|
12/28/2008 3:02:09 PM
|
|
.:. أيهما تفضلون - الحب من طرف واحد .:.
|
السلام عليكم
ممممممممممم
يفضل اني اكون مع شخص يحبني و بنفس الوقت لازم انا اكون متقبلته كبدايه و اكيد مع الايام راح احبه مثل مايحبني واكثر .
يمكن انا احب شخص لكنه مايحبني و حتى لو حاولت احببه فيني ( و اييب راسه على قولتها هههههههه ) ماكو شي غصب حتى لو انا فيني مميزات الدنيا كل شي الا المشاعر و المحبه لانها تيي من الله بالنهايه ، و طبعا العكس صحيح يعني ماكو احد يقدر يحببني فيه غصب الا اذا اثبتلي صج هالمحبه لان الحب فعايل و مو مجرد كلام .
والصراحه الحب الصادق بهالزمن صار وايد صعب وماتلقاه الا عند القلائل من الناس فإذا صار في شخص يحبني من قلبه ، ليش لأ ؟ مثل مايقولون خلك مع اللي يحبك ولا تكون مع اللي انت تحبه .
|
|
12/28/2008 3:13:15 PM
|
|
دعاء تيسير الزواج.........................
|
اللهم اميييييييييين
جزاك الله خير و يرزقنا و اياكم بالنصيب الصالح
حبيت هالدعاء :
'اللهم ارزقني بزوج صالح ..تقي ..هني ..عاشقا لله ورسوله .. ناجح في حياته .اكون قرة عينه وقلبه ويكون قرة عيني وقلبي '
|
|
12/28/2008 3:33:39 PM
|
|
سيدتي ... حتى لا يفوتط قطار العمر
|
اخ اسامه
عجبني كلامك و اسلوبك جدا راقي و وصلت الفكره بشكل حلو
يعطيك العافيه
|
|
12/28/2008 3:39:36 PM
|
|
وين الحقيقة او جدية الموضوع
|
دامك ميسور من الناحيه الماديه و ولد عايله والنعم فيك يعني ماعندك اي مشاكل و ألف من تتمنناك عيل اصبر و خل ايمانك بربك قوي لان يمكن هالتأخير فيه خيره لك و ادعي ربك بهالدعاء :
'اللهم ارزقني بنصيب صالح ..تقي ..هني ..عاشقا لله ورسوله .. ناجح في حياته .اكون قرة عينه وقلبه ويكون قرة عيني وقلبي '
ومايصيبك الا نصيبك سواء هني او برا الموقع
|
|
12/28/2008 5:26:39 PM
|
|
اسئله جريئه واللي يقدر يجاوب يتفضل.....
|
وااااااااو
>> يابت جاي و بسكوت ( يعني مزاج شتوي هههههه ) و يالله نبدي
1: ياورد مين علمك تجرح ,,, لمن توجه هذه العباره ؟؟
أوجهها لكل من فكر انه يجرحني بيوم من الأيام
2: اعتذار الرجل للمرأه ذل أم احترام للذات ؟؟
طبعا احترااااااااام للذات و لما يعتذر للمرأه فاعرف انه يحبها و يحترمها بعد و اللي يشوف ان الاعتذار فيه تقليل لرجولته او مذله له ؟! ماعنده سالفه
3- هل ترى ان الحب الاول ناجح ام فاشل ؟؟
يعتمد على العلاقه نفسها شلون كانت اذا كانت ناجحه اكيد بكون حب ناجح و اذا فاشله ؟ بكون حب فاشل
4- اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟
اطرد اللي داشين يلعبون
5- مارأيك بالغيره ؟
الغيره دليل الحب بس طبعا لاتصير غيره شك لانها بتكون جدا مزعجه و في فرق بين الاثنين
6- ماذا تقول لمن ظلمك ؟؟
الله يسامحك وربي يمهل ولا يهمل
7- وجه نقد لكاتب الموضوع ؟؟
الصراااااااااااحه ماعندي اي نقد تجاهه لان الموقع جدا ممتاز من ناحيه التصميم و من ناحيه الافكار اللي فيه واللي تسمح للموجودين بالتواصل بشكل جدا راقي هذا بالذات حركه ابدى اهتمام و قائمه الأمل و جذي و هذا غير المنتدى و حتى بسالفه اشتراك النخبه و جذي فكره جدا حلوة و تبين مدى جديه الشخص ، جهد اشكرك عليه و للأعلى انشالله .
