|
9/25/2010 10:51:27 AM
|
|
ياجماعه ديرو بالكم تراها مطلقه
|
السلام عليكم ورحمة الله وبركاته..
شنو فيها المطلقه؟؟ انا وحده مطلقه ولما تعرف الناس اني مطلقه!! تزعل عشاني؟ ويقولون اسفين لانه سألنا؟!! بالعكس مافيها شي وش فيها لما اكون مطلقه؟ كل نصيب بهالدنياااا..انا مابي اقول انا كنت زينه وياااه وهو كان شين معاي؟ لا والله الظليمه شينه!! بس ترى نفووس الناس يحصل بينهم تجاذب..اما اللي يحصل بينه وبين زوجته تناافر بنفووسهم والله مهما سو ماراح تتصالح الامور بينهم ((يعني النفس وماتهوى)) وسبحان الله ارحم لي اعيش مطلقه واراعي بنتي ولا اني اعيش على ذمته واتعب نفسياا واتعب بنتي معااي واعقدهاا من هالمشااكل..وبصرااحه ماادري بهالحريم اللي تقولي انا عايشه مع زوجي عشان عيالي..؟؟؟ خير ليش ؟!! انتي تجذبين على نفسج!! ..كل هذه عشان ماتسمعين كلمة مطلقه تقال عنج!!
اعرفي انه كل شي نصيب ..ولاهو عيب بالرجال ولا المره!! المساله كلها نصيبب ويمكن هو لما يطلق زوجته ويتزوج وحده ثانيه يرتااح ويتوفق بحيااته وانتي بعد يمكن اذا تزوجتي واحد ثاني بترتااحين....اهـــــــــــــــــــــــــــــم شي هني...انه الواحد يعرف شنو يبي ويكون صريح مع نفسه قبل لايكون صريح مع الناس..
اعتذر عالاطاله
محبتكم نواره...
|
|
9/25/2010 11:00:34 AM
|
|
( أنا أعرف قصص زواج عن طريق النت )
|
السلام عليكم ورحمة الله وبركاته..
انا من دخلت هالموقع قبل هالمره..كنت توافقت مع شخص وصارلي تواصل معاه بره النت وهو كان بيناا تفااهم والحمد الله انا ماكنت متطلبه!! غير انه يكون زواج شرعي ولايهمني اذا كان متزوج او مطلق.!!
بس تعرف وين وقفنا؟ انه بالنهايه يبي يكون زواجا سر؟؟ خير ليش؟ لا بس مابي اهلي يدرون؟؟ الحين بعد معرفه لفتره كبيره تجي وتقول ماتبي اهلك يعرفوون؟ وهو قبل ماكان عنده مانع؟ بالله عليك انت قولي شنو معناااه هالكللام؟؟؟
اذا انت تبي وحده ماعندها اهل او اهلها ماراح يسألون عن نسايبهم؟ مع احترامي للبره الديره اخذلك وحده من بره الديره صح ولا لا؟ بس مادري ليش الناس صارت بهالاستخفاف وقلة المسؤليه والاحتراام..
والحين رجعت للموقع مره ثانيه وبأسم ثاني
والله يوفق الكل
|
|
9/25/2010 11:16:48 AM
|
|
زواج المسيار
|
السلام عليكم....
انا أرفض هالنوع من الزوااااج...لانه الزواااج بمتعه او مسيار؟ وهم مسمياات اخرى للمتعه الجنسيه الشرعيه؟؟ طيب ليه تبي تتزوج؟ عشان تعصم نفسك من الحرااام؟؟؟ طيب انت تبي تعصم نفسك واللي تتزوجهاا؟ مالها حق ثاني؟ انها تستقر نفسياا تبني بيت وعيال يسندونها بهالزمن؟؟؟
ولا المسأله بس رغبه لا أكثر؟
ياللي تدور مسيار او متعه حط نفسك مكاان هالمره؟ العيشه بينكم تكون غير مستقره وباي وقت ممكن يتخلى عنج زوجج؟ شنو تتوقع شعوورها؟؟ ياليتك تفكر ياللي مؤيد هالنوع من الزواجات!!!!!
ارحموووو الناس واصابعكم ماهي سوى
وفعلاا مثل مافي رجال يبون الراحه والبيت والزوجه العاقله؟؟ هم في نساء يدورون الزوج الصالح المسؤل اللي يخاف الله فيها ولاهي متطلبه
فرقوو شوي بنت هالانوااع عشان ماتظلموون بختكم
الله يوفقكم دنياا وآخره
نواره
|
|
9/25/2010 11:16:49 AM
|
|
زواج المسيار
|
السلام عليكم....
