|
11/2/2008 2:28:53 PM
|
|
*قواعد السعادة*
|
ههههههههههههههه
حلوة خالد الريال .. اخترع و اخاف لا يصدق
|
|
11/2/2008 6:44:20 PM
|
|
ماذا استفدت ؟
|
مشاركة اخيرة اتمنى ان يقرونها الشباب اذا كان لهم خلق ادري انا اطول بس لاني احب اشرح كفاية
الحقيقة اني استفدت شي
الموقع فيه ما شالله مئات من المشاركات الانسات و السيدات ... و طالما المشاكرات الاناث معناته اللي يدورون الحلو دبلات عنهم ( ياني بنسب هني !! )
اوكي طالما عندنا هني كم الف كويتي و غير كويتي لاحظوا اشكثر اللي يساهمون بالمنتدى و اشكثر اللي يدردشون عشرين ؟؟ اربعين ؟
وين الباجي و ليش ما يشاركون داخلين الموقع علشان شنو طماشة ؟ اوكي تتطمش يوم اسبوع شهر سته ! اللهم اجرنا من نار جهنم . نفسكم ما تشبع من التطمش ؟
شنو هالسلبية الزايدة بالربع هو صحيح ان البعض شفنا لهم مشاركة او ثنتين و لاعت جبودنا ! هذول احنا نقول لهم خلكم مستريحين او يفضل تدورون مواقع تناسبكم
بس الباجي . خايفين من شنو . ما عندنا لا عصي و لا كرمكم الله اشياء تعض ورونا شوية مشاركات و افكار
اللي يشاركون بالمنتدى شباب بالعشرينات و هي النسبة الاغلب و الثلاتينات و هي نسبة قليلة لا و قاعدين يدقون مواترهم و يتسحبون واحد ورا الثاني ربعنا اهل الاربعينات منخشين و بس يلفون على المنتدى مو اكثر انزين شنو النشاط اللي تسوونه هني بالموقع مادري لا تشات و لا منتدى بس تلفلف على البروفايلات ؟ ادري بتسبوني هذا موقع الكل داش له بارادته و فيه اشياء مميزة شباب يدورون رزقهم من الصوبين انزين نزلوا الساحة خلوا الطرف الاخر يشوف شكو بالسوق
هذا امر نفسي اكثر منه اي شي ثاني هالشعوب كله متزمتة و نافخة حالها والله اللي سوو جذيه كلهم للحين ياكلون حنايج لا يا شباب و شابات هالله هالله بالايجابية و تركوا السلبية الزايدة المنتدى فيه عناوين وايدة مواضيع اجتماعية صحة و جمال .. طبخ و قصايد و كل الاشياء اللي تعرفونها حتى الهوايات و الاندية الصحية و مادري شنو بعد ماكو شي شادكم ؟؟؟ اشدعوة انتوا من كوكب غير الارض ؟ امانة المنتدى بارد الادارة باردة و المشاركين ابرد .. ( انا جني قمت افلع الاكو و الماكو ؟؟ ) بس امانة والله . انتو الحين حصل لكم شي مميز فعلا ديروا بالكم عليه و عمروه صح
|
|
11/2/2008 6:45:47 PM
|
|
ماذا استفدت ؟
|
الموضوع كان كبير فوانيت المنتدى ما قدر يشيله و اضطريت اجزءه
---------------------
الموضوع مو بره العنوان . شنو استفدت . استفدت ان عرفت اكثر عن شباب بلدي . الصغار منهم اللي بايعينها و اللي وايد متزمتين
الشباب لما يسولفون هني احس نفسي كأني مع بابا و عمو و انا الصغير , عقليات وايد متزمته و يحليلهم 90% منهم ما يتكلمون الا عن الدين و تعاليمه و برفايلاتهم بس متعه و مسيار . والله لو يعرف عدل شنو المسيار جان شق الشاشة علشان ينشق بروفايله ! يعني يا وايد صادقين و متزمتين تكلمهم تنفلع ! او جنابزة و مرنين . انزين خلوا شوية منكم يصيرون وايد صادقين و و مرنين و اللي يتمادى ينفلع .يعني طروا نفوسكم شوي . شنو يعني يايين تشترون منا و تذلونا ؟؟ ترى لو بتشوفون الوضع بعد من الزاوية الاخرى احنا بعد بنشتري على قولة اهل الشام . طرووها ياااه
شباب والله عندكم طاقات ولا اجمل ... طلعوها عدل هني مانتوا خسرانين شي .يحليل عقيسة الحبيبة . ردوا الى مشاركاتها . صادقة وايد و بسيطة الى درجة مو معقولة بالانجليزي يسمونها ( داون تو ايرث ) ولا اجمل من جذيه شخصية انا شفتها هني حبيبتي والله ( طبعا للي ما يعرف انا كنت اسميها بنتي ) الله يطمنا عليها و يسلمها من الشرور والله اشتقنالها