8- هل وضعك كلمة منقول لموضوع نقلته تزعجك ؟؟
طبعا لأ و الامانه العلميه و الفكريه لابد منها احم
9- كتاب حياتك بما تصفه في كلمات معدوده ؟؟
كتاب مليء بالصدمات
10- شخص تفتقده ,, من هو ؟؟
عساني مافقد غالي انشالله
11- قرار اتخذته وتسرعت به ومن ثم ندمت عليه؟؟
حمدلله عمري ماتندمت على قرار اتخذته حتى لو كان غلط ، المهم اني اتعلم منها لجدام انشالله
12- لا اسمع لا ارى لا اتكلم ,, متى تطبق هذه المقوله بحياتك ؟؟
اذا شفت او سمعت شي مايخصني
13- قم بتوجيه ثلاث نصااائح ؟؟
اولا : عامل الناس كما تحب ان يعاملوك
ثانيا : خل ايمانك بالله قوي لانه مايقصر بأحد و اذا ربك ابتلاك معناته انه يحبك فاصبر
ثالثا : الاستغفار دائما فبالاستغفار يرزقك الله من غير لاتحتسب
14- ماهو اكثر شي يحرجك ؟؟
ماكو شي معين
15- لو الزمان عاد يوما . ماالشي الذي ستفعله مره اخرى ومالشيء الذي لن تفعله مره اخرى ؟؟
اشد حيلي بالجامعه اكثر و اعوض سنين عمري اللي راحت
الشي اللي ماراح اسويه ؟ ماكو شي معين لاني ماحب اتندم على شي قدر الله وماشاء فعل
16- ملحوظه لاحظتها على عضو من الاعضاء ماهي ؟؟
مافي احد معين في بالي حاليا لكن لاحظت مشالله جيم و عفيسه و غيرهم مشالله فيهم الخير و محركين المنتدى ويعطيهم العافيه
17- شيء حدث بحياتك غير مجرى حياتك ؟؟
لما طلعت من الجامعه
18- كلمة تتمنى سماعها كل يوم ؟؟
وايد كلمات اتمنى اسمعها ، المهم ان هالكلمات تكون طيبه و تريح القلب
وشكرا تم بحمد الله هههههههه
|
|
12/28/2008 5:29:27 PM
|
|
للــعـــلـــــــــــــم ... بخصوص مواضيعي
|
اخ كربلا
يعطيك العافيه انت و غيرك على مواضيعكم بهالمنتدى لانها صراحه حلوة و تخدم الهدف اللي انت تفضلت فيه ان نطرح موضوع و نشوف ردود الناس عليه و نفهم افكارهم و نظرتهم للحياه
انت ماقصرت و قواك الله و ناطرين المزيد منكم يا منتدى خطبه
|
|
12/28/2008 5:35:12 PM
|
|
لاتقولون مادري رايكم
|
صراحه حبيت نفسي من دشيت هالسايت اشوة يعني انا مو عانس هههههههههههههه
لا جد انا عمري 25 وماعتبر عانس توني صغيره مثل ماتفضل اخ كربلا و غيره
لكن من نظرتي يفضل ان البنت تتزوج كبيره منها تكون خلصت دراستها و حكتها الدنيا شوي ههههههه يعني تكون ناضجه شوي لان الزواج مسؤوليه مو لعب
و اذا صار ان والله البنت صغيره و ياها واحد زين بأخلاقه و دينه ومايتطوف خل تتزوج بس يتمون الاهل معاها يراقبونها و يوجهونها و ينصحونها و يسنعونها لانها صغييييره مو يعفسونها زياده نفس ماصاير الحين الاهل يشيون بناتهم على رياييلهم و يخربون بييوتهم اعوذ بالله حتى لو كان الريال زين و ناضج .
