|
صفحات
1 2 |
|---|
|
11/6/2008 6:37:13 PM
|
khale_dm
Posts 358
|
بسم الله الرحمن الرحيم
لكل زواج له عيوبه ومميزاته .....الزواج التقليدي او الاهل له مميزاته وعيوب ....وكذلك زواج الحب له مميزات وعيوب
نقاش الموضوع:
1-ماهي مميزات وعيوب الزواج التقليدي؟
2- ماهي مميزات وعيوب الزواج عن حب؟
3-هل تايدون زواج الحب او التقليدي؟
لكم فائق مودتي واحترامي
اخوكم/ خالد
|
|
11/7/2008 2:09:19 AM
|
zhara_73
Posts 6
|
السلام عليكم :
1-ماهي مميزات وعيوب الزواج التقليدي؟ الزواج التقليدي كما قلت وهو زواج الاهل بمعني هو اختيار الاهل ا لزوجة او الزوج ... وختيارهم يكون اولا من ناحية (اذا كانوا العائلتان قريبتان) يكون الزواج لتقوية ترابط بين الاسرتين الزوج وزوجة ....واما اذا الزواج بعيد من الاقارب فيكون الاختيار الزوجة او الزوج من ناحية ( العائلة -المذهب -الاخلاق)وعيوب الزواج التقليدي هي كثيرة اولا اذا حدث خلاف بين الزوجين واضطر احدى الزوجين في تصاعد الامور سوف يحدث تفاكك بين الاسرتين الزوج والزوجة وتتوالد الخلافات والعداوات بينهم ...عدم معرفة شخصية الزوجة او الزوج من ناحية الانطباع .
2- ماهي مميزات وعيوب الزواج عن حب؟ واما الزواج عن حب بوجهة نظري يجب ان يكون له قوانين لانه اختيار الرجل والمراة وهم يتحملون مسؤلية اختيارهم في الاخير ..
وهذا الزواج تكون فية اختبارات كثيرة حتي يتسنى لرجل او المراة الاختيارالصحيح حتي لايضعون نفسهم باللوم ...
اولا: وزواج الحب افترض ان يكون للرجل والمراة فى السن الثلاثينات وفوق ...لان يكون الرجل واعي ومتفهم ومجرب الحياة ويكون اختياره للمراة من باب تجاربه في الحياة واما المراة تكون واعية وذكية ورزينه وتتحكم في عواطفها و يكون حبها للرجل بعقلها وليس بعواطفها لان الرجل هنا يضع لها كثير من الاختبارات ....
وثانيا : ان هذا الزواح يوضح للرجل والمراة انطباع كل واحد فيهم (كونه عصبي -هادي -عنيد -مرح -الخ
ثالثا واخيرا : عند الاختيار الرجل المراة المناسبة وختيار المراة الرجل المناسب بكل قناعة ...هنا بعتقادي لا يوجد اي عيوب لهذا الزواج
مع جزيل الشكر لك يا ستاذ خالد
|
|
11/7/2008 2:29:58 AM
|
whyerror
Posts 1
|
السلام عليكم موضوع حلو بس أنا أشوف أن الزواج يكون أصح أذ كان الطرفين يعرفون بعض لأنه للأسف الشديد غالبيه زواج الأهل ينتهي بالفشل وهذي بحد ذاتها تسبب أحباط للطرفين
ويقع اللوم علي الأهل وبالنهايه هذا توفيق من الله والله الموفق
|
|
11/7/2008 3:32:55 AM
|
Karbala
Posts 318
|
السلام عليكم
سواء التقليدي او الحب او غيره .....
المهم من الزوج ومن الزوجة ... اذا كانوا لا يفقهون معنى الزواج ... في كل الأحوال سوف يفشل الزواج ..
لانه الحب قبل الزواج .. يتغير مفهومه بعد الزواج ... ويتغير بعد ما يكبر الشخص سنة بعد سنة
بالنهاية ... لابد من اننا نكون امام واقع وهو المحافظة على كيان الأسرة وعدم هدم هذا الكيان سواء هناك حب او غيره
تحياتي
اخوكم/ كربلا
|
|
11/7/2008 5:32:08 AM
|
guest_q8
Posts 150
|
انا بالنسبه لي متزوج زواج تقليدي بحت مو 100% الا 1000000% ليش انا اقولكم.
