|
11/7/2008 5:32:08 AM
|
|
هل تفضلون الزواج التقليدي( الاهل) او الزواج عن حب
|
انا بالنسبه لي متزوج زواج تقليدي بحت مو 100% الا 1000000% ليش انا اقولكم.
انا تزوجت وكان عمري 23 سنه فطبعا كانوا الاهل اهما اللي يدورولي على زوجه وانا كنت مريح بالي مالي شغل يبون يزوجوني غصب ومو راديين علي تتزوج يعني تتزوج المهم مالكم بالطويله على قولتهم .
فلما لقولي بنت الحلال يو وقالولي يالله ترا لقيناك مره زهب نفسك باجر تروح معانا لهلها طبعا انا صكتني ام ركب مو قادر اشيل نفسي ههههههههههههههههههههههههههه
المهم رحنا من باجر عشان تكون الخطبه عاد رسمي فقلت للوالده الله يرحمها ويغمد روحها الجنه يمه انا ابي اشوف البنت قالت ان شاء الله انا اكلم امها وان شاء الله تشوفها قلت ان شاء الله
طبعا وصلنا لبيتهم الحريم راحوا الصاله عند الحريم وانا والوالد الله يرحمه ويغمد روحه الجنه واخوي الجبير قعدنا بالديوانيه مع ابو البنت الحين تفكيري كله بالبنت ابي اشوفها , شوي والا ياي اخوها الصغير جان يقول امك تبيك هو قال جذي انا ركبي مو قادره تشيلني وقمت اصب عرق المهم بالاخير شنو طلع ام البنت تبي تشوفني فيني شئ اعرج فيني حوله تبي تشيك علي هههههههههههههههههههههههههههههههههههههههه
وانا قاعد اتلفت يمين يسار ما في شئ المهم رديت الديوانيه وقعدت , بعد شوي عاد مشينا ركبنا السياره سالت الوالده يمه ليش ما كلمتي ام البنت عشان اشوفها ,جان ترد علي قالتلي ام البنت مو راضيه انك تشوف ينتها ههههههههههههههههههههههههههههههههههه
هني زعلت قلت خلاص ما ابي بنتهم جان يقول اخوي الجبير مو بكيفك تاخذها والا ازعل عليك , عاد اخوي الجبير ما احب ازعله لانه ابو البنت رفيجه جان اقول اوكي ماشي بس الله يستر من اخرتها.
المهم ما شفت زوجتي الا يوم العرس , فعاد هذا الزواج التقليدي , وانا اشوف انه فيه عيوب وفيه ايجابيات وما في شئ بالدنيا كامل والكمال لله وحده.
الزبده اسال مجرب الزواج التقليدي افضل بنظري .
أحمــــــــــــــد***
|
|
11/7/2008 7:41:12 PM
|
|
هل تفضلون الزواج التقليدي( الاهل) او الزواج عن حب
|
khale_dm كتب:
guest_q8 كتب: انا بالنسبه لي متزوج زواج تقليدي بحت مو 100% الا 1000000% ليش انا اقولكم.
---------------------------------------------
بصراحه اخي الغالي احمد مشاركتك جميله جدا كالعاده لا تخلو من المرح والاسلوب الممتع في سرد وقائع زواجك
بينت لنا انك تؤمن بان الزواج التقليدي هو الزواج االافضل والانسب لكل شخص يبي يتزوج
-حبيت اخذ رايك اخوي احمد بمشاركة اخونا( كربلا) اللي يعتقد فيها ان الاساس في الزواج هو الاحترام وتحمل المسؤوليه وفهم معنى الزواج اهم من الزواج التقليدي او زواج الحب...
شرايك بكلامه؟
اخوكم/خالد --------------------------------------------------------------------- مشكور اخوي خالد على الرد هذا من ذوقك وحلاة الانسان ما يكون دمه ثقيل , وحلو لو انك تتكلم بنوع من الفكاهه عشان اللي يقرا كلامك يستمتع وبدال ما يكشر تلقاه يبتسم .
بخصوص كلام اخوي كربلا انا اشوف انه كلامه صحيح بخصوص الحب , اهوا قال ( لانه الحب قبل الزواج .. يتغير مفهومه بعد الزواج ... ويتغير بعد ما يكبر الشخص سنة بعد سنة) اللي فهتمته من كلامه ان الحب الصحيح اهوا الحب اللي ييي بعد الزواج من خلال تفاهم الزوجيين واحترامهم لبعض وتحملهم المسئوليه .