وشكرا
|
|
12/28/2008 5:43:51 PM
|
|
ملاحظات شباب الموقع عن بنات الموقع !!!
|
هههههههههههههههههههههههه زين يسوون فيك يا فلفل
ونرد ونعيد هالسايت فيه الشين و الزين وبكل مكان مو بس هني و اذا انت اخترت غلط و طلعت مقرود هذي مشكلتك مو مشكلتنا فلا تعمم لو سمحت
و اذا عالجكر الله يعافي المكياج و الصالونات دخلها بوصه تطلع عروسه ههههههههههه
و اذا عالمتن تضعف الله يعافي الرجيم و النوادي و التخسيس
و اذا عالانوثه مثل ماقالوا البنات السنعه انوثتهم ماتطلع لكل من هب و دب !! و غير جذي شلون بتعرف واحنا بسايت ياحظي ! انوثه البنت في حياها في اخلاقها في كلمتها الطيبه و دلعها و تصرفاتها و احترامها لنفسها ولغيرها وحط هالشي في بالك اوووووووكي اما الانوثه الثانيه مثل ماقالوا روح حط على ميلودي و شوفها ههههههههههههه
وبالهايه احنا واثقين بنفسنا و ياجبل مااااااايهزك ريح
وشكرا احم
|
|
12/28/2008 6:01:21 PM
|
|
ضــع هــنـــا - الســيــرة الـذاتـيــــة
|
اي والله شنو هذا وين الرياييل مو حاطين شي كله البنات !!
عسى الله يرزقنا بالنصيب الصالح اللي يريح بالنا و قلبنا كلنا
احم خل نبدي
انا بنت عمري 25 و للحين ادرس و مو باقيلي شي و اخلص انشالله ادعوووووووووولي
مو طويله و مملوحه
وانا شخصيا مقتنعه في سيرتي الذاتيه وماحب اتكلم عن نفسي وايد لان الناس اهي اللي تحكم بس مثل ماذكرت انا هاديه ماحب النجره و عوار الراس و دمي خفيف ولا عندي طلبات معينه في فارس احلامي ، اشوف مواصفاته بعيني و احكم بنفسي لان يمكن ماتعجبني مع العشره ! و أي شي بيكتبه عن نفسه و اطباعه و شخصيته انا ماراح اعطيه اهتمام لكن بنفس الوقت مافيها شي اذا الواحد ذكر (لمحه) عن شخصيته و افكاره و هدفه .
ومااااااابي مطلقين ذبحووووني وراي وراي بالسايت و برا السايت ههههههههه انا بنت بقراطيسي ابي واحد بقراطيسه مثلي ، بس طبعا والنعم في اخواني المطلقين لاتزعلون و عسى الله يعوضكم خير .
ومابي شياااااااااااااب حرام عليكم ههههههههه عمري 25 اييني واحد صاك الاربعين ليييييش ، حلاته قريب من عمري 25 - 30 بالكثير
و بعد شنو اللي لاحظته هممممممممم
و افضل الريال يكون طمووووووح يعني بكالريوس وطالع لان انا طموحه ( اوكي حتى الدبلوم مافيه شي لكن راح اذكر السبب الحين ) مو حلوة ان الريال يكون شهادته اقل من شهادتي انا بكالريوس و اهو نفسيا تحز بخاطره يمكن لجدام و غير جذي لاني ابي اكمل ماستر فأفضل ان الريال يعاوني من هالناحيه . لاتزعلون لان ادري و عارفه ان الشهاده ماهي مقياس نجاح الريال بالحياه بس بالنسبه لي اهيا مقياس طموحه وانا لولا طموحي جان ماتحملت الدراسه للحين .
وووووو بسسسس ادري اني توني قلت ماعندي صفات معينه و أحكم و اشوف لكن هذا اللي لاحظته في السير اللي تدش علي وسلامتكم .
وشكرا
احم وشكرا
|
|
12/28/2008 6:20:42 PM
|
|
هل انت مع او ضد الزواج المبكر؟
|
مممممممم تبون الصج ؟ انا صارلي فتره افكر بهالسؤال خصوصا اني للحين ماتزوجت وانا عمري 25
اقعد افكر اذا صار عندي بنت هل ازوجها و اهي صغيره يعني 18 19 مثلا ؟ او اخليها ليما تخلص من دراستها بالجامعه و عقب ازوجها ؟
انا نفسي مادري اذا كان قرار ابوي بأني ماتزوج الا لما اخلص من دراستي صح اولا
طبعا هذا كان قبل و لما شافوا اني بديت اكبر و للحين ماخلصت من دراستي غيروا رايهم بس عقب شنو محد يخطبني الحين بسبه قرارهم هذا !