انا تزوجت وكان عمري 23 سنه فطبعا كانوا الاهل اهما اللي يدورولي على زوجه وانا كنت مريح بالي مالي شغل يبون يزوجوني غصب ومو راديين علي تتزوج يعني تتزوج المهم مالكم بالطويله على قولتهم .
فلما لقولي بنت الحلال يو وقالولي يالله ترا لقيناك مره زهب نفسك باجر تروح معانا لهلها طبعا انا صكتني ام ركب مو قادر اشيل نفسي ههههههههههههههههههههههههههه
المهم رحنا من باجر عشان تكون الخطبه عاد رسمي فقلت للوالده الله يرحمها ويغمد روحها الجنه يمه انا ابي اشوف البنت قالت ان شاء الله انا اكلم امها وان شاء الله تشوفها قلت ان شاء الله
طبعا وصلنا لبيتهم الحريم راحوا الصاله عند الحريم وانا والوالد الله يرحمه ويغمد روحه الجنه واخوي الجبير قعدنا بالديوانيه مع ابو البنت الحين تفكيري كله بالبنت ابي اشوفها , شوي والا ياي اخوها الصغير جان يقول امك تبيك هو قال جذي انا ركبي مو قادره تشيلني وقمت اصب عرق المهم بالاخير شنو طلع ام البنت تبي تشوفني فيني شئ اعرج فيني حوله تبي تشيك علي هههههههههههههههههههههههههههههههههههههههه
وانا قاعد اتلفت يمين يسار ما في شئ المهم رديت الديوانيه وقعدت , بعد شوي عاد مشينا ركبنا السياره سالت الوالده يمه ليش ما كلمتي ام البنت عشان اشوفها ,جان ترد علي قالتلي ام البنت مو راضيه انك تشوف ينتها ههههههههههههههههههههههههههههههههههه
هني زعلت قلت خلاص ما ابي بنتهم جان يقول اخوي الجبير مو بكيفك تاخذها والا ازعل عليك , عاد اخوي الجبير ما احب ازعله لانه ابو البنت رفيجه جان اقول اوكي ماشي بس الله يستر من اخرتها.
المهم ما شفت زوجتي الا يوم العرس , فعاد هذا الزواج التقليدي , وانا اشوف انه فيه عيوب وفيه ايجابيات وما في شئ بالدنيا كامل والكمال لله وحده.
الزبده اسال مجرب الزواج التقليدي افضل بنظري .
أحمــــــــــــــد***
|
|
11/7/2008 12:26:41 PM
|
khale_dm
Posts 358
|
whyerror كتب:
السلام عليكم موضوع حلو بس أنا أشوف أن الزواج يكون أصح أذ كان الطرفين يعرفون بعض لأنه للأسف الشديد غالبيه زواج الأهل ينتهي بالفشل وهذي بحد ذاتها تسبب أحباط للطرفين
ويقع اللوم علي الأهل وبالنهايه هذا توفيق من الله والله الموفق
--------------------------------------------------------
اذا كان الزوجين يعرفون بعض تكون لهم فرصه على التعرف على طبايع وسلوك بحيث اذا ارتاحوا يتزوجون
اما زواج الاهل تكون فيه حساسيه بين الاهل فياثر عليهم
اخوكم/خالد
|
|
11/7/2008 2:36:52 PM
|
khale_dm
Posts 358
|
zhara_73 كتب:
السلام عليكم :
2- ماهي مميزات وعيوب الزواج عن حب؟ واما الزواج عن حب بوجهة نظري يجب ان يكون له قوانين لانه اختيار الرجل والمراة وهم يتحملون مسؤلية اختيارهم في الاخير ..
وهذا الزواج تكون فية اختبارات كثيرة حتي يتسنى لرجل او المراة الاختيارالصحيح حتي لايضعون نفسهم باللوم ...
