الصفحة الرئيسية » نقاش عام » ياجماعه ديرو بالكم تراها مطلقه
صفحات 1 2
7/21/2010 11:53:04 PM
Taalal
Posts 5
من صجك؟ قلو البنات ؟ مالقيت الاا مطلقه..؟ سوالف عابره بين الناس او اخوان على ارتباط بمطلقه جنه المطلقه جايه ترانزيت من المريخ.. مايدرون انه او خلونى اكون صريح وياكم انه طلاقها رحمه او لراحتها من دوامه او مشاكل شافتها..او خذت واحد مايستاهل رجولها.. الحين بعرف ليش 7 الااف علامه استفهام اذا دروا علام انها مطلقه..وتصير منبوذه وكل شى محسوب عليها جنه سوت مصيبه عشان انفصلت.. لالا مانفصلت تطلقت بالعربي. انا من واقع شى عرفته من صاحب لى عن قصه طلاق وحده عرفت انها المطلقه انسانه شرت راسها او انه الطلاق ارحم لها من معاشره واحد حقير سافل.. اسف على الكلمه هاذى بس هاذا صج.. مو معناتته انى الوم الرجال وهم فى بنات يطلعون روح الرجال بس انا اتحجى عن كلمه <مطلقه > ليش نظره سلبيه والمجتمع مو متقلبها والناس دور سوالف هاذى مطلقه هاذى معلقه هاذى منحاشهه من زوجها .. ومايعرفون الااسباب......انا راح اسوى شعار واقول فيه... نحوه كويت من غير مطلقات....لازم تتغير نظره... ديربالك هاذى مطلقه..
7/23/2010 2:19:08 AM
faisal_aldafery
Posts 1
فعلا صحيح الكلام هذا,بس اللي ينظر هالنظره راح يجيه يوم ويذوق من نفس هالكاس هذا,راح اتطلق اخته او بنته او امه والله اعلم,وتكون مظلومه,ويحس بظلم النظره هذي,وان موكل وحده الله ماقسملها كعناتها ان فيها عله,او العذروب لازم يكون فيها(((( يكيدون للناس ولا يعلمون بان الناس يكيدون اليهم)))) هذي مقوله من عقليتي ولم اسمعها,يجب ان ننظر للامور من الناحيه الصحيحه,وان نتعمق بتفاصيل المشكله قبل الحكم على كل مطلقه,فتذكر ان لك ام واخت وابنه
الدنيا دواره
مع تحياتي لكم
اخوكم فيصل السعيدي الظفيري
ومستعد بالزواج من مطلقه او ارمله او بنت,المهم بنت حلال اجوديه
8/21/2010 5:43:07 PM
abdulredha
Posts 1
اي والله كلامك اخوي صح ، ما ادري الناس لي متى تفكير الجاهليه عندهم معنه ، رسولنا الكريم اكثر اللى تزوجهم يا ارمله أو مطلقه ، وهذا ان دل يدل انه الرسول كان يبي يقضي على هذه الظاهر ويفهم الناس انه ما فيها شي المطلقه او الارمله ، ادري كلامي مووو متناسق بس هذى وجت نظري وشكراً
9/8/2010 5:30:27 PM
GREENSPIRIT
Posts 1
صح لسانكم جميعا فعلا كلمة مطلقة عندنا كبييييرة وجنها مسوية جريمة الفقيرة ما تدرون إن المطلقة إما تكون بإرادتها تطلقت من الظيم والظلايم اللي شافته بحياتها أو يكون خارج إرادتها نتيجة نزوة ريال ما عرف قيمتها ، ولكن مو معناة كلامي ان بقط اللوم كله على الريال ، في بعض الحالات ما يتحمل الريال تكون المرة لسان طويل 24 ساعة تتزعل وتطلب ييبلي وما تييبلي هم الريال يزهق وما ينلام اذا طلق لا وانا أشجعه على الطلاق في هذه الحالات ، لأن المرة اهية اللي تخلي بيتها جنة واهياللي تخليه نار.
على العموم طولت عليكم وإن شاء الله أتمنى أن كل واحد ووحدة قبل لا يفكرون بموضوع الزواج يثرون أفكارهم ويعرفون حقوقهم وواجباتهم عشان نتفادى كلمة مطلق أو مطلقة
وفق الله الجميع
9/17/2010 4:09:22 AM
120881
Posts 2
السلاااااااااااام