وانا مقتنع بان الحب الصحيح واللي تستمر فيه الحياة الزوجيه هو الحب اللي ييي بعد الزواج , اما اللي قبل الزواج انا اتوقع انه ما راح ييكون بنفس القوه بعد الزواج ويمكن ما يستمر .
اما بخصوص كلام اخوي( بانه الاساس في الزواج هو الاحترام وتحمل المسؤوليه وفهم معنى الزواج )كلام صحيح , بس الاشياء هذي تيي بعد الزواج والعشره هني يبين الكلام من الفعل هل راح يتطبق هالكلام والا لا .
وصدقني كربلا التوفيق من الله ماله شغل كان تقليدي والا عن حب , بس انا اقول الزواج التقليدي اهوا الزواج اللي يحفظ للبنت كرامتها .
أحمــــــــد***
|
|
11/8/2008 12:32:12 AM
|
|
نصائح مفيدة ... للجنسين
|
نصيحتي للبنات اهيا , اذا الله وفقج وياج نصيبج حطي ريلج بعيونج ترا الريال لما يشوف زوجته مهتمه فيه صدقيني ما راح يقصر معاها وراح تكبر بعيونه وخلي نفسيتج مع زوجج حلوه والابتسامه ما تفارق ويهج ولا تكثرين عليه الطلبات ترا يطفش بسرعه وخاصه السوق, فقط للاشياء الضروريه هم الريال له حق يبي يطلع يروح الديوانيه او اي مكان ثاني فلا تحرقين عليه اليوم في مشاوير مالها داعي ترا يزهق منج ويطنشج .
خلاصة الحجي خلي عشرتج معاه حلوه ولا تنكدين عليه عيشته.
أحمــــــــــد***
|
|
11/9/2008 2:48:49 AM
|
|
للمتزوجين فقط
|
الصراحه تفاجأة بعد ما كتبت هالموضوع من عدم اهتمام الكثير في ابداء رايهم مع ان الاسئله واضحه وما يبلها شئ بس محتاجه ( الصراحه )
وكنت متوقع وقتها انه راح يشارك بالموضوع الكثير من الاعضاء , ولكن إكتشفت وبنفس الوقت كشفتلكم حقيقة الكثيرين منهم , وإنهم غير جادين واللي شايف نفسه جاد عليه ان يثبت
هالشئ .
وبالنهايه أشكر كل من شارك بالرد على الموضوع وأهنيهم على صراحتهم وأتمنالهم التوفيق .
وبانتظار مشاركتكم وأتمنى انه يزيد عدد الجادين .
أحمــــــــــــــد***
|
|
11/10/2008 7:40:06 AM
|
|
لاتقولون مادري رايكم
|
T0Z00N كتب:
شلونكم اصدقائي
بصراحة في نقاش شدني وحبيت اطرحة اهنيه في الموقع
وخص البنات هالموضوع
ولي يعطي الرأي في الموضوع الشباب
ودي اعرف هل البنية لي طاف عمرها 21 تكون عنست على الزواج
فهمو المقصد مو معناتها يعني صارت كبيرة وخلاص قصدي البنت لو بلعمر هذا واصغر
يكون افضل من لاتكون كبيرة
من ناحياتي مادري احس لو تكون اكبر افضل
فرايكم شنو ....
----------------------------------
بخصوص سؤالك أخوي خصيت البنت التي لم يسبق لها الزواج
فانا اشوف انه البنت البكر تعتبر عانس اذا تعدى عمرها الثلاثين اما البنت اللي عمرها بالعشرينات ما تعتبر عانس بالعكس توها صغيره
وانا بالنسبه لي ما افضل الزواج من البنت اللي عمرها تحت العشرين لاني اشوفها توها صغيره وافضل البنت اللي عمرها من عشرين الى ثلاثين سنه
وطبعا تختلف الاراء من شخص لاخر وكل شخص يفضل العمر اللي يشوفه مناسب له على حسب عمره وتفكيره
خلاصة الكلام البنت في عمر العشرينات لا تعتبر عانس .
تقبل مروري
أحمــــــــــد***
|
|
11/13/2008 12:09:43 AM
|
|
من هو الرجل الذي لا تنساه المرأة ؟
|
s3ad7036444 كتب:
الغريب ان الحريم يحبون اللي يتعامل معاهم بنشافه ليش ماادري؟ واللي يتعامل معاهم بحنان وعاطفه وصدق تكون معاملتهم بالعكس هم ليش ماادري؟
----------------------------------------------
صح السانك سعد
على فكره الحريم طبعهم غريب وايد مو شوي الزوج الطيب مع زوجته ويحن عليها وكل ما اطلبت منه شئ يابلها صدقوني بنظرها ضعيف شخصيه وراح تقول عنه هذا خبل مو ريال ,الحريم ومع احترامي لهم طبعا ما انعمم بس الكثير منهم يحبون الريال اللي يشد معاهم اللي يرفض عشر طلبات لهم ويوافق على طلب الحريم عموما ما يحبون الريال الطيب وعلى قولتهم المره لو تعطيها كل شئ بس مره ما تلبيلها طلب قال انت فيك وفيك وفيك ونست كل اللي سويته لها.
