|
صفحات
1 2 3 4 5 |
|---|
|
8/28/2011 5:18:59 PM
|
samia22
Posts 149
|
اللهم صل علي محمد وال محمد
صحيح اني ما احب كلمه اصيل وما اصيل اللي يكتبونها دايم الشباب(كلمه اصيل نبعت من المجتمع البدوي بالبدايه واخذها الحضر ) ....بس الاخت غلطانه مو جذيه النصيحه ؟!! .... الانسان حر فيما يريد ويختار ويكتب في بروفايله ...يمكن تهوه متكبر ...الله راح يرزقه وحده متكبره  ...كل انسان الله يرزقه نفسه .
والله يسعد الجميع ان شاءالله
الفلكيون يقولون ان من المستحيل رؤيه الهلال يوم الثلاثاء ....ولكن تلفون المملكه لهيئه الرؤيه بالكويت حفظها الله سيثبت العكس 
|
|
8/28/2011 8:24:05 PM
|
laila70
Posts 57
|
ومن قال اخوي محمد
يالله زهبو العيادي 
|
|
8/29/2011 10:04:42 AM
|
nwara79
Posts 18
|
السلام عليكم ورحمة الله وبركاته..
صباح الخير..
بارك الله لكم في اخر يوم من هذه الشهر الفضيل..
وعساكم من العايدين والفايزين..
اشكرك اخي كنج على الاطراء..
اولا..اعذرني لعدم استطاعتي لاجابه عن تساؤلاتك بالعام!
وانا بعد لااستطيع ارسل رساله الا اذا انت ارسلت! بسبب حسابي!
ثانيا.. بخصوص موضوع الاخت ساره!
ماعتقد من المفروض تبين لناس رسالتها! لا يعني اني بصفها ولا بصفك!
بس اذا انت مقتنع بنفسك! لايهمك احد مهما كان! واذا تجادلت معاك من حقك ترد عليها برساله
!
واذا كانت ادعت عليك باشياء ماهي فيك فيك تحتسب فيها الله سبحانه
وهو بياخذ لك حقك!
هذه الاهم!
مو عشان الناس تعرف شكثر انت مظلوم! بس مو حلوه بحقك!
ممكن احد ثاني يقول شنو الدليل على انها ارسلتها! مافي صح!
الا اذا حطيت رابط لصوره الرساله كدفاع لك
بس هم ارد واقولك ماكان له داعي هالشي!
ترفع عن الناس اللي ماهي من مستوا تفكيرك
بجذي الناس راح تتلخبط بينكم!!
واهم نقطه ..الله امر بالستر
وقابل السيئه بالحسنه!
يمكن الاخت كتبتها وقت زعل او ضيقه او لحاجه بنفسها!
ويمكن لورديت عليها وقابلت سيئتها بحسنه! تفهمك صح
وتوصل لها وجهة نظرك! وماتدري يمكن تعتذر عن الي سوته!
بس بعد مانشرت رسالتها ..راح ( تزيد الطين بله)
وراح تشين النفوس اكثر لاراح يستفيد احد شي غير
توجيه اسائات اكثر واكثر..
الله يهدي الجميع
اعتذر اخوي كنج..
و
اعتذر اختي ساره..
اذا ضايقتكم بكلامي..
والله يشهد مافي النفوس! ولا انا ضدك ولا معاك باي شي
بس كلمت حق وحبيت اقولها..
|
|
8/29/2011 11:54:40 AM
|
nwara79
Posts 18
|
اخي الكريم كنج
راح ارد عليك قدر استطاعتي
اذا قريت بروفايلي والله يشهد اني كاتبه كل شي صحيح
١) وظيفتي مختلطه! وبأذن الله لما اخلص دراستي هم
راح تكون شبه مختلطه! هذه اول شرط مايناسبك!
٢) سؤالك عن السكن؟! هل تقصد اذا انا ساكنه لحالي ولا تقصد باي منطقه؟!
٣) مواليدي نوفمبر ١٩٧٩..سؤالك غريب لانك طالب بالتفصيل؟!!
٤) قبليتي اعتذر عن اجابتها!!!
٥) اسباب طلاقي..انا ممكن اكون صادقه واقولك الاسباب! بس هل تقتنع فيها!!
