|
11/18/2008 12:09:30 PM
|
|
المشاكل الزوجية ..... هل تستحق الطلاق؟
|
يقولون عن الزواج
-----------------------
هذا اسمه اوسكار وايلد و خابرة عدل بس ناسي شيكون للاسف ...
هالاوسكار يقول ... المفروض على الحكومة انها تفرض ضرايب عالية جدا على العزاب ...
لانه مو من المعقول ان يدفع اللي هو مستانس حده بحياته و اللي مكرهينه بعيشته نفس القيمة من الضرايب
-----------------
مثل اقتصادي سكوتلندي ( و انتوا تعرفون اشكثر الاسكتلنديين بخلا اللهم يا كافي ) و يحسبونها بنصف البني ( البني هو الفلس في بريطانيا )
المثل يقول ... لا تتزوج علشان الفلوس ... لانك ممكن تتسلفها بارخص ( يعني ارخص من الثمن اللي تدفعه مما لما تاخذ الفلوس من مرتك !!! ) هذا المثل حتى لو كذب فكذبته صج
-----------------------
واحد رايق يقول
انا ما اخاف من الارهاب ... انا كنت متزوج مدة سنتين !!! ههههههههه ... مادري منين اييبون هالكلام ملاعين الخير
-----------------
رايق ثاني يقول ... الرياييل محظوظين اكثر من النساء ... من ناحية فهم يتزوجون بسن اكبر و من ناحية ثانية يموتون ابكر
-----------------
مثل يقول ... الحب اعمى ... بس الزواج فتاحة عيون !!!
-------------------------
هذه مكررة بس حليوة ... يقول .. اذا الريال فتح باب السيارة لزوجته !!! تأكد ان يا زوجته جديدة او السيارة ... و الله كلام معقول
----------------
واحد سال مرتة ... وين تبين تروحين السنة حبيبتي بعيد زواجنا
ردت عليه ... ماكن عمري ما رحتله ... قال لها ... اوكي حبيبتي اشرايج تروحين المطبخ ؟؟؟ .... خنت حيلي الريال تلاقيه معصقل
----------------------------
هذه انتيكة ... واحد يقول ... احنا دايما نمسك ايد بعض ... و بس نترك ... تغمض و تفتح تلاقيها تتسوق
-----------------
آسف هذا كان اعلب ما بالايميل ... طولت عليكم ب انشالله يعجبكم ( اكيد ما راح يعجب البنات ... مع انهم بيضحكون من تحت ليتحت )
|
|
11/18/2008 2:40:36 PM
|
|
ممنوع الدخول للبنات !!!
|
وحدة طبت بفلفل و الثانية ببنات الشام
يحليل فلفل .. بس النحيس هدنا بنص الطريج .. و بنات الكويت وايد فيهم بعد قص و لزق
الله يكافيكم شر الاثنين .. فلفل و القص و اللزق
--------------------------
واحد يسال دكتور محشش ... اكو وصفة تطول الحياة ؟؟ قال له تزوج ... ساله : تنفع هالطريقة ؟؟ رد : لا !! بس فكرة طول العمر عمرها ما تيي !!
------------------
ليش الازواج بيوم الزواج يمسكون ايد بعض ... الجواب ... لانه امر عادي وايد ناس يسوون جذيه خذ عندك مثلا المتلاكمين مو قبل المطاقق يلامسون ايد بعض ؟؟
---------------------
قبل الزواج الريال يسهر طول الليل هيماااااان يفكر بكلمة قلتيها له ( رومانسية و لا اروع ) بس بعد الزواج ... الاخ ينام قبل لا تكملين كلامج ( ........ و لا اروع ) !!!
