View User Profile - Khitba Forum Forums

zarkovic - جميع رسائل المستخدم

6/24/2010 1:45:01 PM
لا يليق	اللامبالاة طبع سيء و قد أمرنا بمداراة الناس و على المسلم ان يهتم بشؤون المسلمين و لكن اللامبالاة مفيده عندما تكون رجل بين نساء أجانب فعليك ان لا تبالي بتصرفاتهن القبيح منها و الحسن دعها تفعل ماتشاء و سوف ترى بعينك ردود افعال عجيبه بسبب لا مبالاتك و خصوصا عندما يصدر منهن عمل غير لائق يعني تطمش و قول الحمدلله على نعمه العقل بس لا تقول شنو شفت خله سر و خلها مستانسه بروحها
6/24/2010 4:26:12 PM
الرجل الكويتي	الرجل الكويتي مظلوم و مطيع بس مشكلته ذكي زياده عن اللزوم و ثقته بنفسه عاليه جدا بس مشكلته انه ما يحب يبرر مواقفه حق الغير (يعني فهموا الي تفهمونه ) رجل حقاني فاهمينه انه نحيس رجل مستقيم قالو عنه نفسه خايسه رجل يستحي سووه متكبر رجل حليم و مسامح قالو عنه ضعيف باختصار رجال الكويت عيال حلال و مظلومين بس الحين طقت جبودهم و الأجيال قامت تنحل من المبادئ يعني الي أنت خابر راح يترحمون على الرجل الكويتي بس ما أدري ليش الحريم دايم يفسرون التصرف بالجانب السلبي ؟ عيل الرجل ذو الكلمه الطيبه قالو عنه يقلقس و انتهازي ؟ ما علينا من كلامهم كل واحد و له نظرته
6/24/2010 5:51:43 PM
الاماكن الترفيهية في الكويت	ميدان الرمايه بصبحان و في اشتراكات نسائيه بعد لتعليم الرمايه بأكثر أنواع الأسلحه ( الدفع الرشاش , و المسدس الشخصي , و البنادق Shotguns ) و يقدم الميدان دروس نظريه عن مختلف الاسلحه ميادين الرمايه مغطاه و مكيفه الي مادش تجنيد و فلت منه خل يروح يرمي داخل المكيف
6/25/2010 4:56:01 PM
أين تذهب هذا الأسبوع؟	احسن مكان الواحد يروحه نهايه الاسبوع اهو الفراش يحط راسه و ينام
6/25/2010 5:39:41 PM
موقع خطبه و الاحتيال	السلام عليكم و رحمه الله و بركاته بدايه بقولكم سوالف -رجل أعزب عمره يقارب الخمسون سنه تزوج من خادمه أمه ليحصل على بيت حكومه و من ثم يتركها -أمرأه طلبت الطلاق لان زوجها يصدر صوت عند شربه للشاي -رجل عشم فتاة بالزواج بشرط ان يجربها (كم كيلو يبي يجربها ) و بعد ما طيح مكينتها هدها من الملام هنا ؟ ------------------------------------------------------------------ موقع خطبه فتح أبوابه للناس حتى يجدو الشريك الناسب و تذمر أكثر الناس على وضع رسوم ماليه للموقع و عندما لم يجدو المطلوب قالو نصب و احتيال ممن ؟ من النصاب ؟ موقع خطبه نصابين ؟ أم التي تسجل بالمواقع و تطلب زواج متعه و هي متزوجه ؟ أم التي ترغب بزواج مسيار بدون عقد و لا شهود ؟ كلا الموقع النصاب ليش ياخذ علينا فلوس و ماكو زواج و موقع خطبه ياب سمسارات ياخذون حريم من الموقع ؟ و موقع خطبه الي قال حق الرجال سجلو على ابو انكم حريم ؟ انا ادري مدير موقع خطبه ما راح يعجبه موضوعي عاد كيفه بس تبون الصج لازم موقع خطبه يخلي حتى الشات الشخصي بفلوس ليش ؟ لانه طماع و نصاب و يستغل حاجه الشباب و البنات حق بعض تعالو تعارفو عندي و عطوني 10 دينار بالشهر و هدف الموقع واضح حق شنو بس الموقع نزيه ان كان موقع خطبه غلطان بشي فهو غلطان انه فاتح الشات مجاني يخلى ناس تستغل الوضع و تدش و تبربس و أخر شي يتشكون نصب و نصب بسألكم شفتو حرمه مطروده و عندها اشتراك النخبه ؟ مو قالكم الريال الي عنده نجوم اكثر يعني جاد بسالفه الزواج ليش تلومون الموقع أكثر القصص الي يشتكون منها الرجال كلها من حريم اشتراكها مجاني تنطرد المحتاله و ترجع مره ثانيه و تنطرد و ترجع و ما خلصنا أنا عندي رسالتين الاولى للمحتالين هذا موقع زواج الناس تدور فيه الحلال و هالناس هدو اماكنكم و خرابيطكم لكم و ما زاحموكم فيها روحو لعبو بعيد عن هني مثل ما اتركو لكم مكانكم و خياسكم لكم تروكو لهم مكانهم و عفتهم لهم الرساله الثانيه حق موقع خطبه يعطيك العافيه طال عمرك خل الشات الشخصي لمشتركي النخبه و ما يشتغل الشات الشخصي الا لما يكون الطرفين نخبه والشات العام افتحه سبيل للمشتركين قواك الله
6/25/2010 5:48:45 PM
عـــرض خاص ومـــغري جـــدا جــدا للنساء فقط ... !	لا بعد فيه عروض صيفيه و بدل الوناسه ضغط و سكري و من ترتاحين قال مهمله ماتدري عني و اذا ما سويتي الابيه تزوجت عليج خدامتج و سلمتكم
6/26/2010 1:31:35 PM
الي يبي يلعب لا يراسلني	يعطيك العافيه أخ طلال و أشكرك محاوله توضيح المسأله و بما انك فهمت المقصد من الموضوع هذا يكفي احنا قاعد ننصح و هذي افهمت انه تجريح احسن شي طال عمرك تطنش و خلهم يفهمون الي يبون هذا الفرق بينا و بينهم انت مسؤول عن كلامك و كلام عندك يعتبر من أفعالك و له وزنه و ثقله و هم الكلام عندهم ماله معنى عباره عن هذره و مجرد تعليقات يا حلوه يا سخيفه يا جارحه احنا سوينا الي علينا و عساك عالقوه و كثر الله من أمثالك
6/27/2010 1:14:22 PM
فكرة مشورع تجاري بعائد شهري فوق 1100د.ك	25000 الف دينار راس مال و المعدل الربح 1150 دينار شهري ؟ ترى 25000 الف دينار راس مال جدا سهل و بسيط و سهل الحصول عليه و 1150 دينار مدخول شهري كربح اذا كان صافي الربح و يبقى لك 1150 دينار مضمون وايد بالنسبه حق راس مال بسيط مثل 25000 هذا يسمونها الاحلام الورديه عالعموم بالتوفيق
6/28/2010 9:15:52 PM
رد على الانتقادات	ما أدري الكويتيه أسكت الحين برايي الشخصي يجب أختيار المرأه المناسبه بغض النظر عن الجنسيه أهم شي المرأه الي تحمل بقلبها شيء و لايكون قلبها فارغ يا ويلك من الي قلبها فارغ شوف لك وحده عندها مبادئ تحكمها اذا صارت على المحك توقف و مبادئها تمنعها من خطوه غير محسوبه و غير مرغوبه اما وحده تصرفاتها غير مرغوب فيها و كلامها غير مثمن و ما تعرف شنو الي لها و شنو الي عليها وحده مثل هذي اي شي يدش خاطرها تحسبه من حقها و علشان اكون منصف في كويتيات ما زالو يعرفن انفسهن بس هذا ما يعني انهن الاحسن و هالتميز مرفوض
6/28/2010 9:17:45 PM
ايهما تختار زواج البنت ام زواج المطلقه	أختار الي تقبل الاعتذار بسرعه
6/29/2010 2:08:41 PM
فطيرة البيض السريعة	كل هذا وسريعه ؟ ابي شي حدي حدي اقعد بالمطبخ دقيقه ابيخ شي بالعالم دشت المطبخ
6/29/2010 2:25:10 PM
