|
صفحات
1 2 3 4 5 6 |
|---|
|
10/19/2008 7:37:28 PM
|
bee_cool
Posts 1
|
]تحيه للجميع واود المداخله هنا من باب المشاركه اولا احترم جميع الاراء المطروحه ولكن المشاكل الزوجيه ليست بحاله خاصه لكل المتزوجين فكما هنالك عقليات مختلفه هنالك مشاكل مختلفه واضن بان حينما يحث الخلاف الموضوع لا يتعلق بثقافه معينه او مركز اجتماعي المطلوب بالزواج واركز هنا بالمطلوب هو الاداره والتفاهم ما بين الطرفين بمعني الحياه الزوجيه ليست صراع مراكز وسلطه بين الزوج والزوجه بل كفاح لبناء اسره ناجحه فكما هنالك زوج غير ناجح يوجد زوجه غير ناجحه فاذن الاساس هو بالاختيار الاساسي بالبدايه وعدم الانجرار وراء العاطفه فقط او فقط الزواج لمجرد الانسان يريد ان يتزوج لمجرد الزواج ورغم كل ذالك الطلاق موجود في احسن العائلات وهو بحد ذاته ليس بالشي العيب او المعيب ولكن العيب ان يتطلق الانسان لاشياء ليست ذي قيمه لا تستحق ومجرد لرده فعل الانسان وهبه الله العقل فما اجمل العقل حين نستخدمه وشكرا للجميع
|
|
10/19/2008 7:57:43 PM
|
miss_3afeesa
Posts 110
|
والله يا خالد في ناس مثقفين بس شكلا بس من داخل لا
|
|
10/19/2008 9:09:05 PM
|
Karbala
Posts 318
|
khale_dm كتب:
اخ كربلا بصراحه كلامه منطقي
و ما نستغنى عن ردودك الرائعه
ومرورك المميز
اخجلتني تواضعا .. اخوي
وانا بخدمتكم دائما
تحياتي
|
|
10/19/2008 9:11:11 PM
|
Karbala
Posts 318
|
miss_3afeesa كتب:
والله يا خالد في ناس مثقفين بس شكلا بس من داخل لا
ها عفيسة ... تقصديني ؟؟؟؟
بس كلامج صحيح ... شنو تنفع الثقافة وقلة دين وعقل
تحياتي لج
اخوكم/ كربلا
|
|
10/19/2008 9:35:55 PM
|
QumarNajd
Posts 51
|
ههههههه ,, حلوه حلوه MRS Q8  شنسوي بعد,, عيل عندي لكم سالفه,, مساع في وحده تسولفلي عن بنتها واشلون تطلقت,, اتصدقون شئ تافه امبييييييييييه ما صدقت ان في رجال عقولها صغيره جذيه!! لا حول ولا قوة الا بالله حسبي الله علي امثالهم,, طلقها علشان بيبسي!!! المهم قعدنا انسولف واقعدت اتلوم الريايل واهي الصاجه تري الزمن تغير وريايل هالوقت غير أول  الحين الريال مو قد المسؤوليه, وقالت لي مثل وااااااااااااايد عجبني ,, بس مو ذاكرته بدايته : اللي بنوا الدروازه ... مادري شنو بعدين بس مو ذاكره حسافه 
|
|
10/20/2008 2:36:28 PM
|
7aneen_alroo7
Posts 9
|
انه بصراحه من رايي اذا الحرمه ماعجبتك تزوجها عليها وريح بالك ,, مايعقل المره اله المره ,, او طلقها وتزوج عليها وفك عمرك واخذل بنيه يديده بجياسها وونوس عمرك وعيش حيات ومزز ميرندا 
|
|
10/20/2008 9:51:40 PM
|
hassasa
Posts 65
|
انا أقوووووووووووول.. يوزوا عن هالسوالف .. كل واحد قاعد بشلخ في الثاني..
بس هم انا عندي كلمه..
اللي صاير في وقتنا.. ان أكثر الشباب موكلهم( عشان محد يدعي علي)اتكاليييين على المره..
قبل الريال ريااااال قول وفعل.. لكن الحين اللي صاير ان المره ماخذه مكان الريال في كل امور الحياة والشباب صايرين اتكالييين على البنات
تلقى البنت تتصرف في امورها وشايله ومدبره نفسها أحسن من الشباب..
( شكلهم الشباب بحطون علي حطه الحين ويكرهوني )
|
|
10/20/2008 9:58:31 PM
|
mona123
Posts 11
|
قوه خالد
اكتب موضوع عن التعدد امبيييييييييييه وايد متزوجين مسجلين هني خل يكتبون ليش يبون يتزوجون بعد ؟ موضوع حده مهممممممممممممم
شكرررررررررررررن
|
|
10/20/2008 10:44:08 PM
|
miss_3afeesa
Posts 110
|
السلام
لا مااقصدك كربلا والله انك خوش ريال
بس قي ناس دكاتره ومناصب كبيره بس عقليتهم مو شي ضد الجنس الاخر وخصوصا الرياييل
وحتى في حريم تفكر وتقول كل الرياييل نفس الشي مايبون الا شي واحد وطماعين ولا بخلا وكل الرياييل عيونهم صايغه وهذا غلط
يعني تشك بالريال وهو حده برئ
وشكرااااااااااااااااان
|
|
10/22/2008 5:04:46 PM
|
khale_dm
Posts 358
|
اخت عفيسه بصراحه كلامج حلو وذرب ....