شوفوا مشاركات هالبنية كانت تشد الناس و ترسم البسمة غصب على وجوههم و الكل كان يوجه لها كلام رائع عن جمالية مشاركاتها و كانت تتكلم من قلب ابيض و بانفتاح و بعض الكلام تقوله من اجل الطرفة و الناس تفهمه صح ... مادري وين اختفت بنت اللذين ... اتمنى تكون سوت لها حادث حقيقي و صجي و تكسرت فيه كل عظام الحواجز اللي كانت موقفه بطريج رزقه طيبة يرزقها اياها رب العالمين مع فارس احلامها !!! ( خبيثة هالجملة ) اخاف خذت اللبناني اللي بكنفاني هالجنية !!!... و الله يرزقكم بحوادث حلوة جذيه طبعا بدون اي تكسير ... بس الحوادث يبيلها تكونون بشارع المشاركات ( و اعرف ان البعض راح يقلن !!! احنا ما نعرض نفسنا ... محد قال هالكلام ... اللي بتتزوج مو لازم تبين ؟؟ انزين يعني سجلتوا هني و انخشيتوا بين اروقه ( حلوة هذه ) الموقع ما عاد اكو امير يدز جيشه علشان يدور سندريلته ... و انتو بعد ما قطيتوا طبجة حذاء تكرمون ... و انتو الشباب خلصونا عاد ..متعه و مسيار ... روحوا شارع الحب او المجمعات خل ايودونكم و انشالله يجيبولكم جماعة هيئة المعروف من كثر ما لوعتو جبود البنات .. روحوا للاماكن اللي فيها هالنوعيات ...ادري انتو حتى بالمساجد تدورون هالسوالف ادري فيكم ...طبعا ما على الباجي زود و لكن عفيسة اعتقد انها اكثر الناس ممكن الواحد يحطها كمثال ... الشباب والله انهم عندهم مثلها و مو اقل انا اشوفه في البعض منهم ... طيب ما تخلون الطرف الاخر يشوفه
طولت وايد ... و خربت اكثر ... بس لاني اطبق المثل اللي يقول ... يا مودع خرب اتمنى لكم كل التوفيق من رب العالمين و سامحوني .. انا من مدة مو قصيرة و انا افكر بهالموضوع بس يعني ( لتل ليت بتر ذان نفر ) ...مسحة محبة على ويوهكم كلكم و انشالله يرشونكم بالورد و العود و البخور و وايد كلولولولولولولولوش( طبعا مرة وحدة لكل واحد او وحدة ... وايد مو لكل واحد ... استانسوا الشباب يحليلهم ) لكل من يبحث و يحب ................. و جاااااااااااااااااااااو ( بالايطالي مو بالهندي ها ؟؟؟؟ ) ... بالايطالي انتو تعرفونها ... يعني باي ... بس بالهندي تعني ... اذلف ...--
|
|
11/4/2008 1:49:48 PM
|
|
حال البورصه 2
|
هذا تحليل حسب الكاتب فانه يوضح جوهر المشكلة
تعود مشكلة بنك الخليج لتسهيله عميلة دخول بعض كبار مستثمريه و احد ملاك البنك (م ح و آخرون) على مضاربات جنونية ذات مخاطر كبيرة في سوق العملات في تعاملات تعرف ب (future trade) في سوق المشتقات المالية و هي تعاملات ذات طابع مخاطري كبير جدا يهدف منها الربح الغير اعتيادي في مثل هذه الظروف الاستثنائية خصوصا في ظل تذبذب الاسواق و العملات
طبيعة العملية العملية هي شراء عقد مفتوح (open position) لعملة اليورو مقابل الدولاء بقيمة مفتوحة نوعا ما بسقف عالي من التحرك و دون تحديد اسعار تخارج (بهذه الكلمات انا احاول تبسيط فهم العملية) و طبيعة العملية تحتم على العميل تغطية مركزه المالي يوميا سواء بالربح او الخسارة و كما هو معروف فان عملية العقود المستقبلية (في الاسواق العالمية تختلف عن بورصة الكويت) فان العميل يقوم بدفع جزء من الصفقة على ان يغطيها في حال انتهاء هذا المبلغ و هكذا حتى يحل تاريخ العقد او يطلب العميل التخلي عن العقد نهائيا في حال الخسارة (وقف الخسارة)
طبيعة الخسارةكما شاه الجميع و علم فان عملة اليورو تكبدت خسائر كبيرة في اسعار صرفها مقابل الدولار خلال الاسبوعين الماضيين حتى ان سعر صرفها امس بلغ ادنى سعر لها مقابل الدولار منذ ما يزيد عن العامين طبيعة عملية عقد بنك الخليج جعلت البنك يتكبد ممثلا عن العميل خسارة قاربت 700 مليون دولا تقريبا كون العقد مفتوح و ذو مخاطرة عالية
العميل خسر ، ما دخل البنك ؟
هنا مربط الفرس، يتوجب في ادارات البنوك المحترمة ان تتواجد ادارة تسمى ادارة المخاطر (مخاطر الائتمان او غيرها من مسميات) و هي ادارة تراقب كافة عمليات اقراض البنك كون عملية الاقراض هي اهم عملية يقوم بها البنك و هي العماد الاساسي لكل عمليات البنك التشغيلية
المشكلة في بنك الخليج انه قام بالتساهل في هذا الجانب مع احد ملاكه و دخل ممثلا عنه في عملية شراء العقد كون العميل احد اكبر الملاك و ابنه عضو مجلس ادارة فيه، و كان ضمان العملية هو اسهم شركة لولوة العقارية و التي لا تغطي بالتأكيد حجم العملية على الاطلاق
بصورة او باخرى البنك لم يتوقع ان (يكسر فيه) احد ملاكه الكبار و لا يلتزم بالدفع ، و هذا بالتأكيد عمليا غير مقبول من البن قبل العميل، لان البنك في النهاية ملك لعدة اطراف و ليس ملك شخص واحد يتصرف على هواه و يغامر بسمعة و تاريخ البنك ايا كان مركزه الاداري!