----------------------
ريال وصلته برقية ... مرتك ماتت .. تبي ندفن جثمانها و الا نوديه للحرق ... رد عليهم ... لا تعطون اي مجال ابدا.. الان و حالا حرقوه و بعدين دفنوا الرماد
---------------------
ريال بيتزوج حب يثقف نفسه عن الزواج ... راح للمكتبة و سال الموظفة ... عندكم كتاب اسمه .. الرجل سيد المرأة ؟؟
ردت عليه ... سيدي قسم الخيال العلمي رابع صف على اليسار
------------------------
اعتقد كافي تجميع كره علي من السيدات و الانسات ... انا من قمت اكتب هالكلام و انا احس جنه اكو حوبة قاعدة تكفخني ... الله يا انتو تشورون ؟؟ اي مو فيكم كم وحدة سيدة
|
|
11/18/2008 2:52:04 PM
|
|
سلبيات شباب الموقع ( موضوع نقاش ) ؟
|
تدرون ليش اغلبية الذكور بالموقع همهم المتعة و المسيار ؟؟ ... هذول مبرمجين على فكرة تقول
الصديقة مثل الكاكاوة لذييييذة و بكل وقت تقدر تاكلها .. كندر جالاكسي تايم اوت و ليو و ليون بار و .. الخ
الحبيبة مثل البيتزا ... يوصلون لك الطلب تطلع دخان من زود و زين الطبخ ... و تحب تاكلها بشكل متكرر
الزوجة ( يا مسكينة يا الزوجة !! ) مثل المرق دال مالك خلقه الا اذا ماكو شي ثاني تاكله
------------------
يلله يا بنات صيروا كاكاو بس لا ياكلكم النمل قبل او على الاقل بيتزا و بالحلال طبعا عسى الله يرزق بولد الحلال
و اذا بعد الزواج بيسويج الريل مرق دال خليه يتفرفت بالقاع من اليوع ... و لا يكسر خاطرج كلش
و يكافيكم شر مرق الدال
|
|
11/18/2008 5:46:24 PM
|
|
قصص زواج عن طريق الموقع khitba
|
ما حطوا مشاركتج ليلى ... بس المهم شفنا اسمج بالمنتدى بعد و هذا شي يسعدنا
علامكم انتو جنكم 29 فبراير تغطون و تردون
حياج الله و نتمنى استمرار تواصلج
|
|
11/18/2008 6:25:47 PM
|
|
غذاء الروح والعقل ايضا
|
اعتقد انه يمكن بنهاية هالشهر راح يفتتحون معرض الكتاب و يلحقه افتتاح مهرجان القرين
و اتمنى على اللي يحب النشاطات الثقافية ان يحرص على حضور بعض هالنشاطات الجميلة
اكيد مثل كل سنة في حفلات موسيقية لفرق من اوربا و اسيا ... فتلاقون فرق اسبانية و مقدونية و كورية
و كذلك من اذربيجان و غيرها .. الميزة هني ان الواحد يستمع و يتعرف على فنون شعوب العالم المختلفة
و هم تلاقون بعض الفرق العربية اللي تقدم موسيقى روعه
غير بعض النشاطات مثل معارض الفنون الجميلة المختلفة و المسرحيات للي يحبون
و طبعا دايما يختمون المهرجان بعرض ليلة من اغاني لفنان كويتي قديم طبعا
العام قدموا مصطفى احمد و يحي احمد ... و قبله قدموا حسين جاسم و كثير من الفنانين الرائعين
اتمنى من اللي فعلا يحب يسمع موسيقى ان يحرص على حضور هالمهرجان
اتمنى لمن يهتم و يحضر مشاهدة و استماع شيق و جميل
|
|
11/18/2008 9:33:24 PM
|
|
مـن هي المـرأة التي تجـذب الرجـل؟
|
انا كتبت اني امزح ... يعني نتكلم بقلوب مفتوحة ما فيها سواد باذن الله
اكيد فديتيكم ... و ربي انشالله يخليكم و الزوج يرزقكم و شهر العسل بعد بيته يوديكم
انا اتكلم عن سيدات او انسات من من عمر معين اولا ... هذه وجهة نظر ...
ايضا هالسيدات او الانسات ايضا لهم وجهات نظر فينا احنا يا الرياييل اللي من جيلهم
انا اتكلم عن نوعية قد يكون الانسان اللي يوصل الى سن معين
يتطلب منه ان يختار مثل هذه النوعية ... يعني احد يتوقع واحد قريب من الخمسين
و يتزوج وحدة بالعشرينات او الثلاثينات ؟؟ ... هذا اسمه انتحار .. الا ان كان ناوي اصلا ياخذها
من الجوازات اللي هي ... و اياها .. اللي ما تتسماش !!
الموضوع اللي كتبته كان كبير و قطعت منه لاني مو متوقع ان بناتنا اللي اتكلم عنهم يتواجدون و يقرون .. لذلك سويت له كوبي بيست
و اذا شفت احد مهتم ادرجه ... اتمنى الربع يدشون و يناقشون ... بصراحة حتى احنا نبي نعرف اكثر عنهم
بس ربعنا يحليلهم حسبالهم هني موقع لبيدة ... داشين و منخشين .... ( اوبريرا ... حي الميد ... الاولى لبيدة البنات و الثانية الصبيان )
ارجو ان يكون الامر وضح ..... تحية
|
|
11/18/2008 10:44:09 PM
|
|
قصص زواج عن طريق الموقع khitba
|
يا ماله انشالله سعيد و بعمر مديد بس ما قلتيلنا علشان نسوي مسيرة و ندقدق ديد ديد
عسى ربي يلزق هالزواج بلزقة الاسد و يقولون لزقو عنزروت اقوى و يهنيكم دوم ..
