|
صفحات
1 2 3 4 |
|---|
|
1/7/2009 6:56:34 AM
|
Fmale
Posts 5
|
الصراحة موضوع حلوووو
اممم الصراحة انا شفت أسوأ مطعم بحياتـي الوجبات الرسيعة اللي ورا بيتنا لووووووووووووول
احلى مطعم فرايديز كولومبوس تشيليز .. وااي يعت
بس مابي اكتب اكثر عشان لاتقولون هاذي شكلها بطة حافظة كل مطاعم الديرة
|
|
1/10/2009 1:41:41 AM
|
amoooona
Posts 3
|
احلى مطعم هو فريج صويلح
واسوا مطعم هارديز
بس عموما انا ماحب المطاعم لان مضرة بالصحة
|
|
1/10/2009 6:21:05 PM
|
Pinkdream
Posts 5
|
أحى ىستيك تلاقونه بمطعم جاتشوا جريل في فندق النخيل
|
|
1/12/2009 4:56:45 PM
|
123asd
Posts 15
|
استغفرالله اسوأ مطعمين فاست فود ..كنتاكي وهارديز ..ماتحسه نظيف احس الدهن صارلهم دهر ماغيروا
اسوأ مطعم او كافيه ..paul ..اللي بالافينيوز من حيث النظافه ..اللي بالمرينا ماشفت عليه شي ..مرتين بيومين مختلفين يطلع لنا شعر بالاكل
لا يوم قلنا حق المانجر جان يقول : هايدي شعر حوااجب !
لوول يعني شفيكم متضايقين ترا شغله بسيطه 
وشخباري ميس الغانم ..انا من بعد الغزويمكن مو رايحة له عاد رحت له من قبل فتره ..جدااااا عادي ..الحين طلعوا مطاعم لبنانيه وايد أحلى ..عندكم المياس اللي بمنتجع تشيك ..عجييييب
وبس ..والمطاعم الحلوه وايد وكل مطعم تلقاه يتميز بشغله معينه ..والحمدالله اغلب المطاعم بالكويت نظيفه ..شوفوا مطاعم بره استغفرالله يا تاكل بالفندق ولا تتسمم
|
|
1/16/2009 11:29:18 PM
|
badwar
Posts 7
|
اسوأ مطاعم في الوقت الحالي ال 3 مطاعم الجديدة الي فاتحينها على البحر يسمونهم الضيافة فليج القعدة حلوه بس اكلهم مو زوود
منها المطعم الايطالي دون ماريوز والمطعم العالمي تردرفيكس والمطعم الفرنسي ليتر ديمور
والي سمعته وماجربته مطعم الهندي جديد في فندق ساس
ومع وجود هالمطاعم الا نينو يعتبر من المطاعم المفضله
|
|
1/31/2009 8:49:10 PM
|
amooooooon
Posts 1
|
أحلى مطعم بالكويت هو القاعة الحمراء بالشيراتون بوفيه للغداء ومطعم أبراج الكويت أيضا أكلهم وحلوياتهم شيء عجيب يخليك ما تقدر تتحرك من التخمة  ومطعم شيليز وفرايديز وجوكلت بار وميس الغانم ومغل محل وقيصر ومطعم الطاووس بالشيراتون هم تمام
أما بالنسبة لمن يرغب بأرقى ريوق طبعا اللونتر ،،،، مكان حلو وريوقهم راقي ،،،، والقعدة يم البحر أووووووه يامااااااااااااااااااااااااااااال
أما أسوء مطعم أنا أؤؤيد من قال مطعم آشاز بالمارينا مطعم هندي اكلهم كلش مو حلو ،،أسعارهم غالية على الفاضي صج مقصه،، حتى مشاربيهم ولا ديفل دلهى هذاماصخ وفيه فلفل !!!!
جان زين تعطون رايكم بالمطاعم الجديدة اللي على البحر علشان لا نروحها عقب نتحسف،،،،،مع خالص الشكر 
|
|
3/9/2009 4:30:46 AM
|
blooosh
Posts 2
|
يابانيه (وسابي)
والمأكوولات الهنديه والصينيه (الفايز) السالمية
والمأكولات الايطاليه (جوني كارينوز) البلاجات
والمأكولات الكويتية (زمان اول) السالميه
المأكولات الفرنسيه (تولالان) شرق
والمأكولات اللبنانية (فيلا فيروز) الشعب
والوجبات السريعه (ماكدونالدز) البحر
البوفيهات (كراميلاتون) الشعب
واتعس وأبيخ الطاعم .. هو بلاشك (( فرايدز )) & (( هارديز )) &((
|
|
3/9/2009 8:30:58 AM
|
MFLS
Posts 1
|
أسـوء مـطعم هـو مطعـم قطـعه 5 بصـرآحه مآ يعرفون يسوون جبـآتي مـع شـديد الـكره لــ/ رآعيه الطـرطنقي ههههههه
أمــآ مطـعم قـطعه 7 حــلوو وعــجيب يسـوي جبــآتي بــ/ البطآط .. ..{ ويــسلفني } ..
|
|
3/10/2009 7:53:17 AM
|
BentAboha
Posts 9
|
المطاعم كثيره بالكويت كل بيتين مطعم ..