الانتقام بالشارع	السلام عليكم باختصار الي يلف عليك اكشت فيه و لا تحاول تنتقم منه لا تسوي عفيسه بالشارع و تشوف عشر سيارات يايه تنتقم منك و اذا شفت بنت عطها الاولويه لانها حتى لو اهي غلطانه تبي تطلعك انت الغلطان و يمكن تلبس قضيه ثانيه افتك ابرك لك و انتي لا تحسبين الي بالشارع راح يحترمونج لانج حلوه و تمشين عالحاره يمين و لازم يوخرون لي غصبن عليهم( خبركم البنات حتى بلاك الكهربا اذا ما اشتغل تتهاوش معاه) لا تطيحين بواحد خبل و نشيط يشيلج مع سيارتج الشارع ملك الجميع
6/30/2010 5:02:38 AM
صفات الغير جاد	بنيات حلال أولا: هل هذي المقاييس الدوليه و الا مواصفات الخليج للغير جاد اذا تبون تتأكدون من الجاد أول علشان توافقون على الزواج عيل ابشركن الي بعمر بناتكن راح يتزوجون و انتن للحين ناطرين الجاد الرجل يقدر ها حطي خطين تحت كلمه يقدر جايه من أصل القدره, يقدر ما يسوي هالانتو كاتبينا بالموصفات و هم يكون غير جاد أدري بتطق فيوزاتكن و بتقولون شلون ؟ جوابي هو : هذا شي صعب عليكم تفهمونه لو أشرح لكم سبعين سنه ثانيا : انتو يا الحريم ارتكبتو غلط فادح و هو الأتهامات الموجهه للرجال و أقولكم ليش ؟ بعالم الرجل محد يعرف شنو بقلب الثاني و محد يدري شنو الثاني خاش له هل هو خير ام شر و الله ساتر على الجميع و لله الحمد بس الانسان اهو الي يفضح الي بقلبه شلون ؟ خل نقول قي شخصين واحد اسمه خاسم و الثاني خالد جاسم يوجه اتهام حق خالد بأنه نقال حجي و هو ما شاف بعينه و لا سمع باذنه يعني مجرد احساس و الظن بجذي جاسم كشف الي بقلبه هو مو الي بقلب خالد فانتو قاعدين تراون الجال شنو الي بقلبكن و هم يضحكون عليكم بس ساعات تصدف و احساس المرأه يصيب بس هم ما تصيده و يبقى هالشي مجرد ظن و تضل هي مو متأكده انزين شلون نعرف الرجل الجاد ؟ هذي خطبه زواج يعني 1 + 1 = 2 وافقتي عليه مبدأي وظيفته و عيلته و شهادته و عمره خلاص يبه تبي شي بعد ؟ اي ابي اتقدم لج هذا عنوان بيتنا تخافين ؟ و يمكن يفضحني ؟ ما تدشين موقع انترنت زواج و تنطرين في بيتكم حتى لا يصير وجودج زي عدمه و تخربين على باجي البنات لأنج غير جاده بهذي الحاله بس ليش انج تخافين تعطين واحد عنوانكم او رقم تلفون البيت تبي تشوفين الريال شنو اول ثقه و الا مو ثقه (500 سنه و هم ما راح تعرفين ) قمتي و فتحتي خيار التعارف بالموقع و حطيتي ضوابط حق هذا التعارف اذا عطاج رقمه مو جاد اذا قالج الايميل مو جاد انزين انا شخصيا الي مكلمكم اطلبت وحده مني الايميل و لا هذيج مره مو بنت قريب الاربعين و رفضت و قالت عيل انت مو جاد شتسمون هذا ؟ أصابعك مو سوى ؟ عيل هالضوابط و المواصفات ليش أصابعج مو سوى يمكن جاد لولا ان من الله علينا بالدين و هالناس الطيبه جان انتي الحين ....... ما يحتاج أقول
6/30/2010 8:36:42 PM
صفات الغير جاد	تكفى بو ياسين أقره بند الموصفات رقم أربعه شوي و أنادي أم حسين علشان تقره هالبند الخارق
7/1/2010 9:10:30 AM
ارسم حياتك ابتسامه<منقوله	كلام حلو
7/1/2010 11:04:22 AM
