الصفحة الرئيسية » نقاش عام » هل انت جاد (انتي جاده) ؟!!
صفحات 1 2 3 4
12/31/2010 2:15:57 PM
vanilia
Posts 13
السلام عليكم ورحمه الله وبركاته اولا اشكر القائمين على الموقع بشكل عام ومشرفين المنتدى بشكل خاص على الجهود المبذوله فحقا الموقع يستحق الثناء والتقدير كما اخص بالشكر لكل الاعضاء الجادين ذكور او اناث على اثرائهم للمنتدى بافكارهم ومواضيعهم المثريه للمنتدى.
اريد اوجهه سؤال يخطر في بالي لعلي اجد اجابة لديكم كيف تعلم ان كان الطرف الاخر جاد حقا ، اعلم بان عند التسجيل في الموقع فالهدف نبيل والغالبيه لديها نيه جاده في البحث عن النصف الاخر لبناء حياه زوجيه مستقره ، ولكن كيف يحافظ على جديته في هدفه الاصلي وعدم ضياعه في منتصف الطريق بسبب كثرة الاختيارات واحتمالات بانه قد يجد طموحاته في مكان اخر فلماذا لا ينتظر او تنتظر !!
كيف تعرف من كان جاد وكيف تحافظ على جديتك في الموضوع فانا استغرب من قضى سنين في الموقع تحت بند اني جاد وابحث عن بنت الحلال ويبدا رحله البحث كالنحله في بستان الزهور بلا كلل او ملل ولكنه يكتفي بمص الرحيق دون ان يتوقف ويسئل نفسه الى متى سوف ابحث هل انا فعلا جاد في رغبتي بالزواج ؟!!
1/6/2011 12:28:41 PM
jobayer
Posts 6
السلام عليكم ورحمة الله وبركاته
اود ان اشكر جميع القائمين على هذا المنتدى
انا ابحث عن انسانه تكون جاد بزواج المسيار والله على ما اقول شهيد
وشكرا
1/9/2011 4:45:29 AM
ansan55
Posts 14
السلام عليكم ورحمة الله وبركاته

والله اني جاد بالزواج بس الضروف صعبه

سعودي .قبلي . طيب محافظ على الصلاه بالمسجد

والله لاأملك حتى مهر لكن املي بالله العظيم كبير إن أجد من تقبل ب500 دينار مهر واكون ستر لها بإذن الله واكون اب لعيالها وارضى فيهم ان كان عندها اعيال

يتيم الأبوين مقطوع من شجرة مريت بتجارب الحياه واخذت منها الدروس والعبر

طيب جدا ومتسامح

والله الذي لاإله إلا هو لااعاكس البنات مثل مايفعل الشباب بالاسواق وغيره

اخاف الله بالسر والعلن

وابحث عن وضيفه حالياً

1/10/2011 3:23:32 PM
vanilia
Posts 13
السلام عليكم
اشكر كل من ساهم بمحاولة الرد على الموضوع مع البعد الكلي عن الموضوع المطروح علما باني الغيت اشتراكي واضطريت اعيده مره اخرى لمجرد توضيح الامر:
اخواني الاعزاء الموضوع المطروح يناقش جدية الطرفين في الموقع وكيفية معرفتنا بانهم جادين او طريق الحفاظ على الجديه
وليس الموضع موضع بروفايل او ابداء رغبات بالطرف الاخر
بالنسبه لاخي جابر الله يوفقك بالزواج ان كان مسيار او عادي فلا اعلم ماهي ظروفك حتى احكم عليها
واخي انسان بصراحه اتمنى لك التوفيق وان شا اءلله تجد بنت الحلال بس الوضع معاك واضح انه ليس مجرد مهر فاخي الكريم ان كنت تبحث عن وظيفه كيف تنوي ان تصرف على
الاسرة فالزواج مسؤوليه ماليه دائمه وليس المشكله فقد بالمهر او عدم معاكسه اتمنى ان تجد وظيفه اولا وتستقر فيها وان تفكر بالبحث بطريقه اخرى فالكلام الي تكتبه عن نفسك يعتبر هو الطريقه التى تظهر شخصيتك وواضح انك انسان محترم وخلوق لان من حلف بالله فهو صادق فاتمنى ان تبدا بدراسة اوضاعك اولا وان تكون متاكد من استطاعتك لتوفير حياة كريمه للزوجه وبعدها ناقش موضوع المهر اخي الكريم واتمنى من الله ان يوسع لك الرزق من حيث لا تعلم ويرزقك بالزوجه الصالحه
واخي طلال اتمنى لك ان تجد الزوجه الجاده
وارجو من كل من يريد ان يشارك بالموضوع ان لا يخرج عن نحاور الموضوع وهي كلاتي
1- كيف تعرف من هو جاد بالموقع
2- كيف تحافظ على جديتك بالموقع وعدم ضياعك مع من هم غير جادين وان يظل الهدف واضح على طول الخط
3- كيف تعلم ان كان الطرف الاخر هو الشخص المناسب وتتاخذ قرار الارتباط والغاء عملية البحث
1/10/2011 10:44:00 PM
TALAL_4488
Posts 362
- كيف تعرف من هو جاد بالموقع