بس احلي مطعم اهو اللي يخليك دووم تتذكره وتتذكر نكهاته
وبصراحه فريج صويلح احلي مطعم بالكويت
وكل اكلاته حلووه
بس يقثك وانت تنطر الدووور
ياليت صاحبه يشتري العماره كلها ويقلبها مطعم
........
|
|
3/18/2009 6:56:06 AM
|
m99
Posts 4
|
هاي ياأغلا ناسي ياكويتيين ياحلوين ياأكيله وذوق عندنا والزفره حوالينا
أفضل مطعم نودلز بس شويه غالي وأحب ديفاز وشيشتهم الحلوه وأحب فرح وكباب الحجه وماكدونلد ومطعم بلاليط عيشه لذيذ وايد مطاعم حلوه مثل روبي تيوزدي ابل بيز التباب الله يعز النعمه فطاير مقهى التنديل بابه جونز رهيب تكساس أحسن وأحلى من كنتاكي البطريق نازل مستواه وايد فيه شي زين
ألأسوء ريز وطباخنا في المزرعه
وشكرا لكم ودمتم سالمين من غش المطاعم
|
|
4/10/2009 5:22:02 PM
|
BANKER80
Posts 3
|
صراحة من افضل المطاعم البحرية مطعم seven seas
وفي مطاعم مثل الصنوبر اللي سووه مكان مطعم الدانة اللي عالبحر مطعم يديد ولكن في اقبال كبير لانه اصنافهم ممتازة
قعدتهم واكلهم موطبيعي ونظيف جدا
اما اسوا المطاعم فمع احترامي لكم المطاعم اللي الايدي العاملة فيها من الجنسية المصرية والله مو كرها فيهم لكن بصراحة ماكو نسم بالاكل الى جانب انه طريقة تحظيرهم للاكل ماهي نظيفة وشكرا
|
|
4/12/2009 7:50:30 AM
|
mzyoon29
Posts 6
|
السلام عليكم
افضل المطاعم بالكويت (((( فــــريـــــج صــــويـــــلــــح )))) حيث المأكولات الكويتيه الشهيه والرائحه الزكيه ههههههههه . بس عيبه زحمــه 
وافضل طبق بالنسبه لي (أموش ربيان) + (مرقوق)
وفي مطعم لذيـــــــــذ يذكرني بأيام قبل (((((((( ســـــــوبـــــر بـــــنــــــي ))))))) بحولي على الدائر الرابع مقابل مستشفى رويال حياه
هذا عجيب نفس السوبر بني الي قبل
بس ماكو على اكل ام العيال ( عيش مرات حب ومرات ماصخ + لحم مو مستوي + بطاط محروق ) الخخخخ
اكل اكل بيت ولا اروح المطاعم
وشكراً
|
|
6/18/2009 12:27:48 PM
|
chvygay
Posts 9
|
اقوال افضل مطعم فيج يا الكويت مطبخ امي الله يخليها لي والاسوء مطاعم الوجبات السريعه والله تلوع الجبد ابي اقول شغله بس جربو المطاعم نفسها الي بالكويت وجربوها بره وشوفو الفرق
|
|
7/11/2009 12:24:33 AM
|
KUWAITIEng
Posts 3
|
الصراعة موضوع شيق ويجب أن أدلو بدلوي
الصراحة افضل مطعم مطعم ساكت عجيب في خيطان مطعم هندي من الطراز يمكنكم تصنيف هالمطعم اذا زرتوا
المطاعم اللي ماودك تدخلها
1- كنتاكي او بلهجة الاخوة الصعايدة كنكاكي الصراحة هالمطعم هذا من أتعب مطاعم الوجبات السريعة لأنة فية من الشوائب ماهب ودب شعر صراصير لدرجة ان اخوي مره عض صمونة كنتاكي اسمحها مطافي حصل فيه زهيوي (صرصار) 8 سلندر طبعا رفع السماعه ودق على الإدارة وقالهم الموضوع اول شئ أنكروا الموضوع وقالوا مو إحنا اللي سوينا جذي قالهم اخوي انا ابي اروح للبلدية وهذي الصمونة معاي نط واحد من الاخوة اللي يشتغلون بالمطعم وقال لخو أنتو كم واحد قاله اخوي احنا غاعدين بالديوانية قال يعني كام واحد قاله 15 رد الاخ المصري قال دلوئتي راح أبعث 15 وجبة وماتزعلش طبعا اخوي اقتنع بالامر الواقع ووافق على العرض المغري وصدقوني الشايب الموجودة صورة على علب الدجاج يدري أن مطعمه جذي راح ينهان كان انتحر
2- ياجماعة مكدونلدس لا تغربووووووووووون لهلمطعم نصيحة مااب يالوع جبودكم بس هالمطعم هذا شغلة نصب في أمريكا وكل بلدان العالم
3- قهوة ستاربكس أنا قاطعتها لمن عرفت ودققت بالصورة اللي على كوب القهوة حصلت بأنها صورة لاحد ملكات اليهود واللي يحب يتأكد يراجع على الانترنت صور ملكات اليهود طبعا هذه الصورة من الاثار اليهودية نصرتا لديننا الاسلامي انا قاطعت هالقهوة
اسف على الغطالة الله يحفظكم
أخوكم /محمد
|
|
7/14/2009 12:13:06 AM
|
yousif_22
Posts 2
|
اسوء مطعم هو ماكدونالد ..مادري احس انه اكلهم طعمه كرتون ورق معجون بالهمبرجر والشبس ..
