|
صفحات
1 2 3 4 |
|---|
|
3/24/2011 4:02:47 AM
|
TALAL_4488
Posts 362
|
اخت
Raghooda
بحكم اني من فئه الشباب
انا معاج بكل ماقلتيه
وانا شفت شوف العين اشلون الجذب والنفاق عند اغلب الشباب
من فتره تقريبا سنه صار فيني فضول اشوف البنات بس يعلقون عالشباب يبي متعه اطلعي بفلوس ومن هالسوالف اللي مالها معنى الشباب مو جادين جذابين وهالشي للامانه يخرب علينا ياللي جادين ونبي الستر
فا قلت لازم اشوف شنو هالسوالف وسجلت بنك بنت
ودخلت كل بياناتي افضل ان لا اقول
والله انصدمت وصج صج الله يكون بعونكم
اول مادخلت وله مليون واحد اظهر اهتمام
وفوق ال100 مسج
البعض يسوي فلم اكشن والله اقر الرساله واضحك
انا مطلق وعندي ظروف ابي زواج بالسر
والثاني انا تاجر وما تهمني الفلوس واللي تبينه حاضر
والثالث انا صاحب حفلات وراعي كيف ووناسه ابي لي صديقه وابشري باليي يرضيج
والرابع انا ربعي شيوخ ومن كبار الشخصيات وعندي يخت وفله وشاليه وانا عزوبي وما اتمتعت بالحياه وحاب اكون اسره
لاني خسرت الفلوس بالبورصه ومابقى عندي غير البيت واليخت والفله
فا هالنوعيه اللي يقول جذي عرفت انه يبي يطلب فلوس على طول
راح يقول سلفيني وانا اردهم لج لا تزوجنه
ههههههههه
انطرني بس قال سلفيني واردهم بعد الزواج
زين ليش تسلف من بنت مو ربعك شيوخ وكبار الشخصيات روح اخذ منهم بس اكيد انه راح يفتشل ريال صاحب يخت وفله وشاليه ويروح يتسلف من شيوخ عيب عنده
بس مو عيب لا نصب على البنت واخرتها يطلع نصاب موظف تلاقينه عسكري وعليه قروض لو يموت مايخلصون
والنوعيه الخامسه واعوذ بالله مهم يارب يقول انا فري فري فري لاخر حد
بالاحرى واعتذر عن كتابه هالكلام
يقول انا مستعد اخلي صاحبي ورفيجي الخاص يشاركنه باحياتنه الزوجه وانتو فاهمين شنو اقصد لاتعليق (( ايوااا عليكم نور هذا المقصد اللي يقصده ))
يعني كل ييوم داخل عليج واهو وريال غريب يقول انه صاحبه واتوقع انه ياخذ فلوس والعلم عند الله تعال اعزمك على مرتي بالبيت
هالنوعيه للاسف موجوده بالموقع واقدر نسبتهم 15%
وهذي من علامات الساعه والله يكفينا شر الدنيا
والبعض يقول انا جاد وابي اعرف طلباتج وماعندي خربطه اهلي واهلج موجودين وينتهي الكلام
انا للامانه مو ملحق على الرسايل وبس اقرا وما ارد على هالنوعيه وبالاخير سكرت الحساب عوار راس من جد
فا اللي اكتشفته ان معشر الرجال
عليهم جذب ونصب واحتيال
اسمحولي على الاطاله بس انا انسان ضميري صاحي وصعب اني اكتم اللي شفته من هالنوعيه من الشباب وااخلي اخواتنه يطيحون عند هالاشكال
تقبلو تحياتي طلال
edited by TALAL_4488 on 3/24/2011
|
|