انا أرفض هالنوع من الزوااااج...لانه الزواااج بمتعه او مسيار؟ وهم مسمياات اخرى للمتعه الجنسيه الشرعيه؟؟ طيب ليه تبي تتزوج؟ عشان تعصم نفسك من الحرااام؟؟؟ طيب انت تبي تعصم نفسك واللي تتزوجهاا؟ مالها حق ثاني؟ انها تستقر نفسياا تبني بيت وعيال يسندونها بهالزمن؟؟؟
ولا المسأله بس رغبه لا أكثر؟
ياللي تدور مسيار او متعه حط نفسك مكاان هالمره؟ العيشه بينكم تكون غير مستقره وباي وقت ممكن يتخلى عنج زوجج؟ شنو تتوقع شعوورها؟؟ ياليتك تفكر ياللي مؤيد هالنوع من الزواجات!!!!!
ارحموووو الناس واصابعكم ماهي سوى
وفعلاا مثل مافي رجال يبون الراحه والبيت والزوجه العاقله؟؟ هم في نساء يدورون الزوج الصالح المسؤل اللي يخاف الله فيها ولاهي متطلبه
فرقوو شوي بنت هالانوااع عشان ماتظلموون بختكم
الله يوفقكم دنياا وآخره
نواره
|
|
10/9/2010 10:39:23 PM
|
|
( أنا أعرف قصص زواج عن طريق النت )
|
السلاام عليكم
شلوونكم...اي والله اخوي الله يوفق الكل ويعطي كل وااحد على قد نيته
|
|
11/10/2010 2:36:20 AM
|
|
( أنا أعرف قصص زواج عن طريق النت )
|
السلام عليكم..
هلافيك اخوي..
والله يوفقك ويوفقنااا دنياا وآخره..
|
|
1/1/2011 9:58:23 PM
|
|
زواج المسيار
|
السلااام عليكم
شلوونكم؟
في ناس كثيره مختلف عليها الامر بالنسبه لزواج المسيار؟!
يفكرون ان المسيار = زواج بالسر؟؟؟ وطبعاا هالشي مو صح
وبعض الاخوان ذكرو ان الزواج هذه مبااح ومحلل من الهئيه بالسعوديه..طيب احنا ماقلنا شي ولاحرمناااه..
بس المسأله مسألة الاخوان هنى بالكويت يفكرون فيه على انه زواج سر؟!
ولا في حرمه ترضى بهالشي...
المسيار يكون للي ماتقدر تتخلى عن بيتهااا لاحد الاسباب مثل رعايتها والدينهاا كبار بالسن او ابناااء ماتقدر تتخلى عنهم لاي سبب...
عشان جذي ارجووكم لاتفتون ولاتقرروون هالنوع من الزواااج حتى تكونون عارفين فيه صح ومقدرينه...
الله يوفقكم ويوفقنااا معاااكم لما يحبه ويرضاااه
آسفه ع الاطاله..
محبتكم
نواره
|
|
1/25/2011 4:02:36 PM
|
|
ياجماعه ديرو بالكم تراها مطلقه
|
السلاام عليكم
شلووونكم خواتي اخواني؟.
لا إله ألأا الله..شفيكم الله يهديك؟
ترى السالفه كلاااام وسوالف؟!
اختي الله يهديج ليش هالعنجهيه والنفس الشينه والتمشت باحوال الناس؟َ!
فكري ان الدنياا تدوور.! ويمكن بيوم تكونين بأي وضع لايحسد عليه!!
عسى ربي يستر عليج وعلينااااا...
السموحه اخوي ماعليه يمكن خانها التعبير...
لاإله إلأ انت سبحانك اني كنت من الضالمين...
|
|
8/27/2011 7:52:47 AM
|
|
زواج المسيار
|
السلام عليكم ورحمة الله وبركاته
هلافيك,,
بالعكس انت مناسب لي..
ولكن انا ماأناسب شروطك!
اقرا بروفايلي عدل!
تحياتي لك
|
|
8/27/2011 8:47:00 AM
|
|
هل تؤيد التعارف قبل الزاواج ولا
|
السلااام عليكم ورحمة الله وبركاته
صباااح الخير على الجميع
اذكرووووا الله
حصل خييير..
رأي بالموضوع..عشان نفصل بين المناقشات
في ناس فاهمه التعارف قبل الزواج انه هو الرؤيه الشرعيه!