و هناك معلومات مؤكدة ان غرفة التداول في بنك الخليج تحتفظ بتسجيل صوتي للعميل اكد فيه انه لا يستطيع الالتزام بتغطية المبلغ و طالب البنك بالاكتفاء بالضمان الموجود متحججا بنزول الاسواق و انهم وافققوا كبنك على الضمان الموجود و هناك رواية اخرى تقول ان العميل طلب اقفال الصفقة قبل ان تتضاعف الخسارة الا انهم لم يقوموا بذلك بناء على اوامر من عضو مجلس ادارة آخر!
بعد كل هذا ، هل اموالك في خطر اذا كانت في بنك الخليج ؟ ساذج من يعتقد انه يملك 100 دينار او مئة مليون دينار في حسابه المصرفي في بنك الخليج و ان يأتي في يوم من الايام لن يجدها ، لان ما حصل سوف يؤثر على بيانات البنك المالية من ربح و خسائر في عملياته و ليس على موجوداته حتى في حال افلاس البنك فان اموال المودعين مضمونة بكاملها من قبل بنك الكويت المركزي و لكن يبقى رأس المال جبان و الحلال عديل الروح و لا يلام اي شخص على تحويل مبالغه لبنك آخر، فالبنك ان غامر بسمعته امام عملائه يستحق ا يكون عبرة للآخرين
و البنك المركزي وينه؟ ما يقوم به البنك المركزي هذه الايام هو قمة في الرقي و الاحتراف كما يراه بعض المراقبين ، فتصديه للازمة بهذا الشكل و ضخ الاموال لضمان استقرار بنك الخليج ليس حبا في البنك بل خوفا على اهتزاز ثقة الناس في البنوك الكويتية، و بغض النظر عن اي مصلحة قد تشوب الموضوع او تفهم على انها ضغط سياسي، فما قام به المركزي هو انقاذ فعلي و سريع للقطاع المصرفي في دولة الكويت، لكن نعتقد انه من الواجب محاسبة البنك بصورة صارمة و فرض رقابة (جبارة) على كل عملياته هو و باقي البنوك الاخرى حتى لا يأتي بنك آخر و يصفع الناس مرة اخرى فتنتهي ثقة الناس في البنوك الكويتية الى الابد و حينها يمكننا ان نقول على اقتصادنا السلام
-----------------------------
انا ارى الموضوع جدا موضوعي ,, قد ينقص قليلا او قد يختلف معه احد نوعيا او تقنيا ... و بالنهاية اتمنى الافادة للجميع .... مع التحية
|
|
11/4/2008 6:50:41 PM
|
|
حال البورصه 2
|
اخوي بو يوسف تيك ات ايزي
انا كتبت بشكل واضح ..... حسب الكاتب يعني مو انا الكاتب
و اللي قلت عنه انا انه موضوعي ... اللي هو موضوع السرد او قصة الحادثة بشكل محدد ..
اما المواد و المصطلحات المحاسبية او التسميات الدقيقة لعمليات التعاملات و التداولات المختلفة ( و ما اكثرها )
انا ماني ضليع فيها و لا ادعي ذلك ...
بس بالنسبة لموضوع العقود الاجلة اللي سالت عنها يمكن تكون فتحت عيني على شي محدد و هو قد يكون استشهد فيها الكاتب
من باب التدليل او المقارنة للتوضيح
انا شخصيا بعد مراجعة الموضوع من الناحية اللي حضرتك يمكن كمتخصص من الناحية التقنية لاحظت الامر و تساءلت حول الربط بين الفيوتشر تريد و البورصة
يمكن انت تعرف عن عملية الربط ان كان هناك او انك استشكلت عن الموضوع مادري .. بس ارد و اقول انا لو ابتعدنا عن الناحية الفنية و السوقية الصرفة فان اللي انا تكلمت عن موضوعيته هو القصة بذاتها ...
و اذا تبي نعمل عملية بحث دقيق عن الموضوع ترى انا حاضر ... ادري انك ما تحتاجني بالحالة بس انا بعد مرات احب ادرعم مع الناس اللي عندها اطلاع
... ناشبة و طلع الكلام و اخذ الفايدة منه !!! ... يعني دورة ببلاش !!
تحية لك
|
|
11/5/2008 3:00:07 PM
|
|
حال البورصه 2
|
بو يوسف بعد جبدي
اخوي اللي ادرجته يبين واضح انه مو لي
الاولى اني ببداية الكلام كتبت انه ( حسب الكاتب ) مثل ما ذكرت لك قبل
و الثانية يا الغالي انا كتبت بنهاية الموضوع سطر بدايته ( انا ارى الموضوع جدا موضوعي )
فهل من المعقول اني اكتب كلام و اقول عنه انه موضوعي او امدح نفسي فيه ... ما تركب .. عدل ؟؟ ...
