Khitba.com

ما شاء الله الردود من الشباب على هالموضوع تبين على انه وايد فعلا ماخذين الموضوع جد بالزواج على الرغم من اني ما صادفت ولا واحد فعلا جاد بالموضوع
انا دخلت علشان فعلا قصد الزواج
بس ياترى وينهم اللي فعلا ادورونه؟ اشلون نعرف الجاد من اللي يبي يلعب

فيه ناس للاسف قصدهم لعب وتلاعب بالمشاعر بدون ما يراعون ان عندهم خوات او بنات

اي انا دخلت السايت علشان اول اتعرف على الشخص وبعدين اذا توالمنا الحلال ما فيه احلى منه

هل فيه فعلا شباب جادين ؟ وينهم؟

ومشكور عزيزي على الموضوع والله يرزقك ببنت الحلال اللي تسعدك

مساء الخير والحب ,كلامك صراحه ذكرني بنفسي وانا متأكده انها حقيقة وواقع كلنا تقريبا مرينا فيه مع الاسف وانا من الناس اللي شبعت من السالفه هذي ومشكلتي اني على كثر ما انقرص ما توب عندي أمل كبير ان الله يعوضني بشخص ينسيني كل الجروح اللي مريت فيها طبعا مو يس انا بروحي ويعوض كل وحده بانسان يكون عنده ضمير حي, للأسف واللي يقهر لما الشخص اللي تعطيه الثقه مايكون قدها والمصيبه ان يحلف باسم الله وبراس امه وبراس عياله وما يخلي راس بالكويت وبالدنيا كلها اللا وحلف فيه صار الحلف عادي ومسكة المصحف شي عادي والله حسافه على هالزمن اللي انعدم فيه الرجال ومابقى منهم اللا الذكوره ,والله الواحد مايدري شيسوي ,انا من الناس اللي خلاص ماقمت اصدق من الي شفته بس مازلت ابحث عن الرجل ومازال عندي أمل والله يوفق الجميع ....مع تحياتي