لا طبعاا
الرؤيه الشرعيه التي حثها علينا رسولنا الكريم صلى الله عليه وسلم وبوجود محرم
حتي يحفظ حق الطرفين عن طريق
. كل شخص يشوف الثاني وقبول الظهر
لتاكد من عدم وجود عاهه او انه/ ا بالوصف المطلوب لكل الطرفين
وعند التحدث مع الشخص يحصل اما قبول او نفور
لانه الزواج ليش فقط رابط جسدين !
انها ااتلاف الارواح لبعضها ( الراحه النفسيه وتقبل الشخص الاخر )
اما التعارف قبل الزواج يعتبر
.التواجد مع الشخص في كذا مناسبه
.شخص اخترته او تعرفت عليه في مكان ما ( مثل عن طريق النت)
. امكانية وجود المحرم او عدم وجوده في التقابل.
----------
----------
مو عناااة انا اتعرفت على الشخص قبل الزواج يعني بيكون زواج ناجح؟
ولا اذا تزوجت زواج تقليدي بيفشل!
سبحان الله الارواح اذا تقاربت واحبت الشخص اللي مشاركها وفهمته بيكونون مخلصين لبعض ويساعدون بعض في وقت الشده
وعلى قولة المثل
(( تعرف فلان اي اعرفه..عاشرته..؟! لا.. يعني ماتعرفه!!))
هذه اكبر دليل انه العشره هي اللي تخليك تعرف شريك حياتك على طبيعته..
ارد واقول ...
انه مو معنى اني عرفته قبل الزواج بيسعدني او بنستمر!
ولا معناااة الزواج التقليدي انتاجه الفشل!!
اول وتالي
كلها توااافيق من الله سبجانه
ومحد بياخذ غير نصيبه
اعتذر ع الاطاله
والله يكتب اللي فيه الصالح للجميع
|
|
8/29/2011 10:04:42 AM
|
|
هل تؤيد التعارف قبل الزاواج ولا
|
السلام عليكم ورحمة الله وبركاته..
صباح الخير..
بارك الله لكم في اخر يوم من هذه الشهر الفضيل..
وعساكم من العايدين والفايزين..
اشكرك اخي كنج على الاطراء..
اولا..اعذرني لعدم استطاعتي لاجابه عن تساؤلاتك بالعام!
وانا بعد لااستطيع ارسل رساله الا اذا انت ارسلت! بسبب حسابي!
ثانيا.. بخصوص موضوع الاخت ساره!
ماعتقد من المفروض تبين لناس رسالتها! لا يعني اني بصفها ولا بصفك!
بس اذا انت مقتنع بنفسك! لايهمك احد مهما كان! واذا تجادلت معاك من حقك ترد عليها برساله
!
واذا كانت ادعت عليك باشياء ماهي فيك فيك تحتسب فيها الله سبحانه
وهو بياخذ لك حقك!
هذه الاهم!
مو عشان الناس تعرف شكثر انت مظلوم! بس مو حلوه بحقك!
ممكن احد ثاني يقول شنو الدليل على انها ارسلتها! مافي صح!
الا اذا حطيت رابط لصوره الرساله كدفاع لك
بس هم ارد واقولك ماكان له داعي هالشي!
ترفع عن الناس اللي ماهي من مستوا تفكيرك
بجذي الناس راح تتلخبط بينكم!!
واهم نقطه ..الله امر بالستر
وقابل السيئه بالحسنه!
يمكن الاخت كتبتها وقت زعل او ضيقه او لحاجه بنفسها!
ويمكن لورديت عليها وقابلت سيئتها بحسنه! تفهمك صح
وتوصل لها وجهة نظرك! وماتدري يمكن تعتذر عن الي سوته!
بس بعد مانشرت رسالتها ..راح ( تزيد الطين بله)
وراح تشين النفوس اكثر لاراح يستفيد احد شي غير
توجيه اسائات اكثر واكثر..
الله يهدي الجميع
اعتذر اخوي كنج..
و
اعتذر اختي ساره..
اذا ضايقتكم بكلامي..
والله يشهد مافي النفوس! ولا انا ضدك ولا معاك باي شي
بس كلمت حق وحبيت اقولها..
|
|
8/29/2011 11:54:40 AM
|
|
هل تؤيد التعارف قبل الزاواج ولا
|
اخي الكريم كنج
راح ارد عليك قدر استطاعتي
اذا قريت بروفايلي والله يشهد اني كاتبه كل شي صحيح
١) وظيفتي مختلطه! وبأذن الله لما اخلص دراستي هم
راح تكون شبه مختلطه! هذه اول شرط مايناسبك!