انت على العموم هم معاك حق ... لان اللي ما ينتبه لهذيل الكلمتين يكون متعود على كلمة منقول
و انا سبحان الله العادة اكتب هذا ايميل وصلني بس يللا ... الموضوع فتح لمزيد من الحديث الطيب معاك
عمليا انا كان لي معرفه قبل 3 سنين بهالموضوع بس بيني و بينك انحشت عنه لانه بعده ما كان معروف بالكويت
و الربع كل ما تشرحه لهم يدبلون جبدك و اخرتها ما يعجبه .. و بعدين عرفنا انه لما انتشر قام الكل يدابج وراه
و الدليل شوفهم ... انا اعتقد ان اللي حصل هذا او انكشف هو ( و الله يستر ) راس جبل الجليد
لان الكويتيين اكبر من يغامر بهالامور .. و يمكن لو تلف الخليج كله ما تطلع ستة و الا سبعه ... انما ربعك ؟؟؟ ماشاالله عليهم ...بس الله يكافيهم الشر
هذا( م ح ) مشكلته انه ولد امس بهالامور ... مادري اشوداه لذيك الشغلة .. ... و لكن ان جيت لاسماء انت تعرف نوعيتها ... اعتقد انهم يجيبون حتى راس اليهود
لكن الحين للاسف انا .. المخ اتضرب لاني مبتعد عن كل هالامور من زمان فنسيت حتى ابسط امورها ... و لا ادعي اني اخفي شيء
تحية و الله يكافيك شرها ... و لكن اكيد العلم بالشيء خير من الجهل فيه
|
|
11/5/2008 7:59:46 PM
|
|
غذاء الروح والعقل ايضا
|
اذا كان مزاج الواحد مش ولا بد
من افضل ما يمكن ان يعمله ( مو الافضل ... درءا للتعليق ) هو اشغال نفسه في التحرش بهوايته
ادري ما راح يكون مزاج لهذه الهواية و لكن هذا لان الاختيار جاء بناء على امر يحبه هذا الانسان ... فالهواية افضل صديق و بلا مقارنة للانسان
فان كانت خزف مثلا ... كومبيوتر ( حسب نوعية نشاطه ) .. ديزاين .. اذا كان مغرم بالميكانيكا ... الخ
و يخلي اثناء ذلك باك غراوند لموسيقى بس تكون من النوع الهادي ... مو الهارد روك و اغاني عبدة الشيطان اعوذ بالله
الصوت يا دوب يسمعه ... مع مرور الوقت راح تهدأ نفسه بكل تاكيد لانه شغل باله باشياء اولا تبعد الافكار السلبية عنه
و ثانيا لانه اصلا اللي انشغل فيه شيء يحبه .. على فكرة في ناحية ايضا نفسية تشتغل بهذا الوقت و هالانسان ما ينتبه لها ...
راح يشوف عمله اشلون قاعد يسير و هو بروح مضغوطة .. هذه زاوية ينظر للعمل ماله قد تفيد حتى بنوعية انجازه لعملة مستقبلا
لانها تعطيه افكار بشكل محدد حول ذلك ... تضيف الى خبرتة
بعد هذا الهدوء النفسي اللي تحقق راح يبتدي يستحسن هذه الموسيقى اللي قاعد يسمعها بشكل غير الشكل الاعتيادي و تعمل هذه الموسيقى
بنفسه تأثير جميل يسحه بوقته ... قد يستمر هذا الاحساس على طول او لمدة محددة .. حسب النوعية اللي اختارها ان كانت اكثر ما يحب ام لا
هذه كم اغنية من اغاني الكويت الجميلة و الهادية
يا اهل الهوي .... مصطفى احمد ترى الليل عودني على النوح و السهر ... مصطفى احمد حبيبي شمعة الجلاس ... حسين جاسم
و طبعا من اجمل الاغاني للفنان عبدالله فضالة ... الا ياهل الهوى واعزتالي و كذلك على خدي احط ايدي ... و انصح ان تسمع من الفنان محمد المسباح بسبب الجمالية اللي اضافها بالتجديد اللي سواه ما ننسى اغنية آه يا جاسي انا فيك ابتليت ... و سمعوها ايضا من الفنان محمد المسباح المبدع
------------------
تعمدت اني اخلي الموضوع بهالصورة ... موضوع فيه اكثر من جانب ... الجانب النفسي .. و طريقة مقترحة ( مو جديدة ) للخروج من المزاج المعفوس ... و نوعية اغاني انشالله تعجبكم
|
|
11/6/2008 10:29:08 AM
|
|
وجبة فطور خفيفة ولذيذة
|
اضيف شغلة قريبة من طبق الاخت منى اللي هو ,, الفرنش توست ..
