Khitba.com

صفحات 1 2 3 4 5 6
	12/28/2008 1:32:02 AM
meme83 Posts 70	السلام عليكم ههههههه عفيسه اي والله قل عدد الرياييل اللي ميت بحادث واللي مسجون واللي صار جنس ثالث على قولتكم لا حول ولا قوة الا بالله انا عن نفسي ينطبق علي سببين من اللي مذكورين في الموضوع لكن بالنهايه نقول ان هذا نصيب و كل تأخيره فيها خيره انشالله وانا وايد مقتنعه بهالشي و اي 4000 ؟ ماااااااااتكفي شي الحين الناس تعطي 5000 و طالع لان صج كل شي صاير غالي نااااار عشان جذي انا ملاحظه محد صار يسوي عرس الحين كله استقبال و ياخذ مرته و يسافر بدال لايسوي عرس و يخسرون فيه فلوس يسوون استقبال و تييهم هدايا بعد ههههههه لكن الشهادة لله في ناس تشتري الريال على قولتهم لو تبي بنتنا نعطيك اياها بعباتها و دفعوا المهر اللي ايي منكم يعني مايطلبون شروط . انا اوافقكم ان مافي شي اسمه عنوسه ( مو لاني عانس هههههههه لالالا) صج بالنهايه هذا شي من الله و على حسب ظروف الواحد او الوحده اذا زواجهم تجدم او تأخر ، يمكن الوحده فينا تتزوج مبجر وماترتاح بزواجها و يمكن وحده يطوف عمرها عمر الزواج و تتزوج متأخر و ترتاح بزواجها ! و الواحد فينا لازم مايقول غير اللهم ارزقنا بالنصيب الصالح شكرا
	4/24/2009 5:28:36 AM
teacher.com Posts 134	الشروط لازم اتكون معقولة وليست فوق احتمال الانسان
	4/25/2009 4:25:16 AM
a_b_d_a_l_h Posts 13	بما اني رجال للاكن ما يحقلي الرد بالموضوع بس برد على ثاني رد او ثالث رد انا قريت ان اخت من الاخوات اتقول انه اكثرو البنات وقلت الريايل اول شي : هذي علامه من علامات يوم القيامه ويارب انكون من اهل الجنه اما ثاني شي : قاله اخوي من كربلائه قال انه الله سبحانه وتعالى لييش حلل بالاسلام الزواج بأربع لأنه عاف انه في زمن راح يجي تكثر النساء وتقل الرجال وثالث شي : المراء اللي تموت عذراء ...... على ما اظن عارفينه انتو يالبنات شنو جزاها عند رب العالمين ورابع شي اقوله لكم الزواج قسمه ونصيب وكلنا نمشي بقدر الكف ولاندري بالمكتوب
	4/25/2009 8:40:33 PM
teacher.com Posts 134	انا اقول اسباب العنوسة تلهف الانسان على وناسة يقول تو ناس خل استانس بحياتي وانانيتة انة مايبي يتزوج ايخرب على غيرة وتجارب زواج النت ناجح صدقوني لو حاربنا هالناس وبلغنا عن اي واحد اتحسون انة موجاد لاتقولون حرام عطوة درس ان حلال اللة مولعب وصج الواحد نما ايشوف جذي اشكال يكرة زواج ايكون متلهف وايشوف ناس جذي يياس واللة اعرف ناس وايد قالوا انا جربت زواج وفشلت خلاص مالي نصيب اوكي نصيب بس احنا نسعى واحد من كثر مازهق راح سوى موقع زواج بس عشان يتزوج وشكرا
	4/29/2009 2:01:17 AM
TALAL_4488 Posts 362	بسم الله الرحمن الرحيم اسباب وايد للعنوسه البنات الطلبات لازم شهادته اعلى من شهادتي ولازم مركزه الاجتماعي اعلى الــــــــــخ.... وين نتزوج وهاذي طلبات اغلب البنات وبالاخير قاعده ابيت اهلها بسبة طلباتها ================================ الشباب انا شاب واعرف اوضاع الشباب ليش اتزوج واربط نفسي بزواج بيت وعيال وعوار راس خلني اعزوبي مستانس اسافر اتأخر على راحتي لا حسيب ولا رقيب مثل ما قلت الاخت تو الناس لاحق على الزواج وااااااااااااااااااااااااااااااااايد قالو هالكلمه وتمو عليها للحين ومثل ما تكرمو الاخوان والاخوات الزمن هذا قلو فيه الريايل والعلم عند الله من علامات الساعه الصغرى لانها ظهرو العلامات الصغر وهاذي وحده من ظمنهم اسف على الاطاله edited by TALAL_4488 on 3/27/2010