--------------------------------------------------------------
بصراحه كلامكم وايد حلو وجميل والحمدلله اظن اللي يقرا الموضوع لازم يستفيد منه في امور تتعلق بحياته الزوجيه وكيفيه التعامل مع مشاكلها
|
|
10/22/2008 9:02:17 PM
|
zhara
Posts 37
|
السلام عليكم ...انا عندي راى عن المشاكل الازوجية وابي منكم التعليق .
في اسس وقواعد واجبة ان تكون بين الزوجين واحترام هذة القواعد حتي لا نخلق المشاكل الزوجية نبدا بالرجل احنا نعرف ان الرجل من واجب علية انفاق على الاسرة يعني العمل طوال النهار او اليل وجهد العمل ومخالطة الناس مثل (المدير معصب ولا مراجع يعور القلب )وبعد هذا في شغلات صغيرة التي تخلي الرجل نفسية صفر مثل السيارة خراب الخ
هنا نرجع على المرة شنو يكون دورها عشان ما نخلق مشاكل زوجية اولا: ان تفكر ان الرجل انسان دم ولحم له طاقة محددة يحب ان يعيش بسلام بدون مشاكل وعوار راس وهو اول مانوى بالزواج يريد الاستقرار كل شاب يعيش في بيت اهلة ومتوفر له كل ما يريد مثل ( الاكل -غرفة نومه-ملابس نظيفة -ينام ويقعد على راحة )السؤال الماذا يتزوج ؟لانه ينقصة المتعة والمشاركة الزوجية وليس المشاكل الزوجية وكذالك المرة .
وشغله الثانية في اشياء تفقد الاحترام بين الزوجين وهي الميانه الزايدة وهي بدايه بكلامة (كذاب -مجنون ....الخ الي ان نوصل الي الكلام بلاش منه .
وعندي كلام وايد انشاء الله نكمله بعدين وناطره ردكم
|
|
10/22/2008 9:19:14 PM
|
khale_dm
Posts 358
|
اختنا الغالية العزيزه *زهره*:
مشكوره على كلامج الجميل واللي يعبر عن مافي داخلج
وبصراحه النقطه اللي تكلمتي عنها نقطه مهمه جدا في الحياه وهو ان كل شخص يقدر ظروف ومشاعر الطرف اللي معاه بحيث يفهم الاوقات اللي يكون فيها باله ومزاجه مرتاح والاوقات اللي ظروفه يكون عصبي كالشخص اللي يكون راد من دوامه يعني بيكون مزاجه عصبي ومتنرفز من مشاكل الدوام
واتمنى تعبرين عن كل شي تبين تقولينه لان كلامج جميل ومميز ويستحق الاهتمام مني ومن غيري
|
|
10/23/2008 2:52:14 PM
|
hassasa
Posts 65
|
السنع و الإتزان لازم يكون في كل شي..
وخير الأمور أوسطها..
عشان يكون في اتزان في الأمور الزوجيه أو نقول في الحياة بشكل عام..لاااااااااااازم يكون في فكر واعي..
يعني مو من زود الميانه أمسخها بالمره وأعميها..
لازم أخلي في حدود عشان لا الوحده تطيح قيمتها من عين زوجها..
أخلي في ميانه إي.. بس ماأصير ملييييغه..
ويه ويييييييييييع كلش مو شي مو حلو
|
|
10/23/2008 3:18:47 PM
|
khale_dm
Posts 358
|
الغاليه العزيزه ( حصه.) ....بصراحه ردودج وايد حلوه و من اكثر الردود اللي تعجبني
مثل ما قلتي السنع والاتزان لازم يكون في كل شي
مشكوره على ردج الحلو
|
|
10/23/2008 3:39:32 PM
|
hassasa
Posts 65
|
شكرآ ياخالد 
اختك حساسه.. ودمتم سالمين
|
|
10/23/2008 4:25:05 PM
|
zhara
Posts 37
|
اشكرك اخ كربلا على ردك .