المطلقه حالها حال غيرها ويمكن اتكون افضل من غيرها لانها تعلمت من تجربتهاالسابقه صارت اتعرف تختار وتبعد عن الشين

المطلقه على راسي من فوق والي يقول غير هذا الحجي جاااااهل ولا يعرف شي بالدنيا
9/25/2010 10:51:27 AM
nwara79
Posts 18
السلام عليكم ورحمة الله وبركاته..
شنو فيها المطلقه؟؟ انا وحده مطلقه ولما تعرف الناس اني مطلقه!! تزعل عشاني؟ ويقولون اسفين لانه سألنا؟!! بالعكس مافيها شي وش فيها لما اكون مطلقه؟ كل نصيب بهالدنياااا..انا مابي اقول انا كنت زينه وياااه وهو كان شين معاي؟ لا والله الظليمه شينه!! بس ترى نفووس الناس يحصل بينهم تجاذب..اما اللي يحصل بينه وبين زوجته تناافر بنفووسهم والله مهما سو ماراح تتصالح الامور بينهم ((يعني النفس وماتهوى)) وسبحان الله ارحم لي اعيش مطلقه واراعي بنتي ولا اني اعيش على ذمته واتعب نفسياا واتعب بنتي معااي واعقدهاا من هالمشااكل..وبصرااحه ماادري بهالحريم اللي تقولي انا عايشه مع زوجي عشان عيالي..؟؟؟ خير ليش ؟!! انتي تجذبين على نفسج!! ..كل هذه عشان ماتسمعين كلمة مطلقه تقال عنج!!

اعرفي انه كل شي نصيب ..ولاهو عيب بالرجال ولا المره!! المساله كلها نصيبب ويمكن هو لما يطلق زوجته ويتزوج وحده ثانيه يرتااح ويتوفق بحيااته وانتي بعد يمكن اذا تزوجتي واحد ثاني بترتااحين....اهـــــــــــــــــــــــــــــم شي هني...انه الواحد يعرف شنو يبي ويكون صريح مع نفسه قبل لايكون صريح مع الناس..


اعتذر عالاطاله


محبتكم نواره...
11/1/2010 11:37:59 AM
soosoo11
Posts 3
السلام عليكم جميعا الطلاق صعب جدا والحياة اصعب بعد االطلاق اسأل المجرب
11/16/2010 6:06:36 PM
kuw444
Posts 2
يمكن ما مريت بحالة طلاق او انفصال بس الي اشوفه اذا الانسان عنده الرغبه يعيش لابد وانه يحقق امله في الحياة هذا من جانب ومن جانب اخر لايلتفت وراه دايم ويتردد لان التردد هو الفشل بعينه وخلونا نضع انفسنا مكان المطلق ولا المطلقه ونحطها مكان الاخت او البنت ونحكم -------- ترى الدنيا بخير ولازالت
11/17/2010 4:32:26 AM
soosoo11
Posts 3
السلام وعليكم ....كلام معقول والحمدلله دنيا بخير. انا بطبعي اشوف العالم بمنظور التفاؤل الطلاق مو عيب اللعيب انا ما نتعلم من هذي التجربه بس لاني طموحه واحب الاستقرار هذا المكتوب والحمدلله على عطاياه
12/18/2010 8:08:14 AM
asbani
Posts 2
هاي يسعدلي ايامكم فديتكم هذا اول تعليق انا اكتبه بالموقع

اول شي المطلقه قبل كل شي انسانه يعني لقب مطلقه ماله علاقه بشخصيته
ثاني شي بخصوص الطلاق صدقوني انتو تكبرون الموضوع اكبر من الازم مطلقه كانت مظلومه او لا بالنهايه لها اسبابه من الاسباب تكون اهيا وزوجه مو متفاهمين او ان احد الطرفين سيئ
وعلى فكره صدقوني الزين يعرفونه الناس والشين يعرفونه يعني وحده مطلقه بيقول عنها شخص هذي فيها وفيها بالنهايه في شخص ثاني قريب منه يعرف انه عكس الكلام يعني الموضوع كله على بعضه على ثقافة الشخص ان كان عنده نظره عميقه وشامله ومايحكم بشكل سريع يعني هذي تطلقت اكيد فيها شي لا الناس اجناس في واحد بيقول في سبب و ثاني يحكم بس بخصوص مطلقه يبعدون عنها انا اعتقد ان شخص بيتزوج يبي وحده تكون اول مره لان نفسين صعب يتقبل فكرة ان شريكت حياته كانت متزوجه هذا السبب والمطلقه تلقون اقلبيه يتزوجونها مطلاق مثلها يعني في نسبيه بالموضوع فا انا ارد واوضح كلامي الي يصير ثقافه خليجيه وعادات وتقاليد اكثر منها حكم بالشخص نفسه انا اشوف ان الموضوع لو تنظرون له بنظره بصيطه بيكون بصيط