اولا: وزواج الحب افترض ان يكون للرجل والمراة فى السن الثلاثينات وفوق ...لان يكون الرجل واعي ومتفهم ومجرب الحياة ويكون اختياره للمراة من باب تجاربه في الحياة واما المراة تكون واعية وذكية ورزينه وتتحكم في عواطفها و يكون حبها للرجل بعقلها وليس بعواطفها لان الرجل هنا يضع لها كثير من الاختبارات ....
وثانيا : ان هذا الزواح يوضح للرجل والمراة انطباع كل واحد فيهم (كونه عصبي -هادي -عنيد -مرح -الخ
ثالثا واخيرا : عند الاختيار الرجل المراة المناسبة وختيار المراة الرجل المناسب بكل قناعة ...هنا بعتقادي لا يوجد اي عيوب لهذا الزواج
مع جزيل الشكر لك يا ستاذ خالد
------------------------------------------------------------
مشكوره يالغاليه زهره ....مشاركاتج القيمه ذات الطابع الجذاب والمنطقي واللي تكون لها اسلوب جميل يعبر عن انسانه صاحبه عقل مبدع وراقي
واقدر الخص ردج المبدع بعده نقاط
1-الزواج التقليدي الهدف منه زياده الترابط الاسري وفي حال الطلاق يؤدي الى تفاكك بين الاسرتين الزوج والزوجة وتتوالد الخلافات والعداوات بينهم ...عدم معرفة شخصية الزوجة او الزوج من ناحية الانطباع .
2- الزواج عن طريق الحب يكون باختيار الرجل والمراة وهم يتحملون مسؤلية اختيارهم في الاخير ومن الشروط اللتي يفضل تواجدها فيه هذا النوع من الزواج الاتي:
ِِ-ان يكون الزوج والزوجه فوق سن ال30
-يتيح التعرف على طبايع كل منهما الاخر
-يكون باقتناعهم
واختى الغاليه زهره تقتتنع بان هذا الزواج مناسب للجميع
اخوكم/ خالد
|
|
11/7/2008 6:04:55 PM
|
khale_dm
Posts 358
|
guest_q8 كتب:
انا بالنسبه لي متزوج زواج تقليدي بحت مو 100% الا 1000000% ليش انا اقولكم.
---------------------------------------------
بصراحه اخي الغالي احمد مشاركتك جميله جدا كالعاده لا تخلو من المرح والاسلوب الممتع في سرد وقائع زواجك
بينت لنا انك تؤمن بان الزواج التقليدي هو الزواج االافضل والانسب لكل شخص يبي يتزوج
-حبيت اخذ رايك اخوي احمد بمشاركة اخونا( كربلا) اللي يعتقد فيها ان الاساس في الزواج هو الاحترام وتحمل المسؤوليه وفهم معنى الزواج اهم من الزواج التقليدي او زواج الحب...
شرايك بكلامه؟
اخوكم/خالد
|
|
11/7/2008 7:41:12 PM
|
guest_q8
Posts 150
|
khale_dm كتب:
guest_q8 كتب: انا بالنسبه لي متزوج زواج تقليدي بحت مو 100% الا 1000000% ليش انا اقولكم.
---------------------------------------------
بصراحه اخي الغالي احمد مشاركتك جميله جدا كالعاده لا تخلو من المرح والاسلوب الممتع في سرد وقائع زواجك
بينت لنا انك تؤمن بان الزواج التقليدي هو الزواج االافضل والانسب لكل شخص يبي يتزوج
-حبيت اخذ رايك اخوي احمد بمشاركة اخونا( كربلا) اللي يعتقد فيها ان الاساس في الزواج هو الاحترام وتحمل المسؤوليه وفهم معنى الزواج اهم من الزواج التقليدي او زواج الحب...
شرايك بكلامه؟
اخوكم/خالد --------------------------------------------------------------------- مشكور اخوي خالد على الرد هذا من ذوقك وحلاة الانسان ما يكون دمه ثقيل , وحلو لو انك تتكلم بنوع من الفكاهه عشان اللي يقرا كلامك يستمتع وبدال ما يكشر تلقاه يبتسم .