و هذه و الله الساعة المباركة اللي نهني فيها وحدة من اخواتنا
و انشالله الفال للباجي
الف و الف مبروك
|
|
11/19/2008 11:17:40 AM
|
|
ماهو أفضل هاتف نقال؟
|
وينوز محششة حق المحششين
-----------------------
The following are new Windows messages that are supposedly under consideration for the planned Windows 7...
Enter any 11-digit prime number to continue. Press any key to continue or any other key to quit. Press any key except... no, No, NO, NOT THAT ONE!
Bad command or file name! Go stand in the corner.
This will end your Windows session. Do you want to play another game?
To "shut down" your system, type "WIN"
BREAKFAST.SYS halted... Cereal port not responding.
COFFEE.SYS missing... Insert cup in cup holder and press any key.
File not found. Should I fake it? (Y/N)
Bad or missing mouse. Spank the cat? (Y/N)
Runtime Error 6D at 417A:32CF: Incompetent User.
Error reading FAT record: Try the SKINNY one? (Y/N)
WinErr 16547: LPT1 not found. Use backup. (PENCIL & PAPER.SYS) User Error: Replace user.
Windows VirusScan 1.0 - "Windows found: Remove it? (Y/N)"
Your hard drive has been scanned and all stolen software titles have been deleted. The police are on the way.
|
|
11/19/2008 4:55:47 PM
|
|
سلبيات شباب الموقع ( موضوع نقاش ) ؟
|
انت تؤمر يا استاذ بو جاسم ، المنتدى موجود علشان النقاش و الاتفاق او الاختلاف و رايك بعيوني يا السمي... شكك سميي على هالمعدل
شوف يا الغالي انا مستحيل اعمم ... اقول كلمة فيها شوتة صغيرونه مني .. نغزة مناك ...
هل تتوقع اني ما احب عيال ديرتي و اتكلم عنهم بهالشينة هذه ؟؟ انا اناشبهم شوي و اناشب البنات مرق الدال هذول ( لا و حار فلفل ) .. اناشبهم وايد لانهن نحيسات ( و بالفصحى )
انا مو ضد اللي يبي متعه و الا مسيار ( مع اني ضد الاثنين ) لكن لان ماكو بضاعه عمليا و الا و لها شراية .. عدل ؟ .. واحد متعه او مسيار تييلة وحدة على ميية بيضا و تصلحو
بس ما اوافق على ان تكون حياة الواحد ركضة على هالسوالف و بس .
و يا فوفونا يا احلى دال معسل كلامج عدل ( ربي يخليلج شبابج بو 22 ) ... الشباب هالايام منهم نسبة صايرة حياوية ( خاصة الجادين ) هذه اخذيها صحيحه
و حتى لو تخطبينه راح يتبلعم ( يتوهق ) و ما يدري شيرد ( ها ؟ شنو ؟ اي .. ابي شسمة .. ) حبيبي متوهق
تدرين انتي خطبي و اللي تلقينه مبلتع عظي هدومج و انحاشي عنه اما اللي تلقينه مثل صاحبنا اللي قلنا عنه ربطييييه من قلب ...
بس لا يقصون عليج و يمثلون البراءة و يزلقونج .. هذا انا حذرتج
|
|
11/19/2008 5:16:22 PM
|
|
ممنوع الدخول للبنات !!!
|
المشكلة اخوي بو جاسم انا ما اعرف بهالسوالف ...
شوف خوال العيال يعرفون بهالسوالف فاوصيهم اييبولي واحد
مشكوووووور يا بعد جبدي على النصيحة و تلقاها بميزان حسناتك انشالله و يكافيك شرور مرق الدال ( ههههه )
كيدهن عظيم مثل ما كتب لهم كربلا و عساهم ما ينيشنون عليك
ترى الحين اكو ناس يعصبون ... يحليلهن من صجهن !!
على سيرة كربلا وينه يا جماعه عسى غيابه انشالله على خير ... و حتى خالد و غست كذلك ...
الظاهر مسافرين سكاتي ؟؟
---------------------
يقولون ان اصغر كتاب بالعالم كتاب مكون من صفحة وحدة و ما فيه الا كلمتين
اسم الكتاب ... ماذا تعرف عن المرأة .... هذا العنوان .... و الكلمتين هما ... لا اعلم ...