يمكن حتى لوحلفت بالله كذب ب عشان ابين نفسي مظلومه ماراح تعرف حقيقة ماحصل لانه البيوت اسرار وهذه احداث حدثت بين
زوج وزوجته حتى لو كانت بالسابق! والله امر بالستر.. طيب لو انا قلت الصج وكنت انا الغلطانه والمتسببه بالطلاق مهما كانت الاسباب! بتغض نظرك عنها؟!
ولاراح تمسكها لي عشان تغلطني ! ليش الانسان مايتوب! مايعترف بغلطته! ماتعلم من تجاربه السابقه! وبعد انت ماشققت صدر اي مطلقه وعرفت اسباب ارتاكبها للغلط! يمكن طيش او عدم تصرفها السليم اوقعها بالغلط! ماتبونها تتعلم من تجربتها وتصحح الخطأ!! ولا ماتستاهل المطلقه فرصه ثانيه!
وحتى لو تبليت عليه وقلت هو الغلطان! ليش مافي رب يحاسبني ولاالرجال لما اظلمه ماله حوبه!!
...اعتذر عالانفعال اخوي!
٦) نعم البس باقتناع من نفسي + انه من العادات والتقاليد!
٧) انا موعارفه على اي مقياس قيمت درجة التدين ب عاليه ومتوسطه وعاديه!! ممكن تشرحلي هذه الدرجات؟!
بس الحمدالله انا اعرف اميز بين الحلال والحرام! ولااكرهه علي احد ولااشيل بقلبي..
٨) بقولك شغله بخصوص هالنقطه! ابو بنتي صار له ٤ سنوات ماشاف بنته ولاسأل عنها!
وبنتي عمري ماراح اتخلى عنها! وهم هالنقطه ماتناسبك لانها من شروطك!
وبزيد نقطه علي الموضوع..
انا افضل الرجل المتزوج! مثل ماهو له حق على! بنتي بعد لها حق! حتى اقدر اكون معاها ومعاه بنفس الوقت!
-------------
--------------
ممكن اتكلم عن بروفايلك!!!!!!
واحلفك بالله ماتزعل! ود ارسلك رساله بس ماقدر بسبب حسابي!
كلمه حلوه ذكرتها..انك متدين باعتدال!!
بما انك متدين! بشنو يهمك اصيله ولامو اصيله! ( اعتقد الفرق بالتقوى) مو بالاصل!
وعمر النسب بالعائلات الكبيره يرفعك! بالعكس الناس ترتفع باخلاقها وكم ناس بسيطه وعلى قد حالها بس عمر
اصحاب النسب العالي ولاالمال يوصل مواصيلهم بالاخلاق!
وذكرت انك حلو جدا! ماعتقد الجمال لرجال! صفه مهمه جدا حتى احط له اعتبار! ويخليني اقيمك!
وذكرت انك ماتحب الواحد يبالغ بوصفه! اعذرني بس انت شنو سويت؟!
ماتعتقد انك بالغت بالوصف بجمالك وبنسبكم؟!
اما عن شروطك لك الحق فيها لااستطيع ولايحق لي اجادلك فيها..حرية رأي واختيار..
كلمه جميله( اذا اردت ان تطاع فاطلب المستطاع)
ممكن تخفف من طلباتك وبأذن الله اللله بيسرك ويوفقك
ببنت الحلال..
وبما انك متدين ورجل ..شلون تطلب من المرا ان تساهم بمصروف البيت ؟!
الدين يلزمك كرجل بانك انت المسول عنها! في جميع احتياجاتها! وهذه طبيعي تكون المرا مسوله غالب الوقت عن مصروفها ولكن وليش المصروف علي نفسها والبيت معا!!!
اما انها تساهم باختيارها وارادتها لاباس ولايكون شرط من شروطك لقبول الزواج منها!
بس كلمة حق تنقال..هذه نقطه حلوه منك انك ذكرتها..مو مثل بعض الرجال هني يحطون للمرا شمس بأيد والقمر بأيد!
ولايقولها عشان مايطلع بصوره غير صحيحه..
محد عارف يمكن وحده تعجبها هالنقطه ومافيها اي شي وخصوصا انها موظفه!
