الصفحة الرئيسية » المناقشات الجادة والقضايا الاجتماعية » ماذا أريد من زوجتي ( للمتزوجات فقط)
صفحات 1
6/16/2010 10:22:28 AM
zarkovic
Posts 54
السلام عليكم و رحمه الله و بركاته

شلونج أختي العزيزه

محتاره زوجج ما يعجبه العجب ؟

الحل عندي و انا بوحسين مو تسألين رفيجتج الخبيره و تقولج حقريه ترى توهقج

خل نتذكر بدايه الزواج شنو كنا

ياااااااااااااااااااااه انتا لسه فاكر

كل واحد له أحلام جميله يبي يسويها حق الطرف الآخر

حق منو ؟ حق نفسه ؟ لا أمي حق الطرف الآخر

كانت الزوجه تسعى لامتلاك قلب الشريك الجديد

يا عمي من وين طالع لنا هذا اليوم بعد عشر سنين ....يبا زهقنا

ويوم زهقتي شسويتي يا روح ماما ؟ صرتي أسيره الواجب ؟ هذا الي ناطرينا منج ؟

شوفي يا ضنايا

الالتزام و المسؤوليه تزهق و تملل و الواحد تطق جبده

متفقين معاي ؟ خوش ؟

خوش : سؤال لج طاق رصيف : فوق انه زوجج البايخ المليغ الي ما يعجبه العجب و كله يتذمر (بسبب تحمل المسؤوليه) تبين تحقرينه بعد ؟ شصير فيه ؟

لا يبا زوجي لا متحمل مسؤوليه و لا شي أنا أروح الجمعيه انا ابدل دهن انا اودي العيال المدارس أنا ايبهم و اروح الدوام و ارجع تعبانه و احط له الغدا و اقوم بواجبي و ادرس
اليهال و اسبحهم و أحطلهم العشى و انومهم شيبي بعد هالبطران خله يولي ما عنده سالفه

خوش نسيتي تقولين و احجز له تذكره سفر بعد . مو يا حظي هذا هو الواجب الي يزهق

ولي زهقتي انتي احنا رحنا فيها (تدرين شلون ما يحتاج اعلمج شتسوين لي زهقتي )

مو أحنا قاعد نقول المسؤوليه تزهق و تملل

شنسوي عيل ؟

أفا عليج أنا أعلمج شتسوين

1- تهدين بالج شوي
2- تتحملين غثاه و صدوده
3- تحاولين تشكين له الحال بطريقه حميمه

روووووووووووووووح زين عبالنا عندك سالفه

في شي انتي ما تعرفينه عن نفسج احنا نعرفه عنج

المرأه لا تحب الوسطيه ابد

شلووووووووووووووووووووووووووووووووووووووووووووون شلون شلون

نعم مثل ما أقولج جذي المرأه لها قلب اذا أقبل فانه لا يدبر و اذا أدبر فانه لا يقبل الا بعد فوات الاوان بالحالتين

شرايج؟ فاذا زوجج شرى تذكره تايلند قولي كيفه خل يسافر شعلي منه

و الحل بالصداقه و اسقاط جميع الحواجز و التكلف من الطرفين

الرجل ما عنده مانع يطيح الحواجز مع المره الا المعقد شوي صعب

يعني تغشمري معاه غشمره بايخه و لكن (لا تمسي رجولته و لا تبيني له انه مقصر بشي )

يمعود الثلاجه فاضيه نبي ناكل شلون ما ابين له انه مقصر ( بطريقه شرح الوضع و ليس بطريقه التشكي )

يا بوفلان ترى الثلاجه فاضيه بس مو تكثرين حجي و تقلبينها جنجال جنه نهايه العالم

و اذا تغشمر معاج غشمره بايخه لا تتضايقين و تسوين روحج عروس امس متزوجه و تعالو راضوني و تعالو دلعوني تبين تسوين جذي روحي سألي رفيجتج الخبيره مو عندي

