|
2/11/2011 9:07:48 PM
|
|
زواج المتعة للمقتنعين فيه من المذهبين فقط
|
بسم الله الرحمن الرحيم
عزيزي hanaac2000
أولا : أتمنى ان تكون انسان تجيد القراءة ،، لان عنوان هذا الموضوع : زواج المتعة للمقتنعين فيه من المذهبين فقط
ثانيا : من الواظح تهجمك على زواج المتعة و في هذا الموضوع .. ياخي باين عليك مو مقتنع ليش داش !!
بينما ما أشوفك تجادل و تناقش في موضوع زواج المسيار ..!! مع ان المتعة ذكرت بالقرآن و انحطتلك أدلة من القرآن
من الاعضاء الي ناقشوك و ما قصرو .. مشكورة جهودهم .
و انت مستمر في الجدال .. !! و تقول ان آية المتعة انها منسووخة ،، و انا كباحث علمي أشك في فهمك للنسخ
و فهمك للناسخ و المنسوخ ،، بينما في الكتب الجعفرية تأكد انها آية غير منسوخة و ان زواج المتعة صحيح
يمكن كلام الكتب الجعفرية ما تناسبك .. و اذا تناسبك ماله داعي تناقش
أما اذا تبي من كتب أهل السنة فهذا كتاب صحيح البخاري و هو كما يعتقد أهل السنة انه أصح كتاب بعد القرآن الكريم
يذكر لك في صحيحه الصحيح : 7 / 4 ، كتاب النكاح ، الباب 8 ، الحديث 3
عن عبد اللّه بن مسعود ، قال : كنّا نغزو مع رسول اللّه و ليس لنا شيء ، فقلنا : ألا نستخصي ؟ فنهانا عن ذلك ، ثمّ رخّص لنا أن تنكح المرأة بالثوب إلى أجل معيّن ، ثمّ قرأ علينا : ﴿ يَا أَيُّهَا الَّذِينَ آمَنُواْ لاَ تُحَرِّمُواْ طَيِّبَاتِ مَا أَحَلَّ اللّهُ لَكُمْ وَلاَ تَعْتَدُواْ إِنَّ اللّهَ لاَ يُحِبُّ الْمُعْتَدِينَ ﴾
و كذلك يذكر في .. الصحيح : 6 / 27 ، كتاب التفسير ، تفسير قوله تعالى : { فمن تمتع بالعمرة إلى الحج } من سورة البقرة
عمران بن حصين ، أخرج البخاري في صحيحه عنه ، قال : نزلت آية المتعة في كتاب اللّه ففعلناها مع رسول اللّه _ صلى الله عليه و آله و سلم _ ، و لم ينزل قرآن يحرّمها و لم ينه عنها حتى مات . قال رجل برأيه ما شاء .
نلاحظ بأنه ذكر " ولم ينزل قرآن يحرمها " يعني انها لم تنسخ و ظل الحكم القرآني جاري ..
اذا كنت حاب تتناقش في وايد أماكن ثانية تقدر تروح علشان تثبت شخصيتك فيها غير هذا الموضوع ..
ما أقول إلا
اللهم اكفنا شر الفتنة و مشعليها ..
|
|
2/12/2011 11:52:36 AM
|
|
زواج المتعة للمقتنعين فيه من المذهبين فقط
|
الاخت hanaac2000
الموضوع ليس موضوع رجال و نساء
بصراحة تصلحين تصلحين تشتغلين مؤلفة أفلام على السيناريو الي حاطته
إذا كان هذا الشاب المتعفف الذي رفض الوقوع في معاصي الله من (زنا و لواط ) كما هو متفشي في بعض
المجتمعات الغربية و العربية للأسف ..
الشاب الباحث عن رضا الله أصبح متعاطي للمخدرات و سكير و مجرم .. بأي عقل تحكمين
في البداية كانت معارضتج دينية و الحين قمتي تتهربين من النقاش الديني
عفواً .. أتمنى بس انج تحددين وجهتج لان باين أن بوصلتج بدت تعوم.. تبين تناقشين على أي أساس ؟
تبين على أساس ديني ولا على أساس تاريخي ولا على أساس عقلاني ولا على أساس القانون و حكم القانون .. ؟
لا تقعدين تخلطين الأوراق فبعض .. خلي النقاش يكون أكثر وضوح إذا بتناقشين ..
أولا بالنسبة للجانب الديني هل تقرين ان أدلتي مقنعة بالنسبة لج ؟
علشان نروح حق المرحلة الثانية .. و حددي شنو الجانب الي تبينه .
أرجو منج عدم الهروب
و اذا تبين نفتح النقاش بموضوع يديد يتناول التأييد و المعارض لان هذا الموضوع
مثل ما ذكرت عنوانه :
زواج المتعة للمقتنعين فيه من المذهبين فقط
و انتي مو مقتنعة فيه ..
فماله داعي تبثين أفكارج الغير مرغوب فيها بهذا الموضوع .
