|
صفحات
1 |
|---|
|
2/14/2011 5:35:38 PM
|
ies
Posts 12
|
إنه أحد زملائي بالعمل ملامحه قد اختلفت كليا مما أستدعى سؤاله للاطمئنان
أنا: عسى ماشر يا بو فلان
هو: سلامتك أخوي بس المره على وشك ولاده ومحتاج فلوس لزوم المستشفى
أنا: ولا يهمك يا بو فلان ولا تشيل هم جم المبلغ
هو: 2000 دينار
أنا: ليش وين فيه أم فلان
وصدمني أن زوجته راح تولد في مستشفى خاص بالكويت وان فيه غرف ب 3000 دينار عشان 3 او 4 ايام
أعتراضي هو على الموضات الي كل يوم طالعه لنا بشكل الاستقبال لازم يكون بالمستشفى
طيب وين الاهتمام بالاصول بدال المظاهر الكاذبه
الى هذي الدرجه اصبحنا نعاني الخواء والفراغ والهامشيه واصبحنا قشورا فقط دون طعم أو لب او رائحه
اذا انا مو قادر اعيش في مستوى معين ليش اعرض نفسي واحس بالضيق عشان نظره الناس فقط
ليش اهتم للخارج وانسى واتجاهل الداخل
ليش ما نعيش مرتاحين بدون اقساط
ليش نحب نشعر ان احد زانطنا عشان نرتاح
الشرهه مو عليها الشرهه على هالزميل وعلى كل واحد مثل هذا الزميل
شعب يملك ثقافه أستهلاكيه مميزه
دمتم بتميز
|
|
2/15/2011 3:39:22 AM
|
hanaac2000
Posts 28
|
وانا اؤيد كلامك مليون بالمية .. كل واحد يفكر .. قبل اي شي .. اشراح يقول لرب العالمين لما يسأله عن هالمبلغ .. يقول علشان المرا لا تزعل .. ولا علشان أهلها .. و لا علشان صديقاتها .. ولا بنات خالتها ..
كل واحد حر يترس صحيفة اعماله باللي يبي .. كل عمل و له جزاه .. اللي يبي رب العالمين يعينة .. بس يغير نيته .. و تتعدل أموره .. لا يقول المرا أجبرتني .. غير نيتك لله ..
وبعدين .. مستشفى الصباح ( الولادة ) بالكويت .. تعتبر احسن مستشفى مزوده بكل الأجهزة و مستعدة لأستقبال المرضى .. و ياللي يتوهق بالمستشفيات الخاصة .. سواء الأم أو الطفل ، و تحدث لهم مضاعفات خطيرة .. يتم ارسالهم إلى مستشفى الصباح بسيارة الاسعاف .. من المستشفيات الخاصة .. حتى لا تحدث عندهم حالات وفيات يساءلون عنهم قانونيا .. فيتبرون منهم و يرسلونهم إلى مستشفى الولادة ( الصباح ) ..... و لذلك من الأول .. بدل ما تتشحتف الأم .. أو الطفل .. روحوا اهناك احسن .. وربي الحافظ ..
المستشفيات الخاصة .. تستخسر أنها تصرف معاش قوي لدكتور كفؤ .. و تستخسر انها تشتري أجهزية طبية غالية .. و لا تريد أن يموت عندها مريض .. فيتم ارساله للمستشفى الحكومية .. التي بها كل الأجهزة الغالية بالدنيا .. و التي قد يصل سعر الجهاز الواحد إلى عدة ملايين .. الحكومة تصرف .. و المستشفى الخاص خبة على الفاضي ..
صديقتي .. تقول .. ذهبت أمها للولادة بالمستشفى الخاص (( الفلاني )) فحدثت لها مضاعفات فتم ارسالها إلى مستشفى الولاده و بالطريق توفت أمها (( أنا اعلم ان الأعمار بيد الله سبحانه و تعالى ،، و أن عمر الأم قد انتهى )) ولكن المستشفى الخاص .. لا تريدها ان تموت عندهم .. فأرسلوها لمستشفى الصباح .. فطبعا اضطر الأب أنه يربي اطفاله الحديثي الولاده (( كانوا توأم )) يعني خسر الام و خسر الزوجة .. لا حول ولا قوة إلا بالله ..
فياليت تنصح صديقك بالدوام ،، وو الهدف .. السلامة أولا .. وليس الرفاهية ..
|
|
2/15/2011 4:09:23 AM
|
_FreeDom
Posts 8
|
ماعنده و موديها مستشفى بهالسعر .. ذكرني بواحد من الشباب
صايرة موضة الموسم !