المكتوب ينقرا من عنوانه تعرف البنت اللي جاده واللي مو جاده
تلاقي البعض منهم حاط بالبروفايل كله افضل ان لا اقول
والبعض صريحات تلاقيها كاتبه داخله لمجرد الفضول
وبعضهم طلباتهم تبين لك انها مو جاده
فا انا لا قريت اللي مثل جذي على طول احطه حجب عشان ارتاح



2- كيف تحافظ على جديتك بالموقع وعدم ضياعك مع من هم غير جادين وان يظل الهدف واضح على طول الخط

من وجهة نظري اول شي ما اغير بالبروفايل شي مثل مابديت انتهي الكلام اللي كاتبه يبقى على طول
واحفظ ماي وجهي عن البعض لان الخير يخص والشر يعم تلاقي البعض من يدخل اسم بنت لو انها من الصومال ابلشوها بالرسايل والازعاج والكلام اللي ماله داعي
مثلا زواج متعه او مسيار او اطلعي بفلوس وهالشي يضرنا احنا يالجادين



3- كيف تعلم ان كان الطرف الاخر هو الشخص المناسب وتتاخذ قرار الارتباط والغاء عملية البحث


والله على حسب ميولك الشخصي يعني انا مرات اشوف انه في بنت اتوقع انها تكون مناسبه لي احطها لقائمه الامل يعني لا شفت موصفاتها او طلباتها مقنعه ومافيها طلبات تعجيزيه جذي بقول اني بديت امسك الخيط اللي يوصلني للانسانه
وللامانه والله كل ما اقول ابي ارفع اشتراكي اتردد
من البعض ناس وايد اظهرو الاهتمام لي اتفاجئ بعد فتره بسيطه ادخل البروفايل الخاص بالطرف الاقيه معفوس
الدوله السودان
الشعر اصلع
متين
اشرب الكثير من الكحول
جذي اتردد واقول ماكو مصداقه بعد ماكن البروفايل مرتب ويازينه وياحليله

وتقبل تحياتي
1/11/2011 12:04:57 PM
jobayer
Posts 6
السلام عليكم
والله على ما اقول شهيد اني جاد بالتعرف على انسانه تحب الستر وتكون جاد بالزواج ( زواج المسيار)
وشكرا
1/11/2011 3:56:04 PM
vanilia
Posts 13
شكرا جزيلا طلال فاخيرا لقيت احد جاوب اجابه كافيه واتمنى الله يوفقك بنصيبك يارب
2/5/2011 6:50:56 AM
TALAL_4488
Posts 362
العفو اختي وجزاج اله خير على هالدعوه اللي تفرح الواحد على هالصبح
2/11/2011 10:20:35 AM
jobayer
Posts 6
السلام عليكم
والله انا جاد بزواج المسيار
انا شاب اود التعرف على من تريد الستر
وشكرا
2/12/2011 6:11:28 AM
tgreed
Posts 1
سهل انك تكون جاد لكن صعب تعرف ادا غيرك فعلا جاد
2/22/2011 5:41:44 AM
faisal1984
Posts 1
السلام عليكم ورحمة الله وبركاته

اولاا مشكورين على اهتمامكم الزائد في الموقع هذا واتمنى من الكل يخاف الله في بنات الناس مثل مايخاف على اهله

المهم
انا انسان مو كويتي (بدون) وبفضل الله حالتي احسن من الكويتي بس بفرق الجنسيه بس
من فلوس الحمدالله والحاله الصحيه والشهاده وكل شي الا الجنسيه
انا اشوف بنات الوقت هذا مو نفس بنات اول مثل الوالده الله يحفظها ماكانو يفكرون بالجنسيه وغيرها لانهم يبون الستر مايبون يتفاخرون الا بالرجل بأخلاقه وصلاته
والحين البنت تطلب الدكتور وتطلب المهندس وغيره مافكرت انه يمكن في يوم من الايام بيتركها لان المهندس ولا الدكتور مايفكر انه يدخل اهنيه من سابع المستحيلات
وعلى فكره ترى كلنا مسلمين وربي خلقنا من ماء مهين اللي خلقني وخلقكم
بس تقولهم بدون مو كويتي ينحاشون ولا يقولن حتى الله يوفقك مادري شصاير بالدنيا اذا تخاف على عيالها ترى انا امي كويتيه وعايش احلا عيشه علاجي ببلاش ودراستي ببلاش ووظيفه احلا وظيفه
بس وين اللي تفهم ان الزواج قسمه
3/3/2011 1:06:26 AM
Raghooda
Posts 9
ابصراحه صارلي فتره ادش خطبه .. للأمانه ما شفت ولا واحد جاد

يعني انا داشه ادورلي واحد ولد ناس ومثقف ومحترم وشايف خير احاجيه بالمسنجر واعرف اخلاقه بعدين يصير خير

بس مشالله اغلبهم اول ما يطرشلي رساله يسئلني تشتغلين ؟ انتي حلوه ؟ من بنته ؟ هذا ايميلي وهذا رقمي انتظر منج اتصال !!!