3/27/2011 10:44:01 PM
|
Raghooda
Posts 9
|
والله والنعم فيك أخ طلال امبين عليك ولد اياويد واتمنالك كل خير الله يوفقك
واخ فؤاد الله يوفقك انت بعد
وبخصوص اللي يدورون متعه وعرفي ويسوون روحهم يبون يتعرفون وسوالف خربطه انصحهم يروحون يعيشون بامريكا وايد احسنلهم او يدورونلهم وحده ابمستواهم اتدوور متعه وعرفي وسوالف خربطه الله يستر عليهم ناس ما عندها مبداء بالحياة نهائيا ومادري هل بيرضون خواتهم ينحطون ابنفس الموقف او بناتهم بالمستقبل ؟؟؟؟ ما ظنتي الا في حاله وحده اذا كانوا رجال على الورق فقـــط لا غير  عموما كل شخص حر ابتصرفه واسئل الله انه يحفظ بنات ديرتنا من هالأشكال اللي ما تدوور غير ضياع الوقت والفراغه واحب اقولهم يا بنات ديرو بالكم من اللي يقولون لكم زواج متعه وعرفي وغيره انتي بنت ناس وتبين الستر تزوجي زواج عادي وخليه زوجج يتشرف فيج جدام الله وخلقه ليش تخلينه يقص عليج ويوهمج انج مرته انتي ما تعتبرين مرته اصلا لأنه حياتج راح اتكون غامضه ومالج حق تاخذين حريتج معا ريلج وتستانسين معاه لأنه ما كان ريال بما فيه الكفايه ويقدمج لأهله وناسه وكلنا عارفين لما الرجل ما يتشرف ابوحده شنو معناته !! ديرو بالكم يا بنات سواء كنتي ارمله مطلقه او بكر اخذيلج واحد يصونج ويتشرف فيج وعيشي حياتج مثل غيرج وراها ظهر يحميها لا يخدعونكم بهالجمل اللي لا تودي ولا تييب ( والله انا بعيش معاج فترة اختبار اشوف نتفاهم ولا ما نتفاهم ) ( والله بكوون نفسي ) ( والله عندي ظروف معا الأهل ) .... الخ من اعذار لا تودي ولا اتييب صدقوني اعرف وايد بنات انحطول بهالموقف معا رجال من هالنوعيه يدورون عرفي ومتعه مو كافي انه جبان ويخاف من المجتمع انهم يشوفونه معاج بعد شتبين اكثر من جذي دليل هل هالرجل فعلا تعتبرينه ريال بس جاوبوني على هالسؤال ؟؟؟ فكري وقرري وانتي حره والله يوفقنا جميعا يا رب
|
|
4/16/2011 8:15:13 PM
|
grob
Posts 1
|
يسعد لي مسا القائمين على هالموقع الاكثر من رائع واشكركم على جهودكم المبذوله للجمع بين الناس وتوفيق راسين بالحلال.. يسعد لي مساكم اخواتي واخواني من رواد موقع الخطبه..اولا حبيت اقول اني جديده ماصار لي بالموقع الا فتره بسيطه..بصراحه الجديه نسبه قليله بين الموجودين وما اقدر انكر انه في عيال حمايل ونعم جادين بس ما الله وفق..بس بوضح لكم نقطه مهمه ترا الموقع ماهو الا انعكاس للحياة الخارجيه لانه بحياتنا العاديه فقدنا قيم جميله وراقيه كثيره منها الجديه وتحكيم الضمير بتعاملاتنا اليوميه..بس ارجع واقول انه الدنيا بخير وانه املي ابربي كبير وعسى ربي يوفق الجميع...