بالنهايه اسف اذا كان اسلوبي غير منطقي او يسئ لاحد فديتكم واتمنا اشوف ردودكم على تعليقي عل اقل استفيد اذا قلت شي ماكنت حاسبه هم فديتكم
12/25/2010 7:27:35 PM
wagef1
Posts 3
الزواج قسمه ونصيب وكل واحد ياخذ نصيبه بالدنيا سواء طلاق او ترمل او بدون زواج ( للرجل + للمرأه ) والله يوفق الجميع
12/29/2010 1:59:55 AM
Mr.Saad
Posts 19
السلام عليكم

مشكووور اخوي علي الموضوع

يا اخوان انا رجال محاسب يعني اكثر شي افهم فيه اهو الارقام وبكل اختصار

زواج فاشل = مطلقه + مطلق ......؟

ليش يكون التركيز علي ( المطلقه ) دون ( المطلق ) يعني انا اشوف ان المجتمع كله يلون او يوجه النظر الي المطلقه دون المطلق

يعني وكان الامر كان بيدها هي .

انا ما ابي اعم او اشمل الكل بكلامي

بس الي انا اعرفه ان الطلاق من العرف ان يكون بيد الزوج ..... فلماذا تلام المراه علي امر لم ترتكبه هي ... الم يكن الزوج هو من كان السبب ...؟

ليش اول ما يسمعوون مطلقه يكون في نوع من النفور ...؟ ليش ما ينطبق القول هذا علي المطلق ...؟
مع العلم انهم نتاج لنفس العمليه وهي عمليه الطلاق ( مطلق + مطلقه = عمليه طلاق )

هم ارجع واقول ما ابي اشمل الكل بكلامي ولكن انا اعتقد ( علشان ترتاحون اعرف شخص ) ان الرجل هو من يكون الملام الاول والاخير في الطلاق

وان الطلاق ما هو الي نتيجه عن فشل الرجل في اداره دقه حياته مع زوجته ( وهذا من منطلق ان العصمه بيد الرجل ) + ( ما توارد لمسامعي من قصص طلاق )

مثال :-

1 زوج عاقل + زوجه متفهمه = زواج ناجح ======> زوج متفهم + زوجه عاقله = زواج ناجح

2 زوج غير عاقل + زوجه متفهمه = طلاق ======> زوج غير متفهم + زوجه عاقله = طلاق

3 زوج عاقل + زوجه غير عاقله = زواج غير مستقر ( الزواج غير المستقر لا يأدي الي الطلاق بالغالب )

أســــــــــــــــف عــلـــى الاطـــــــــــلـــــــه ............

مـــــــلاحـــــظــــه ......

جميع ما يترتب من مصاريف بعد الطلاق هو من الشرع وليش من القانون فكل ما يتم دفعه يكون للابناء وليس للام ...

الام لها المتعه وهي لفتره محدده فقط

الخدامه لعيالك .... والسايق لعيالك ..... ونص البيت لعيالك .... والي راح تدفعه مصروفهم

تذكر يا اخي اذا انت طلقه الزوجه فانك لم تطلق ابنائك

والسلام ختام
1/8/2011 3:32:06 AM
ansan55
Posts 14
السلام عليكم
شلون اتزوج ونا ماعندي فلوس ولاني موضف وابي استر نفسي
عمري 38 ويتيم ومقطوع من شجره

شلون اتزوج تكفون ابيكم تساعدوني ابي حل

ابي مطلقه او ارمله او بنت ماتطلب شي يمكن 500 دينار تدبر نجمعها من الناس لو اي اتمنى اني امسك الف دينار على شان اتاجر فيها
انا عندي موهبه بصناعة العطور والبخور بس مافيه ماده