بخصوص كلام اخوي كربلا انا اشوف انه كلامه صحيح بخصوص الحب , اهوا قال ( لانه الحب قبل الزواج .. يتغير مفهومه بعد الزواج ... ويتغير بعد ما يكبر الشخص سنة بعد سنة) اللي فهتمته من كلامه ان الحب الصحيح اهوا الحب اللي ييي بعد الزواج من خلال تفاهم الزوجيين واحترامهم لبعض وتحملهم المسئوليه .
وانا مقتنع بان الحب الصحيح واللي تستمر فيه الحياة الزوجيه هو الحب اللي ييي بعد الزواج , اما اللي قبل الزواج انا اتوقع انه ما راح ييكون بنفس القوه بعد الزواج ويمكن ما يستمر .
اما بخصوص كلام اخوي( بانه الاساس في الزواج هو الاحترام وتحمل المسؤوليه وفهم معنى الزواج )كلام صحيح , بس الاشياء هذي تيي بعد الزواج والعشره هني يبين الكلام من الفعل هل راح يتطبق هالكلام والا لا .
وصدقني كربلا التوفيق من الله ماله شغل كان تقليدي والا عن حب , بس انا اقول الزواج التقليدي اهوا الزواج اللي يحفظ للبنت كرامتها .
أحمــــــــد***
|
|
11/7/2008 9:01:47 PM
|
Karbala
Posts 318
|
السلام عليكم
اخواني آرائكم على عيني ورأسي .. وأحترمه جدا
ولــكـــــــــــــــــــــــــــن اقولكم وانا اتحمل كلمتي ..
لا تقولون بعد الزواج نتعلم.. بعد الزواج نحب .. بعد الزواج يصير خير .... ألخ
لانه بعد الزواج الفاس طاح بالرأس .. وهذا هو سبب كثرة الطلاق اللي حاصل
لابد من معرفة معنى ومفهوم الزواج .. قبل الزوج
تقبلوا تحياتي
كربلا
|
|
11/8/2008 8:31:42 AM
|
khale_dm
Posts 358
|
Karbala كتب:
السلام عليكم
اخواني آرائكم على عيني ورأسي .. وأحترمه جدا
ولــكـــــــــــــــــــــــــــن اقولكم وانا اتحمل كلمتي ..
لا تقولون بعد الزواج نتعلم.. بعد الزواج نحب .. بعد الزواج يصير خير .... ألخ
لانه بعد الزواج الفاس طاح بالرأس .. وهذا هو سبب كثرة الطلاق اللي حاصل
لابد من معرفة معنى ومفهوم الزواج .. قبل الزوج
تقبلوا تحياتي
كربلا
-----------------------------------------------------------
عندي سؤال يالغالي وحاب اعرف منك اكثر:
ليش الحب قبل الزواج يختلف عن الحب بعد الزواج؟
لانه بعد الزواج الفاس طاح بالرأس .. وهذا هو سبب كثرة الطلاق اللي حاصل........يعني بعد الزواج الواحد يطلق على طوول او يندم اعلى الزواج......اتمنى تشرحلي هالنقطه هذي اكثر
اخوكم/خالد
|
|
11/8/2008 10:37:01 AM
|
Sweetm3n
Posts 2
|
مراحب :
حبيت اشاركم الراي
ليش الحب قبل الزواج يختلف عن الحب بعد الزواج؟
بسبب هو ان كل من الرجل والمراة يخفي انطباعه الحقيقي من الاخر قبل الزواج حتي يتمكن من كسب الطرف الاخر .... وعند الزواج تنكشف الحقائق المخفية للاسف ..
|
|
11/8/2008 8:04:28 PM
|
faloda88
Posts 4
|
سلام
حبيت اقول انا افضل الزواج عن حب اكثر من التقليدي رغم ان المجتمع يعارض هالشي والسبب انا عندي اتزوج شخص اعرفه احسن من الي تطلع بلاويه بعد الزواج ذيج الساعه اكون تدبست فيه وصعب اعيش مع شخص مو متفاهمه معاه وايضا صعب اني اكون مطلقه ,,
والي يقول في فترة خطبة يقعدون فيها مع بعض انا اشوفها حجي فاضي لان كل واحد راح يطلع بهالفترة احسن ماعنده واحسن صفاته عشان يلاقي القبول من الطرف الثاني اما العلاقه عن حب الافضل تكون لمدة سنه ماتزيد عن هالفترة وماظن في واحد يقدر يجذب طول هالفترة ويتفاهمون على كل شي اذا عجبو بعض تقدم الشخص وصار كل شي اوكي اذا ماعجبهم كل واحد يروح بطريجه ويا دار ما دخلك شر...