شكلها رايحة مستشفى رويال حياة ..
الله يهديهم
المستشفيات الحكومية فيها تقنيات عالية بس
هل الاطبة الموجودين قادرين على التعامل مع هذه التقنيات و بإحتراف ؟
|
|
2/15/2011 7:30:55 AM
|
JOORYAT7B
Posts 2
|
اول شي الي عنده والله انشالله ايسافر بزوجته وايخليها تولد محد له شغل فيه اما ما عنده وايسوي فيها ولد فلوس وتفلسف زايد واخر شي كله ديون وسلف والله عيب
ثاني شي الزوجه لازم تقدر ظروف زوجها مو شوف فلانه وين ولدت وعلانه وين سوت استقبالها لان ان شفتي الناس ومو مقتنعه بحياتج وظروفج طول عمرج ما راح ترتاحين ولا اتعيشين سعيده
مو تجبرين الريال يتسلف وياخذ ديون علشان بس اتقولين انا ولدت بالمستشفى لفلاني يعني شوفو كشخه واخرتها سلف وما عندهم حتى ياكلون لول
اخر شي اقول القناعه كنز لا يفنى وسلامتكم اسفه على الاطاله 
|
|
2/15/2011 1:28:23 PM
|
ies
Posts 12
|
hanaac2000
كلام في الصميم وماشاء الله لقطتي الجزء الثاني من الموضوع عن المقارنه بين المستشفيات الحكوميه والخاصه
وفرتي علي الجهد وبطريق افضل فشكرا لك
كما أتمنى أسقاط هذا المنهج على باقي أمور حياتنا وأن يصبح لدينا حس استهلاكي ومقاطعه ذاتيه فرديه لمواجهه هذا الغلاء المتفشي
ولا يقتصر الامر على هذة الناحيه
لكن أعتذر عن تقديم النصح لهذا الزميل وليس الصديق
هناك من لن يتقبل وهذا من هذة النوعيه
شكرا لك كثيرا
|
|
2/16/2011 1:46:11 PM
|
ies
Posts 12
|
شكرا للجميع على هذا الاثراء والاستجابه سلبا أو أيجابا
الردود تحمل صفة الموافقه على كون هذا يعتبر أسرافا ومظاهر خادعه
السؤال المحير هو
كيف تغلغلت هذة العاده السيئه لتصبح قاعده أساسيه للولاده؟
ربما هي الاعلانات وربما هو حب التميز وقد يكون شيئا آخر
وفي كل الحالات يعود السبب الحقيقي لبروز هذة الظاهر المرضيه
لتغير اخلاقياتنا وضعف في الثقه في النفس والمرض الأجتماعي الشكلي
تحيه لكم وقبله على جبين كل من مر هنا
|
|
2/16/2011 11:17:51 PM
|
ies
Posts 12
|
rtc
الشكر لك يا عمي
اتقبل فكره الاحتفال بالطلاق لما يكون الريال ما يسوى درهم ولا ريال
لكن أني ادفع 6000 دينار بعد الاربعين خلها في بيت ابوها وخذ غيرها وخل برستيجها ينفعها
الحظ الشين مو دايم وبنات الديره السنع فيهم اكثر من الخمال
وأنت الصاج اصحاب العقول في راحه وراحته انه يعرف شلون يتصرف بالحالات هذي
بناتنا بس محتاجين الي يناقشهم ويقنعهم أن الاشياء هذي خراب مادي وتاثر على استقرار الاسره
وقبله على جبين الكل
أخوات وأخوه
|
|
2/19/2011 2:35:53 AM
|
ies
Posts 12
|
والنعم فيك أختي الكريمه
مجتمعنا الكويتي مجتمع متواضع ومترابط وصحي لدرجه كبيره والامراض الي يعانيها قليله
لكن لاحظت هالفشخره الزايده بدت تغزو المجتمع وتحولنا الى مجتمع استهلاكي
ومجتمع يبحث عن المظاهر
يعني الطريق القادم صعب ولازم يبدأ العلاج بدري شوي تجنبا لاستقرار السلبيات كعادات في المجتمع
ما الومك في كل كلمه لكن اقول لازلنا بخير والبركه في امهات الجيل القادم
شدو حيلكم يا بنات حواء طلعولنا جيل مثقف والبدايه تكون منكم
|
|
صفحات
1 |
|---|