منو فيكم يحب الفرنش توست .. و منو اللي اشطر و بيعزمنا
عليه على العصرونية ... اي هين .. مالك امل
------------------------------
المقادير
6 حبات توست
2 بيض
ثلثين كوب حليب
1 ملعقة شاي فانيللا ( للي يحبون الفانيللا )
نصف ملعقة دارسين مطحون
نصف ملعقة زبدة
* يقطع التوست ( للي يحب ياكله صغير ) قطريا الى اربع مثلثات .
* تخلط باقي المقادير ماعدا الزبدة .
طبعا تعرفون الباجي ... روحوا جربوها و عليكم بالعافية... !!! خوش شف هذا
طب ما تزعلوش ...
* تغمس قطع التوست بخليط البيض لتتشرب من الخليط ( كثر ما تحبون
ان تكون ... اللي يحبها للمتن ... يخليها زود شوي .. و اللي يبيها ك سناك خفيف
و للاستمتاع في العصرونية لا يثقلها ) .
و على نار متوسطة تسخن الزبدة و تقلى قطع التوست حتى يتحول
لونها الى اللون البرونزي ( فقط ... مو البني !! )
التوبينغ يختلف باختلاف الاذواق ... ناس يحبون القطر و ناس يحبون العسل
طبعا التوبنغ للتحلية و لتطييب المذاق فقط !! ( ومو علشان سحان الجبد
او تخلونه سبب جديد للسمنة ... انتبهوا للنقطة ) .
يقدم مع الشاي او الافضل القهوة او للي يحب .. الكابوتشينو
-----------------------------
طبعا انا كل مرة اسويها (اضطر اني الطها كلها ) لان العيال مو متعودين
عليها مع اني و بشهادة الذواقه اسويها لذيذة جدا بس هالجمبازيه يحبطون الواحد
... و لو يقعدون بكافيه و يطلبونها راح يزرطونها زراط
حتى لو ريحتها شبزي ( تخيلوا حلو بريحة الشبزي ) !! هذا العيال ...
بالهنا و الصحة و العافية
|
|
11/6/2008 10:43:49 AM
|
|
ايسكرم الشوكولاته بالبسكويت (اهداء من eng_3antaar
|
شوفوا عاد شغل العتج
موضوعكم عن ايس كريم شكل الموضوع و طريقته تبدو شهية ... و كان ينفع بالصيف ..
الحين اذا ممكن و بعد اذنكم اضيف وصفة حلو كويتي عتيج ...
يحلى برمضان طبعا ... و مادري ليش ما ياكلونها بباجي ايام السنة
الوصفة هي المحلبية ... طبعا فيها شوية تغيير بالمقادير مني ... اتمنى اذا احد اهتم و سواها ..
اذا عجبته يقبل مني دعوة بالصحة و العافية ... و اذا ما عجبته ,, يوفر على نفسه ذنوب شتمي !!!
---------------------------------
المقادير
اربع اكواب حليب - كوب و ربع ماي ورد
هيل مطحون بكمية حسب المذاق
نص الى ثلاث ارباع كوب نشا ( الكمية تحددها الرغبة بدرجة تماسكها )
سكر من ثلاث الى ست ملاعق ( حسب الرغبة بالحلا )
فستق مطحون للي يحبون .. للزينة
يغلى الحليب قليلا مع الهيل و السكر
بنفس وقت الغلي نكون ذوبنا النشا بالماء البارد
نصفي الحليب من الهيل المطحون ( للي يتضايقون منه )
و نعيد الحليب على النار و اول ما يغلي نضيف النشا المذاب
و هني للي يبون يطلعون عضلات حق ايدهم ... !!
يقعدون يحركون باستمرار بدون توقف لمدة ...
من ثلث الى نص ساعة مع الحرص على حك ارضية الجدر
تسكب المحلبية بمواعين .. طبعا هي تقدم باردة
بس منو يحب يفوت الحجال ( الباقي ) في الجدر و هو حار او دافي
و ما يقعد يشيله باصابعه و يلحس هالجدر ... لدرجة اللي من بعدها ما يبيله غسيل !!
هذه اهم ميزة بعمل المحلبية ,, صب المواعين و لحس الجدر ... اللللله و على يوع بعد ؟؟؟ ممممممم
اتمنى انكم ... عقب ما تضبطونها عدل
... تعزموني على حجالها
-----
|
|
11/6/2008 12:19:16 PM
|
|
:: أخبار من البورصة ::
|
اعتذر ان الموضوع طاق رونغ سايد شوية بس تحذير من شي من الاشياء
الحقيقية اللي لازم ننتبه منها .... الغش التجاري
لان كثير من البضائع اللي مصنعه بالصين تحمل مادة سامة ... لذا على ما يقولون اقتضى التنويه
-------------------------------------------
----------
The whole world is scared of China made "black hearted goods"
Can you differentiate which one is made in Taiwan or China?
Let me tell you ...
The first 3 digits of the bar code 690 - 691 - 692 is Made in China & 471 is Made in Taiwan.
This is our right to know, but the government and related department never educate the public, therefore we have to rescue ourselves.
Nowadays, Chinese businessmen know that consumers do not prefer products "Made in China", so they won't show us which is made from which country.
However, you may now refer to the bar code, if the first 3 digits is 690 - 691 - 692 then it is made in China.