وسلامتكم
|
|
11/8/2008 9:34:21 PM
|
khale_dm
Posts 358
|
Sweetm3n كتب:
مراحب :
حبيت اشاركم الراي
ليش الحب قبل الزواج يختلف عن الحب بعد الزواج؟
بسبب هو ان كل من الرجل والمراة يخفي انطباعه الحقيقي من الاخر قبل الزواج حتي يتمكن من كسب الطرف الاخر .... وعند الزواج تنكشف الحقائق المخفية للاسف ..
----------------------------------------------------
مشكور على مشاركتك الرائعه........بصراحه كلامك واقعي ومنطقي كون اذا الشخص غير صريح مع الطرف الاخر
او اذا كانت العلاقه مبنيه على الغش والمظاهر بتكون هالعلاقه قصيره ...
فوجهة نظري ان العلاقه بين اي شخصين يبون علاقتهم تكون جميله ان تكون الصراحه والصدق شعارهم بحياتهم
اخوكم/ خالد
|
|
11/9/2008 10:05:12 AM
|
Karbala
Posts 318
|
khale_dm كتب:
Karbala كتب: السلام عليكم
اخواني آرائكم على عيني ورأسي .. وأحترمه جدا
ولــكـــــــــــــــــــــــــــن اقولكم وانا اتحمل كلمتي ..
لا تقولون بعد الزواج نتعلم.. بعد الزواج نحب .. بعد الزواج يصير خير .... ألخ
لانه بعد الزواج الفاس طاح بالرأس .. وهذا هو سبب كثرة الطلاق اللي حاصل
لابد من معرفة معنى ومفهوم الزواج .. قبل الزوج
تقبلوا تحياتي
كربلا ----------------------------------------------------------- عندي سؤال يالغالي وحاب اعرف منك اكثر: ليش الحب قبل الزواج يختلف عن الحب بعد الزواج؟ لانه بعد الزواج الفاس طاح بالرأس .. وهذا هو سبب كثرة الطلاق اللي حاصل........يعني بعد الزواج الواحد يطلق على طوول او يندم اعلى الزواج......اتمنى تشرحلي هالنقطه هذي اكثر اخوكم/خالد
اخوي خالد
بالنسبة للسؤال الاول .. الاجابة طويلة جدا جدا ويحتاح شرح عميق ولكن باختصار
الحب ينقسم الى قسمين ..
1- حب رباني او نسميه (فطره فطرها الله سبحانه للانسان) ويتحكم بها القلب والعقل
مثل حب الوالدين حب الأولاد ... ألخ
2- حب شيطاني ( هذا الحب يتحكم بها القلب بدون العقل)
مثل حب النفس وحب الدنيا وحب المال .... الخ
قبل الزواج .. يستعمل الانسان الحب رقم (2)
بعد الزواج ... يتحول الى الحب رقم (1)
بالنسبة للسؤال الثاني
قبل الزواج الواحد تفكيره فقط بأمور محدودة ويتوقعها ان ما فيها تحمل مسئولية ويفكر انه سهلة الخروج من اي مشكلة يطيح فيها.
وهو صاحب الفكرة السديدة .. وكلمته هي الأولى والأخيرة.
بعد الزواج المفاهيم تتغير وتصير عكس ما كان يتوقعونها ... يفهم انه الزواج مسئولية صعبة وكلمة الرجل محسوبه عليه ..
وهو ليس صاحب الكلمة الأولى والأخيرة... وانه هناك شخص آخر في حياته لابد ان يشاركه في تفكيرة.