	5/1/2009 5:05:50 PM
dreamer1 Posts 1	بسم الله الرحمن الرحيم للاسف نحن الان بزمن الفتن وانشغال الناس عن الحلال والجري خلف المحرمات وتلاحظ ذلك بكثرة بالجيل الحالي سواء من الشباب والشابات وذلك من خلال كثرة القنوات التلفزيونية والمسلسلات المكسيكية والموضة اللحين المسلسلات التركية فتصبح كل شاب وشابه تبحث عن شريك حياتهما من خلال هذه المسلسلات الهابطة ثانيا حب التقليد للمجتمع الغربي سواء بالتصرفات او اللبس , وتجد الكثير منهم يقضون معظم وقتهم بالاسواق والكافيهات كثرة المعاكسات وسهولة التعرف على كثير من البنات او الشباب من هذه الطريقة وانا بأعتقادي الاشخاص هؤلاء يكون شبه مستحيل أن يستطيعوا فتح بيت وأنشاء اسرة ذات تربية طيبة ! كان في زمن ابأنا وجدودنا البنت والولد يتزوجون من سن 15 والبنت 12 والان البنت التي تتزوج وعمرها 18 تعتبر طفلة وصغيرة على الزواج ! زمان عجيب وفكر أعجب والله نصيحة لكم يا خواتي انتم نواة البيت الصالح فأحرصوا على انفسكم ولا تتبعوا خطوات الشيطان وأعلمي اذا كان لديك نصيب فسوف يأتيك اخوكم ابومريم انا متزوج ولله الحمد ودخلت الموقع من باب الفضول فقط والله يرزقكم ويستركم بستره
	5/14/2009 4:54:47 AM
amanyq8 Posts 1	شكرا على الموضوع المفيد
	5/15/2009 2:47:42 AM
9zzo Posts 8	والله انا اقول انه الكويتيه خربت على روحها بالنفسيه والغرور واللسان الطويل والمضاهر الكذابه ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ يعني الي يتزوجها لازم يا عنده مكينة طبع فلوس او حرامي او تاجر ممنوعات
	5/19/2009 6:30:22 AM
RawnG Posts 1	بصراحه هالموضوع شدني واااااااااااااااااااايد لانه السبب واحد ماكو غيره مو لانه الهمر غالي ولا انه البنت تتشرط ولا لأنه همهم الدراسه ولا لانه اللعب متوفر هالايام بين الشباب والبنات ومايحتاجون لزواج ولا شي من هالامور انا اشوف انه العيب من الاهل نفسهم وطريقة تفكيرهم بالنسبه للبدو ماناخذ حضري ولا ناخذ من قبيله ثانيه والحضر ماناخذ بدو والا شيعه و هالامور هذي ماكانت موجوده ايام الرسور عليه الصلاة والسلام والرسول (ص) امر وقال من ارتضيتموه دينا وخلقا فزوجوه ...ماقال هالاشياء السخيفه اللي الحين صايره بين الناس وخصوصا في دولتنا الحبيبه الكويت ومن اسباب اللي تترتب على الاهل اهو لو الواحد يقول لمه انا احب وحده وابيها ترفض لانه مو اهي اللي مختارتها طيب لييييييييييييييش انتي اللي بتعيشين معاها ولا اهو وحتى لو الام وافقت وتقدموا للبنت والبنت قالت انا احبه وابيه يتعاملون معاها الاهل على انها جابتلهم العار حراااااااااام اهم شي الحب بالزواج مو الزواج نفسه .... واخرتها يزوجونها واحد من الاهل ويطلع مو ريال او سكير او مريض نفسي او مايتفاهمون ولا نفس التفكيراو راعي بنات... وتضيع حياة البنت من اولها ويستمر معاها لقب مطلقه طول حياتها ليمن ييلها نصيبها اليديد هذا اذا يالها بعد..لانه الحين اي مطلقه حتى لو العيب مو منها بيقولون ماتطلقة الا اذا فيها عله... شوفو التفكير وين وصل بين الناس ياجماعه... اذا هذا رايي بصراحه وهذا عن تجربه مره بحياتي ..