ملاحظه:للاسف بعض اخواني من رواد الموقع يكتبون بالبروفايل مالهم امور اتبين عدم جديتهم مثلا واحد يبي وحده تشابه مطربه معينه والثاني يكتب انا احب الفرفشه والضحك والثالث احب السفر والتحرر وما احب البنت الا عندها كلمه عيب ولا حرام ليش انت ادور زوجه ولا رقاصه ترا احنا بنات حمايل وانعرف السنع والاخلاق وابنفس الوقت مو معقدات بس وين الي يعرف قيمتنا
|
|
4/16/2011 10:11:25 PM
|
lolo.al.ab
Posts 9
|
يعطيكم العافيه
انا من وجهة نظري الإنسان الجاد يبين من إسلوبه بالكلام ،
يعني من طريقته بالحوار و الأسئلة الي يوجها لي إهني يبين اذا كان جاد ولا لأ ،،
والجاد مايطلب رقم البنت بالعكس بما إنه جاد لازم يكون مايرضه على الإنسانه الي يمكن اتكون زوجته بالمستقبل و ام اعياله ، يقدر يتفاهم معاها بحدود الانترنت وإذا شاف اوك في بينهم تفاهم وحاسين انهم ملائمين حق بعض اهني على طول يكلم اهله عشان يكلمون اهل البنت ، لأن أعتقد الي داش هالموقع مايفكر إنه يتزوج بعد سنه او سنتين
وبس هذا رايي بهالموضوع
قواكم الله
|
|
4/16/2011 10:13:12 PM
|
qukuwait
Posts 321
|
السلام عليكم
عجيب ان المرأة تتهم الرجل بالجديه فاخر شي ان المراة تتهم الرجل بعدم الجديه
من خلال دراستي بهذا الموقع واطلاعي على البروفايل المتقدمات لطلب الزواج
اما هم يضحكون على انفسهم او هم جاين يتسلون والملل مزهق حياتهم
كووووويتي
|
|
4/17/2011 2:13:35 PM
|
lolo.al.ab
Posts 9
|
بس أحب أرد على الأخ كويتي : )
أصابعك مو سوى خيووو : )
|
|
8/28/2011 3:08:04 PM
|
kindeng.1965
Posts 98
|
السلام عليكم جميعا
ياجماعه - تقبل الله الطاعات
ونصيحة لمن فرط واهمل التعبد الجميل في ليالي رمضان المباركة
بان ينتهز الفرصه ويجتهد فيما تبقى ( الأعمال بخواتيمها )
ملاحظة : ابي تعليق منكم على الرسالة الفاشلة من المشتركه sara12
اللي وجدتها بصندوق رسائلي - بصراحة سوف اسمي الرسالة ( تجيك التهايم وانت نايم )
 [/ملاحظه : الأخت غروب ، كلامك وبروفايلك يدل فعلا على انك بنت حموله ، وبصراحه من كثر ما قريت بروفايلات مشتركات من 29 سن وفوق - قربت اياس القى نصيبي في هذا الموقع لان المشكلة شروطهم وطلباتهم وايد وماعندهم اي شي الا الكلام لتقديمه لهذا الخاطب المسكين ، سوف يكون علية كل هذه التكاليف المادية والعاطفية ( تخيلي حتى العاطفه يبخلون بها ويطلوبنها من الخاطب المسكين مع ان الله زرع فيهن العاطفه لتدلل وتريح زوجها من عناء العمل والحياة ) ، وبصراحه كلفت احدى عجائز العائله ( وهي امرأه اجتماعية جدا ولها معارف كثيرين ) بأن تبحث لي عن بنت حلال - لانه صعب على الخاطب يتزوج عن طريق النت بواحده سوف تكون زوجتة وتنجب له ابناء يحملون اسمه وهو لا يعرف اصلها ولا طبعها ولا يعرف كيف يسال عنها وعن أهلها
ولا يوجد الا الوصف الذي تتكرم به ، واغلب البروفايلات مبالغ فيها .
وفقك الله
|
|
8/28/2011 5:28:51 PM
|
samia22
Posts 149
|
اللهم صل علي محمد وال محمد
المشكله اللي لاحظتها بهذا الموقع ...ان الاشخاص ما يعرفون او يخافون يقدمون انفسهم للاخرين ان كان جاد ...وخاصه النساء واقصد النساء بعمر ٣٥ سنه وما فوق ...فهي كبيره كفايه بحيث تعرف تدير حياتها وتختار الشخص المناسب ... عندما تجدي الانسان الذي ترينه جاد من خلال مراسلاته .. حاولي التقرب اليه اكثر من خلال بدايه رؤيته حتي يتم الاعجاب ... لا يجب اعطاءه رقمك الخاص ولكن من خلال الرسائل ...ارشديه لطريقه لكي يراك ...مثلا باليوم الفلاني نتقابل بالجمعيه او المقهي او المجمع الفلاني لتراني واراك ...ثم اذا ارسل لك رساله بالقبول ..تبدا مراسلات اخري ...تخبرينه ما تحبينه وهو يخبرك ما يحب بالمراه وما ريد منها ..فالرجل الذي دخل النت ليتزوج (اقصد الرجل الصالح) لا يبحث عن الجمال فقط ولا الرشاقه فقط .. ولكن يبحث عن الراحه سواء المعاشره او بالاسلوب .