اما مسأله اللي تحب الماركات هذه مسأله اخرى..
صدقني ياخ كنج
والله يشهد مافي شي ضدك بس حبيت ابداء رأئي واتمنى مايضايقك..
وفقك الله لما يحبه ويرضاه..
محبتكم نواااااره
|
|
8/29/2011 12:28:12 PM
|
mhmmd
Posts 69
|
اولا يا باش مهندس علامك على الرسالة اللي ياتك ..
انت تعرف اشكثر اكو سبام يوصل للواحد على ايميله .. شتسوي فيه عادة !
ثم انك انسان واثق و مثقف وواعي لكل هالامور اللي انكتبت بالرسالة و انا اشوف لك ماشاءالله
عقلية نبيهه اشفيك مدنقر بالموقف و مصمم انك تحله .. امش بدربك و قطه وراك
ليلى بالدينار و الا الدولار العيادي .. هالايام الدولار نازل فتصير علينا العيدية ارخص الله يسلمج
و اللي تتكلم عن التلفون ارجو ان نحترم هالبلد مهما كان موقفنا من بعض سلوكيات خاطئة من
وجهة نظرنا .. لكن اعزاز البلد امر ضروري و ما في داعي نستهزئ فيه بارك الله فيكم
لان اكو كلام بعد ممكن ينقال عن اللي مو من اهل التلفون و يفتح ابواب ما نبيها تنفتح
الكلام سلاح ارجو التنبه لمخاطره .. و المصريين يقولون ( الملافظ سعد )
البلد ما يحتمل احد يستهزئ فيه .. فالطرح الطائفي و العرقي و السياسي هالايام
مشبع مشالله بكل الكلام ممكن يفرق و يشحن او يحرض خلونا بعيد عن هالطرح البغيض
بالضرب من تحت الحزام احنا مو ناقصين .. و لا احد يقول انه ما قال شي غلط .. المعنى واضح رجاءا يا اخوان
|
|
8/29/2011 1:35:20 PM
|
laila70
Posts 57
|
نووووووووو
بما انك كويتي ابيها بالدينار
شلي بعوار القلب روحي وحلوي قلوس 
بعدين صراحه الشهاده لله صح لسانكم انت ونواره
ويزاكم الله خير علي التنبيه الحلو. اللي ممكن يفيد كل واحد
وسلامتكم
|
|
8/29/2011 3:49:39 PM
|
mhmmd
Posts 69
|
انا من تنزانيا للعلم لو سمحتي !!
مو انا على سفر فصارف الفلوس
الله يعينج تاخذينها بالدولار و معها حبة بركة !! ( بندول )
على قولة البياعة لما يكون بيقص على احد !!
سبحان الله اشلون شخط هالشهر بهالسنة ما حسينا فيه
الله يتقبل منكم جميعا صالح اعمالكم و يغضي عما دونها
و يهبنا جميعا طيب المعشر و ينير باذنه دربنا بالمحبة
|
|
8/29/2011 4:22:15 PM
|
laila70
Posts 57
|
امبيه سوري والله عبالي من الكويت
بس عفوا اهل تنزانيا يتكلمون اللغه العربيه ؟؟
والله ما عرف عموما يزاك الله خير
الله يبلغنا رمضان سنوات عديده
|
|
8/29/2011 9:26:03 PM
|
mhmmd
Posts 69
|
اكيد ... نهن نتكلم الاربيتو الفسيهتو
الم تكل لكم ذلك سبكهاوة ام المتاتو ؟
زين سوت السعودية عيدتنا لحسنة وحيدة
علشان تضبط الرزنامة الهجرية اللي لعبوا
فيها باستهلال شهر رمضان لان حجم القمر
كان ما يناسب التاريخ لكل يوم من الشهر
ايامكم انشالله دوم سعادة و افراح
|
|
8/29/2011 11:52:52 PM
|
kindeng.1965
Posts 98
|
اولا عيدكم مبارك - وتقبل الله طاعتكم
الخت تواره
لم أوقع هذا التحامل منك
ولا هذا الرد علا رساله المشتركه ساره