وانا الحين ماقدر اتزوج عشان دراستي لان مابي شي يلهيني على اخر شي عقب كل هالتتتتتتتتعب اعرف نفسي ماقدر اركز على شيين بنفس الوقت دراسه و زواج و مسؤوليه و بيت و ريل .
الله كريم 
مثل ما تفضلوا اخواني و خواتي هذا قببببببل اللي كان الزواج المبكر مافيه اي مشاكل و انه استر للبنت ، بس الزمن تغير و الناس تفتحت و المرا تغير دورها من مربيه و ربه بيت الى عامله و موظفه و طالبه عشان جذي اهم شي العقل و النضج اهو الاساس بنجاح اي زواج ، و لما اقول نضج مو بس نضج عقلي ! مع ان على فكره البنت تنضج قبل الولد ترا ، في نضج اجتماعي نضج جسمي نضج عقلي كل هذا يلعب دور .
و طبعا لاننسى دور الاهل بالموضوع يسنعون بنتهم او ولدهم و ينصحونهم مو يشيشونهم و يخربونهم و كل مازعلج ريلج تعالي عندنا عندج بيت يضفج !ونت مرتك اذا سوت شي خلك شديد معاها و عطها كف و اذا لسانها طويله انت ايدك اطول ! مو سنع هذا ، و العمر بعد اذا كانت البنت صغيره لا يعطونها لواحد صغير ! خل يعطونها لواحد يكون وصل لعمر ناضج و يعرف شلون يقيم الامور و يحل المشاكل اللي بتواجههم .
اما بالنسبه للريال طبعا غير الوضع لان الريال اهو الي يخطب مو ينخطب نفس البنت اللي تقدر تتزوج و اهي تدرس لان احتمال ما اييها نصيب زين مره ثانيه وماتبي تطوفه ، لازم يتخرج كبدايه و و يتوظف لان المسؤوليه بتكون عليه و اذا يبي يتزوج و اهو عمره خل نقول 20 توه مخلص دبلوم ، مايصير نمنعه دام اهو اختار هالشي احسنله من الفراره و المغازل ! توه تخرج و توظف و يبي يستقر و مثل ماقلت الاهل لهم دور بالتوجيه و الارشاد بحال حاشتهم مشاكل . انا عندي مشالله 2 من شباب عايلتنا تزوجوا صغار و ساكنين عند اهلهم و هذا شي وايد حلو .
ونسأل من الله العلي القدير التوفيق
وشكرا 
|
|
12/28/2008 6:34:32 PM
|
|
(10) اسئلة مهمه قبل الخطوبه لكل شخص جاد بالزواج
|
خوش اسئله و صح لازم نسأل عن الصلاه لان اللي يخاف ربه اكيد بخافه فيني
هذا حلاته اسوي فورمه بهالاسئله واللي يخطبني اقوله هاك عبيها و مع السلامه ندق عليك بعدين هههههههههههههههههه
|
|
12/28/2008 6:43:43 PM
|
|
15 خطوة لإسعاد زوجتك
|
تسلم ايدك خوش موضووووووووووووع
والمفروض الرياييل يقرونه و يقيمون نفسهم من خلال هالنقاط اذا اهما قاعدين يسوونها او لا
|
|
12/28/2008 7:28:34 PM
|
|
للمتزوجين فقط
|
السلام عليكم
صح انا لاحظت من البروفايلات اللي تدش علي ان وايد متزوجين ومادري شنو نيتهم هل ان زوجه ثانيه او مجرد صداقات و هل زواج شرعي او مسيار ؟؟
لكني عموما قاعده اعطيهم رفض لان مو مهتمه بهالناحيه لان ولله الحمد انا توني بنت و صغيره ومارضى بشخص متزوج و ان اكون زوجه ثانيه
بس اتمنى من اخوانا المتزوجين يوضحون هالشي عشان باجي البنات
|
|
12/28/2008 7:32:08 PM
|
|
أحــســبــهـــا صـــــــــح
|
ههههههههههههههههههه شهالحسبه انتييييكه
|
|
12/28/2008 8:02:15 PM
|
|
ســـؤال ... ما هي الأمور ؟
|
تصدق كربلا انا ملاحظه صح مواضيعك محد يرد عليها وايد ليييييييييش