ارجو ان يزال حاجز الخوف من الطرفين ...ويضعون الله امام اعينهم ..وسيفتح الله لهم طريق الصلاح ...وطريق الزواج الامن .
|
|
8/28/2011 8:59:14 PM
|
kindeng.1965
Posts 98
|
أخت سامية :
هل معقول ان تنصحي الحريم بما لا يتوافق مع عاداتنا الأصيله وديينا الجميل
اذا المراهقين السفهاء ننقد عليهم اذا صاروا يتقابلون ( البنت والولد ) خارج نطاق الأسرة والأهل
تاكدي ان الرجل المتربي - وليس شرط ان يكون متدين - يرفض ان يقابل المراه من وراء أهلها ، في وقتنا الأغبر هذا قد تكون مبلوعه ان تأتي مع صديقة ثقة ومتربية او مع زميلة ثقه بالعمل او احدى قريباتها الكبيره بالعمر
لكي تقابل من ينوي خطبتها في مكان عام ( مطعم - كافيه .... الخ )
وتأكدي انها ستسقط من نظره ان وافقت ان تقابله بدون علم أهلها
تم
|
|
8/29/2011 1:47:38 AM
|
TALAL_4488
Posts 362
|
والله بلشه انت اذا طلعو قلت ليش يطلعون واذا رفضوا قلت ليش يرفضون
عيل تبيها تقول تعال للبيت اقعد عندنا وانا بقول حق اخواني يبي يجي ريال يشوفني عشان اذا شاف اني مناسبه له يخطبني واذا ما يزت له يروح
ساميه انتي صح ومالج شغل بالناس الباجيه
|
|
8/29/2011 5:04:23 AM
|
kindeng.1965
Posts 98
|
اخ طلال
ماهقيتها منك
يليت تقراأ تعليقي مره ثانية
مبين ما فهمت كلامي
عموما ما أرضاه أختي تطلع مع ريال غريب
وأكيد أحسن تخبر اخوها او ولي أمرها برغبة شخص للزواج بها وتطلب بعد موافقتهم السؤال عنه
هذه الطريقة اكرم لها ولأهلها
وفقك الله من يريد الستر والحلال
|
|
8/29/2011 6:42:22 PM
|
TALAL_4488
Posts 362
|
من صجك انت !!!!
انا اشوف اللي سوته ساميه عين العقل
عيل تبي يجيها للبيت ويشوفها وبعدها يتوكل على الله
ويجي دور ولي الامر
منو هذا وليش ما خطب عيل بس جاي يبي يشوفج اذا حلوه يخطبج واذا العكس يمشي
اخت ساميه بالعكس تحاشت كل الطرق التقليديه
راحت لمكان عام وشافته ومشت
يمكن الريال فيه شي
اشلون تترقع هاذي اخرتها تنحد عليه لا يبه شافته وتمقلت فيه وعرفت انه الشخص المطلوب
|
|
9/7/2011 1:02:45 PM
|
sunwater
Posts 1
|
مساء الخير
كلامكم صح ويا عالجرح
القهر انه لما تقولين انج جاده جنج سابته ويبدى يتفلسف (( من صجج انتي بتلقين الزوج المناسب اهنيه يبا ترى كل اللي داخلين بالموقع يتصيدون بنات)) طيب انت شنو عليك ولا كل من يرى الناس بعين طبعه
اذا انت داخل تتصيد في غيرك داخل وبكل جديه بس يمكن للحين ما حصل اللي بيبه
عموما النصيب من عند الله ومحد يدري متى الله كاتبه
|
|
9/9/2011 7:59:43 AM
|
arta
Posts 1
|
اسعدالله صباحكم بكل خير ومحبه والله ياجماعه جاد ابي زواج ونسانه طيبه وبنت ناس ولاكن كيف التواصل مع الي يرسلون لي ماعرفت كيف احط الحساب ياريت الاداره تساعدني كيف احول لهم بمنظار اي انسان او انسانه ترشدني لان مافي اي رساله الي اداره تعبت وشوف ناس ترسلي ولاكن ماااقدر الشوفها ولا اتواصل معاهم ولكم كل الود والتقديروالاحترام
|
|
9/9/2011 11:43:04 AM
|
vanilia
Posts 13
|
السلام عليكم اولا اعتذر من القراء لانه هذا خروج عن الموضوع بس احب اقول للاخ ارت اعمل رفع لنوع اشتراكك يعني غير اشتراك من عادي لاشتراك بفلوس علشان تقدر تراسل اي شخص انت مهتم فيه هذا هو الحل
واتمني للجميع التوفيق باشخاص جادين ومعقولين بطلباتهم بالنسبالي انا وصلت لنتيجه ان الكل جاد في مسعاه ولكن الاغلبيه مسعاها ليس الزواج لاسباب خارجه عن ارادتهم او هو الخوف من فكرة الزواج بحد ذاتها او هو يبي يتزوج بس بدون مسؤوليه فعليه وهذا شامل الذكور والاناث هل لانهم فاهمين الزواج بكل خاطئ او ان ماعندهم النضج الكافي لا علم لي .