خاتمة الكاتب ... وزع منه اثنين و نص مليار نسخة على الرجال من اجل تثقيفهم
--------------------
|
|
11/19/2008 5:32:07 PM
|
|
لوكنت في هذا الموقف ماذا كنت ستفعل؟
|
الجد ؟؟ انه سؤال معبر و اللي طلعه اصلا واحد عنده الهام غير طبيعي و يحمل مضامين انسانية رائعه
و اللي جاوب هذا فد واحد لوتي اغاتي ما جان يوقصود الوظيفة بس هي اجتي معاه هيتشي
يلعن يومه هذا ... ابد ما فوت الفرصة
اشلون طبخ الفكرة بهالسرعة ماشاالله عليه .. بن ادم اذا اشتهى امر بدع
مو اهو رد الجميل و انقذ العيوز .. خير على خير .. ما قلنا شي
بس و الله انه ما يدري وين هوا دارهم .. لا و تلقاه قاعد يقول حق الريال بقلبة امش مشاك بطنك
اي موالاخ ناطر القعدة مع بعد جبده !! وحدة شمحوطة ... يا مثالية اهو اشدراه انها المثالية
ما عليك منه كانت عينه هي اللي تفكر .. مش دماغوه
-----------------
|
|
11/20/2008 10:02:42 AM
|
|
لوكنت في هذا الموقف ماذا كنت ستفعل؟
|
والله يا اختي المواضيع تنكتب من زمان .. و فيها النسبة الاكبر مواضيع طيبة الشباب يكتبونها
و اكيد لا بد من كم موضوع ما تعجب البعض .. بس هذا ما ينقص من النوعية الطيبة للمواضيع بالاجمال
المشكلة الل يعاني منها المنتدى هي قلة مشاركة الاعضاء .. تلاقي وايد ناس متواجدين بالموقع و ممكن يكونون
يلفلفون على الاقسام المختلفة و بما فيها المنتدى بكل اقسامه و مواضيعه بس مشاركة ماميش ... يعني طماشة سوق اليمعه
معروف عن النسبة الاكبر من شبابنا بشخصيتهم اللي هي السلبية ... و على فكرة و اتحدى الشباب هني و اتمنى يطلعوني غلطان
انهم شباب بثقافة محدودة .. و عدم مشاركتهم بالمنتدى سببه محدودية هذه الثقافة ... شباب ابد ما عنده رغبه انه يطلع او يقرأ مواضيع
ثقافية و معلومات عامة و اذا تعب نفسه شوي اخذ معلوماته من الجرايد ما يتعدى ...يعني قراءة كتب نوووووو .. و الطيب منهم يقول لا انا اقرا
كتب دينية ... اكيد هالكتب مهمة بس هذه ما تنفع بالحديث العام اي انسان يحتاج الى ثقافة بشكل او باخر و الدين واجب علينا معرفته بس المفروض ما نوقف عنده
الختام اختي الشباب اللي يكتبون ما قصروا يحاولون و يحاولون و محد يساعدهم ... يالله البركة بالموجودين ... علام موضوعي .. ناقصة تواير و يمشي
|
|
11/20/2008 12:19:17 PM
|
|
سلبيات شباب الموقع ( موضوع نقاش ) ؟
|
ههههههههههههههههه
و الله انك لذيذ و رايق
المستحى اذا تبي الصج هو من جماليات الاخلاق .. و ينم عن التربية الطيبة
الله يا كريم تلقالك بعد وحدة حياوية .. و نفرح فيكم
انت طيب الطينة اصلا مو بس التربية و هذا واضح و لله الحمد ... رزقك بحيل الله جدامك
ربي يوفق ...
|
|
11/20/2008 12:42:39 PM
|
|
ممنوع الدخول للبنات !!!
|
يحليلها هالبنوته مياو ...
الله يهديج هذه طريقة سؤال ( هذا مال ثانيا ) ...
احرجتي الناس اللي تنطبق عليهم هالصفاة
على شنو تشكين بروحج اذا انتي كويتية فاللي هني كويتيين و كويتيات و اذا لأ
يمكن يكون لج حق تشكين و تخترعين بعد .. داشة سوق صفافير ؟ الله يهداج
اهلا فيج عضوة و ضيفة خفيفة بس شوي انتبهي ...
|
|
11/20/2008 1:00:50 PM
|
|
قصص زواج عن طريق الموقع khitba
|
الف مبروك انشالله سعيد و مبارك
الفال للباجي ..