كلام فوفونه صح وانا ازيد عليها ان الريال او المرا لازم يفهمووووووون ان الزواج مو لعب الزواج مسؤوليه اهما مو داشينه عشان يستانسون و طلعات
لازم يفهمون ان المشاكل جزء من الزواج لان الزواج تعب و ينقسم على مراحل بما في معناها و هذي دارستها بعلم النفس و اقتنعت فيها :
الزوجين يكونون توهم متزوجين و يعيشون بروحهم - يزهبون متطلبات انجاب الابناء و استعدادا لهالشي - الابناء يدشون المدارس و يتعلمون - يبدون الابناء شيئا فشيئا يتركون البيت سواء للدوام في مناطق بعيده او للزواج - و اخيرا بالمرحله الاخيره ( يكون صك عمرهم الاربعين مادري الخمسينات هههههه ) يكون ابيت فضى و العيال كلهم تزوجوا و ردوا الام و الابو بروحهم مثل ماكانوا بالمرحله الاولى .
و نادرا الازواج اللي يتعدون كل هالمراحل بسلاااااااام و يوصلون للمرحله الاخيره بأقل الاضرار على زواجهم لانهم من يشوفون اقل مشكله خلاص يحطون فبالهم ان الزواج عوار راس ومايدرون ان عوار هالراس جزء من الزواج .
و شكرا
|
|
12/28/2008 8:23:59 PM
|
|
فن الإتكيت لأختيار زوج المستقبل
|
اخ كربلا
انتظر جديدك
يعطيك العافيه و طرح جدا ممتاز و اختيار هادف
قواك الله
|
|
12/28/2008 8:30:06 PM
|
|
نجاح الزواج مسئولية من ؟
|
اقولك شي؟
من قبل فتره الخطوبه لازم الاهل الام و الابو يهيئون اولادهم حق هالمرحله اليايه من حياتهم مو هذا واجب الوالدين ؟ تربيه ابناء قادرين على مواجهه الحياه
لازم الام تعد بنتها حق هالمرحله من الصغر و لازم الابو يربي ولده على تحمل المسؤوليه
هذي كبدايه عشان يكونون عارفين الواجبات اللي عليهم بالمستقبل
بعدها عاد بمرحله الخطبه و الزواج المسؤوليه تصير على الطرفين او الزوجين مثل ماقلتوا لازم كل واحد يوفي بحقوق الثاني و واجباته و بنفس الوقت يحفطون امور بيتهم لنفسهم ماله داعي احد من برا يدش بينهم و بحياتهم حتى لو الاهل او الاصدقاء مثل ماقالت اختي اللي قبلي
و شكرا
|
|
12/28/2008 8:32:42 PM
|
|
أيهما أهم ... ؟
|
ههههههههههه ماينفع الاثنين ؟
الاول مهم لكنه ليس الاهم !
طبعا اهم شي العقل و الحكمه
و اذا عالجمال فانه فاني ولا يبقى الا وجهه سبحانه
و اذا عالفلوس فانها تروح و ترد و الله يرزق من يشاء من غير لايحتسب
و على اخر العمر وقت الكبر ماراح نحتاج لا للجمال ولا للمال بس للكلمه الطيبه
و شكرا
|
|
12/28/2008 8:35:46 PM
|
|
سؤال ... محرج
|
اختار الاول
و اذا عالشكل اكيد ربي بحليه بعيني مع الايام و بكون من احلى الرجال لانه كسبني بأخلاقه و دينه لان هالشي نادر هالايام صراحه
و شكرا
|
|
12/28/2008 9:54:53 PM
|
|
هل تفضلون الزواج التقليدي( الاهل) او الزواج عن حب
|
انا كنت مفكره اطرح هالموضوع بالمنتدى بس اشوة لقيته موجود
لان بصراحه هالموضوع انا وااااااااااااايد قاعده افكر فيه و محتاره فيه خصوصا اني كنت من المعترضات على فكره الزواج التقليدي وان شلون اكرس نفسي لشخص ماعرفه و مع زياده العمر سبحان الله الواحد تتغير افكاره ونظرته للحياه و بديت شوي اميل لهالفكره و اتقبلها بعض الشي و للحين محتاره و خايفه من هالتجربه اللي ماعشتها لحد الحين بسبب ظروف دراستي .