يعني بالعربي صادقيه رافجيه أشوف رفيجاتج يتغشمرون معاج و ما يبقى كلمه ما تقولونها حق بعض و زوجج بس يقولج يااا حتى ما كمل كلامه زعلتي عليه سنو هادا كلام ماما

وييييييييييييييييه الرياييل يغارون من رفيجاتنا قطيعه

لأ نغار من قوه العلاقه من قوه الصداقه بينج و بين رفيجاتج و نزعل لما نشوف رفيجاتج اهم المتنسم لج و من منو من زوجج شريك حياتج و المفروض زوجج يصير كاتم
اسرارج و المتنسم لج من ضغوط الحياه و التزاماتها

Understood ?

و اذا تضايقت منه شسوي ؟ روحي قولي ام زيد و عبيد او حطي بقلبج و سكتي لين تنفجرين او طنشي و خلج غير مباليه و خلي القرعه ترعى
هاذي حلول رفيجتج الخبيره بس حلول بو حسين اكشخ

مو اتفقنا على الصداقه ؟ بطيها بوجهه نعم قولي له بوجهه بس ها بحزتها مو تنطرين السالفه تبرد عنده و هي حاره عندج بحزتها و بنفس الوقت يا فلان هذا الي صار غير
مقبول منك

بس اذا ركب راسه و يبي يركب الحق عليج ؟
بعد شرايج طال عمرج لازم واحد يتنازل و اهو راكب راسه الحين و قلبج كبير و الدنيا تمشي فوتيها له هالمره
بس بدون اي محاوله انتقام مبطنه منج يعني مثلا تكشتين فيه و تمشين او تبتسمين ابتسامه تقهر بل اظهري له ضعف و ضعف المرأه هو مصدر قوتها يعني هذا حزته ياخوج
لي متى خاشه الضعف هذا وايد نطرنا نشوف ضعف المرأه للحين ماشفناه و النتيجه قلبج ينترس و همومج تزيد و تطق جبدج و تروحين حق الخبيره شسوي و شسوي



صادقو أزواجكن الله يحفظكن

و أنتو سوالفكم وايد و الواحد صار ينسى سامحوني اذا نسيت شي و سامحوني على التقصير

الصداقه ثم الصداقه ثم الصداقه

See you Later
7/22/2010 2:28:29 AM
dalo3atmamtha
Posts 5
كلامك صح 100في 100 والله ياليت كل البنات يقرووونه والله الحقران بداية المشكله يابنات
8/6/2010 10:55:16 PM
hnadi
Posts 2
ولا صح ولاهم يحزنون
سبحان الله من امتى الرياييل يغارون من رفاجاتنا ؟! خبري احنا نغار من علاقتكم بربعكم !!

بس مقيوله طقني وبجى سبقني واشتكى !!

للأسف بعض الكلام صحيح لكن ملغم سوالف شكثرها تصب في مصلح الزوج فقط

بس كلمة حق تنقال
اسلوب الحوار وتسلسل الافكار حلو
واللفتات اللطيفة والظريفة جميلة جدا

عندك موهبه لا تفرط فيها ولك مستقبل في اعطاء المحاضرات ياريت تستثمره بشكل صحيح ولمصلحة الجميع

شكرا
8/28/2010 11:56:18 PM
KingAlayam
Posts 8
اسمحولي بس هل كلام فيه هضم لحقوق المره بشكل واضح و صريح , يعني تبي المره بكل بضع و بكل حاله و بكل الضروف اهي الي تصبر و تتحمل و اطخ و الريال يسوي الي بنفسه و يطلع الي بخاطره و ينف مثل ما يبي و بالوكت الي يبي على حساب هل مسكينه ليش باي قانون هذا باي مبدأ , عمي اسمحلي بس الاسلام يعلمنا المبدأ السليم الي لو طبقناه عدل كل امورنا اتيسر و تصير نظرتنا للأمور واقعيه أكثر نحسن التصرف بكل الظروف و المشاكل الي تحوشنا .