او اللي متزوج او منفصل او يدوور متعه ومسيار .. يعني انت من صجك متوقع اني بررد عليك وانا لما الحيني بنت وما اعترف ابهالزواجات ؟؟؟

بعدين للأمانه وايد جياكر لهم عين ويبون وحده حلوه ما يصير يعني الحلوه مالها رب ؟ يعني هما انا اذا كنت حلوه ابي واحد حلو واذا انت شايف نفسك حلو ما عليه يحقلك تتشرط بس اذا انت ما تنبلع مد ريلك على قد الحافك يا قلبي .. وبلا تفلسف

والشغله اللي باطه جبدي صج ليش لما اقول حق واحد انا ودي بعد ما اتزوج اقعد بالبيت احسه بيموت ؟ لهدرجه مو مقتدر ماديا ولهدرجه يهمك اني اصرف على نفسي ؟ انا احب شغلي اي وما كملت جامعتي وتخرجت الا لأنني حطيت اهداف ابحياتي وطموحات والحمدلله وصلتلها بس جدا كنت اتمنى اني احس انه اللي بياخذني مو داش على طمع وعينه مليانه .. بس للأسف 90% عكس هالشي

عموما الجادين بالموقه نسبـــــه ضئيــــله واللي مو جادين طب وتخيير والله يكتب اللي فيه الخير لي ولكم انشالله
3/3/2011 6:07:26 AM
vanilia
Posts 13
اللهم امين رغوده ويرزقك بالزوج الصالح والذريه الصالحه
3/3/2011 2:43:41 PM
Raghooda
Posts 9
تسلمين حبيبتي من ذوقج وانا ابدوري اتمنالج الخير والتوفيق من كل قلبي
3/20/2011 12:38:06 PM
miss83
Posts 2
عسى الله يرزقنا بالزوج الصالح والذرية الصالحة ويعطينا على قد نيتنا يا رغودة قولو اميييييين
3/22/2011 11:26:00 PM
queen_83
Posts 3
السلام عليكم ورحمة الله وبركاته

لي الحين بصراحة ما مر علي واحد جاد 100%

من الاول خلنا نعرف بعض من خلال الموقع

الاخ الكريم لا من الاول رقم التلفون ما يصير

الله يرزقنا بالرجل الصالح

موفقين شباب وبنات
3/22/2011 11:32:20 PM
queen_83
Posts 3
وبعد نسيت اقول شي

انا بصراحة دخلوا علي اثنين والله ادعي لهم من كل قلبي بالتوفيق

عرفوا اني جادة بالموضوع من نفسهم انسحبوا وقالوا لي ديربالج ترى في شباب يلعبون

والله العظيم صارت معاي

الله يجزاهم خير الصراحة ان من البداية عرفون اني جديه بالموضوع ما ابي اقيم علاقة صداقة وحب

بالمقابل تلقين واحد اذا قلتيله ما اقدر اكلمك الا لما اعرفك عدل من يوم ثاني خلاص ما يتواص يطنش ليش لانج ما كلمتيه بالتلفون
3/23/2011 8:52:15 AM
miss83
Posts 2
وعليكم السلام ورحمة الله وبركاته , بالضبط اختي انا معاج بالكلام اللي قلتيه اكثرهم يبون يتعرفون بالتلفون !!
3/23/2011 5:00:44 PM
Raghooda
Posts 9
اخت QUEEN انا صارلي سنه او اكثر بالموقع ما ابي اقولج كلهم مو زينين عشان لا تنصدمين بس انتي موجوده وكلكم موجودين وبتشوفون ابنفسكم نسبة الزينين واللي مو زينين

بالفعل اول شي يقولج هذا ايميلي .. مو مشكله

لما تظيفينه حطيلي صورتج على طولي !! او هاج رقمي انا بطلع وبتأخر

يعني اشكال اعوذ بالله شفت مستويات ما تنوصف

ووصلت لدرجة انه بعضهم متزوجين !!!!! ويبون زوجه ثانيه او يدورون متعه وعرفي والله يبعدنا عن هالأشكال

يعني مادري اللي يخون مرته وام عياله هل يفكر انه ممكن الل بياخذها بتثق فيه ؟؟؟ وشنو اللي يضمن انه مثل ما خان العشره معا الأولى مراح يخونها معا الثانيه ؟؟؟

بس على نياتكم ترزقون وانا متأكده انه من بين هالمئات اللي مو زينين فيه نسبه بينهم عيال ناس ويخافون على سمعة البنت واكيد يخافون على خواتهم وبناتهم بالمستقبل لأنه تأكدي تمام مقولة كما تدين تدان والدنيا دواره اللي يفكر يلعب على بنات الناس الله راح يخلي بنت شوارع تلعب عليه واهوا ماراح يكون بيده شي يسويه لأنه راح يكون اسيرها حزتها .. او راح اييله يوم يشوف بنته وزوجته واخته ابهالوضع والله يستر على الجميع انشالله والطيبون للطيبات
3/23/2011 5:05:20 PM
fuad1971
Posts 1
الله يوفقج
صفحات 1 2 3 4
|
تسجيل faq AspNetForum v.0.0.0.0