00~09 - USA & CANADA
30~37 - FRANCE
40~44 - GERMANY
49 - JAPAN
50 - UK
471 - Taiwan
690~692 - China
---------------------
يكافيكم الشرور
|
|
11/7/2008 11:27:15 PM
|
|
شنو أحلا فلم رحتوله بالسينما ؟؟
|
اذا سمحتولي اكتب شغلة عن فلم رائع من الافلام الرومانسية الراقية اللي تستاهل عمليا تنشاف مو بس لانه رومانسي و لكن لانه يعطي دفعه تعليمية حقيقية للعلاقات
الفلم فيه مجموعه من العلاقات العاطفية و لكن فيه شي رائع لا يقل عن هذه العلاقات
اولا الفلم من بطولة هيو غرانت و الممثلة جوليا روبرتس ( طبعا كله انسى اسمها و طلعته من غوغل ) notting hill
العلاقة الاولى و هي الاجمل ... حيث ان صديق هيو الاقرب له اللي تزوج الانساه اللي هو ( هيو ) حبها .. بس هي اختارت هالصديق ... الله لو عندنا جان فيها دم
مع ان الزوجة تعرضت لحادث اقعدها الا انه ( الزوج ) ما تخلى عنها ابدا و قايم بمهامه وواجبه تجاهها لانه يحبها حب حقيقي ( يمكن ينقال انه بس بالزوايات بس هو حقيقة موجود بس اللي هم مؤمنين بهالحب ناس قلائل ... انشالله كلكم تاخذون هالناس
الحب الثاني لاخته اللي تحب الروم ميت او زميله بالسكن ... الغبي و لكنه مخلص له .. و على فكرة اغلب الاغبياء مخلصين !! و طبعا هالبنت بعدما صابها نوع من اليأس انها تحصل واحد تفصال .. قالت احلها بهالطبل ... لا اذية و لا مطالب و لا قالها الله ...
العلاقة اللي هي موضوع الفلم هي قصة البطلين من بداية التعارف الى نهاية الفلم و ما سار مع هالعلاقة من صعود و هبوط .. اجمل ما كان بالفلم .. و هني جمال حياة هذه الناس ... لما توقف جدامة بمحله و بعد ما يرفضها بكل ادب .. تقول له جمله فيها اجمل القيم الانسانية ... لما تقول له ... الشهرة فانية .. و هي اصلا قائمة على الخداع ... و بالنهاية تختم بالجملة ... و هذا انا امامك بالنهاية بنت واقفه امام ولد .. بغض النظر عن صدقية وجود امر مثل هذا ( اذا احد بيشكك بالامر ) و هو عمليا موجود حقيقة ... لكن هذا يقول للناس جميعا ,,, ان الشهرة اذا سرقت الانسان فانها حقيقة تسرق انسانيته ... ليس جسده او روحه او شخصيته
انا اتمنى ان حصل لاحد ان يشاهد الفلم ( حتى لو شايفينه ) ان يتعمق قليلا بمعاني كثيرة وردت بالفلم ... خاصة و انه من النوع الرومانسي اللي شباب و شابات الموقع اعتقد انهم ما يمانعون ان يتعلمون هالاشياء الجميلة ... تعلموها و تدربوا بازواجكم و زوجاتكم
ماني مفصل اكثر لان هذا فلم راح ياكل كل المكان هني
فلم جميل جدا بصراحة يستاهل
و انشالله ايامكم كلها حب لكل من تعزون
|
|
11/8/2008 12:20:49 PM
|
|
وجبة فطور خفيفة ولذيذة
|
Good Girl, Bad Girl
Good girls say
"thanks for a wonderful dinner"...
Bad girls say, "what's for breakfast
Good girls make chicken for dinner
Bad girls make reservations
Good girls love Italian food
Bad girls love Italian waiters
--------------------------
الله يرزقكم ازواج و زوجات يحبون الاكل بسسسسس ... طبخ حجز ما تفرق
|
|
11/8/2008 6:18:28 PM
|
|
شنو أحلا فلم رحتوله بالسينما ؟؟
|
الفلم فيه مجموعه من العلاقات العاطفية و لكن فيه شي رائع لا يقل عن هذه العلاقات
هذه الشغلة نسيت اذكرها ... و هي قد تكون اثمن علاقة لاي انسان ... و قد لا يعيش انسان لينعم حقيقة بهذه العلاقة الرائعة و معانيها
و اللي هي علاقة الصداقة
الفلم يعرض لعلاقة صداقات للبطل و لا يمكن ان تحصل لاي انسان .. صداقات وقفت معاه لدرجة ان المشكلة اللي مر فيها و على كبرها ما دامت لان
الاصدقاء كانوا متواجدين حوله يشيلونه ... و لا اقل تدليل فزعته له بنهاية الفلم علشان يوصلونه الى حبيبته و كل الاشياء اللي سووها بالطريق
يقولون .. رب اخ لم تلده امك ... هذا هو الصديق علاقة لا يزيد عليها الا بعض ( مو كل ) علاقات الدم
فالصديق الصدوق هبة ربانية آمل ان يحرص على كسبها اي انسان
|
|
11/9/2008 5:08:25 PM
|
|
سؤال ... للأعضاء جميعا
|
اول شي خلاص عاد وقفي تمرينج هذا .. مصيبة ما تعبتي ؟؟ انا من اشوفه عوار ظهري يزيد و احتر زود لاني مو قده
طبعا اتغشمر و لا تحاتين عيني دايما باردة و لله الحمد... فلا تخافين من عيني .. يقولون كربلا و خالد اهم اللي عيونهم حارة !!
