ليش نعطى البنت اكبر من حجمها؟؟؟ - سوالف وقصص أعضاء خطبة

الصفحة الرئيسية » سوالف وقصص أعضاء خطبة » ليش نعطى البنت اكبر من حجمها؟؟؟

صفحات 1 2
	6/13/2009 12:24:09 AM
messenger Posts 79	انا ما ادري شنو الخلفية اللي مخليتك يا صاحب الموضوع مدخن هالكثر من النسوان بس اقول لك مهما حصل احنا ما نستغني عن بناتنا هذه مو دعاية مني لهم لاني من الاساس انا ما ابحث عن نصي الثاني لاني قررت اعيش بنص واحد و شفته خير و بركة لان نص صاحي احسن من نصين واحدهم مخبل ... و الصحة تاج على رؤوس الاصحاء لا يراه الا الانصاص المريضة هذا اذا تشوف المهم ... يا اخي البنات هم زينة حياة الرجل صحيح نصهم مليقات و ثلثينهم الباجيين يقولون الشين عندنا ... لكن هم مالنا غناة عنهم يعني زعلان على انهم محط اهتمام الرجال و الصحافة و القوانين و غيره ؟؟ انت الحين لما ترد بيتك ما تكون المراة مجهزة لك اكلك و وسائل راحتك و كل شي يخلي هالبيت جنتك اللي على الارض ؟؟ ( هين !!! ) و لما تشوفك متضايق ما تهتم و تظل معاك لين تخليك تطلع اللي بداخلك ؟؟؟ اهي طبعا تظل تحن الى ان تتاكد ان اللي مكدرك ما له خص بوحدة ثانية ساعتها ودها لو يحصل لها تقول اهو بس اقلب ويهك ... اي مو ارتاحت الست ,,, لكن على العموم مو انت ريحت ؟؟؟ مو اقول لك مالنا غناة عنهم ؟؟ حبيبات قلبي والله بناتنا ربي يخليهم !! لما حضرتك تقطط اوراقك على الكومدينة منو يرتب لك اياهم مو هالمسكينة ؟؟؟ صحيح ان نص اوراقك تضيع بس المهم رتبتهم لك مو عدل ؟؟؟ ترى الظليمة مهي بزينة وانا اخوك و لما تحس المسكينة انك مزنوء ماديا ما تساعدك ؟؟؟ انتو بعد على قولة اهل مصر .. مغسلين و طالبين الجنة ؟؟ كا المراة تساعدك بعد اشتبي اكثر صحيح انها تظل تعايرك بس المهم تساعد يللا عاد تسنع يا ولد كل هذا و ما تبي الكل يهتم في البنات و السيدات ؟؟ علامك يا اخوي افففففف تعبت قلبي الله يهداك اتواصل معاك لاحقا ... انا قاعد لك و بشوف تاليتها معاك
	6/13/2009 12:51:34 AM
ALMAWAD Posts 24	swemming كتب: بالمختصر لان البنات يستاهلون شكرا سويمنق للمشاركه بس هل تعتقدين كل بنت بنت؟؟؟ بس هى فقط شكر اول لقب فى البطاقه انثى؟؟ فيه البعض لو تعطيهم عيونك ماينفع فيهم وفيه من غير ماتعطيهم يستاهلون التقدير لاتقوولى وتجمعى الكل تحياتى لك
	6/13/2009 1:05:23 AM
ALMAWAD Posts 24	NiceMan2009 كتب: كتب:------- خلاص مدام ما تعنيلك شي البنت ليش داش اهنيه..؟؟!! هونها واتهون يا اخوك ترى اصابعك مو سوى مثل ما في البنات نماين ماهي زينه نفس الشي في الشباب... وليس الذكر كالانثى مثل ما قال الله...ففي فرق والنبي صلى الله عليه وسلم يقول رفقا بالقوارير... ووصى النبي صلى الله عليه وسلم بالنساء قبل ما يموت... فهذا دينا وهذا نبينا واحنا انحبه مثل ما انته تحبه فناخذ بوصيته ونعامل النسا على خلقتهم ونستوصي فيهم خير... والله اعلى واعلم شكرا اخوى على التعليق وابداء وجهة النظر انا داش اطرح موضوع ليش انت معصب؟؟ هلى خربت عليك ماتبحث عنه؟ صح اصابعى مو سوى مثل ما انت ترسل عشوائي لاى نك بنت سيرتك ومبادرتك فى الزواج هذا اذا كنت جاد فى لموضوع من غير اظهار الاهتمام هذا يعنى شنو...؟؟ اتمنى منك ومن غيرك يدش على البنت ويعطيها رقمه المدنى او ارسال هويته الشخصيه لها من غير تردد ..البنت من تطلب هالشئ قلتو افا وين الثقه الى نبتديها مو جذى تطلبين والمسكينه تتعلق باى شئ وتسكت وترضى سوال لك ولغيرك من الشباب .. ليش تبحثون عن الزواج فى المواقع ؟؟ بتقول لى ابحث عن زواج مو تقليدى؟؟ هذا الكلام هو الرد الوحيد بينا على ماعتقد الاهل لهم نظره هم فى البنت .. ولا شرايك .؟؟ الرسول وصى عليهم نعم.. بس ماوصى العبو بهن وقال (كما تُدين تدان)صح ولا انا غلطان.؟؟ ديننا لو نحبه صج مالعبنا فى بنات خلق الله ومن وحده لوحده ننقل الكلام نفسه ونتعرف ونرميهم وناملهم فى الزواج الى يبى يمشي ورى الدين يطق الباب مو يطق المسنجر وتلفون سؤال لك ولغيرك ليش البرايفت فى الموقع مايكفى للتواصل ؟؟ لو البنت قالت لك هاك رقم ولى امرى بتتصل وتتفاهم معه.؟؟؟ هذا اذا سويتووها ماقبيتو وعطيتوها بلوك اخى الكريم لاتزعل من ردى عليك لان انا ماجامل ولا اخاف وانت لو تقول اتهمك فى مانسبت فى الاول الكلام الديل موجود عند احدى الاخوات وماتكتب لها فى الخاص من غير اتباع القوانين تحياتى لك
	6/13/2009 4:15:45 AM
ama119 Posts 6	اول شي تحياتي لكم جميعا بس حبيت اعلق على الموضوع : اخوووي الفاضل انت اتقول لا تعطون المراءه اكبر من حجمها ليش انت مستصغر ؟؟؟هذا غرور والا شنو ؟؟؟ بعدين مثل مافي الحريم زين وشين هم الرياييل زين وشين
	6/13/2009 11:46:04 PM
ALMAWAD Posts 24	ama119 كتب: اول شي تحياتي لكم جميعا بس حبيت اعلق على الموضوع : اخوووي الفاضل انت اتقول لا تعطون المراءه اكبر من حجمها ليش انت مستصغر ؟؟؟هذا غرور والا شنو ؟؟؟ بعدين مثل مافي الحريم زين وشين هم الرياييل زين وشين اختى الكريمه مو مساله غرور ولا شئ وجهة نظر فقط انا وجهة نظرى جذى ولا لقيت الى يقنعى انى خطا فى وجهتى هذى واستسمحك فى التعليق ... انتى فقط فى بعض الكلامات قلتيها وبس لاكن مانااقشتى الموضوع ؟؟ اين النقاش اقنعينى مو بس كلمه وبس تعتبر حوار؟؟؟ انا اقول لاتعطون البنت اكبر من حجمها
	6/20/2009 12:05:20 AM
QumarNajd Posts 51	استغفر الله العظيم استغفر الله العظيم استغفر الله العظيم استغفر الله العظيم استغفر الله العظيم استغفر الله العظيم عن النبي صلى الله عليه وسلم كان في سفر ، وكان غلام يحدو بهن يقال له أنجشة ، فقال النبي صلى الله عليه وسلم : ( رويدك يا أنجشة سوقك بالقوارير ) . قال أبو قلابة : يعني النساء . حدثنا إسحق : أخبرنا حبان : حدثنا همام : حدثنا قتادة : حدثنا أنس بن مالك قال : كان للنبي صلى الله عليه وسلم حاد يقال له أنجشة ، وكان حسن الصوت ، فقال له النبي صلى الله عليه وسلم : ( رويدك يا أنجشة ، لا تكسر القوارير ) . قال قتادة : يعني ضعفة النساء . الراوي: أنس بن مالك المحدث: البخاري - المصدر: الجامع الصحيح - الصفحة أو الرقم: 6210 خلاصة الدرجة: [صحيح]
	7/7/2009 2:05:59 AM
help.com Posts 17	البنت مسكينة مكسورة ضعيفة خصوصا بمجتمعنا كل شي ممنوع ودليل وايد بنات نسمع انهم يكلمون اللة يستر عليهم لان يبون الحنان لان الاخ يعامل اختة وكانها ماتعرف شي وغيرة لولقت الحنان وطيبة مراح تلعب ولاتحقد على احد