لقد خطأت كل شي , بروفايلي وحتا المشتركه المخطأه خطأ فادح بتعديها علي التمذهب لها العذر وخطأتيني
ما هكذا الرد يا اخت نواته - علا الاقل يليتك ماعلقتي
علا العموم
يبدو لي انك غير متشجعه للارتباط بي لتبريرات تخصك وانا احترمك قرارك
بخصوص ما ذكرته في بروفايلي من معلومات - ما اعتقد أني ذكرت شيء يسيء لي او يسيء لأي مشتركه
بخصوص ذكر الشكل فاعتقد بما انني لم أضع صوره فلا بد من ذكر لمحت عن شكلي الخارجي - والحمدلله لم أضعها اول صفه - ثم ماالمانع في ذكر مواصفاتي الشكلية خصوصا اذا كنت صادق
وما المانع في افتخاري باصلي الذي رزقني به الله - واذا كنت موقع خطبه وما ذكرت اصلي ، فاين اذكر ذلك
الرسول ( ص )
ثبت انه افتخر بنسبه في عدة حوادث
ويبدو للأسف انك فسرت كثير من رسالتي خطأ
حيثلم اذكر انني لا اريد ابنتك ، بل بالعكس
وكيف فهمت من سؤالي عن سبب الطلاق انني اريد تخطيءك
بل العكس ربما في من الاطباع مافي طريقك
|
|
8/29/2011 11:59:18 PM
|
kindeng.1965
Posts 98
|
تقبل الله طاعتكم وعيدكم
|
|
8/30/2011 6:13:32 AM
|
laila70
Posts 57
|
يلا صلاة العيد قواكم الله
عيدكم مبارك
|
|
8/30/2011 1:14:58 PM
|
kindeng.1965
Posts 98
|
عذرا جدا للاخطاء الاملاءية
في رسالتي للأخت نواره
انني اكتب بآيفون نتيجة قطع الخدمة عن الإجو باللابتوب
وبالخطأ ارسلت الرسالة قبل إتمامها
سوف ارسل أخرا حين عودة خدمة الإنترنت.
|
|
8/31/2011 12:12:10 AM
|
kindeng.1965
Posts 98
|
الأخت نواره الكريمه
يقول الرسول ( ص) خير الكلام ما قل ودل
* اولا : اذكرك بالآية الكريمة ( ولا تجعلوا الله عرضة لإيمانكم ) - اي لا يكون الحلف الا على ضروره قصوى
ونحن هنا في منتدى وكل واحد له ملف يذكر فية صفاته ومايرغب فيه من صفات في الطرف الاخر ( ويفترض أن يراقب الله في كل حرف يكتبه ) ، لذا لا ينبغي ان تستحلفيني بالله الا ازعل ، يكفي ان تقول اتمنى الا يزعجك او يضايقك .... هذذه نصيحه خارج الموضوع
بخصوص انتقادك لبروفايلي :
* يبدو لي انك غير متشجعه للارتباط بي لتبريرات تخصك وانا احترمك قرارك
* بخصوص ما ذكرته في بروفايلي من معلومات - ما اعتقد أني ذكرت شيء يسيء لي او يسيء لأي مشتركه
*بخصوص ذكر الشكل فاعتقد بما انني لم أضع صوره فلا بد من ذكر لمحه عن شكلي الخارجي - والحمدلله لم أضعها اول صفه - ثم ماالمانع في ذكر مواصفاتي الشكلية خصوصا اذا كنت صادق ، ومع انني ارى شكلي عادي الا انني افجأ بكلمات الإطراء من الأقارب والأصدقاء القدامى الذين لم التقيهم من وقت طويل ، فاكيد احمدلله ان رزقني شكلا جيدا ولم يجعلني دميما او معاقا أسال الله السلامه ( وأما بنعمة ربك فحدث ) ، وانا لم أضع وصف لشكلي الا من وقت قريب لانني وجدت من يسأل عن كيف يبدو شكلي ، لان الكثير من نساء هذا الوقت للأسف يركزون على الشكليات والماديات في الزواج .
