|
صفحات
1 2 3 4 5 6 7 8 9 |
|---|
|
10/25/2009 9:23:33 PM
|
Jassem88
Posts 1
|
يا جماعه انا ابي بنت حلوه وخلوقه وتنطر سنتين ليما اتخرج من الجامعه اذا في احد يرشدني
سلام يا بشوات :P
|
|
10/25/2009 11:12:44 PM
|
trevi
Posts 2
|
مسا الخير
NOLOHO
شكرا على الرد
والله يوفقج دنيا واخره 
|
|
10/26/2009 6:09:28 AM
|
mumayaz
Posts 3
|
عندي سؤال الله يخليكم تعبت وانا اقرى الحين طايحيله الشباب والشباب والشباب زين تكفه ابي اعرف كلكم كلكم مافيكم عيوب ولا فيكم وحده تجذب الحين ؟؟؟ ولا ملائكه الله يرحم والديكم خلكم واقعيين عاد خلاص ترى الصراحه مهما كانت صعبه او مره ترى هم الواحد على حقيقته كون احلى ويالله شوفولي بنت الحلال خل اخلص لاعت جبدي
|
|
10/26/2009 6:39:23 AM
|
mumayaz
Posts 3
|
اكسكيوزمي س: في وحده من الاخوات كاتبه اللون خمري بعرف يعني اي لون بالضبط هالخمري انا اول مره اسمع فيه؟؟
|
|
10/26/2009 6:53:16 AM
|
mumayaz
Posts 3
|
ياريت احد يفيدني بشي انا اليوم سجلت بهالموقع بس موعارف اسوي فيه ولا شي يعني اقرى مواصفات واقرى اسامي بس ماقدر استفسر شي بولا شي ولا اقدر اكتب رساله حتى شنو الي اقدر اسويه وشكرا
|
|
11/7/2009 1:03:07 PM
|
down2earth
Posts 12
|
Please see my profile
I am real person getting married for the second time
I am serious
forgive me for the english
El nas ma3aden mahom bel shakel w kathrat el kalam
I am saving my kalam 7ag bent el 7alal elly Tabini fe3lan
wallah enny Jaaaaaaaaad
|
|
11/11/2009 11:54:19 PM
|
lunar
Posts 2
|
السلام عليكم
الصراحه الموضوع مو مقتصر على الشباب بالهوقت الاغلبية يجذبون من شباب و بنات ما أدري ليش الكل يجذب الشخص لازم يكون على طبيعته ومثل ما أهو واذا الثاني ماحبه مولازم يجذب علشان يحبه
اذا ماعجبك شخصي مثل ما انا مو لازم اجذب علشان أعجبك خلاص انا وانت مانتفق شنو المشكله
وحاليا لو الواحد يبي يتعرف على بنيه مايدري اذا اهي تقول الصج ولا لأ لان صار الجذب بين الشباب والبنات شي اساسي و حتى لو رحت حق وحده أخطبها هم ماراح تكون على طبيعتها لما تدري ان فيها اطباع تخليني ما اتزوجهها
الصراحه شي يضيق الخلق
|
|
12/3/2009 7:45:42 PM
|
tigerm
Posts 6
|
شكرا على الموضوع
|
|
12/6/2009 1:00:09 AM
|
Mohammed5
Posts 2
|
كح كح
بصراحه شدني الموضوع وحبيت اشارك فيه ولو انه متعلق بالبنات بس
بصراحه ماكنت متوقع يابنات حواء انكم شايلين بقولبكم علي الشباب جذي وشانين هالحمله الشرسه عليهم
بس كل اللي حبيت اقوله لكم ان اصابعكم ماهي سوي والله خلق وفرق فلاتحكمون عالموم وعموا ولاتخصون
وتقبلوا مروري
ودمتم
|
|
12/24/2009 12:27:11 AM
|
Alhoriya
Posts 3
|
السلام عليكم ورحمة الله وبركاته:
كل الشباب موجادين ووصلت فيهم يرسلون مسجات اعطيج فلوس وتطلعين معاي ماخافو من عذاب ربهم انا دشيت الموقع بغرض الستر والزواج خافوا الله يارجال حرام عليكم تلعبون علينا حرام تذكروا عذاب الله واذكر لكم قصة عن شاب واعد فتاة عن طريق النت وقالها روحي الشقة علشان اشوفج واتصل الشاب على ربعه وقالهم في بنت جايتكم ولما افتحوا الباب لها اغتصبوها ولما وصل الشاب الشقة افتحوا له الباب اطلعت البنت اخته والعياذ بالله ولاحول ولا قوة إلا بالله والله المستعان0
|
|
12/26/2009 8:41:41 AM
|
glbiq8i
Posts 3
|
السلام عليكم
وصباحكم ورد وطيب
اتمني الجميع بخير وان الله يعطي كل شخص علي نيته ويرزقه بمبتغاه
موضوع قيم ويستاهل ان الجميع يقراء لان فيه توعيه وفايده لكل جنس سواء ذكور ام اناث
يجب الانتباه من الصوبين
كم بنت وبنت ضاعت بسبب النت وكثير سمعنا عن قصص تشيب لها الروس
حبيت انبه وابلغ بالي اشوفه واسمعه وخص لخواتي البنات ديروووو بالـــــــــــــــــــكم
الله يوفق الجميع
اخوكم قلبي كويتي
|
|
12/27/2009 11:57:41 PM
|
Alhoriya
Posts 3
|
السلام عليكم ورحمة الله وبركاته:
شسالفة الزواج العرفي والمسيار والمتعة احنا وين قاعدين ترااحنا بالكويت ومانسينا العادات والتقاليد وشسالفة المهندسين ترا احنا عارفين الوضع نادر مايكون كويتي مهندس والباقي بالجيش والداخلية والحرس الوطني علينا هالسوالف ياشباب الجاد خل يدخل الموقع واللي موجاد يطلع احسن
|
|
12/31/2009 6:22:09 PM
|
bnsr1
Posts 24
|
اتمنى لكم جميعا ان تحقق امانيكم بزواج الاسلام
علشان ما يزعلون اللي يبون ( الزواج العادي )
اما اللي يبون الزواج الغير عادي !! اتمنى لهم ان يكفيهم شروره
اتمنى ايضا منكم ان كل واحد او وحدة يقول للباجي بالموقع و المنتدى
كل عام و انتو جميعا بخير و صحة طيبة
و انشالله تتحقق امانيكم جميعا بهذا العام و اللي اتمنى يكون جميل لكم و انتو انشالله جميلين و جميلات فيه
جميلين جميلات لانا بس شبعنا من جكركم
جميلات لانا ما نبي من سبة هالجكر مالكم انا نضطر ناخذ من بنات ادير غير
و احنا نوعدكم ( هين ) انا نصير لكم خوش رياييل علشان ما تطالعون رياييل ادير ثانية كذلك
هذا طبعا للي يبون زواج عادي !! اما اللي يبون الغير عادي ما يهمهم شنو اللي قباله
|
|
12/31/2009 6:26:28 PM
|
bnsr1
Posts 24
|
ما ضغطت على اضافة رسالة و راحت المشاركة بكيف اللي خلف المنتدى !!!
المهم كنت بختم بكلام الحين نسيته
لكن على الاقل اقول لكم
الله سبحانه يحقق امانيكم ... و امانينا !!
و كل عام و انتو بالف خير
تحية
|
|
1/4/2010 4:44:13 AM
|
asad111
Posts 1
|
بداية اشكر للاخوات الكريمات طرح هذا الموضوع المثير للاهتمام فعلا ,,
انا صارلي بالموقع يوم ومن خلال تصفحي للمنتدى وكم موضوع طرح فيه .. أأكد لكم باني وصلت الى حقيقة هذا الموقع بالضبط ..
ولاسف اقولكم بان السالفة فوضى عارمة ..فوضى تنظيمية ..اخلاقية ..دينية .. وهي تعكس بالحقيقة واقع المجتمع ..مع الاسف الشديد ..
ولا اخفيكم حقيقة مشاعري بالحزن والاسى الشديد تجاه ما لاقته اخواتي النساء من اصناف الحيل والخداع ..والمكر والدجل ..من فئة نزع الله من قلوبها اي مشاعر الرحمة والخوف من الله ..