	7/11/2009 2:45:31 PM
CoRNeFLeXa Posts 5	جنك طبيت فينا ولا انا يتهيأ لي و بعدين لو ما احنا البنات جان الشباب ولا شي بالديرة او برة الكويت و بعدين لحظة سؤال منو يقدر يعيش بدون مرة تواسيه و اداريه و ادير بالها عليها محد و الجذاب اللي بقول اقدر و لازم تعطي البنت اكبر من حجمها ربي خلقها عشان تعطيها اكبر من حجمها و لا جان ما سترها و شرع عليها وايد اشياء عشان يحافظ عليها اهيا كبيرة اساسا بدون لا تعطيها اكبر من حجمها و اهيا خلقها ربك كبيرة أصلا و ما تنطرك البنت تعطيها اكبر من حجمها ما تبي تعطيها اكبر من حجمها ليش اتدور عليها عشان تتزوجها تدري ليش لأن ما ردكم للبنات مو امهاتكم كانوا بنات حالهم حالنا ليش تعطيها اكبر من حجمها تدري ليش لأنها أصلا كبيرة و لأنها بنت و بيي يوم بتحس بقيمة البنت لأن لولا البنت جان انتو ما تعيشون تخيل الدنيا خالية من البنات بتقدر تحب؟ بتقدر تنحب؟ بتقدر تدلع و بتلقى أحد يدلعك؟ لا طبعا لأن محد بحسسك انكم غالين يالريال غيرها منو اللي وكلك و منو اللي رباك و كبرك و رضعك و درسك و سهر عليك مو البنت مو المرة مو امك يالله قولي الحين اشلون ما تعطيها أكبر من حجمها و لولاها انت ما انخلقت و لا كبرت بهالدنيا و لو ما اهيا ضفتك جان انت مو عايش و ما راح تحس بقيمة الدنيا اللي انت عايش فيها انتو ما قاعد تعطونا اكبر من حجمنا هذا حجمنا و اقل من حجمنا حط ابالك احنا نستاهل اكثر اذا انت كنت تبي تحس بقيمة نفسك عط البنت اكبر من حجمها و اهيا تشيلك فوق راسها و داخل عيونها تحطك و ما تردلك طلب لأنك لولاها ما طلعت تشوف هالدنيا لولاها الريال اللي اهوا الريال ما راح يقدر يولد و يحمل خل يكون بعلمك و أظن تدري و بس سلامتكم و آسفة اذا قلت كلمة مني مناك غلط كلكم على راسي و مشكورين
	7/12/2009 8:07:55 AM
messenger Posts 79	والله يحليلج كورنه حتى اللي ما تكلم عن البنات انفلع بكلامج بس انتي جدعه ... الرياييل ملوت هالزمن يبيلهم بنات جذيه ... و يا ريت يلحقون شي بعد !!! جنك طبيت فينا ولا انا يتهيأ لي لا هو صج طب .... بس الطبة مالته مو طبة مطاقق .. هو قصده يثيركم مو اكثر و انتي الله يهداج صدقتي و قمتي ترشين الرصاص شمال و يمين حتى اللي هنااااااااااااااك رايح المستوصف صنته رصاصة و هو ماله شغل .. كل ذنبه انه مر من يمج ( من بعييييييييييييييد ) و اثمرت هالطلقات عن سقوط العديد من القتلى و اكثر منهم من الجرحى اشدعوة كورنه الكل يدري منو البنت و الاخت و الام و الزوجة ... شوية شطانة من ولد يتغشمر و يطفركم ، يسقط هالكثر اصابات بشرية ؟؟ هذا انتي ما تتمسكين دولة فيها اسلحة نووية ( لا قدر الله ) يحليلج وربي يخليج ..... بس زفة اللي هي .. بالمصري
	7/13/2009 12:00:14 AM
CoRNeFLeXa Posts 5	آنا ما سويت شي مجرد خذيت حقي و هذا أقل من حقي و لو انا قايلة عن الرياييل شي مماثل حق هالشي ما راح ترضون و على راسي يا حلو
	7/13/2009 7:54:13 AM