احسن مطعم ..المطعم الايطالي اللي اسمه صعب في برج النصار ..صج منظر روعه ..يا جماعة الاكل ذوق وفن ..
|
|
7/21/2009 10:44:04 AM
|
lonleyman
Posts 7
|
سلام
شخباركم الكل الرجال والسيدات
بصراحه وبكل فخر وآنا اتصفح المنتدى
شدني هالموضوع العجيب
بصراحه لقيته سخييييييييييييف وماله معنى
وارجو احترام وجهة نظري
يعني امانه خلصت المواضيع ومافي شي ينكتب خلاص
ولا الاخوان اللي هني وافدين ومايعرفون الديره ومطاعمها
خو الكل عارف انه الكويت المطاعم فيها كل يوم هبه
مره هالمطعم الكل يقول حلو وباجر فوق تحت لا يحوشك يلوع الجبد
اقول جابلو دواماتكم وشغلكم
وآنا بروح انام دام آنا بإجازه سعيده
على طاري سعيده ماتخبرون مطعم حلو وشغله نظييييييف
لووووووووووووووول بس كافي ملاقه
سلام حبايبي
|
|
9/4/2009 5:55:40 AM
|
acer_aspire
Posts 2
|
السلام عليكم....
بالنسبه لي أحلى مطعم مأكولات يابانيه (وسابي) البدع...
والمأكوولات الهنديه والصينيه (دعوات)بنيدالقار أو أبوحليفه...
والمأكولات الامريكية (فرايديز +ابل بيز)...
والمأكولات الكويتية (فريج صويلح)
والمأكولات اللبنانية (ميس الغانم + برج الحمام)
وبالنسبة لأسوأ مطعم (مراكش) مع احترامي لاخواني من المغرب ...
وسلامتكم
|
|
12/4/2009 6:19:07 PM
|
Mohammed5
Posts 2
|
بصراحت افضل مطعم بالنسبه لي (كقعده) قصريلز اللي في الصالحيه ببرج حمود فوق جاشنمال وبصراحه قعده ولا اروع
واللي يحب يشوف بو خالد عبدالله رويشد هناك اهو كله مطيح هناك ومطعم يمتاز بالهدوء ووليتات خافته وشغل عدل وقعده فووووووق بالبلكونه حق الشيشه والسمج من تحتك يبلبط والاكل اصنفه امممم جيدا جدا
بالنسبه للمأكولات البحريه Fish Market عــــجـــيـــب اذا يابلك هاللووبستر ام الربيان اووف والمحار والكالي ماري مو صج وبصراحه عطا النوخذه 1-0
واما للفاست فود والامريكان جليز وبيبز بيتزا
اما الهنديه فهو ولابلا منازع اشااااااااز صج غالي ويصلخ بس والله اكله حلو خصوصا العيش البرتقالي هذا مع الكازو مو صج
وبالنسبه للمطاعم الفرنسيه والريوق غير لانودغ(لانوت) لاتروح واسمحولي عالازعاج
edited by Mohammed5 on 12/5/2009
edited by Mohammed5 on 12/5/2009
|
|
1/14/2010 3:33:47 AM
|
bona
Posts 2
|
السلام عليكم
انا تخصص مطاعم و اموت على الاكل بس مو متينه اشوه بس قاعده انفجر شوي شوي
و ودي افيدكم بخبرتي العريقة و رايي بالمطاعم
:::ياباني:::
ماكو على (ماكي)احلى سوشي ..عيسى و سجوده و فولكينو و عندهم مقبلات الروبيان (تمبوره)لذيذه..ادمنا انا و خواتي عليها لين كرهناها
و اسوا مطعم يباني (وسابي) استغفرالله ايبون الاكل ني مو مثل ماكي..عقب ماكي طلعو 60 مطعم ياباني و ماجربت و ماراح اجربهم 
:::هندي:::
(تال) بعد مايبيله
(مغل محل) حلو بس مايصك على تال
و (دعوات) تبع تال و تره نفس الاكل بس تال على احلى
...كان في مطعم اسمه (((((((((((قلعة نواب))))))))) ...سكرووه مادري لييش؟؟بس بحياتي كلها ماكليت نفس اكلهم حدههههههههههههه لذييييييييييذ