كره قدم الشياب	السلام عليكم و رحمه الله و بركاته بشرح لكم لعبه كرة القدم ولكن مو مالت الشباب كرة قدم الشياب هي لعبه ذهنيه تعتمد بالدرجه الأولى على بعد النظر و لا تحتاج لياقه بدنيه و لكن تحتاج تركيز ذهني و أساسيات هذه اللعبه الذهنيه المعقده هي :- 1- معرفه الأمكانيات المتاحه لديك 2- المام تام باحداثيات المستطيل الأخضر (الملعب) 3- المام بطاقه الانسان الجسديه ( التنفس , و اللياقه ) 4- المام بقدره الانسان الذهنيه ( الاستيعاب , و سرعه ردة الفعل مع حسن التصرف . الطموح) 5- الالمام بنفسيه الانسان ( العدوانيه ) يقوم هذا الشايب بنظم صفوف الفريق بطريقه يستطيع من خلاله توفير جهد اللاعبين لأطول وقت مما يحتم عليه مراعاه مايلي 1- المسافه بين اللاعبين 2- المسافه التي سيقطعها الاعب خلال 90 دقيقه و يتم تحديد هذان العاملان على أساسات عده من أهمها 1- خطه الفريق الخصم 2- مستوى الفريق الخصم الفني 3- مستوى الفريق الخصم البدني 4- امكانيه فريقه الفنيه 5- امكانيه فريقه البدنيه و غيرها و من الجديه ان يراعي صفوف الخصم و قدراتهم فيقوم بتحديد اسلوب هجومي و طريقه دفاعيه * الأساليب الهجوميه 1- تمريرات قصيره 2- تمريرات طويله 3- هجوم من الأجنحه - هجوم من كلا الجناحين -هجوم من الجناح الايمن فقط -هجوم من الجناح الايسر فقط 4- هجوم مباشر و كرات مرتده *اساليب دفاعيه : 1- مصيده التسلل 2- مراقبه رجل لرجل و هذه هي أساسيات لعبه كره القدم للشياب و لاعبنا هو مدير الفريق
7/1/2010 1:32:16 PM
ماهو الحب ؟	اذا قصدك ان تزايد دقات القلب و التنهد بسبب مجهول الي بصير فينا ايام المراهقه حب عيل ماكو حب و هذا وهم الناس طلعته بس اذا قصدك ان الواحد يشوف هذا الشخص يستاهل و ماني شايف شخص ثاني مثله و شايف انه مميز و ما أبي اخسره هذا شوف أي خبله قصت على نفسها و سمته حب باختصار في احتياج جنسي بين الطرفين و هم فيه موده و رحمه الاحتياج معروف موجود عند الكل الرحمه معروفه بعد و معرفه نفسها الموده اهني القمنده بالموده ما أبي أعرف لكم الموده دوروا بنفسكم و شوفو شنو يعني موده بالنسبه حق الحب بصراحه شديده البنت ترفض تكون مطمع و انها تحس ان في واحد طمعان فيها و مستغلها علشان جذي زخرفت و زينت الموضوع بطريقه اذرب و قالت عن الاحتياج و الرحمه و الموده اسمه حب بس تعالوا حق الحريم الي عقلها ناضج و قولها حب شوف شتقولك بس شرط روح حق وحده عقلها ناضج مو تروح حق وحده عقلها مستوي و تسألها عن الحب ترى تخطفك اما بالنسبه للعشق هذا مصيبته مصيبه هو انك تتعلق بشخص تعلق شديد بس علشان يكون راضي عليك و ما يهدك و امور ثانيه انا اجهلها
7/1/2010 9:09:13 PM
مواقف وقصص واقعية من موقع خطبة	أيد كلام الأخ تاييب و أحب أعقب بعد يا شباب خير النساء الودود الولود خل هذا مقياسك للبنت الي تبي تتزوجها و بما أن صفه الولود بعلم الغيب اكتفي بالودود بس على فكره ما راح تعرف انه ودود بالانترنت لازم تشوفها و تقعد معاها (في بيت أبوها و مو بالأفنيوز ) بس علشان ترتاح بهالموقع أكشت بالشكايه أم أفلام هنديه و الشكاكه و الذمامه و المتذمره دائما هذي حط عليها اكس عود هذي قبل الزواج و المسؤوليه جذي بعد الزواج شتسوي و عساك عالقوه يا عم تاييب
7/2/2010 2:14:05 AM