وفي جميع الحالات اتمني للجميع قضاء وقت ممتع ووان تتذكر كما تدين تدان وان اخرة الدنيا فانية فتقوى الله هي المراد
|
|
10/3/2011 3:36:36 AM
|
Sweetdo0osa
Posts 3
|
ردودكم خلتني افقد الأمل الله يعطيكم العافيه
ههههههههه
الله كريم يمكنالله ينظر لي بعين ألرحمه انا مالي الا اسبوع و نص
والله في ناااس مرره محارمه بس ما صار نصيب او يكونون محترمين جداا بس المعتقد مختلف بحكم اني سنيه
الله يوفق الجميع
|
|
10/3/2011 11:48:09 AM
|
qukuwait
Posts 321
|
السلام عليكم
الله يوفقك يا اختي الكريمه والي تريد تتزوج وحاسه ان الزواج شر لا بد منه ولا تقدر على فراق الزواج لا تنظر الى المذهبيه لتنظر الى اخلاق
اهل الزوج والزوج وتتوكل على الله ولا مصيرها تنقبر في قبر وما شافت ولا ذاقت طعم السعادة الزوجية
كويتي
|
|
10/4/2011 12:44:51 AM
|
Sweetdo0osa
Posts 3
|
والله انا المذهب مهم عندي لان اهلي ماراح يوافقون
ضروري يكون سني
لكن انا ما اذم في احد قلت ان جوني نااااس من الشيعة بس محترمين
بس انا ما اقدر عشان اهلي و انا معاهم
و ان شاء الله ربي يرزقني ولد الحلال
|
|
10/4/2011 4:55:54 AM
|
Heba_87
Posts 1
|
سؤاااااليم لجميع الرجاااال في الموقع :
1- شنو معنى الجدية عندك يعني شنو تفسر كلمة جدية وشلون تعرف اذا البنت جادة او لا ؟؟؟؟؟
2-وشنو الخطوات اللي لازم البنت اتسويها عشان اتقول عنها انها فعلا جادة بمعنى شنو تبيها تسوي او شنو تبيها تقولك او تعطيك او توريك ؟؟؟؟
ويريت توضحولنا الصورة من غير لف ودوران نبي نكون واضحيــــن عشان توضح الصورة حق كل البنات واتسعدونهم يعرفون مدى جدييتكم ترى الموضوع حيل مهم وجوابكم على هالسؤالين بيفيد بنات وايد لأنه وايد بنات ما يعرفون شنو تقصد بمعنى الجدية واحتمال تفهمك غلط اذا طلبت منها شغلة معينة على اساس انك جاد وجديتك بالطريقة المعينة اللي اهي ترفضها
|
|
10/4/2011 2:19:13 PM
|
TALAL_4488
Posts 362
|
انا ارد عليج اختي
بالوقت الحالي دوخلي للموقع فقط عشان المشاركه بالمنتدى فقط لا غير
وانا بقولج شنو معنى الجديه عند الشباب
اللي تارسين الموقع
-وشنو الخطوات اللي لازم البنت اتسويها عشان اتقول عنها انها فعلا جادة بمعنى شنو تبيها تسوي او شنو تبيها تقولك او تعطيك او توريك ؟؟؟؟
لازم اول شي اكلمها بالتلفون واشوفها ونطلع نتمشى مع بعض ونسولف ونضحك ونسوي كل شي
اذا سوت جذي البنت معاي اعرف انها جاااده وبالاخير اعطيها واحد صفر لا خلصت منها واحول على وحده ثانيه
|
|
صفحات
1 2 3 4 |
|---|