٢) سؤالك عن السكن؟! هل تقصد اذا انا ساكنه لحالي ولا تقصد باي منطقه؟!
٣) مواليدي نوفمبر ١٩٧٩..سؤالك غريب لانك طالب بالتفصيل؟!!
٤) قبليتي اعتذر عن اجابتها!!!
٥) اسباب طلاقي..انا ممكن اكون صادقه واقولك الاسباب! بس هل تقتنع فيها!!
يمكن حتى لوحلفت بالله كذب ب عشان ابين نفسي مظلومه ماراح تعرف حقيقة ماحصل لانه البيوت اسرار وهذه احداث حدثت بين
زوج وزوجته حتى لو كانت بالسابق! والله امر بالستر.. طيب لو انا قلت الصج وكنت انا الغلطانه والمتسببه بالطلاق مهما كانت الاسباب! بتغض نظرك عنها؟!
ولاراح تمسكها لي عشان تغلطني ! ليش الانسان مايتوب! مايعترف بغلطته! ماتعلم من تجاربه السابقه! وبعد انت ماشققت صدر اي مطلقه وعرفت اسباب ارتاكبها للغلط! يمكن طيش او عدم تصرفها السليم اوقعها بالغلط! ماتبونها تتعلم من تجربتها وتصحح الخطأ!! ولا ماتستاهل المطلقه فرصه ثانيه!
وحتى لو تبليت عليه وقلت هو الغلطان! ليش مافي رب يحاسبني ولاالرجال لما اظلمه ماله حوبه!!
...اعتذر عالانفعال اخوي!
٦) نعم البس باقتناع من نفسي + انه من العادات والتقاليد!
٧) انا موعارفه على اي مقياس قيمت درجة التدين ب عاليه ومتوسطه وعاديه!! ممكن تشرحلي هذه الدرجات؟!
بس الحمدالله انا اعرف اميز بين الحلال والحرام! ولااكرهه علي احد ولااشيل بقلبي..
٨) بقولك شغله بخصوص هالنقطه! ابو بنتي صار له ٤ سنوات ماشاف بنته ولاسأل عنها!
وبنتي عمري ماراح اتخلى عنها! وهم هالنقطه ماتناسبك لانها من شروطك!
وبزيد نقطه علي الموضوع..
انا افضل الرجل المتزوج! مثل ماهو له حق على! بنتي بعد لها حق! حتى اقدر اكون معاها ومعاه بنفس الوقت!
-------------
--------------
ممكن اتكلم عن بروفايلك!!!!!!
واحلفك بالله ماتزعل! ود ارسلك رساله بس ماقدر بسبب حسابي!
كلمه حلوه ذكرتها..انك متدين باعتدال!!
بما انك متدين! بشنو يهمك اصيله ولامو اصيله! ( اعتقد الفرق بالتقوى) مو بالاصل!
وعمر النسب بالعائلات الكبيره يرفعك! بالعكس الناس ترتفع باخلاقها وكم ناس بسيطه وعلى قد حالها بس عمر
اصحاب النسب العالي ولاالمال يوصل مواصيلهم بالاخلاق!
وذكرت انك حلو جدا! ماعتقد الجمال لرجال! صفه مهمه جدا حتى احط له اعتبار! ويخليني اقيمك!
وذكرت انك ماتحب الواحد يبالغ بوصفه! اعذرني بس انت شنو سويت؟!
ماتعتقد انك بالغت بالوصف بجمالك وبنسبكم؟!
اما عن شروطك لك الحق فيها لااستطيع ولايحق لي اجادلك فيها..حرية رأي واختيار..
كلمه جميله( اذا اردت ان تطاع فاطلب المستطاع)
ممكن تخفف من طلباتك وبأذن الله اللله بيسرك ويوفقك
ببنت الحلال..
وبما انك متدين ورجل ..شلون تطلب من المرا ان تساهم بمصروف البيت ؟!
الدين يلزمك كرجل بانك انت المسول عنها! في جميع احتياجاتها! وهذه طبيعي تكون المرا مسوله غالب الوقت عن مصروفها ولكن وليش المصروف علي نفسها والبيت معا!!!
اما انها تساهم باختيارها وارادتها لاباس ولايكون شرط من شروطك لقبول الزواج منها!
بس كلمة حق تنقال..هذه نقطه حلوه منك انك ذكرتها..مو مثل بعض الرجال هني يحطون للمرا شمس بأيد والقمر بأيد!
ولايقولها عشان مايطلع بصوره غير صحيحه..