وايضا يدخل فيها موضوع الحب رقم (1) .. فطره حب الزوج لأهل بيته .. وهذه غريزة تسيطر عليه في اتخاذ اي قرار
هذا باختصار جواب لسؤالينك .. انشاء الله وصلت الفكرة ؟؟
تقبل تحياتي
اخوك/كربلا
|
|
11/9/2008 6:58:56 PM
|
Florita
Posts 20
|
اختي زهره كلامج 100% وحبيت اضيف شغله يمكن تكون شوي رومانسية
ان الزعل بزواج الحب اتوقع يكون عسل عالقلب لأن مهما يكون يحبون بعض بس اذا مجرد زواج تقليدي شوي صعب لأن من الممكن ان واحد من الطرفين يكون يعامل الآخر
تحت اطار الزواج فقط من غير اي مشاعر او احاسيس يعني بالعربي جنهم آلات مجردين من المشاعر والزعل بزواج الحب رضاه يكون حلو ومليان شوق !!!!!!!!!!!
بس وين الي يحبون من كل عقلهم قبل قلبهم !!!!!!!!!!!!!!!!!!!!!!!!!!!!!!
|
|
11/11/2008 11:16:36 AM
|
mskeeena
Posts 35
|
برائى الشخصى انه زواج الحب نسبه نجاحه راح تكون 10 بالميه لانه للحين ما شفت زواج عن طريق الحب ما انتهي بفشل ذريييييييع... والدليل نسبه الطلاق الحين اكثريتهم كانوا عن طريق الحب... اما زواج الاهل له نصيب الاسد بالاستمرار ... شوفوا امهاتنا وابهاتنا ما اعتقد يامها كان فى انترنت ولا كافيهات ولا مجمعات ولا هالسوالف .. وتكون بينهم مشاكل توصل لى السما بس ما توصل لى الطلاق ... بهالعصر الى انا اسميه عصر رجل السبايكى والبنات بو روس متفوخه ...الى طغي فيه الفساد وحب الماديات ما اعتقد انه حتى زواج الاقارب راح ينجح بهالجيل ... والله يوفق الجميع
|
|
11/11/2008 12:45:54 PM
|
khale_dm
Posts 358
|
مشكور اخي الغالي كربلا على مشاركاتك القيمه والجميله واللي تمتعنا بجمال طرحك الراقي
مثل ما قلت هناك انواع مختلفه من الحب فمنها الرباني والشيطاني
وفكرت وصلت لانك عبرت عنها باسلوب جيد وواضح وبسيط
اخوكم/خالد
|
|
11/11/2008 12:50:48 PM
|
khale_dm
Posts 358
|
Florita كتب:
اختي زهره كلامج 100% وحبيت اضيف شغله يمكن تكون شوي رومانسية
ان الزعل بزواج الحب اتوقع يكون عسل عالقلب لأن مهما يكون يحبون بعض بس اذا مجرد زواج تقليدي شوي صعب لأن من الممكن ان واحد من الطرفين يكون يعامل الآخر
تحت اطار الزواج فقط من غير اي مشاعر او احاسيس يعني بالعربي جنهم آلات مجردين من المشاعر والزعل بزواج الحب رضاه يكون حلو ومليان شوق !!!!!!!!!!!
بس وين الي يحبون من كل عقلهم قبل قلبهم !!!!!!!!!!!!!!!!!!!!!!!!!!!!!!
-------------------------------------------------------------------
مشكور على مشاركتك
الحب شي جميل في الحياه الزوجيه سواء كان الزواج تقليدي او عن طريق الحب
وجهة نظرك تشرح ان زواج الحب يسهل حل الخلافات اللي تصير بين الازواج بحيث يكون تفاهم بينهم ومشاعر تربطهم مع بعض.......اما الزواج التقليدي يكون في حدود الزواج وينتج عنه صعوبه في حل المشكلات وذلك لانه خالي من المشاعر والاحاسيس
وجهة نظرك وصلت ويعطيك العافيه
اخوكم/خالد
|
|
12/28/2008 9:54:53 PM
|
meme83
Posts 70
|
انا كنت مفكره اطرح هالموضوع بالمنتدى بس اشوة لقيته موجود
لان بصراحه هالموضوع انا وااااااااااااايد قاعده افكر فيه و محتاره فيه خصوصا اني كنت من المعترضات على فكره الزواج التقليدي وان شلون اكرس نفسي لشخص ماعرفه و مع زياده العمر سبحان الله الواحد تتغير افكاره ونظرته للحياه و بديت شوي اميل لهالفكره و اتقبلها بعض الشي و للحين محتاره و خايفه من هالتجربه اللي ماعشتها لحد الحين بسبب ظروف دراستي .