* والغريب حتى ذكر اصلي انتقدتيه - ما دخل التدين بأفتخاري بنعمة الأصل الطيب - تأكدي ان هذا قصور في فهمك لهذه النقطه ، يعني اذا انا من منبت طيب اقول انني غير أصيل او ان أصلي وضيع لا سمح الله، هل يرضيك هذا ، ماذا يسال الناس حين يتقدم لأبنتهم شخص ما ( الدين والأصل ) ولا تقولين لي عكس هذا ، هذا الواقع وليس في ذلك شي ابدا ، الا تفرح المرأه اذا اراد ان يخطبها رجل ذو أصل طيب
وتأكدي الأصل الطيب يأتي بالخلق الطيب في الغالب ، وهذا ما اراه في الأوساط العائلية التي احتك بها .
وما المانع في افتخاري باصلي الذي رزقني به الله - واذا كنت في موقع خطبه وما ذكرت اصلي ، فأين اذكر ذلك
الرسول ( ص )
ثبت انه افتخر بنسبه في عدة حوادث
* بخصوص سؤالي عن سبب الطلاق - اعتقد من حقي ان اسأل عن كل ما يشجعني على الأرتباط بالمرأه - وطلاقك مع وجود ذرية ليس بالحدث السهل ، سواء كنت مخطئه واتعظت او كان طليقك مخطئا ، لا يمنع بأن تذكري ذلك ، كي يطمن قلبي لانني أيضا مررت بتجربة قاسية جدا كل ذنبي انني أخلصت لزوجتي وسانتدها في تربية ابنائي وأمور الحياة الكثيره ، وتحملت تقصيرها في كثير من حقوقي ، فكافأتي بالندية وتتبع أخطائي ومعايرتي بها ودفعي بقوه للإصدام بأهلها ، والذين لعبوا دور كبير في هدم هذا البيت الصغير الذي بنيته على اللتسامح والصبر والتغاضي كي اوفر لها ولي ولأبنائي بيئه مريحه ، لا أقول انني ملاك واعترف ان لي اخطاء وتقصير الطبيعي الموجود في كل البشر ، لا يوجد انسان بلا اخطاء وعيوب ( الكمال لله وحده سبحانه ) ( ولا معصوم الا الأنبياء عليهم السلام )
لذا فقد يكون بك من الصفات ما هو موجود بالزوجه الأولى ، فنتجنب انا وانت في الدخول في علاقه غير مأمونة العواقب ، فانا أعرف نفسي ، رجل طيب القلب رقيق المشاعرمرهف الإحساس ، والحمدلله افتخر بهذه الصفات ، ولا اتحمل ان تدخل حياتي امرأه متسلطه وتعاملني بندية وتضع راسها برأسي ( والحمدلله الله خص الرجل بالقوامه ) واتمنى لو تسألين مكاتب الإصلاح الأسري
لكي تتاكدي ان من اكبر اسباب الطلاق في الكويت والخليج والعالم بأسره ( العلاقه الندية بين المراه وزوجها )
انا سألت مصلح اجتماعي يعمل بمكتب الإنماء الإجتماعي منذ 20 سنه عن اكبر اسباب الطلاق فأخبرني والله يشهد على ما أقول - تبين لنا من ان اكثر البيوت التي تتمتع بالإستقرار ، تكون الزوجه خاضعه ( مطيعه ) للرجل ، والعكس صحيح ، وقد استنتجت ان اكثر المختلفين الذين يأتون يشتكون بعضهم البعض ، يجهلون ان يوجد بالرجل عيوب كما يوجد بالمراه عيوب
وسبب الخلاف ان كل واحد يركز على سلبيات الآخر ..... سبحان الله ( قال الرسول - ص - انما شفاء العيي السؤال ) العيي : الجاهل
ليتنا تثقف قبل ان ندخل اي تجربه ن خصوصا الزواج ، كما اننا نتعلم ونثقف كي نحصل على شهادات عالية كي نتمكن من العمل بنجع حين الوظيفه
وفقك الله
انتهى
*
|
|
8/31/2011 3:38:39 AM
|
nwara79
Posts 18
|
السلاام عليكم ورحمة الله وبركاته
صبااح الخير
عيدكم مبارك
وعساكم من العايدين والفايزين
اولا اخي الكريم كنج
انا قلت لك اني مو معاك ولا ضد الاخت!
انا شرحت الموقف فقط ولاغير!
وانا قلت بعد اني مو معاك ولا معاها!!