رسول الله قال ان الرجل فينا من ملك غيضه يعني الريال الي يمسك أعصابه بأصعب الظروف أهو الريال فينا من شي ثاني و أعتقد الكل فاهم معنا كلامي عدل , و قالها لقمان الحكيم حق ولده : ان أردت أن تختبر الرجال و تعلم أيهم نعم الرجال فختبر غضبهم و و الصابر منهم سيدهم , و عندنا مثل معروف يقول الرجوله موقف , يعني معنى هل كلام كله إن الي يعرف شلون يفكر بعقله و يمسك أعصابه بالمشاكل الي تحوشه ابيته و مع زوجته إهو الي يعرف شلون يدير بيته و يريح و يرتاح مو الي علبونه راد من الدوام تعبان ينفجر بويه زوشته و عياله لي شتكوله من سوء الحال هني يبينون الرجال من أشباه الرجال .

و بنسبه للمره فهم المفروض ان اهي بعد تعرف شلون تختار الوكت المناسب علشان تكلم ريلها فيه و تقدر ضروفه و ما تستغل الفرصه بالكامل , الأفضل لي شفتي ان الفرصه مناسبه انج تكلمينه و تفاتحينه بمواضيع معينه بالبيت تدرجين بطرح المواضيع من الأهم فالمهم مو العكس و تعطينه فرصه يفكر و حاول يوصل لحل لهل مواضيع و المشاكل و بعدها تساعدينه اذا كنتي حاسه انه غفل عن زاويه بالموضوع أو ممكن يكون عندج حل ثاني تقترحينه عليه و اهتمي بالمهم و خليه يخلص منه أول علشان لو صار اي ضرف و ما قدرتو تتطرقون للمهم تكونون حليتو أهم المشاكل الي مواجهتكم و بجذي تسهل المهم حق مواجهت المشاكل الاقل أهميه , و بجذي تقدرين اديرين بيتج و توصلين لي بر الأمان و الاستقرار مثل ما يقولون .

و بتفاهم فيما بيناتكم و مره تتنازل انت كرجل و مره اهي تتنازل كمره و تحطون ايدكم بايد بعض و تفكرنون بحلول مع بعض راح تريحون نفسكم و ترتاحون و اطمنون عيالكم و تكونون باحسن حال .

و آسف اذا كنت طولت عليكم و الله يوفق الجميع
3/16/2011 11:23:19 PM
sohyb
Posts 9
السلام عليكم ورحمة الله
كل الكلام اللى انتة حكيتة جميل والله وازيدك على البيت شعرا"
اختى العزيزة الزوج اى زوج عموما بة كثير من التعب ( تحمل المسؤلية ) ومن كدة انتى لا تعملى ما بصدرة عندما يعلم انك بحاجة الى مال اكثر وليس معة ما يكفى . يكاد ان يبكى وخصوصا ان كان مقصر ماديا مع أحفادة . يعمل ليل نهار كى يعمل على سد احتياجاتكم . فكونى انتى بيت الراحة عند عودة . كونى انتى اليد الطاهرة التى تجفف دموعة . كونى انتى الصدر الحنين لاستقبالة . هونى علية . لا تزيدى من همومة . لا يشم منكى الا اطيب الريح . كونى حزينة لحزنة وكونى سعيدة لسعادتة . لايقع عينة منكى على قبيح . ادفعية للخير لا للشر . كونى لة النظرة البريئة والجميلة ( اى لا يرى اجمل منكى خارج البيت ) . وفرى لة الجو الهادىء . وكونى ذكية فهناك أشياء تسعدة اكثر من كل ما سبق كونى فنانة كالملاك الذى يصعب مغادرتة
صفحات 1
|
تسجيل faq AspNetForum v.0.0.0.0