خلي روحج رياضية و بطلي موضوع يدييد سمية نقاشات حول زواج المتعة و حددي المحاور الرئيسية
علشان لما أدلتج تنزهق بالمجال الي راح تحددينة ما ترجعين ولا خطوة للوراء و تتهربين و تكون أوراقي و أوراقج مكشوفة
انا عندي قناعة انج راح تخسرين بوايد جوانب من النقاش
تدرين ليش .. لاني أدري ان قضية يسندها القرآن ، الي أهو كلام الله
قضية حق
(و قل جاء الحق و زهق الباطل إن الباطل كان زهوقا)
صدق الله العظيم
|
|
2/13/2011 4:28:47 PM
|
|
زواج المتعة للمقتنعين فيه من المذهبين فقط
|
الاخت hanaac2000
ما عندي مانع انج تتكلمين بحرية بس لما تتكلمين قولي شي فعلا يمس الواقع ،،
و على الاقل احترمي الناس الموجودة بالموضوع لانهم قرو انه اسم الموضوع شي و بسبتج
غيرتي مجرى الموضوع .. ياليت نحترم آراء الناس و فكرهم
علشان تكسبين الاحترام .
و أحب تعرفين اني انسان عادي مو متدين كثر ما اني باحث بالمواضيع الدينية .
دامج مقتنعة ان زواج المتعة يسبب كل هالمشاكل مع انه حلال و حكمة باين من القرآن
الأقربون أولى بالمعروف .. روحي قولي حق الي يتزوجون مسيار و عرفي .. ليش هجومج على زواج المتعة فقط
هل اهي عنصرية ولا طائفية او الاثنين معاً !!
و طلبي حكم العرفي و المسيار من وين يابوه هل هو على قولتج " حلال بين و حرام بين "
وهم حاب أعرف هل كلامج مساع الي على قولتج " الــــــــــــــــــحــــــــــــــــــــــــــريـــــــــــــــــــــــــــــــــــــــــــــم "
يتوجه للحريم الي يبون يتزوجون مسيار و عرفي بعد ولا هجومج خاص على المتعة ؟
ياليت تجاوبين على هالسؤال ..
جوابي على اسئلتج الخمسة :
١- إن كانت متزوجة متعة و تخاف الله و ماتبي تطيح فالحرام .. ياما شباب كانو متزوجين متعة من وحدة مطلقة
و كانت متزوجة متعة و كانو الحريم نعم النساء و قلب عقد المتعة "الزواج المؤقت " لي عقد زواج دائم !!
و هم ياما حريم كانو متزوجين متعة و على ما صار نصيبهم انهم يتزوجون دائم انهو عقد المتعة و انهو العدة و تزوجو دائم !!
أما بالنسبة لـ من غير علم أهلها .. شأنهم و اهما اعلم منج بأحكام زواج المتعة .
٢- سؤالج ماله داعي .. مو اختي .. لو بنتي بعد جوابي لأ لانها بكر و ينتظرها مستقبل أفضل .
هل تقبلين الزواج من البنغالي المسلم الي يخم الشارع كل يوم ان تقدم لج ؟
٣- عقد المتعة بالنهاية مدتة و مهرة راجع للشخصين نفسهم ..
وراح اسئلج سؤال بوزنة .. هل تقبلين الزواج بشخص يتقدم لج يقولج راح اتزوجج مسيار بـ دينار واحد بيوم واحد ؟
٤- ٦٠ مرة زواج متعة .. جم راح يكون عمرها ؟
(٦٠ * ٦٠) ٣٦٥ = ٩.٨٦ تقريبا ١٠ سنين عدة فقط !!
غير سنين الزواج نفسة !!
انتي كمطلقة و عمرج ٦٠ سنة شنو احتمال انج تتزوجين اصلا !!
سئلي اسئلة منطقة و عقلانية !
٥- بعد جوابي على اسئلتج هل تعتقدين انج سألتي اسئلة منطقية ؟
،،،،،،،،
|
|
2/14/2011 3:56:29 PM
|
|
زواج المتعة للمقتنعين فيه من المذهبين فقط
|
الاخت hanaac2000
الظاهر انتي دينج على كيفج و على رايج صح ؟
احنا دينا الي رضاه لنا رب العالمين .
أما اذا كنتي خايفة على النساء ،، فالنساء اهما بناتي و خواتي و امهاتي و اهلي ..
في وايد طرق ممكن الواحد ينصح فيها ،،
أختي الغالية
في حالة اي علاقة مع اي انسان في حياتج الزمي الحذر
خاصة اذا كانت هذه العلاقة علاقة زوجية سواءا من زواج دائم أو مؤقت
من عرفي او متعة او مسيار او كما تبيحه ملتج .
نصائح للزواج المؤقت ( متعة او مسيار او عرفي ) :
1- تأكدي عمرج و عمر شريكج يكون فوق 21 .. السن القانوني .
2- شريكج سواءا كان متدين او غير متدين اهم شي يكون ثقة و انسان يعتمد عليه
و ماعنده سوالف مخدرات و هالبلااوي .