ولما ابديت رأي بالموضوع اذا كانت عالاخت غلطت لاتسوي نفسها وتغلط!
اذا كل واحد بيغلط فيك بتسوي جذي الناس بتتلخبط بينكم ولاتعرف الحق لمنو؟
ولا انا متحامله عليك!
ليش اتحامل بيني وبينك سابق معرفه؟؟!
وتعليقي على بروافيلك هم اعذرت عليه لانه كان مجرد ابدا رأي وبراحتك!
والرسول عليه الصلاة والسلام اذا كان تحدث وافختر بنسبه! ماعتقد انه كان بموقف زواج!!
ولا كان يطلب زوجه من نفس النسب!!!
انت كنت حاط شروووط معينه!! ولاتطابقني هالمواصفات! يعني انت تبي وحده غير موظفه
واذا موظفه لازم بمكان مافيه رجال! وتفضلها بدون اولاد!
وهالمواصفات ماتنطبق علي!
مو معاناها اني متحامله عليك!
لا كل شي نصيب!
وغير جذي والنعم فيك وبأصلك بس كان قصدي انك تتكلم عن نفسك بدون مبالغه مثل ماطلبت من الناس (اقصد ) البنات مايبالغون!
لاحوله ولاقوة إلأا بالله العلي العظيم.....
الحين انت شايف انه انا الغلطانه او غلطت بحقك؟
على العموم اسفه
والمفروض انا مااتدخل بشؤن غيري!
محبتكم نواره
|
|
8/31/2011 8:17:30 AM
|
nwara79
Posts 18
|
السلام عليكم ورحمة الله وبركاته
توي اشوف ردك على الموضوع...
حصل خير واعتقد الموضوع اخذ اكبر من حجمه
والله يوفقك ببنت الحلال...
|
|
9/1/2011 11:49:41 AM
|
samia22
Posts 149
|
اللهم صل علي محمد وال محمد
محد مودرنا غير اتباعنا لغيرنا ...يدفعون كفاره عن اغلاطهم ....وباجي الدول تعيش بتخبط ....وسلملي علي زحل اخ محمد
|
|
9/1/2011 9:42:47 PM
|
mhmmd
Posts 69
|
يوصل انشالله السلام حق زحل و نبتون و بلوتو برحلتي القادمة
الامر الوحيد اللي اقدر ااكده هو اني و لله الحمد ما انطلق بمشاعري تجاه اي امر من منطلق طائفي او اي نوع اخر من الافكار الهدامة
و هذا الفرق بيني و بين غيري و لله الحمد .. انا رجل سني المولد و لكني اعرف ان الله حق و احق ان يعبد بدون ما احب فيه بشر و اكره غيرههم لسبب في نفس مادري منو !
فعبادة الله سبحانه امر حق و حبه لا يتحدد من المنطلق الضيق .. لان حب الله سبحانه امر يفهم و لا يؤمر او يخوف به .. ( من امن بي مخافة مني فلا ايمان له ) و انا اؤمن به و اعبده محبة به سبحانه
هذا ينطبق على الناس اللي يؤمنون بمذهبي او غير مذهبي و احب بذلك عباد الله الحقين بدون النظر لمذهبهم ، و صداقاتي تشهد بذلك و لله الحمد
الاثنين سواسية .. انا لما تكلمت عن السعودية ( و هذا الكلام للتوضيح لبعض البشر اللي فهمهم للاسف محدود بفكرة وحدة جلها و كل ما فيها انحياز و تعصب !! ) اقول لما قلت جزاهم الله خير انهم فطرونا بذاك اليوم قلتها لسبب مكتوب في كلامي بذات المكان .. ( للعلم هذه ثاني مرة اشوف من هالناس مغثة و عمي طائفي و مذهبي للاسف .. نظرهم لونه واحد و الوان الطيف عندهم بسبب هذه النظرة الضيقة للاسف محرومين منه !! )
