|
3/28/2015 10:38:42 PM
|
|
حالات الزواج عن طريق موقع خطبة
|
مساء الخير جميعا ،، انه من رايي ان بالعكس هالموقع يسهل أمور التعارف والتواصل قبل مرحلة الخطبه الرسمية و الزواج ، يعني صحيح الواحد مايعرف نية الشخص اللي قاعد يتواصل معاه بس يعتمد هالشي على شخصية كل واحد و هدفه ، و من خلال التعارف والتواصل مع الوقت اميه بالاميه راح تعرف هالشخص شنو هدفه أو شنو يبي منك أو اذا كان فعلا جاد أو بس يبي يضيع وقت ، انه برايي كل شي يبين من خلال الوقت ... وشكرا
|
|
12/12/2015 9:31:22 PM
|
|
من هو الرجل الذي لا تنساه المرأة ؟
|
الرجل الذي لاتنساه المرأه هو المثقف الواعي الذكي في تعامله مع المرأه ، على فكره المرأه مخلوق لطيف حتن لو كانت شخصيتها قوية اتظل تتأثر بالكلمة الطيبه والمعامله الطيبه ، المره تحتاج عاطفه و رومانسية و حنية من الرجل ، تحتاج ان الرجل اللي معاها يكون ظهر و سند لها و يتحمل المسئوليه ومايعتبر ان الزواج أيام معدوده و خلاص ، يحط اباله ان الزواج حياة و عشرة طويلة و تحمل لأبعد الحدود ، تحمل اختلاف الشخصية بينه وبين زوجته تحمل اذا امرضت او صار فيها شي مايتخلى عنها بالعكس يوقف معاها اكثر و اكثر ، يساعدها ابشؤون الحياة اللي شايلتها ابروحها على عاتقها ، المره ماتبي غير رجل بمعنى الكلمة فيه النزاهة و الشهامة والموقف الجاد و التصرف الحكيم .
|
|
12/12/2015 9:48:59 PM
|
|
مواقف وقصص واقعية من موقع خطبة
|
بالنسبه لي ما احب اقول شنو صار معاي بالضبط في الموقع بس احب اقول ان مشكلتنا احنا البنات معظمنا انصدق الحجي الحلو ابسرعه و نتبع عواطفنا من غير عقل و حكمه ، المصيبه اني أقول لأ هذا غير و هالمره احساسي بكون ابمحله و اتفاءل ان هالانسان صادق معاي لي صار جم مناقشه و حوار معاه أكتشف انه يبي متعه ، مايستحون والله ، يعني في بروفايلك كاتب زواج عادي و تتلصق ابنات الناس و اللي عايلتها معروفه واللي حالتها حاله مو الكل يرضى و يرغب في هالزواج ليكون عشان الوحده اذا انفصلت يعني لازم تروح ابهالطريج ، استغفرالله مايدرون انها مو ناقصه و يمكن تكون طالعه من زواجها السابق مظلومة موناقصة اتزيد قصة فاشله على قصتها و احباط و فشل اضافي ، يعني اللي اتسجل في هالموقع مومعناته انها مومحترمه او تبي تلعب ، ليش مانصير مثل الغرب انه عندي اهمه يستخدمون يمكن هالبرامج ابشكل مفيد اكثر منا احنا العرب ، عالاقل لو مايصير نصيب يطلعون من العلاقه ابصداقه ، احنا لا اذا ما اعجبه الوضع انحاش اي لييييش عاااد ، خلك صريح و انت ريال موحلوه اي مره تاخذ عنك فكره انك مو قد الموقف ، خلك عند موقفك و قول رايك ابكل صراحه تعذر قول ماقدرت احبج يافلانه او ماعجبني شكلج انه احب ملامح ثانيه او من خلال مناقشتي معاج ماعجبتني شخصيتج بس يختمها اتظلين اخت و عزيزه وغاليه ولج اخترامج وانه اتشرفت ابمعرفتج فيها شي هذي والله مافيها شي ولو كل واحد يطبقها جان بالعكس ماصار اكتئاب ولا احباط و الدنيا اتصير ابخير .
|
|
1
|