messenger Posts 79	http://www.procreo.jp/labo/flower_garden.swf اخذوا هالرابط و اذا ضاق خلقكم يا بنات !! و تاكدوا ان الشباب يحبون لكم الخير قعدوا سووا لكم حديقة و انتو تشوفون النت اللي تبي تسوي حق نفسها نقول لها تستاهل و اللي تبي تهدي لغيرها كذلك تستاهل يللا يا شباب شوية ورد منكم للبنوتات .. يستاهلون ابتدوا يومكم صباحا او مساءا بالورد و شوف الزهور بءه وتعلم ... بين الحبايب تعرف تتكلم اللي ما يفتح معاه الرابط ( كوبي ان بيست بغوغل ) انجوي
	7/22/2009 1:03:38 PM
TALAL_4488 Posts 362	وجهة نظرك واحترمها ومثل ما قلت اكو شغلات ننظلم فيها تحياتي
	7/24/2009 2:05:01 PM
messenger Posts 79	الاولاد فعلا مساكين .. و عمليا الكلمة هذه عن الذكور اجمالا الاخ فهد كتب ليش نعطي البنت اهتمام اكثر من اللازم شوفوا ليش كلامه صح ---------------------- اذا بكت البنت .. كل امة لا اله الا الله و حتى غير هالامه تتسابق على مواساتها اذا بكى الرجل قالوله .. مو عيب عليك تبكي مثل البنيات ؟؟ اذا البنت عطت الولد كف قالوا اكييييييد مسوي سواد ويه !!! و اذا هو عطاها هالكف قالوا .. ايا النذل ( تكرمون ) ما يعرف اشلون يتعامل مع البنات اذا البنت كلمت الولد قالوا يحليلها بنت مو معقدة !!! و اذا هو كلمها ( يا عيني ) قالوا ( ابن الكلـ..... ) قاعد يغازلها اذا دعمته بالسيارة يطلع الحق يا سبحان الله عليه !!! ( الحين اهي اللي داعمة ) و اذا هو دعمها ... عمى بعينك ما تشوف ؟؟ العالم غريب ----------------------- المدرس : كم حاصل 6 - 4 ؟ التلميذة : 2 المدرس : طيب كم حاصل 4 – 6 ؟ التلميذة : بتقص علي يا استاذ ؟؟ و تقلب المعادلة اكيد الجواب راح ينعكس ... و يصير 6 ( و لانها بنت الاجابة .... صح ) .... الصبيان يقولون يا ريتنا كنا بنات علشان ما نفتح ايدنا و تنزل علينا 5 جراخ على كل ايد على هالجواب --------------------- Friend: How many women do you believe must a man marry? walesh man: 16 Friend: Why? walesh man: Because the priest says 4 richer, 4 poorer, 4 better and 4worse.
	8/18/2009 12:06:21 AM
kuwaiti44 Posts 1	بداية اقول للجميع (( رفقا بالقوارير )) ... لا تقسون يا اخوان وافهمو الطرف الاخر بالبدايه ومن ثم احكموا على فكره يفترض بالانسان العاقل كل ما كبر بالسن يزداد خبره وحنكه ويعرف يتصرف امانة اشوف الشباب يزيدون رعونه واستهتار وهذا شى يدل على جيل ارجو له الصلاح
	8/19/2009 5:48:01 PM
Argon88 Posts 2	السلام عليكم اشكرك اخوي علىوضوعك موضوعك كان هجوم بعض الشيء على الجنس الاخر, وبصراحه انا ما الومك على هذا الشي ولا راح الوم البنات الي يردون على موضوعك بسء من العصبيه والاحياز .والسبب واضح اخوي وهو ان مافي احد بريء. بصراحه الشباب والبنات يغلطون لكن منو الي يغلط اكثر من الثاني ؟! براي الاثنين غلطون مافي احد كامل والكمال لله وحده سبحانه احنا بشر بالنهايه ولكن السبب بهذي التصرفات ااهو عدم الثقه بين الشباب والبنات بصراحه احنى سوينا حاجز بينا بهذي الافعال الي ذكروها بعض الاخوات والاخوان واحنى بنتحمل اثرها علينا لو كان في ثقه بينا ماكنا راح نحتاج نلف وندور احب اشكرك اخوي على التزامك الادب والاخلاق الجميله وكل الاخوان والاخوات في هذا الموضوع وتذكروا شي واحد الاختلاف بالرأي لا يفسد للود قضيه
صفحات 1 2

Khitba.com