محد عارف يمكن وحده تعجبها هالنقطه ومافيها اي شي وخصوصا انها موظفه!
اما مسأله اللي تحب الماركات هذه مسأله اخرى..
صدقني ياخ كنج
والله يشهد مافي شي ضدك بس حبيت ابداء رأئي واتمنى مايضايقك..
وفقك الله لما يحبه ويرضاه..
محبتكم نواااااره
|
|
8/31/2011 3:38:39 AM
|
|
هل تؤيد التعارف قبل الزاواج ولا
|
السلاام عليكم ورحمة الله وبركاته
صبااح الخير
عيدكم مبارك
وعساكم من العايدين والفايزين
اولا اخي الكريم كنج
انا قلت لك اني مو معاك ولا ضد الاخت!
انا شرحت الموقف فقط ولاغير!
وانا قلت بعد اني مو معاك ولا معاها!!
ولما ابديت رأي بالموضوع اذا كانت عالاخت غلطت لاتسوي نفسها وتغلط!
اذا كل واحد بيغلط فيك بتسوي جذي الناس بتتلخبط بينكم ولاتعرف الحق لمنو؟
ولا انا متحامله عليك!
ليش اتحامل بيني وبينك سابق معرفه؟؟!
وتعليقي على بروافيلك هم اعذرت عليه لانه كان مجرد ابدا رأي وبراحتك!
والرسول عليه الصلاة والسلام اذا كان تحدث وافختر بنسبه! ماعتقد انه كان بموقف زواج!!
ولا كان يطلب زوجه من نفس النسب!!!
انت كنت حاط شروووط معينه!! ولاتطابقني هالمواصفات! يعني انت تبي وحده غير موظفه
واذا موظفه لازم بمكان مافيه رجال! وتفضلها بدون اولاد!
وهالمواصفات ماتنطبق علي!
مو معاناها اني متحامله عليك!
لا كل شي نصيب!
وغير جذي والنعم فيك وبأصلك بس كان قصدي انك تتكلم عن نفسك بدون مبالغه مثل ماطلبت من الناس (اقصد ) البنات مايبالغون!
لاحوله ولاقوة إلأا بالله العلي العظيم.....
الحين انت شايف انه انا الغلطانه او غلطت بحقك؟
على العموم اسفه
والمفروض انا مااتدخل بشؤن غيري!
محبتكم نواره
|
|
8/31/2011 8:17:30 AM
|
|
هل تؤيد التعارف قبل الزاواج ولا
|
السلام عليكم ورحمة الله وبركاته
توي اشوف ردك على الموضوع...
حصل خير واعتقد الموضوع اخذ اكبر من حجمه
والله يوفقك ببنت الحلال...
|
|
9/30/2011 3:39:56 AM
|
|
حالات الزواج عن طريق موقع خطبة
|
السلاام عليكم ورحمة الله وبركاته
صباااح الخير
شلووونكم
يااارب ترزقني وترزق بنااااات المسلمييين بالزوج الصالح..
|
|
5/21/2012 12:59:47 AM
|
|
( أنا أعرف قصص زواج عن طريق النت )
|
السلام عليكم...
هل من جديد؟؟
الواحد نفسية تعبت!!
والاخ اللي قبلي..ممكن اعرف ليش ناسخ مشاركتي لك!!
|
|
5/21/2012 1:14:10 AM
|
|
حالات الزواج عن طريق موقع خطبة
|
السلام عليكم ورحمة الله وبركاته
شلوونكم؟
انا للحين عندي امل بوجود الناس الطيبه
وان بعدها فيها خير,,, على كثر المواقف اللي صارت فيني من اشخاص من هالموقع!!
وهالمره ماراح اغير نكي...
والله يوفق الجميع..
|
|
5/26/2012 2:01:14 AM
|
|
حالات الزواج عن طريق موقع خطبة
|
السلام عليكم
شلووونكم؟
ماشاءالله كل اللي بالموقع من رجال مرملين هههه ماعرف اجمعها هههه اقصد ارمل!
او كلهم يشتغلون بالبترول!
او كلهم مستشارين!
وبالنهايه يطلعون متزوجين ولا يمكن عنده حرمتين!!
وشهادته ماتجي متوسطه!!
ياااااولد الناس حراااام عليك تضحك على بنااات الناس جذي!!
ابي افهم شنو تستفيد من هالجذب!!
تضيع وقت!! تسليه!ولاغرض ثاني الله يكافينا شركم!
ماقول الا حسبي الله على كل واحد يدخل هني بنية اللعب على بنات الناس
اختكم نواره
|
|
1
|