فبعض الاخوات قد خسرت بعض الاموال نتيجة النية الصادقة وحسن الظن بهؤلاء السفهاء ..من خلال ادعاءات مختلفة نتيجتها اخذ اموالها بغر حق ..
والاخرى قد خسرت وقتها وجهدها نتيجة حركات لعب ومراهقة طفولية من بعض الشباب ..هداهم الله
ولكن ثالثة الاثافي و ما احزنني حقا وجرح مشاعري .. تلك الاخت التي تعرضت للاهانة وتعرض لشرفها ذالك الانسان المجرم عليه من الله مايستحق ..واخذها الى الجواخير ..اللهم جازه بما يستحق عاجلا غير آجل يا سميع الدعاء ..آآمييين
لذلك اخواتي انصحكم نصيحة اخ مشفق بان تعيدوا النظر بهذه الطريقة للبحث عن الزواج .. والتي لا يخفى عليكم عدم جدواها ..
وفي النهاية اسال الله ان يحفكم بحفظه ويكلأكم برعايته وان يقيكم شر شياطين الانس ..اللهم آآمييين
|
|
1/18/2010 5:42:44 AM
|
fawaz183
Posts 2
|
بسم الله والصلاة والسلام على سيد المرسلين سيدنا محمد عليه افضل الصلاة والتسليم
الاخوة والاخوات رواد المنتدى الكرام تحيه معطرة بريح المسك والعنبر ودهن العود
انا حبيت اشارك لاني قرأت بعض الردود وخصوصا احدى الاخوات قالت انه ينكسر خاطرها من بعض الشباب او الرجال ( الرجال اقصد كبار السن ) الذين يرغبون بزواج مسيار او زواج في السر ؟؟؟؟؟؟؟
طبعا هنا توضع علامات استفهام كثيرة ولكن اود ان تؤخذ النوايا الحسنه ولا ننظر الى ان الشخص جبان او لا يستطيع المواجهه
اختي الكريمه اخواني الاعزاء
انا احد هؤلاء الذين يرغبون بزواج المسيار وبشده ولكن ليس لاني جبان لا والله على ما اقول شهيد ولكن رغبتي هذه اتت من عدم استطاعتي على دفع مصاريف كبيرة وانا لدي زوجه واطفال ولله الحمد وساكن الى الان بالايجار لذلك لا استطيع اظافه مصاريف جديده حتى تسقط الحكومه الديون ( مستحييييييييييييييل يعني مافيه امل اتزوج ثانيه ) وبعد اسقاط الديون احتمال يصل الى 200% اني اتزوج وهذا ليس قصورا" في زوجتي الاولى ولله الحمد فهي على قدر كبير من الجمال والاخلاق ولكن رغبتي في الزواج هي تطبيق لسنه الرسول ( ص ) وايضا لتقليل نسبه العنوسه في بنات الكويت ( عذر بايخ ) والتكاثر لقوله ( ص ) تكاثرو فاني مباهي بكم الامم يوم القيامه
هذا والله يوفقكم ويجعل لكل رجل اربع زوجات انه القادر على ذلك
|
|
2/3/2010 5:25:56 PM
|
mhmmd
Posts 69
|
ابي اقول لكم عن شي و اتمنى محد يزعل
انا كرجل يحصل عندي شوية تساؤلات عن امور معينة ممكن تتم من ماني قايل الشباب و الشابات لا بقول من الذكرو و الاناث هل تحصل و الا لأ اذا تحصل فما هي الكيفية
ليش البنات يتصرفوا بشكل معين او الشباب اشلون يتصرفون تجاه هالشغلة قمت و سويت حساب لي في موقع ما قد يكون هذا الموقع او موقع مشابه
طبعا لاني ولله الحمد ما اعرف هالسوالف من قبل و الحين بعد ما وصلنا لهالعمر ما سويت ( update ) لشطانة الشباب اللي وايد تطورت عن اللي كنا نسمع عنه قبل
طبعا هذاالكلام صار له 3 او 4 اسابيع و الحساب الحين معلق ما افتحه
امانة اقول لكم انه من اول ما انفتح الحساب صار هجوم شبابي على هالحساب لهذه البنت المفترضة