	6/2/2009 2:11:36 AM
swemming Posts 64	من اهم اسباب العنوسه ان شباب هالوقت مايبون البنت المحترمه المتربيه بنت الاصل والفصل يبون الصايعه الي تلف ودور وشوفوا اكبر دليل بعض الشباب قاعدين ياخذون من تايلند والفلبين الله يشافيهم هههههههههه
	2/10/2010 10:05:52 PM
MAJBORR Posts 4	مرحبااااااااااااااااااااااااا وزيدهم سبب بعد دلع البنات وعيارتهم هذا سبب رئيسي
	2/11/2010 12:31:18 PM
kaleege68 Posts 1	السلام عليكم ورحمة الله غير غلا المهور وغلا المعيشه وطلبات هذا اكثر من الطرف الثاني وهذا مستغني عن الطرف الثاني مو بباله اللحين يمكن بعدين اتزوج بعد الدراسه لا بعد الوظيفه لا بعد مااعدل وضعي بالوظيفه لا هذا ولا هذي ماتصلح شهادته شهادتها طوله قصره موظفه احسن لا ربت بيت احسن كله تفكير وقرارات يمكن فيها خيره بس سرعة الحياة تاخذهم ويروح قطار العمر على الطرفين واكثر تضرر البنت اقول من جاكم من رضون دينه زوجوه او تزوجوه افضل للكل وان كان الزوجه الثانيه ولا الثالثه والله يوفق الجميع
	2/23/2010 4:37:17 AM
kuwaitnpc Posts 2	لانه اكثر الشباب يتخوف من فكرة الزواج لانه ما يبي يفقد حريته
	2/23/2010 8:41:25 AM
state_of_love Posts 1	اول شي السلام عليكم الصراحه انا اشوف اغلب الموجودين ايدو سالفة غلاء المهور والاكثريه تدفع 4000 - يا جماعه اذا تكلمنا بالجد لا يبا المهور مو غاليه بالعكس اغلب البنات حرام والله اهمه واهلهم يحطون فوق المهر فلوس علشان التجهيز - ترى كل شي غلا بالديره - الملابس - العطور - الساعات - الاكسسوارات - وغيرها من الاشياء من مستلزمات المرأه . نقطه اساسيه - ------- اسباب العنوسه الزايده - اسف في بعض البنات متطلباتهم وايد بعد الزواج وهذا من حقهه بس لازم الانسانه اتراعي ظروف الزوج في اوقات يكون ما عنده واهيه ما تفكر ------ على فكره انا اقول بعض البنات بس في وايد من هالنوع . اذا يينه حق مدخول الرجل الكويتي ترى مو وايد بالنسبه لغلاء الاسغار وللعلم البنت حق عرس صديقتها ممكن انه يكلف الفستان من 400 الى 700 دينار هذي صديقتها فما بالك لو العرس من الاهل -- الله يستر كل عرس تجديد قرض
	4/5/2010 8:07:22 PM
om_sahmah Posts 61	اسسسباب العنوسه .... بنظري الاهل السسسسبب .... والشباب تغيروه مافييييي اكثر اللي الحين مايبون يتزوجون .. يبون حياه العزوبيه وجي شحلات الطوفه لووول خلونا عوانسسسسسسسس .... شحلاتنا
	10/25/2010 12:44:04 AM
