|
صفحات
1 |
|---|
|
11/12/2008 12:13:00 AM
|
Karbala
Posts 318
|
السلام عليكم
أطرح عليكم هذا السؤال .. للجنسين
ما هي الأمور التي باستطاعتك أن تفعلونها حتى تضمنون زواجا لا يتأثر بمتغيرات الحياة ويسعد الطرف الآخر ويدوم الزواج طوال حياتك ؟
بأنتظار الأجوبة ..
تحياتي لكم
اخوكم/ كربلا
|
|
11/12/2008 1:06:18 AM
|
FoFona
Posts 51
|
الله يهداك يا خوي احنا خل نضمن الري علشان نضمن الزواج اذا راح يدوم
ههههههههههههههههههههههههه
بس الصراحه لازم الانسان يلاحظ كلشي بزواجه واول شي يلاحظ تصرفانه مع الطرف الاخر ويتحكم بنفسه ويغض النظر شوي علشان يستمر الزواج
ويحاول يصلح الغلط بس من غير لا الطرف الثاني يحس علشان لا يجرحه بس مجرد يحسسه انه الي سواه غلط هذا اذا كان الغلط من الطرف الثاني
اما اذا كان في تاثير خارجي فهذا يعتمد على احد الطرفين اما الزوج او الزوجه انهم يطوقون حياتهم بالحب الصادق والثقه علشان لا يواجهون تاثيرات العالم الخارجي وانا عندي اهم شي بالزواج العباده
اذا كل واحد منهم صلا وعرف ربه وقرا القرآن ومشى على نهج الرسول واهل بيته سلام الله عليهم راح تستمر حياتهم وحتى حياة اعيالهم لانهم راح يتاثرون باهلهم تاثير كبير
والله ولي التوفيق
جني قرقت وايد
خخخخخخخخخ 
|
|
12/28/2008 8:02:15 PM
|
meme83
Posts 70
|
تصدق كربلا انا ملاحظه صح مواضيعك محد يرد عليها وايد ليييييييييش
كلام فوفونه صح وانا ازيد عليها ان الريال او المرا لازم يفهمووووووون ان الزواج مو لعب الزواج مسؤوليه اهما مو داشينه عشان يستانسون و طلعات
لازم يفهمون ان المشاكل جزء من الزواج لان الزواج تعب و ينقسم على مراحل بما في معناها و هذي دارستها بعلم النفس و اقتنعت فيها :
الزوجين يكونون توهم متزوجين و يعيشون بروحهم - يزهبون متطلبات انجاب الابناء و استعدادا لهالشي - الابناء يدشون المدارس و يتعلمون - يبدون الابناء شيئا فشيئا يتركون البيت سواء للدوام في مناطق بعيده او للزواج - و اخيرا بالمرحله الاخيره ( يكون صك عمرهم الاربعين مادري الخمسينات هههههه ) يكون ابيت فضى و العيال كلهم تزوجوا و ردوا الام و الابو بروحهم مثل ماكانوا بالمرحله الاولى .
و نادرا الازواج اللي يتعدون كل هالمراحل بسلاااااااام و يوصلون للمرحله الاخيره بأقل الاضرار على زواجهم لانهم من يشوفون اقل مشكله خلاص يحطون فبالهم ان الزواج عوار راس ومايدرون ان عوار هالراس جزء من الزواج .
و شكرا
|
|
12/30/2008 1:44:51 AM
|
junart
Posts 34
|
السلام عليكم....
كلام الأختين إلي قبلي عين العقل وما عليه أي غبار......
وما أزيد عليه غير (إذا تواجدت مخافة رب العالمين بين الطرفين بكل شي يجمعهم)----> فشيطان المشاكل وشبح الإنفصال بيهربون عنهم لأن رب العالمين بيحميهم من هل شغلتين..
ولا راح يهمهم أي مظاهر أو تأثيرات خارجيه أو إنهم يرجعون بعد سنين لحالهم بعد ما يروحون العيال لبيوتهم ..لأن الزوجين راح يشوفونها بدايه جديده لحياتهم تعطيهم المجال إنهم يردون لأيام بدايات زواجهم.....
وعلى العموم مدام الإنسان حي لازم يواجه المشاكل والعراقيل سواء كان لحاله أو متزوج ... أجل شلون نكتسب المعرفه والخبره ..
وبعدين الدنيا دار إختبار والصبر واجب على الإنسان ...لأن الجنه ثمنها هل صبر ...
وأخيرا ---الإجابه على السؤال إهي ---> مستعده أسوي وأبذل كل شي بطاقتي بس على شرط يكون شخص يستاهل ويبادلني ظرورة بذله لطاقته لي...
وآسفه على الإطاله
|
|
1/1/2009 7:54:06 PM
|
www.com
Posts 16
|
السلام عليكم
الامور التي اضمن فيها زوجا لا يتاثر هي الحب ووضع الثقة الكاملة لكل من الزوجين ...................
|
|
4/24/2009 4:53:54 AM
|
teacher.com
Posts 134
|
اكيد الصدق والجدية وانة مايفكر بالعنصرية الي منتشرة يعني قبل زواج عادي بعدين يعيرها
باصلها بعد زواج ويكون ضامنتة انة خوش ريال مراح يتغير عليها بعديين
|
|
صفحات
1 |
|---|