|
صفحات
1 |
|---|
|
1/23/2010 4:40:29 PM
|
abdulhadie
Posts 1
|
آنستي التي شارف عمرك على ال30 عام ومازلتي تنتضرين فارس الاحلام الجميل الوسيم الامير المثقف الخلوق الذي يضحي بحياته لتبتسمي له
اقولج اصحي تاخرتي على الدوام ..........
اختي العزيزه اللتي انفصلت عن زوجها المتوحش وتبحث عن المليونير الشاب الاعزب الوسيم ذو النسب العريق الرومنسي
اقولج اصحي ولدج يصيح يمج ...........
اختي العزيزه حرام راح عمرج بالحرمان محرومه من لذت الحيات الدنيا علشان حلم ما تلقينه وحتى لو لقيتيه شهرين ويتغير كل شي
شغلي عقلج وبتغي ما كتب الله لكي .
المشكله انكم مو قادرين تفهمون ئن اعداد الئناث اكثر من الذكور باربع اضعاف عالمياً وليس في مكان محدد بالعالم
ولهذا احل الله اربع ازواج لذكر الواحد .
لاكن الطمع والغرور يعمي البصيره والنتيجه مقابل 1متروجه 3عوانس
|
|
1/23/2010 9:14:38 PM
|
elazrq
Posts 7
|
في من الصح كلامك اخوي عبدالهادي لكن مو الكل لان في بعض من البنات يكون القطار طافها لارتباطها بشخص حبته وتمتت ناطره لكن ما صار النصيب وهذي من المفروض عليها تنتبه حق نفسها وفي اللي نقص عليها وفي اللي خذاها الغرور وفي اللي ما يالها نصيبها وفي اللي اهلها اثروا عليها وخربوا وفي وفي وفي . لكن انا بوجه امنه سؤال حق القائمين على الموقع او البنات اللي تتقدم بشكوى ضد احد الاعضاء وتقول طرش رقمه او حاط ايميله ياااختي اذا انتي ماتبين شغله وحده وهي الصد والحقران والاخوان اللي على المنتدى انتو بصارحه يعني شلكم تدخلون بهالمواضيع يعني مو معقوله اني انا مشترك عندكم ودافع فلوس ولما اعطي ايميلي او تلفوني حق اخت لقيت نفسي يمكن يكون في انسجام ونصيب وانتوا تراقبون الكلام مع ان من المفروض ان هالشي في سريه ولا لكم حق الاطلاع على خصوصيات الناس وتقول هذا عليه بلوك لانه بعث ايميله او حط تلفونه عيل شلون انا راح اكلمها بالجات اللي مسوينه مع احترامي لكم جاتكم مايسوى خل يكون عندكم شفافيه اكثر واللي ماتبي تقدر طنش ولا جنه في احد يعني عدلو شوي من موقعكم وخل عندكم شفافيه اكثر والانسان حر بالنهايه باختياره لكن معاكم لمن يسيئ الى الاخر او حتى الى الموقع لكن لا تعطي ايميلك لا تحط تلفونك بالله شلون بتزوجها بايزي جو ولا فيفا ولا وطنيه نت وهذي انا اشبهها مثل البنت اللي تروح السوق وتشوف من يحاول يغازلها اهي تقدر تصد واهي تقدر تاخذ رقمه اللي بالسوق نفسه بالنت . واسف على الاطاله لكن اتمنى من الكل نشوف رايه قبل الاخوان القائمين على الموقع . اخـــــــــــوكم الازرق
|
|
1/30/2010 10:30:49 PM
|
MarryJ
Posts 17
|
اخوي عبد الهادي اسمحلي لا تحكم على البنات بدون ما تدري بحياتهم وماشالله الازرق اتوقع عطاك امثله كافيه
وصح الشرع حلل اربع بس منو يقدر يعدل ؟بالذات الكويتي ويا القروض اللي ياخذها وين فيه شدة على الزوجة الثانية والثالثة والرابعة؟ وكل وحدة تييبله عيال... شلون بربي عياله التربيه الصالح والسليمة؟
خل يقدر على الاولى اول بعدين اصير خير.... المسأله مو مسأله طمع مادي بس وين اللي يقدر يعطي العاطفة واكون صادق؟