3- اختيار المكان المناسب للعلاقة أمر مهم .. يعني لا تفكرون تروحون شقة مشبوهة
أو أماكن تثير الشبهة .. حتى فنادق حاولوا ما تروحون اي فندق ..
* شي معروف ان قانون الكويت اذا الواحد كان فبيتهم او في شقته و يشرب (سكير) و العياذ بالله و اهو فبيتهم
ولا في شقته (مكان مسكنه ) اذا ماكانت مشبوهة محد يقدر يسويله شي الا اذا اهله اشتكو عليه أو انه يكون طالع بره مسكنه و اهو
في حالة سكر .
* متى نقدر نقول عن المكان مشبوه اذا صارت الشقة نفسها مكان دعارة .. اشكرة عيني عينكم البلاوي داشة و طالعة .
أو ان مكان معروف انه فيه سكيرين و جذي .. اهني لازم تتوقعون ان عيون رجال الأمن على المكان .
* و شي مهم انكم ما تزعجون جيرانكم بالاغاني المزعجة و الصراخ بحيث انهم مايشتكون عليكم ،
و بصورة عامة باحترامكم للي حوالينكم و عدم الازعاج و الاسائة للآخرين ، يعني لا تعطون احد مجال يشتكي
عليكم ، فحالة ان احد شتكى عليكم المكان راح يتراقب .. و لما يتم التأكد ان هالبيت او هالشقة او هالمكان هذا نفسة
في شي يثير الشبهة انهي توقعو كل شي .
4-القيام بالفحص الطبي الشامل للتأكد من عدم وجود الامراض و الفطريات المعدية .
و أساسا هذا الفحص المفروض انه كل واحد منا يسويه عالاقل كل سنتين ،، بس للأسف محد ينبهنا عليه .
5- النظافة .. عاد اكثركم ما شاء الله عليكم ما تحتاجون احد يوصي .
هذا الي فبالي حاليا .. اذا اي احد عنده ملاحضات أو اضافات و يقدر يفيدنا لا تبخلون علينا .
|
|
2/14/2011 4:24:53 PM
|
|
زواج المتعة للمقتنعين فيه من المذهبين فقط
|
الاخت hanaac2000
طرحج الاخير كان حلو " اختي دكتورة تعمل في مستشفى الولادة ( الصباح ) ، و تقول الدكتورة : ..."
جذي تخليني احس اني قاعد اناقش بنقاش هادف .. لما بتتناقشين حاولي ما تتهجمين لا على اشخاص ولا على فكر
لان ردة الفعل راح تكون سلبية .
بس بطرحج الي قبلة كان اسلوبج مع بحريني ماله داعي
"واللي يرد .. يحليلك إنت بحريني .. هوب هوب .. منو سمحلك ترد .. "
سواءا بحريني ولا سعودي ولا كويتي ولا صيني
هذا موضوع و احنا قاعدين نتناقش فيه الكل مرحب فيه انه يتكلم .. و بحرية !
أعتذر منك اخوي بحريني اذا اسلوب الاخت hanaac2000 كان شوي هجومي 
ميخالف تعيش و تاكل غيرها
الاختي الغالية hanaac2000
.. اذا في نواحي تعارضينها بالزواج المؤقت (عرفي مسيار متعة او غيرهم ) و عندج ملاحظات تحبين
توضحينها لنا ما عندنا مانع ، طرحي النقاط الي تعارضينها كنقاط او ملاحظات
بحيث انه في مشكلة و شنو علاجها .. علشان النقاش يكون هادف
شاكر لج جهودج .
|
|
2/15/2011 4:09:23 AM
|
|
سذاجه أنثى أم ذكر
|
ماعنده و موديها مستشفى بهالسعر .. ذكرني بواحد من الشباب
صايرة موضة الموسم !
شكلها رايحة مستشفى رويال حياة ..
الله يهديهم
المستشفيات الحكومية فيها تقنيات عالية بس
هل الاطبة الموجودين قادرين على التعامل مع هذه التقنيات و بإحتراف ؟
|
|
2/16/2011 12:53:47 AM
|
|
مهم جدا ارجو الدخول (خاص للشيعه والسنه ) !!!!
|
احسنت
بارك الله فيك 
|
|
2/17/2011 10:51:06 PM
|
|
حكم تأخير الزواج لمن كان قادرا عليه
|
مشكور اخوي الكريم
يعطيك العافية على هذا الموضوع
للأسف بمجتمعاتنا عند العديد من الاهالي ان هالكلام صارله فوق 1400 سنه
و ما يتماشا مع زمنا الي الغلاء و التطلب و المهور المرتفعة و صارت موضة و يتفاخر البعض فيها .
و صار عند البعض الشاب لازم يكون مخلص دراسته و يشتغل
و مكون نفسه و بعدين يفكر يتزوج !
و يكبر الشاب و قد يكون تعود على المعاصي و الحرام
و بيده وظيفته و معاشه
خلاص ليش يتزوج و يحط مسؤوليات على راسه .. يظل يكمل حياته
و يشتريله الي يبيه و احلا سيارة و كل مرة يسافر ديرة ..
|
|
1
|