مواقف وقصص واقعية من موقع خطبة	كلامك على العين والراس يا أخ طلال ولكن في مواضيع ما تتحمل الغشمره و لا الضحك و هذي قضيه زواج هالبنات أعراضنا و أنسابنا و هم بحاله يأس لعدم الجديه من الشباب و استغلال هذا الموقع و استغلال حاجه بنت و المشكله ان البنت هي الطرف الأضعف بسالفه الزواج ( الزواج طموحها و هم لازم تنطر نصيبها ) وهذا جهاد البنت بس لما تمشي بالطريج السليم و الخطوات الصحيحه و الشين خرب على الزين لو كان في بنت وحده بس صادقه بمسأله الزواج و شاب واحد بس صادق يبي الزواج الموقع لازم يطرد الكل و يخلي هالأثنين و الا موقعكم هذا ما فيه مصداقيه أما بالنسبه للي داش فضول او لعب كيفه و هذي حريه الجميع يدش و يشوف بس مو كيفه و لا كيفها تمس و تعبث بمقدساتنا أولا وهو الزواج و احساس بناتنا الي لقو طريق يسعون فيه للزواج بالالفيه الثانيه هذا ثانيا أما ثالثا هو أنا و انت و غيرنا من الشباب الي قاعد نشوف هالعفيفات المنقذ لنا من الحرام و بعد في غيرنا ما يعرفون عن الموقع و لا يعرفون شي عن الانترنت اساسا راح ندليهم عالموقع لأنا نحبهم و نبي لهم الخير بس بحاله وحده اذا تاكدت ان هذي الي بدليها أو بدليه الموقع راح يكون في مكان امين edited by zarkovic on 7/2/2010
7/2/2010 9:24:17 AM
الاسلام و التطور العلمي	السلام عليكم و رحمه الله و بركاته تحدث كثير من الناس عن التطور و علينا أن نواكب العصر و أن نبتعد عن التخلف بالحقيقه هناك من الناس من أخذ التطور و المفهوم المدني الحديث لصالحه الشخصي و سخره لأهوائه و هناك من سخر هذا التطور لخدمه أفكاره وان كانت أفكاره غير مناسبه و قوانينه عمياء و لكن هناك من يناهض هؤلآء الكاذبون بالتطور فهم لم يتطور بل تخلفوا لم تقم حضاره و لم تستمر دوله و لم تقوم قائمه للعواصم الا بقانون يحفظ للمجتمع الكثير من المتطلبات و من هذه المتطلبات التي يحفظها القانون هي الهويه فان لم يكن لهذا المجتمع هويه اذا ليس لهم وجود و سأضرب لكم المملكه المتحده بريطانيا كمثل الآن يستمتع البريطاني بهويه ممتازه تميزه عن بقيه المجتمعات و تستطيع أن تميز الفرد البريطاني حتى و ان كان من وراء الأنترنت لماذا ؟ معلومه تستحق المعرفه في ابريطانيا لا يوجد دستور مكتوب خطيا و يعتبرون بأن من غير اللائق بهم أن يكتبو دستورهم و قوانينهم و مع هذا فأن اشد الناس المحافظه على القوانين و النظم هم الابريطانيون الا الطبقه الفقيره و المعدومه و هذا في كل مكان و أكثر الناس أعتزازا بهويته هو الابريطاني حتى بات قدوه لمن لا هويه له و منكري هوياتهم أما صلب موضوعنا هذا أخذ بعض المسلمين على عاتقهم التطور العلمي و سخروه لخدمتهم و تسهيل أمورهم و جاء العابثون و هم أكثر الناس تطلبا للتقدم و حقيقتهم هي أكثر الناس تخلفا و لم يعبثو بالتقدم بل عبثوا بالقانون و هم ادعياء الحريه و لكنهم لن ينالوها فأنكروا على المسلمين أبسط طرق التقدم و هي خطبه زواج عن طريق الأنترنت أهذا هي الحريه ؟ أن تعبث و تنكر شرعيه الزواج و تعبث فيه ؟ أم أنك تستكثر على المسلمين مواكبه التقدم أم أن حريتك تحتم عليك التعدي على المقدسات قال الامام الحسين عليه السلام ( أن لم يكن لكم دين فكونوا أحرار بدنياكم ) الحريه هي أن لا تعتدي و لا تعبث و أن لا تخرب فأدعو التقدم و هم المتخلفون
الصفحات 1 2 3

Khitba.com