1-ماهي مميزات وعيوب الزواج التقليدي؟
اولا :
الزواج التقليدي مو مثل ماقاله اخوي اللي قبلي ان مايشوف زوجته الا بالعرس !!! مايصير جذي لاااااااااااازم يشوفها ولا ليش سموها نظره شرعيه !! هذي الشغله انا اعتبرها من العادات و التقاليد ومالها شغل ابدا بالشرع و الدين ولا بمسمى الزواج التقليدي ، مفروض يشوفها و تشوفه و يقعد معاها يكلمها بس طبعا بوجود الاهل مو بروحهم عشان يصير في قبوووووول في نفسوهم حق بعض هذا اهو الهدف من النظره الشرعيه . و غير جذي من قال انه غصب ؟ صح ان الاهل اهما اللي يختارون الزوجه للولد بس بالنهايه القرار له و لها اذا بوافقون او يرفضون هالزواج .
ثانيا : مميزات الزواج التقليدي ممممممم بنظرتي انا ان الطرفين يعرفون بعض بالحلال هذي اول شغله ، ثاني شغله ان مايكون في اي حدود لهالمعرفه يشوفها و تشوفه و يكلمها و تكلمه من غير اي خوف لان مثل ماقلت هذا حلالها و اهي حلاله فأفق هالتعارف بالزواج التقليدي يكون اكبر و اوسع من اللي موجود في الزواج عن حب لان المعرفه ماتيي الا عن طريق العشره و المواقف الصعبه اللي يمرون فيها مع بعض .
سلبياته يمكن بس بفتره الخطبه اللي تسبق كتب الكتاب ، هالفتره جدا قصيره يعني قعده او قعدتين ومايتعدون جم دقيقه و بعدها يقرون الموافقه او يرفضونها ، اوكي صح ان هدف النظره الشرعيه مثل ماقلت انها تزرع القبول في نفس الطرفين لبعض و بعدها يتم كتب الكتاب و التعارف خلال فتره الملجه ، لكن في فتره الخطبه هذي تكون البنت مستحيه و الريال طبعا يحاول يبرز افضل صفاته يعني مو كاااافيه وماياخذون حريتهم عدل ، انا عن نفسي اذا بجرب الزواج التقليدي بقولهم لازم يشوفني 3 مرات لان اول مره ماتنحسب ولا الثانيه .
2- ماهي مميزات وعيوب الزواج عن حب؟
مميزاته انه عكس التقليدي فيه حريه اكبر للطرفين بان يعرفون بعض اكثر قبل لا يتزوجون بس عيبه انه طبعا مو حلال و جدا مقيد يعني تلقى البنت و الولد علاقتهم بس بالتلفون بس صوت مايشوفه و تشوفها و لو بشوفون بعض بكونون مقيدين جدا و بالتالي المواقف الللي يمرون فيها محدودة و معرفتهم لبعض بتكون ابطأ يعني يتمون مع بعض سنه او سنتين يالله يتزوجون طبعا السالفه هني بتكون بردت . انا رايي ان لو الوحده او الواحد بيتزوج عن حب اوكي يعرفها و عجبته خلاص انتقل للمرحله اليايه سيده ليش تخلي السالفه تطول سنه ولا سنتين اذا انت مقتدر عالزواج؟ تعرف عليها بالحدود الشرعيه طبعا و اذا بتشوفها شوفها فبيت اهلها و لاتطول مده تعارفكم قبلها عشان لايصير في برود يعني جم شهر بس و اذا حسيت انها تستاهلك تزوجها و تعرف عليها و على طبايعها بالحلال .
3-هل تايدون زواج الحب او التقليدي؟
صراحه مادري بس ماقول غير الله يكتبلنا اللي فيه الخير و الصالح سواء التقليدي او الحب
وشكرا
|
|
صفحات
1 2 |
|---|