والله يا جماعة ( ماعليه شوية مبالغة غريبة ) لو ان السيك و الا الهندوس ذاك اليوم معيدينا جان قلت نفس الكلام .. لو ان اهل ( اللي مو من ربع التلفون !! ) معيدينا جان قلت نفس الكلام .. الفكرة مو بان ناس معينين هم اللي ازكيهم لانهم فطرونا .. انما الغرض من كلامي مثل ما قلت من قبل بنفي الرد ان استهلال الشهر الماضي كان مو مضبوط ... عسى فهموا الربع و الا اشرح زود !! ... على فكرة كلام الفلكيين يقول ان الهلال يظهر لمدة دقيقتين او 3 او شي جذيه ما اذكر الحقيقة .. و كانوا يايبين مجموعة منهم يتكلمون ، و لكن و بسبب التلوث و لاسباب اخرى ذكروها ما راح ينشاف من عين مجردة .. هو الاسلام حدد ان صوموا لرؤيته و افطروا لرؤيته انما كذلك اكو شي اسمه عدة .. و الشهور السابقة انلعب فبها للاسف لاسباب سياسية و انا ذكرت هالكلام للي يبي يفهم .. و ذكرت ان استهلال شعبان كان مو مضبوط لذلك كان لازم نفطر بذاك اليوم اللي فطرنا فيه قرار السعودية !!!!!!!!!!!!!! علم الان ؟؟
يا جماعة بقول لكم شي و هذا امر حقيقي .. انا انسان زوجتي من المذهب الشيعي و كنت لما تحتاج الى السفر للزيارة و الا تسوي السفرة او غيره كنت اساعدها و اوقف معاها .. لاني اؤمن بان الله حق و للناس حقوق لانها من لفظ الخالق ما اجامل احد هني لان محد من هالنوع يهنمي الحقيقة .. هذا اللي وايد ناس ما يقدرون يستوعبونه و للاسف لانهم يفكرون و يشوفون بلون واحد ما يشوفون الناس الاخرين الا بانهم بلون واحد كذلك مع ان الله سبحان خلق ايضا ناس لهم بصيرة اعمق و مختلفة و هم كثر و لله الحمد ، ما تمنع عمل العقل والتفكير من اجل تبعية لكلام شخص من هني و الا شخص من هناك ( من المذاهب المختلفة ها ؟؟ لا يحسبونها علي بعد !!.. انما تتبع سجية و فطرة تحكم التفكير و التوصيف
اقول لكم شي طريف حصل معاي و ربي يشهد على كلامي ... ( نسولف شوي و بلاش هالمغثة ! ) ... كنت من مدة مسجل بمجموعة مشتركينها من ابناء الشيعة و من اسمها تحدد نوعيتها .. كانوا ربعنا من بعض المتعصبين يدخلون و يتهجمون على الموجودين .. كنت اقول حق الربع من اللي تعرفت عليهم خلوهم علي شوي صبركم و خلوني اجابلهم .. من منطلق محاولة ابعاد التشرذم و الغلط بين المذاهب .. وقفت لهم مدة بس ما وضحت لهم شنو مذهبي و انا اناقشهم ( بعقلانية و محاولة عدم نرك الامر للتهجمات المتبادلة اللي ممكن تصير ) .. و تاليها باقوا ايميلي !!!!! ( يكون يعني طالع فيها ) الله يشهد على هالكلام ..
اعتقد كلامي واضح .. لا تردون علي و تتعبون حالكم .. بعدوني عن هالسوالف و حنتها لاني ما احب اللغوة بالمذهبية او اي نوع ممكن يفرق بيني و بين اي انسان محترم بس لان ابليس دش بينا و فرقنا بطائفية او قبلية او اي شي ثاني .. لاني مسلم و كويتي ..
و دوموا بخير جميعا و عساكم من عواد و الله يعيدكم على امثاله و يزيدكم افراح و مسرات
|
|
9/2/2011 9:10:40 PM
|
TALAL_4488
Posts 362
|
هل تؤيد التعارف قبل الزاواج ولا
اعتقد ان الموضوع واااااااااااضح وضوح الشمس
واللي ماعنده نظر يروح للطبيب عشان يفحص عيونه
واللي مافهم مع احترامي للكل بيكون ........ عرفتو شنو اقصد او لا ؟؟
|
|
9/3/2011 4:55:01 AM
|
jawhara79
Posts 1
|
لو ما اايد ليش داشة اهني
|
|
صفحات
1 2 3 4 5 |
|---|