ارجوكم ردوا على موضوعي بدون تسفيه اريد حل جذري
1/11/2011 6:43:07 PM
ok2009
Posts 7
انت من صجك عمرك 38 سنه ومو موظف شلون عايش حتى النملة تقدح على قوتها وانت عايش عالة ما اقول الا الله يعطيك
1/18/2011 11:30:42 PM
ansan55
Posts 14
الحمدلله وبهِ نستعين

السلام عليكم ورحمة الله وبركاته

اختي الكريمة مساء الخير أولاً

وثانياً

اتمنى منج أن تقرأي جيداً هذا الكلام

أنا قلت ماقلته هو عن وضعي حالياً

إما أنا فالحمدلله خبير اعشاب وخبير عطور تركيب العطور والخلطات والبخور الدوسري وغيره

لاكن أنا كنت اتكلم عن وضعي لاني فعلا ليست لدي وضيفه حالياً رسميه

أما الهوايه فكل شخص وله هوايته وله مصدر رزقه

ولاكن ان قلت انا خبير اعشابي وعطور هل معناتها اني موضف رسمي او عندي مهر لاني خبير الخ

لا بالعكس
فكنت أرجوا منك ياأختي أن لاتتفوهي بهذا الكلام
أنتي لك شخصيتك وفيه حريم هم غير شخصيتج

مثال يمكن انتي جامعيه ومطلقه وعمرك 45 سنه وتبين واحد وسيم واحد موضف غني وتبين مهر عشرين الف دينار وطلبات غير

وبينما فيه واحده بنت تبي زوج يستر عليها وتحط شرط دينار للمهر او مصحف كريم

هل هذه مجنونه واقول الله يعطيها لان النمله تكدح على رزقها

ارجوا ان تثمني كلامك ياأخيه

ومايلفظ من قول ٍ إلا لديهِ رقيبٌ عتيد

وصلى الله على نبينا محمد وعلى اله وازواجه وصحبه وسلم
1/23/2011 10:35:35 AM
ok2009
Posts 7
الحمد لله والشكر على النعمة وروح امسك سطل وغسل السيارات افضلك من هذا الموقع لا ويبي وحده تبحث على ولا تكون انت الستر لها والله حالة غثا ولا تزعل
1/23/2011 3:52:01 PM
ansan55
Posts 14
وعباد الرحمن الذين يمشون على الأرضِ هوناً

وإذا خاطبهم الجاهلون قالوا سلاماً
1/23/2011 6:20:28 PM
kuw444
Posts 2
ياجماعه خلوه الله الرازق والحاسد من البشر هذا وضعه والامر طبيعي جدا ليش مستغربين منه يكون جذي الحين شفتو فيه العذاريب ولا شفتوا بعض البنات شنو يبون من امور لا يمكن احد يصدقها وبيانات شكلها شخابيط وسد فراغ في البروفايل وحطوا بالكم قلت بعض البنات والعذر منكم غيرتو الموضوع الي اخر ودمتم
1/25/2011 4:02:36 PM
nwara79
Posts 18
السلاام عليكم

شلووونكم خواتي اخواني؟.

لا إله ألأا الله..شفيكم الله يهديك؟

ترى السالفه كلاااام وسوالف؟!

اختي الله يهديج ليش هالعنجهيه والنفس الشينه والتمشت باحوال الناس؟َ!

فكري ان الدنياا تدوور.! ويمكن بيوم تكونين بأي وضع لايحسد عليه!!

عسى ربي يستر عليج وعلينااااا...

السموحه اخوي ماعليه يمكن خانها التعبير...

لاإله إلأ انت سبحانك اني كنت من الضالمين...
1/27/2011 4:28:28 AM
11ossco
Posts 2
مرحبا اخي العزيز...بداية كلاااامك كنت تقول انك فقير ومسكين ولاتقدر على الزواج انما تريد زوجه فقط

والاخت ردة وكان ردها ايجابي وجميل ولكن توسع الامر وغيرت رايك انت وقلت انك تاجر بخور وغيرها

ولكن الاخت لم تفلح في الرد الثاني كان الاجدر انها تكشفك من خلال ردودك انك متلاااااااااااااااااااااااااااااعب


وانا اقول احتراااااااااااااااامي للحرااااااااااااااااامي
صفحات 1 2
|
تسجيل faq AspNetForum v.0.0.0.0