في نقطة احب اضيفها يمكن الخوات يضايقون مني فيها وهي مفروض على الرجل ان يكون في البيت شخصية قوية او بالاصح ان يكون حاسم يضع حدود بينه وبين زوجته حتي اولاده ..الحين راح اوضح شلون حنا ياجماعة عيشين فى مجتمع ناقصة الايمان مثل نبدأ بـ (المشاكل الزوجية )ليش؟ هذا السؤال هذا يرجع على الاهل اولا وثانيا على الزوج نفسة
اولا الاهل لان هم الاساس في تربية وانشاء الابناء لو في توزيع ديني فى البيت لم تجراء الفتاة او الفتي برتكاب المعاصي وحساب النفس اهم شي ياجماعة انا اذكر امي كانت تقول حق اختي وكانت اختي متزوجة(1- شوفي ريلج دوري بالج علية وعلى امة وعلى خواته وعلى ابة صيري خدامة ما تقولين انا كويتية وعندي وظيفة وعندي اهل ومحبة اهل الزوج من محبة الزوج.. والريال لما يشوف زوجتة تحب اهلة يحبها)(2-شنو يصير بينج وبينه ما يطلع على اي انسان كان حتي لو ضربك مابي يوصل الخبر عند اخوانج )(3-الريال يحب بالمرة اسلوبها والكلمه الحلوه وتفرض على نفسها احترامه وخوف منه ودائما حطي اهل زوجك القائمة الاوله لان رضاهم برضاء الزوج ام العلاقات الزوجية هذا يطلب الاحترام والتقدير والاسلوب الانثوي يلعب دور لما تكون الزوجة خجولة ناعمة دلوعة امام زوجة والله المشاكل كلها تزول
والحين نرجع على الزوج ..المرة عندما تتزوج تخاف من زوجها لانها ماتعرف اطباعه مثلا تقول ( عصبي او لا -طيب او لا- غشمرجي او لا - الخ
تدرون ليش هذه الاساله تدور في بال هذه الفتاة ؟ عشان تعرف شلون تتصرف مع الزوج (ياغالب يا مغلوب )الريال الشاطر يظهر لها بجميع الاطباع لان المرة رسمت للزوج صورة خياليه في بالها ان زوجها كذاوكذا واذا ظهر لها بعكس الصورة الخيالية تصبح خيبة امل من طرف الزوجة فتبدا المشاكل .
وانا ابي اتكلم عن تجارب شفتها او سمعت عنها لان احس تعبيري مو واضح ((كان في زوج ملتزم بالمصاريف البيت والخلاص مع زوجتة وكان طيب وحنون مع اولاد حتي من كثر حبة للزوجة زرع فيها الكبرياء وطولة السان وصارت عنيدة وفقد منها الاحترام حتي راح اشتكى للاهل زوجتة عن تصرفاتها الطايشة شنو كان رد اهل الزوجة ؟
اهل الزوجة : انت الغلطان
الزوج :لماذا ؟
اهل الزوجة : لان كان تصرفك معاها غلط من البداية لان المرة يجب ان يكون التعامل معها بعتدال لا تكون شديد ولا تكون معها انسان فقير او طيب او عادي
والحين الكلام ما يفيد ونقول لك روح تزوج وحدة غير بنتنا لان الحين من الصعب ان ترجع مثل قبل حتي او ترجع مثل قبل راح ترجع بس يومين وترد على الطبعها
وهنا اقتنع الزوج برد اهل الزوجة وتزوج من بنت الحلال بس هل مرة عرف شنو يسوي حتي لا يخسر مرة ثانية .
وراح اكمل لكم بعد بس مو الحين بعد ما اعرف ردكم على كلامي ؟
|
|
10/23/2008 4:30:58 PM
|
Karbala
Posts 318
|
miss_3afeesa كتب:
السلام
لا مااقصدك كربلا والله انك خوش ريال
بس قي ناس دكاتره ومناصب كبيره بس عقليتهم مو شي ضد الجنس الاخر وخصوصا الرياييل
وحتى في حريم تفكر وتقول كل الرياييل نفس الشي مايبون الا شي واحد وطماعين ولا بخلا وكل الرياييل عيونهم صايغه وهذا غلط
يعني تشك بالريال وهو حده برئ
وشكرااااااااااااااااان
هههههههههههه
اشوه مو أنا ...
وكلامج عدل ..
تحياتي لج
|
|
10/23/2008 5:31:33 PM
|
zhara
Posts 37
|
اسفه قصدي اشكر خالد على تعليقة
وشكر لك ايضا يا كربلا
|
|
10/23/2008 6:01:26 PM
|
layla73
Posts 45
|
اي والله تستحق الطلاق
مادام مايريحني مايحترمني مليدري عن عياله شبي فيه ؟
ياب لي المرض و طلقني
الطلاق حل لكثييييير من المشاكل
|
|
10/23/2008 6:13:25 PM
|
Karbala
Posts 318
|
zhara كتب:
اسفه قصدي اشكر خالد على تعليقة
وشكر لك ايضا يا كربلا
هلا اخت زهراء ..
من كلامج باين انج ... متفهمة للرجل
لو انه البنات يفكرون نفس تفكريج .. صدقيني ما يصير مشاكل زوجية ولا طلاق
والأهم بالموضوع .. انه يصير تقدير للرجل ولابد من معرفه انه مثل ما للمرأة عواطف
ايضا للرجل في عواطف .. ورجولة لازم لا يطعن فيها
تحياتي وتقديري لج
اخوكم/ كربلا
|
|
صفحات
1 2 3 4 5 6 |
|---|