الشرع حلل اربع لحل مشاكل مو خلق مشاكل يعني اذا كان في حاجة ملحة لتعدد الزوجات مو خذوه فغلوه ....علشان جذي الشرع حط شرط العدل لكن"ولن تعدلوا"
بعدين الرياييل صايرين يتشرطون اكثر من الحريم
متزوج وعنده عيال ويبي زوجة ومصروفها عليها واذا تساعده بعد ويبها حلوة "بالجمال الملائكي" ومتعلمة وغنية وبنت عايله
واللي اهني بالموقع مصيبة بعد يبي اجربها قبل ما يتزوجها بحجة ان ما يبي معقدة ويبيها متحررة "قاعدين في اوروبا احنا" وعلشان يتأكد من الانسجام وانها تنفع "يمكن ادور سيارة مو مره"
اخوي الازرق صراحة عجبني كلامك وايد سواء الجزء الخاص بالرد على الموضوع او الموضوع الاخر الي تطرقتله فيما يخص الايميل ورقم التلفون لان فعلا لازم اكون في طريقة للتواصل بين الطرفين وكلامك عين العقل الجات اللي بالموقع بطيئ ويفصل ومو معقوله الحوار كله عن طريق ايميل الموقع ننطر على جذي سنين على ما تقول جم كلمه للتعارف واتمنى فعلا من الاخوان القائمين على الموقع ان اطورون من الموقع شويه
واكون البلوك بس على اللي يقل ادبه ويتعدى حدوده بالكلام او التصرف
وشكرا
|
|
2/1/2010 1:11:04 PM
|
NOLOHO
Posts 74
|
يسعدلي مساكم...
عندي تعليق على كلامك اخوي عبدالهادي واتمنى ان مايضايقك(الزواج بالنهايه نصيب سواء تزوجت غنى ولا فقير كبير ولا صغير ولد عايله او دون المستوى ....الخ كل نصيب ولا بايد البنات انهم يخطبون حق روحهم ولا جان لقيت كل البنات الحين متزوجات ,وكل بنت تتمنى الافضل فشي اكيد تتمنى الغنى عالفقير وولد العايله على دون المستوى والحين قامو يشوفون الشهاده بعد والله زمن ....اللله يرحم أول .
ابليز وسع صدرك عالبنات ترى الرسول (ص) وصى علينا وقال عليه الصلاة والسلام ...(رفقا بالقوارير)
واذا انت حاب تتزوج 4 محد مانعك تزوج وفي بنات عادي عندهم بس هل انت في قرارة نفسك راح تكون قادر انك تعدل بينهم؟؟؟؟؟ وهل انت عندك استعداد انك تواجه المشاكل؟؟؟؟
واسفه عالاطاله ......مع تحياتى لشخصك
|
|
2/5/2010 6:48:44 AM
|
gnmgnm
Posts 4
|
والله أعلم ... أن أغلب المواضيع تحمل نفس الأسلوب وطريقة إختيار الكلمات وهذا مايدعو الى الإعتقاد بأن أصحاب الموقع يريدون أن يثرون النقاش في كثير من المواضيع ... وعلاوة على ذلك الدخول في هويات كثيرة تحمل أسماء أنثوية وذكورية لإغراء المشتركين الحقيقين والهدف هو الوصول الى النخبة او الى المخابي بالعامية ( الجيوب ) لإستخراج العشرة دنانير أو أكثر ... وهذا حال هذه المواقع ...
فلا تتعجب ياسيدي الذي لايمكنه الحصول على اي وسيلة إتصال من شخص يرغب به هنا .. فالسبب معروف وهو : أو فلنقل ربما يكون هذا الشخص الذي تريده وقرأت عنه هو في الأصل ماهو الا من مجموع تلك الهويات الموضوعه والتي ذكرناها سابقا ... فهو في النهاية ليس الا مجرد سراب جعلك تدفع لتصل اليه ولم تجده شيئا ...
وختاما هذا ليس كلاما صادرا من فراغ وإنما خبرة سنين في هذا المجال وهو زواج الخيال والأحلام في اليقظه .. فالمواقع كثيره ... ولكنها تتحد في هدف واحد وأنتم تعرفونه ...
|
|
صفحات
1 |
|---|