بس هااااا .. خففي من حساسيتج شوي علشان ما تحيرين و تطفشين الزوج
ربي يوفق و يهني
بس لي طلب لما تحذفين الورد على المعازيم كثري منه
و عزمي بنات الموقع خلينا نشوف الاخبار الحلوة تزيد
|
|
11/20/2008 1:21:16 PM
|
|
رايكم بنات ... :)
|
يا اهلا يا ست اينجل
على فكرة الست و الراجل من طينة وحدة و هي طينة فطرية مش ممكن الا ان تنطبق اي فكرة على الاثنين
بنفس الدرجة ... طبعا انا اقصد الافكار الاجتماعية و الفكرية و النفسية و ... الخ
اذا كان الرجل عاجز عن الحب فالمراة لن تكون قادرة عليه ..
اختلاف الامور الدقيقة بالحب هذا امر لا اخالفك الرأي فيه و لكنه لا يعطي الحق لاحد الطرفين بان يسلخ حقيقة مصداقية الطرف الاخر بهذا الامر او ذاك
المراة تحب باذنها كما يقال و الرجل يحب بعينه ... مصدر الحب مختلف و لكنه بالنهاية يصب في مخزن مشاعر واحد لدى الانسان كذكر او انثى
فهذا يحب بصدق و اكثر بل و بشكل وجداني و هي كذلك .. فالفروق بين حب الرجل و المراة لا ينفي صدقية حب كل طرف
على فكرة ... هذا موضوع عميق جدا ... انا راح اتوقف هنا و ما راح اكمل لانه ممكن يسكر المنتدى و الموضوع ما ينتهي نقاش
اللي يحب يناقش موضوع مثل هذا راح يثري الموضوع و هذا شيء رائع و من المواضيع اللي تستاهل ان يدلي كل شخص بدلوه بها
تحية
|
|
11/20/2008 2:57:01 PM
|
|
سلبيات شباب الموقع ( موضوع نقاش ) ؟
|
خطبي بابا
و انتي قلتي الحين بيطنزون و بعدين بيصفون دور
بس الحذر عشرين ، امية ، الف مرة بالاختيار ,,, و وقت الاختيار طفي القلب و خلي الدماغ يشتغل ...
ترى الدماغ مفيد try it ( هذه جنها مسبة ؟؟ ) سوري انما هي مو مقصودة كمسبة انما مقصودة بهالوقت جدا كتنبيه
انا منيشن لج على واحد ... تبين اقول لج عنه ؟؟ كم تدفعين ؟؟؟
اي مو هذا زواج و مستاهل الامر اعتبريني خطططططاب ... اهم جم يدفعون حق الخطابة ؟؟
ربي يحفظج و يسدد خطاج
|
|
11/20/2008 3:04:01 PM
|
|
سلبيات شباب الموقع ( موضوع نقاش ) ؟
|
و من الاشتياق ما فلللع
هذا تعبير من واحد مشتاق لكم ... بس على طريقة ... ياما نفسي اطخك لاجل ما تسيبناش
--------------
I’m going to write on all the bricks I Miss U,
And I wish that each one fall on Ur head,
So that U know how it hurts,
When U miss someone special.
---------------------
يقول ...
راح اكتب على كل طابوقة كلمة انا ولهان عليك
و اتمنى ان كل هالطابوقات يطيحون ( يا حول الله ) على راسك
علشان تعرف اشكثر هو مؤلم
لما تشتاق لشخص مميز و عزيز
---------------
الله يجيرني من احد يشتاق لي جذيه
|
|
11/20/2008 10:01:36 PM
|
|
ماذا لوتولدت مشاعر اعجاب بين الذكر والانثى
|
تبي الصج خالد ؟؟ على راسي والله
اقسم بالله ان موضوعك هذا مسكت
فكرة و لا اروع
خنشوف الشباب و الشابات
هل يشدهم راي و موقف كل واحد من امور الحياة و الا البروفايل كافي ؟؟؟؟ امممممممم
تعيش يا بو وليد
|
|
11/21/2008 8:54:34 AM
|
|
ممنوع الدخول للبنات !!!
|
السمي يؤمر طبعا
حيالله الشباب و ( يا حيل الله ) البنات ... انا مالي شغل الموضوع يقول ممنوع دخولهم
بالعكس احنا نتمنى مشاركة الكل و بدون استثناء او تردد منهم
لان وجود النقاشات و اللي يناقشون يثرون المنتدى
مساكين الاخوان كربلا و خالد و غست انبحت اصواتهم و هم بالمنتدى بروحهم
و ما يسمعون الا صدى اصواتهم لين حسيت تقريبا انهم ملوا او فتروا
فالساعه الباركة اللي نشوف كل يوم نكات جديدة تشارك
تحية لك يا السمي و للجميع
|
|
1 2 3 4 5 6 7 8 9 10 11 12 13 14
|