ادري سبيتيني و طلعتي كل هالكلمات اللي تبرد جبدج ... ( هيييييييه ) بس بالشهيق
يعلك شقول . اعوذ بالله و يمة من عينك ( تف تف لا اله الا الله ) و من هالحجي ( للي ما يعرفون هذه التف تف هذه ...
هذه تعابير امهاتنا الكبار الله يحفظ من بقى منهم .. وعلى فكرة فانها ما تحمل اي شي رطب !!! انما بس هواء خالي
مو تسوونها باحد على بو انها قديمة و تترسون ويوههم اشياء يبيلها بعدين يمشونها و تعتذرون وايد
----------
انا مبسوط ان وحده ( بس وحده !!! اهئ اهئ ) تشجعت من بنات جيلنا ان يكون لها مشاركات اكثر و تكون فعالة بالمنتدى ...
الفال للي اشتراكهم بعده ( دايال آب ) ... انا وين كتبت موضوع الباي باي مالي ما اذكر ...
لا احد يحاتي لاني قاعد اكتب مرة ثانية ... هذه بس تحية لاختي ليدي .. و حبيت اقول لكم جميعا انكم وحشتوني ..
مثل ما قلت .. هي بس وحدة .. لكن شيقولون الوحدة منا عن عشر... انا استانس على اسلوب كتابتها ( صج انه وايد جدي )
بس ماشالله اسلوب راكز و معبر بشكل طيب
اختلف معاه وايد ( وايد ) .. بعد مرة وايد .. بطريقة التفكير بس هو اضافة طيبة انا اعتبرها للمنتدى اتمنى من الباجي التشجع
انا ما بغيت اشارك الان و كنت اتحين الفرصة علشان اذكر هالكلام لكن لما شفت كلمة المنفصلين قلت عادي ... بس التمرين ؟؟ قلت لا هذا تحرش
واضح فيني ... ( ما حصلش ادري !! بس انا اتلكك )
اكيد البلوة الاكبر بحياة الانسان و خاصة للكبار هي الوحدة ( المثل الشامي يقول لا تشكيلي ببكيلك )
يعني الحمدلله الله سبحانه يرزقهم بالاولاد يفرحون فيهم و يكبرون و يمسكون دربهم الله يسلمهم و يظل الانسان بعدها ( الاعزب ) ماكو انيس و لا ونيس ( شالفرق يعني )
انا شخصيا اشغل وايدمن وقتي بالقراءة و ممارسة هوايتي بس حتى الهواية و القراءة صاروا مثل الزوجة اللي لاعت جبدها من زوجها
و تقول له طس حق ربعك .. طس الديوانية .. الى متى راح انشغل بهالهوايات ..
يقولون الروح تبي ارواح .. كل شي بالكويت ممل ... حتى الدواوين يحليل روادها ... جنجفة و اونو ( لا و اكو ناس ما يحبون الا النذالة ) صج كل اناء ... رياييل اشكبرهم الله يهداهم ,,, لا و بعد طايحينله شنو قال ؟؟؟ بي اس تو و 3 و الاكس بوكس ... شنو كانت الدواوين و شنو سووها التاليين ...
لكن مع ذلك انا دخولي هني هو اصلا للتعارف مثل ما قلت من قبل .. لان الصداقات اروع انواع العلاقات الانسانية بدون اي مقارنة اومناقشة .. و انا كتبت هالكلام في منتدى
ثاني . الاماكن الترفيهية بالكويت .. لما شرحت شوية عن فلم notting hill
ادري طال موضوعي .. بس هذا انا ميمع مشاركات مالت ايام طويلة كنت مبتعد فيها عن المنتدى الاجتماعي و بطيتها مرة وحدة ...
على فكرة لو يغيرون اسمه الى الاجتماعي ارقى شوي من تسميته الحالية ... ندري انه زواج مو الموقع كله خطبة و زواج
تحية لكم جميعا و انشالله نلتقي على المحبة
|
|
11/11/2008 10:26:20 PM
|
|
:: أخبار من البورصة ::
|
how real business is done
Father: 'I want you to marry a girl of my choice.'
Son: 'I will choose my own bride!!!'
Father: 'But the girl is Bill Gate's daughter...'
Son: 'Well, in that case... ok'
Next ... Father approaches Bill Gates..
Father: 'I have a husband for your daughter...'
Bill Gates: 'But my daughter is too young to marry!!!!!'
Father: 'But this young man is a vice-president of the World Bank.'
Bill Gates: 'Ah, in that case... ok'
Finally Father goes to see the president of the World Bank.
Father: 'I have a young man to be recommended as a vice-president.'
President: 'But I already have more vice- presidents than I need
Farther: 'But this young man is Bill Gates' son-in-law
President: 'Ah, in that case... ok'
And that, my friends, is how the real business is done .
