحها وخرت عنه وقالت له ما آخذ ريال متزوج خدعتني كان لازم تقول لي من البدايه مو عقب هالفترة وتركت الدراسه من وراها بس قلبها تعلق فيه لما زار أبوها وعرفه عن نفسه واقتنعت عائلتها انه مو عايش عيشة المتزوجين وجاب كل أهله وخطبوا البنت وتزوجوا وقالهم الزوجه الأولي أكيد بترحل لأنها على طول هاده البيت تصدقون عاشو مع بعض حوالي عشر سنوات بس أهو مو فكره الامع الأولى وتدرون رفعت الأولى عليه قضايا ما خلت شي ليمين اخذت منه الطلاق والثانية تترجاه لا تطلق وما في فايذه لأ وما رضى أنها تجييب وتحمل وتحييب عبال واهي تقول لا حول ولا قوة هذا رزق من الله سبحانه وتعالى مسكينه وايد حاولت معاه بس الأخ مو معاها فكره عقله كله مع الأولى أنها شلون بتشيل تربية الولدين جان يجيها بيوم للثانية يقولها لازم نتطلق زين ترجته وايد رد الأولى وأنا راضيه أكون زوجه ثانية خلاص نصيبي وعارفته من البدايه بس الأخ وايد يخاف من الأولي وتلاقي شرطها الأول أن يطلقها للثانية وفعلا تطلقوا والحين طبعا أخذ أحلى أيام حياتها ! شنو اللي نفعها من عقب هالمهذله هاذي ضحيت بشبابها وينها الحين قاعدة واهو رد الزوجة الأولى وكاهم عايشين مع بعض وراح الحب اللي ذبح نفسه عشان ياخذها بس تبخر ّّ طبعا اهوو كان احسن حل الطلاق لأنه على طول شارد الذهن مو متجاوب معاها يخاف من الأولي. آسفه أكون طولت عليكم بس الي أقوله أنه حرام يا ريييال اللي تسوونه اذا ما كان فيه من البدايه تفكير عقلاني أسباب وايد قوية للزواج الثاني ترى والله حرام بنات الناس مو لعبه لجام سنه ونهدها على صخر هذا زواج شنو ذنب اللي كبرت واهي لاهية في الدراسة مثلا ولما تقبل تتزوج تاخذ مثل جذي مقلب في حياتها اتقوا الله وأنتم يا بنات ما يدوم الا الصح اذا البدايه كانت صح تمشي الأمور صح واذا كانت غلط مو راكبه والله ما يبيلها لا زعل ولا شي خيرة من رب العالمين وأفول لكم الله الحافظ وموفقين بالاختيار لأنه الواحده لازم بعد تحكم عقلها قبل قلبها!!! لح أرد أسولفلكم عن التجربه الثانية اللي لما تزوجوا الزواج الثاني صراحه الريال ريال من البدايه صارح زوجته تر في واحده أحبها واهي بنت ناس وجذي أكيد وايد تأثرت بس لما تزوجوا ما أصدق ما شاء الله اللي أشوفهم اثنينهم راضيين اثنينهم متفاهمين يوم يسافر مع الأولي الثانية تاخذ عيال الأولى ادرسهم وتسوي لهم كل شي واهي بعد لما تسافر الأولى تشيل عيال الثانية ما شاء الله الله يتمم عليهم وعسى ربي يهنيهم . تدرون وين العبره في السالفتين الموضوع يتوقف على الريال الصدقج أي أهو اللي يحدد اطار العلاقة مع حريمه مو على كيف واحده طلق وأرد لك أو لا تتزوج أو الثانية طلق الأولى كل هالخرابيط ما يصير بالعقل الريال أهو اللي يحكم واهو جذي سي السيد والله ربنا سبحانه وتعالي أكيد بيوفقهم ويعيشون بسعادة .
مره ثانية آسفه على الاطالة يمكن صفحة بس ان شاء الله تكون عبره وفقكم الله جميعا
---------------------------------------------------------
كلامج عدل اختنا الغاليه بس الريال قبل لا يتزوج لازم يكون جاد بالعدل بينهم
والمشكله في القصه الاولى ان الريال فيه العيب كونه يخاف من زوجته
والقصه الثانيه تدل على حكمه الريال الواعي القادر على العدل بين زوجاته بحيث كل وحده لها حقها وما تتعدى على حقوق الثانيه
بصراحة موضوعج حلو و واذا كان على اطالته فكنت اتمنى يكون اطول من جذي لانه وايد ممتع
الله يكثر من امثالج
|
|
10/25/2008 4:32:29 AM
|
khale_dm
Posts 358
|
hassasa كتب:
اذا الرجل عنده قدره على العدل بين الزوجات.. مومشكله خله يتزوج
وانا راضيه اني أكون مع شرايج..
لكن ادري انه ماكو واحد يقدر على العدل بين الزوجات..
صدقوني صعبه.. واااااااااااااااااايد صعبه
في مشكله 2 ماتدرون عنها.. الزوجات الأخريات...
كل وحده تسوي مشاكل وخطط هجومية على الشريجه عشان تكون الأفضل في نظر زوجها..
يالله.. حلو هالمشكله يا شطار .. لووووووووووووووووووووووووول
--------------------------------------------------
العدل من اهم صفات تعدد الزوجات واللي ما يقدرعلى العدل ما يصلح له التعدد
|
|
صفحات
1 2 3 |
|---|