خلاصة الحجي المراه تحب الريال اللي يشد ويرخي وما تحب اللي دايم راخي معاها واخذوها مني واذا مو مصدقيني سألوهم وشوفوا شنو راح يقولون .
أحمــــــــد***
|
|
11/13/2008 12:17:39 AM
|
|
ماذا ستكتب على جدران الزمن؟............
|
وانا راح أكتب ذكرى للابـــد كربــلا و خــالـــد و أحمـــــــد
يوم الخمـــيس
الموافق 12/11/2008
أحمـــــــــــد***
|
|
11/20/2008 12:49:39 AM
|
|
مـن هي المـرأة التي تجـذب الرجـل؟
|
انا من ناحيتي اشوف انه المره اللي تعجبني شخصياتهاهي :
1- طيبة القلب ( الحنونه )...
2- الهادئه ...
3- المأدبه بتعاملها ...
4- القنوعه ...
5- الجميله باخلاقها ...
6- المبتسمه ...
7- المرحه...
8- الذكيه ...
9- الاجتماعيه ...
10- المتدينه...
طبعا ما في مره فيها هذي المواصفات كلها بس لو تحقق نصهم زين ....
|
|
2/1/2009 5:40:03 PM
|
|
زوج يؤدب زوجته بطريقة رائعة وعجيبه
|
مشكور اخوي على الموضوع الجميل بصراحه , وهذه حقيقه لا تخفى عن كثير من المتزوجين , المرأه في وقتنا هذا صدقني ما يهمها ان تظهر بمظهر جميل امام زوجها حتى يقول لها ما شاء الله انتي جميله , هي تريد ان تسمعها من الناس الاخرين حتى تشعر بالسعاده لذلك تجدها تضع المكياج وتذهب للصالون وتعمل شعرها وغيره من الاشياء حتى تظهر امام الناس بمظهر المرأه الجميله حتى تشبع نقص تعاني منه وهي عدم الثقه بجمالها وتريد ان تراه بعيون الناس والانسانه الواثقه بنفسها لا تعمل كل هذه الاشياء للناس حتى تسمع منهم المديح بل سوف تسمعه منهم بدون عمل اي شئ والجميله جميله من دون ان تعمل بنفسها شئ ولكن المشكله تكمن في المرأه القبيحه التي تنسى زوجها وتتزين للناس , وللاسف هم موجودين بكثره بوقتنا هذا
تقبل تحياتي..
|
|
2/3/2009 1:26:06 AM
|
|
متى تخون المرأه
|
مشكور اخوي على الموضوع بس انا عندي ملاحظات على الكلام اللي قلته...
اولا ومن تجربه أرى ان المرأه تستحق ما ذكرته لكن ليس كل النساء فبعضهم تتقبل منك وتبادلك نفس الشعور وتستحق ان تعاملها بهذه المعامله اللطيفه اللي ذكرتها ولكن هؤلاء النساء قليل , فالاكثريه منهم مهما عملت معهم وانا اقول الاكثريه لن تجد منهم نفس الشعور وسوف تجد منهم التكبر وعلى قولتنا بالكويتي تقعد تتغلى عليك وتزعل وتلوع جبدك لانك حسستها انك ضعيف وانك متعلق فيها وصارت اهيا الاقوى ,وانا افضل ان تعامل زوجتك مثل ما تعاملك ان كانت طيبه معك وتحبك بادلها نفس الشعور وان كانت مهملتك ولا تدري عنك ومعطيتك بو لباس فعاملها مثل ما اهيا تسوي معاك , فلا نقص على بعض ونسمعهم كلام جميل , فالطيبه تستاهل الطيب والمعامله الزينه والقشره عطها بو لباس تقلقاها تركض وراك ,
خلاصة الكلام عاملها مثل ما تعاملك المرأه جذي لا تعطيها ويه واهيا مطنشتك لانك بالاخير انت الخسران وراح يستمر طناشها لك وما راح تطلع بنتيجه الله خالقهم جذي شنسوي يحبون اللي يطنشهم ويطنشون اللي يحبهم ...
|
|
1 2 3 4 5 6 7 8
|