kaitty Posts 18	يا بنات ديروا بالكم من الشباب انا صار لي سنة ما لقيت ولا واحد جاد بس قلت يمكن مثل ما في الطالح اكيد فيه الصالح بس للاسف كلهم يبون يلعبون بس عندي نصيحة وحدة لا تخلون احد يهددكم الحمدلله احنا في ديرة خير هذا رقم المباحث الجنائية 25623888 هذا الرقم اللي تكلم عنه المحامي خالد عبدالجليل و الشيخ نبيل العوضي اذا في واحد ماسك عليج شي او مهددج او يلاجقج ومو راضي انه يوخر ما عليج الا تتصلين فيهم وهم يتصرفون بسرية تامة بس طلبوا تتكلمون مع المدير العام بخصوص موضوع خاص بدون ذكر اي تفاصيل الا حق المحقق عفية حفظوا الرقم بس احتياط الله لا يقول يمكن تحتاجونه ونشروه وبلغوا كل رفيجاتكم لان في وايد بنات متوهقين هذا اخر يوم ادخل فيه هالموقع و اتمني من كل البنات يديرون بالهم اتمنى من المشرفين نشر هالمشاركة لان بدون الرقم كان ممكن ان اطيح بمشاكل مالها اول ولا تالي يا ادفع 30000 دينار يا يفضحني في دوامي ودوام ابوي الشخص الزين ما راح يخاف من هالرقم لانه ما راح يعطي سبب حق البنت ان تستخدمه بس ممكن يعطي فرصة حق البنت اللي طايحة بمشكلة انها تحلها بسرية وهدوء
	4/9/2011 2:09:29 AM
Tears2 Posts 96	بسم الله الرحمن الرحيم اسباب العنوسه. كانت بالسابق الفتاة مايأ خذون برأيها بالزواج اذا وصلت الى سن معين زوجوها رجل خوفا من العنوسه او خوفا من......فيزوجونها من ولد عمها او زواج مصلحه فإلي تتوقف بزيجتها الاله يتم عليها والي ماتتوفق ترجع البيت اهلها والا ماعندنا بنات للطلاق الله يكون بعونها فتتحمل نصيبها...... اسباب العنوس حاليا العولمه التي اصبحت تجر البنت اوالولد الى مجرى الله يعلم ماتدري اذا كان صح او خط....... ونظرة البنت الي المستوى االعلمي وماتدري الى اي مستوي توصل له مما تنسى حياتها الأمومةوبعدها عند ما فات القطار تتذكر ويني أنا.........لجوؤ الشباب الى زواج من غير جنسيتهم .....نظرة البنت للرجل الي تبييه على كيفها من الناحية المستوي المادي والاجتماعي ومن اي طبقه........غلاء المهور أدى عزوف الشباب عن الزواج ......... وشكرا لكم ودمتم سالمين الله الموفق
	8/24/2011 10:12:39 AM
kindeng.1965 Posts 98	انا مقتنع تماما 100% أن العنوسه بسبب البنات والحريم في وقتنا الحالي اما بالسابق بسبب اهلها خصوصا المرأه الخليجية واذا تريدون ان تقتنعوا بكلامي استعرضوا ملفات المشتركات وخصوصا ممن تعدوا ال 30 وشوفوا طلباتهم وشوفوا مميزاتهم سبحان الله يرفسون النعمه قبل ان تأتيهم
	8/25/2011 5:35:17 AM
kindeng.1965 Posts 98	إخت om_sahmah خلي الطوفة تنفعك وخل الزواج لأهلة
	8/25/2011 11:43:44 AM
kindeng.1965 Posts 98	ياجماعه ملاحظه أخيره : اللي يكتب بالعامي خل يراجع اللي اكتبه قبل لا يرسل مشاركته لان الأسلوب يكون غير مفهوم خصوصا لغير الكويتتين والأفضل الكتابة بالفصحى لان مع احترامي للي يكتب بالعامية اسلوبكم وطرحكم في الغالب يفشل
صفحات 1 2 3 4 5 6

|