بحسابي هذا ( Mhmmd ) بعض النساء اتصلوا ما قصروا و انا اشكرهم على ذلك .. ما صار لي اي اتصال باحد و لكن
انا اقول هالكلام من اجل التقريب و القياس قعدت فاتح الايميل ( البنوتي ) ساعه و من كثر ما دشوا على الحساب صرت كأني اسمع هيصتهم ( شوية مبالغة ) و انا على الكمبيوتر
الرسايل !! صار يبيلها قسم كامل لقراءتها
يتبع
|
|
2/3/2010 5:31:56 PM
|
mhmmd
Posts 69
|
الله عاد و الاساليب صج ربعنا الكويتيين عظم الله اجرنا فيهم و اساليب كلامهم ,,, الله يا التحلف و التكفر اللي ردحوا فيه ما خلوا لا نبي و لا صحابي ولا حتى غاندي و لا حتى هذا مال افريقيا سشمه الله يغربله .................. نيلسون مانديلا ( غوغلته علشان اذكره ) الا و حلفوا فيه
يحليلهم بناتنا اشوفهم مثل ما يقولون بانين لنفسهم مكان شوية عالي على الشباب و سايءين التوءل
اشوف منهم سلوك ما يتراكب ابدا و يتناقض ما بين البروفايل و الاراء المطروحة او حتى بالنظر الى الشباب
يعني عمليا يحق لهم البنيات يشوفون نفسهم مو اكو شباب ما يداوم و يسوي عمله اللي ياخذ عليه راتبه و لكن ماشالله
عليهم انتاج رهيب في الطردي ورا البنات
مو جذيه عاد بس الله يهداكم لكن شتقول آدي الله و آدي حكمته
امانة كانت تجربة مع انها قصيرة الا انها كانت غنية
ارد و اقول لحد يزعل
الكلام اللي حصل واااااايد بس ما ابي اذكر كل شي لان الموقع يتسكر او ينترس اذا دشيت بالسوالف اللي حصلت
اناالحقيقة قبل لا اختم اقول هالكلام من اجل توضيح شغله و هي انا كناس ما زال يبيلنا
يعني مثلا اشوف ردات الفعل على موضوع مثل الكذب و المصداقية و اسلوب الشباب الغير جادين
مو شي يديد اللي ينذكر بس ظنيت ان البنات مكتشفينه بشطارتهم و ذكاءهم
ابدا الا اهم ما اكتشفوه انما شافوه مجسد بالتفاصيل المملة
اعتقد اني ممكن اكتب شوية كلام زيادة لاحقا
يمكن !!
بس ابي اشوف شغلة معينة قبل و يمكن ارد و اكمل
تحية
|
|
2/9/2010 5:25:11 AM
|
asmarany33
Posts 1
|
السلام عليكم صج انا اول مره ادش المنتدى لكن انا لى راى وعبرت عنه كونى كاتب صحفى ماراج اقولكم اسمى لكن راح اقولكم اسم الجريده واهى جريدة الانباء واسم المقاله فضايح للبيع وانا تكلمت فيها عن 3 محوار واحد من هالمحوار مواقع الزواج اتمنى اللى يحب يقرى شنو رايى فى هالموضوع يزور موقع جريدة الانباء ويشوف المقاله ومشكورين
|
|
2/14/2010 9:39:18 PM
|
Tears2
Posts 96
|
السلام عليكم
ياهلا ومرحبا فيكم فعلا الموضوع شيق انا اول مره ادش المنتدى ولاحظت العجايب بالمنتدى
اولا:الجراه العجيبه بالشباب مااعتقد البعض عندهم مصداقيه بالزواج .....
ثانيا: النتدى حق من انا عارفه للكويتيين بس الي نلاحظ الغير وانا عارفه مافي فرق بين عربي او عجمي الا بالتقوي ....
ثالثا:ملاحظتي لبعض الشباب عدم ملاحظة بروفايل البنات وخاصه اذا كانت اكبر منه واذا سالت اني اكبر منك مافيها شي عادي لان فاهمه الحياة .....
رابعا :على فكره ظاهرة الزواج المسيار او العرفي انتشر بهذي الايام واقبال الشباب او البنات الى الظاهره ............
تحياتي لكم
|
|
صفحات
1 2 3 4 5 6 7 8 9 |
|---|