و انا ضد كل اللي يمدحون (اشاز) لانه بس يبرد يصير مافي لا نكهه ولا طعم
:::ايطالي:::
(نييييينو) طبعا
و (التيسيمو) اللي ببرج النصار قعدته حلوه بس اكله ما يسوى..حده ماصخ ومافي طعم و غالي عالفاضي
يمدحون (ال تيتو) بس ماجربته
:::امريكي:::
(فرايدييييييييزز) امموووووت على البافالو وينجز و الفرايد مشروم
طلبي اللي عمره ماراح يتغير عندهم وايد لذيييييذ
و فرايديز البحر مستواه كل ماله و يتردى لانه صارو ماسكينه مصرييين !! مع احترامي لهم بس الفرق وايد واضح
و اسوا مطعم (روبي تيوزدي) على قولت وايت توليب...مادري ليش مبطل ليلحيين.... لانه صج فاشل!!
و على قولت رفيجتي ريحت الاكل مالهم اهي نفسها ريحت راس الثور مالهم
استغفرالله اكلهم ..............بدون تعليييييييييييييق و صج مادري لييش ما سكروه
:::فرنسي:::
ماكو احسن كلهم اسوأأأأأأأأ خصوصا (لينوتر)
امبيييييي اكلهم احسه ماعنده سالفه و كل اللي يشتغلون في منفسيييين و صراحه اعطيية 0 من 100
:::فاست فود:::
(ماكدونالز)...احلى ريوق بالعاااااااااالم ...وجبتي المفضله سوسج وذ ايقق يميميميميممممممممم
(برجر كنج) وايد لذيذ
(هارديز)...الله يهداهم الموظفين لو انظاف و ايبون الاكل حار نفس مطاعم الناس ...جان ماصارت سمعته مو شي..مع انه اكله لذيذ...صج انه الفرايز اسوا فرايز بالدنيا و بيبسيهم ماي مايووووو بس الساندوتش لذييييذ
(كنتاكي) نفس الطريقه بالضبط...
:::كويتي:::
(فريج صويلح) الكل يتكلم عنه بس انا اشوفه وايد عادي..في احلى منه وايد
(مطعم الخالدية) اللي بالرقعي جنه وايد اكله لذييذ لا يعلى علييه و في 2 مو 1...الاصلي اللي بالرقعي,,و يمدحون (ريدان) انا ماجربته..عندهم اكله اسمها مكتوم بس ناطره رجيمي يخلص و اجربها هيهيهيهيهيهي
مطعم (دانة الطواش) بعد لذييذ ....(الديوان) يم يم
كل هذول المطاعم احلى من فريج صويلح بالف مره
بس الضاهر لانه ديكوره و قعدته غير عن باجي المطاعم...عشان جذي هابين فييه
في مطعم اسمه (الستينات) بحولي..دشيتله بالغلط..خذيت منهم لقيمات مع اني ما احب اللقيمات هههههه بس صراحه شغل عدل...والمطعم يديد و نظيف و ديكوره كويتي ..بجرب اكلهم على يوم انشالله
:::لبناني:::
(الصنوبر) قمممممممممممممه بكل شي ..الاكل الخدمه النظافه السعر ...اموووت علييه 
(ايام زمان) بعد حلو بس ما ايي صووب الصنوبر و (فلا فيروز) هم حلوو ...ميس الغانم راحت علييه...مونفس قبل
و احلى عرايس عند مطعم (نادي اليرموك) يعت ههه
اسسسسوا مطعم (برج الحمام)...كموقع و قعده ايي حلو بس استغفرالله ....بدون تعلييييييييييييق
و سلامتكم....اتوقع بس ماخليت شي
اييي بسال عن مطعم ليتر ديمور ليش سكروووووووووووووه :@:@:@ كان واااااااايد حلو...تريقت فيه مره و كان خياااااال و عقب 2 مادري 3 شهور رحتله و لقيه مسكر
اللي يعرف وين اقدر احصل قلعة نواب و لتر ديمور يقولي بلييييز
|
|
1/19/2010 8:10:35 PM
|
redx
Posts 1
|
السلام عليكم شرايكم بوسابي البدع عجيب صح
|
|
صفحات
1 2 3 4 |
|---|