1-ماهي مميزات وعيوب الزواج التقليدي؟
اولا :
الزواج التقليدي مو مثل ماقاله اخوي اللي قبلي ان مايشوف زوجته الا بالعرس !!! مايصير جذي لاااااااااااازم يشوفها ولا ليش سموها نظره شرعيه !! هذي الشغله انا اعتبرها من العادات و التقاليد ومالها شغل ابدا بالشرع و الدين ولا بمسمى الزواج التقليدي ، مفروض يشوفها و تشوفه و يقعد معاها يكلمها بس طبعا بوجود الاهل مو بروحهم عشان يصير في قبوووووول في نفسوهم حق بعض هذا اهو الهدف من النظره الشرعيه . و غير جذي من قال انه غصب ؟ صح ان الاهل اهما اللي يختارون الزوجه للولد بس بالنهايه القرار له و لها اذا بوافقون او يرفضون هالزواج .
ثانيا : مميزات الزواج التقليدي ممممممم بنظرتي انا ان الطرفين يعرفون بعض بالحلال هذي اول شغله ، ثاني شغله ان مايكون في اي حدود لهالمعرفه يشوفها و تشوفه و يكلمها و تكلمه من غير اي خوف لان مثل ماقلت هذا حلالها و اهي حلاله فأفق هالتعارف بالزواج التقليدي يكون اكبر و اوسع من اللي موجود في الزواج عن حب لان المعرفه ماتيي الا عن طريق العشره و المواقف الصعبه اللي يمرون فيها مع بعض .
سلبياته يمكن بس بفتره الخطبه اللي تسبق كتب الكتاب ، هالفتره جدا قصيره يعني قعده او قعدتين ومايتعدون جم دقيقه و بعدها يقرون الموافقه او يرفضونها ، اوكي صح ان هدف النظره الشرعيه مثل ماقلت انها تزرع القبول في نفس الطرفين لبعض و بعدها يتم كتب الكتاب و التعارف خلال فتره الملجه ، لكن في فتره الخطبه هذي تكون البنت مستحيه و الريال طبعا يحاول يبرز افضل صفاته يعني مو كاااافيه وماياخذون حريتهم عدل ، انا عن نفسي اذا بجرب الزواج التقليدي بقولهم لازم يشوفني 3 مرات لان اول مره ماتنحسب ولا الثانيه .
2- ماهي مميزات وعيوب الزواج عن حب؟
مميزاته انه عكس التقليدي فيه حريه اكبر للطرفين بان يعرفون بعض اكثر قبل لا يتزوجون بس عيبه انه طبعا مو حلال و جدا مقيد يعني تلقى البنت و الولد علاقتهم بس بالتلفون بس صوت مايشوفه و تشوفها و لو بشوفون بعض بكونون مقيدين جدا و بالتالي المواقف الللي يمرون فيها محدودة و معرفتهم لبعض بتكون ابطأ يعني يتمون مع بعض سنه او سنتين يالله يتزوجون طبعا السالفه هني بتكون بردت . انا رايي ان لو الوحده او الواحد بيتزوج عن حب اوكي يعرفها و عجبته خلاص انتقل للمرحله اليايه سيده ليش تخلي السالفه تطول سنه ولا سنتين اذا انت مقتدر عالزواج؟ تعرف عليها بالحدود الشرعيه طبعا و اذا بتشوفها شوفها فبيت اهلها و لاتطول مده تعارفكم قبلها عشان لايصير في برود يعني جم شهر بس و اذا حسيت انها تستاهلك تزوجها و تعرف عليها و على طبايعها بالحلال .
3-هل تايدون زواج الحب او التقليدي؟
صراحه مادري بس ماقول غير الله يكتبلنا اللي فيه الخير و الصالح سواء التقليدي او الحب
وشكرا
|
|
1 2 3 4
|