طبعا هذه انقالت على كيف يعمل بعض ابناء جنسية عربية معينة الريل بزنس... بس قلنا نخليها عامة ابرك
|
|
11/12/2008 2:31:31 PM
|
|
المشاكل الزوجية ..... هل تستحق الطلاق؟
|
طريقة جديدة لحل المشاكل الزوجية
اعتذر منكم على استخدام موضوع قديم .. اولا علشان ما اشغل موضوع جديد توه يتناقش و ثانيا لانه ما عليه دوس
الموضوع المشاكل الزوجية هل و للبنات قول لكم خوش طريقة لحل مشكلة الزوج الخاين و اللي يهين المراة و ما شابه
----------------------------------
ريال و مرتة راجعين البيت و الزوجة تسوق بسرعة 60 ميل بالساعة ( تقريبا 100 كلم )
الزوج فجأة نط و قال لها ... انا ابي الطلاق ,, الزوجة تدوس زود عالبنزين وهي ساكته و السرعه توصل 65 ...
انا كنت اخونج مع اقرب صديقاتج و بصراحة ارتحت واياها اكثر منج .. السرعة 70
انا ابي اخذ البيت .. 80 ... و حساب البنك و كل الكروت و الطراد ... الزوجة بس ساكته و تزيد على الدوسة 90
السيارة طايرة و متجهة الى صبة الجسر الخرسانية الكبيرة
الريال هني متوتر ... اشو ساكته ما تبين شي ؟؟ ... جان تنطق اخيرا بصوت موزون و هاااااديء ... لا !! انا عندي كل شي احتاجه !!
الريال متفاجيء !! صج ؟؟ شنو اللي بقالج ؟؟
السرعه الحين 120 و لحظات قبل لا تدعم الصبة العودة !! ( the airbag )
كل واحد او وحدة متاذي من الشريك .. يشتري سيارة جذيه ( نو اير باغ فور فرونت باسنجر )
|
|
11/12/2008 2:39:02 PM
|
|
المشاكل الزوجية ..... هل تستحق الطلاق؟
|
شايب شويطين شوي
شايب و زوجته قاعدين قعدة سمر حبايب ( عسى الله يرزق كل واحد او وحدة فيكم هالقعدة )
الزوج يسأل زوجته حبيبته !!
اشراح تسوين اذا مت قبلج ؟ ... الزوجة الحبيبة تقول له اعتقد اني راح الاقيلي مشاركة سكن مع 3 ارامل مثلي
بس اصغر مني كوني نشيطة وايد مقارنة بعمري
الزوجة ترد السؤال للزوج ... و انت ؟؟
الزوج : اعتقد اني راح اسوي نفس الشي !!!
---------------------------------
هم الحريم بيزعلون ... مو خلاص انتقلت الى فووووووق!!!
|
|
11/12/2008 2:48:52 PM
|
|
المشاكل الزوجية ..... هل تستحق الطلاق؟
|
براءة طفلة و شطانة الماما
طفلة تسأل امها .... ماما من وين يه الجنس البشري ... الام : شوفي حبيبتي الله سبحانه خلق آدم و حواء
و ياهم عيال و صار الجنس البشري
بعد كم يوم راح و سألت ابوها ... البابا : شوفي حبيبتي ... قبل كان في قرود و حصل عليها تطور و تحول و صرنا احنا
البنت المحتارة رد لامها اشلون ماما هالكلام
مامتها وضحت لها اللبس !! ... شوفي حبيبتي الامر سهل انا وضحت لج من وين يو اهلي و ابوج نفس الشي ... بعد من وين ايي الطلاق ...
|
|
11/12/2008 4:08:47 PM
|
|
المشاكل الزوجية ..... هل تستحق الطلاق؟
|
ربي يديم و يزيد هالضحكة
و اتمنى اشوفها على وجوه كل من بالمنتدى
مشكور حبيبي
|
|
11/12/2008 7:27:38 PM
|
|
15 خطوة لإسعاد زوجتك
|
انا اتفق مع كلام استاذنا كربلا
المواضيع تكتب للاستفادة ... و الناس تستفيد من اي شي فقط لما تكون مستعدة لذلك
انا مر علي هالكلام كوني كنت متزوج و انت بعد يا اخوي يا كربلا تعرف ان كلام النظريات لازم يؤخذ بشكل دقيق شوي
المهم اهو كموضوع تذكيري يعتبر ممتاز و تشكر عليه يا معلم كربلا ... بس 15 ؟؟ وايد
يبيلنا سكرتيرة يا كربلا علشان تذكرنا بالنقاط اللي فيه مع كل حدث ...
تدري السكرتارية هي روح المؤسسات كلها و الزواج هو اهم و اقدم مؤسسة ابتكرها الانسان
تسلم يمناك ... و افتح مكتب لتزويدنا بالسكرتيرات .. ترى اخوانك محتاجين اللي يذكرهم من كثر مشاغلهم ...
حداق و بر شاليهات .. اوووووه الله يعينهم والله هالشباب والله يتعبون
|
|
1 2 3 4 5 6 7 8 9 10 11 12 13 14
|