Girlsh - جميع رسائل المستخدم
12/19/2008 3:09:11 AM
الزواج من امرأتين في وقت واحد.... طبعا ماراح أتكلم عن المو
12/19/2008 11:42:55 AM
قصص زواج عن طريق الموقع khitba بصراحه أنا عندي أن الزواج قسمه ونصيب ومايهم المكان سواء بالنت أو بره دام النصيب موجود خلاص
لكن يمكن الطريقه تختلف نوعا ما داخل النت لازم البنت أو الرجل يكونون حذرين في التعامل
خصوصا الكثير من يفقد المصداقيه فلازم الواحد يكون ذكي كفايه ليفرق بين الي داش يلعب أو إلي فعلا داش يدور الطرف الثاني
أتمنى التوفيق للجميع
12/19/2008 11:47:34 AM
:: اسباب العنوسه :: بصراحه انا ماشوف ان في سن معين للعنوسه
ولو نشوف الدين والشرع ماقال أن البنت الي توصل لهالعمر يعني خلاص عانس
هذا لقب إحنا إبتدعنا وحطينه له شروط وملامح ماهي أصلا موجوده .
وأقنعنا نفسنا فيها مع إنها بعيده كل البعد عن الدين والشرع

بالنسبه لتأخر الزواج فهذا شي طبيعي الظروف تغيرت وحتى المتطلبات زادت
فنلافي الريال يحتاج فتره أطول حتى يكون نفسه وشيء طبيعي يتأخر معاه زواج البنت

هذي وجهة نظري الخاصه
12/19/2008 11:53:29 AM
صفات الغير جاد أنا ضد مقولة ان لايوجد شباب جادين في الموقع .
بالعكس في كثير لكن الواحد لازم يكون حذر


وبالنسبه للمواصفات فما أعتقد إنها مقياس التعامل هو أساس كل شي
والله صدقوني إسلوب الواحد وطريقته تبين

والبنت الذكيه ماينقص عليها .. وعلشان مصلحة الأثنين لازم الموضوع هذا يندرس بهدوء وياخذونه حبه حبه لان هذا زواج مو لعب يهال
12/19/2008 11:57:52 AM
فــــــــارق العـــمــــر ... سلبياته وايجابياته بلنسبه لي فرق العمر مو مهم كثر العقل
لان في ناس اعمارهم 30 بس تفكيرهم تفكير مراهق
وفي ناس أعمارهم 20 بس ماشاءالله لما يتكلم تحسين إن عنده منطق .

بالنسبه لي أشوف فرق العمر ممكن يوصل 10 سنين طالما التفاهم والتقارب الفكري متواجد مافي مشكله
12/19/2008 12:05:38 PM
حتى تكون أسعد الناس ....دكتور عايض القرني مشكور أخوي خالد على الملخص .
أنا من أشد المعجبين بكتابات عايض القرني
وقريت له كتاب بعنوان " إستمتع بحياتك" كتاب جدا ممتع شكليا ومضمونا
ماأدري إذا نفس الكتاب الي ذكرته لان في نوع من التشابه في الطرح .
12/20/2008 12:10:47 PM
الطــــلاق

السلام عليكم ورحمة الله وبركاته

كثيرا مانسمع عن إرتفاع نسبة الطلاق في الكويت لكن حقيقة لم أدركها إلا بعد دخولي للموقع ووجدت الأغلبيه من كانت لهم علاقة زواج فاشله إنتهت بالطلاق .
والمشكله تتسع أكثر إذا كان في أطفال ففي النهايه هم ضحية هذا الزواج الفاشل .

محاور النقاش :

1- ماهي أسباب الطلاق من وجهة نظرك الخاصه ؟
2- ماهي نظرة المجتمع للرجل المنفصل أو المرأه المنفصله؟
3-هل لديك/ــي مشكله في الإرتباط بشخص منفصل ؟

بإنتظار مشاركتكم
12/22/2008 10:54:53 PM
الطــــلاق klam.hlo كتب:
وعليكم السلام ورحمت الله وبركاته

بألاول احب اشكر صاحب الموضوع على طرح هذي الفكره الحلوه <<=========<<<<<(((مو مبين عندي اذا رجل أو أمرأه)))


واالله انا اللي اشوفه
أن أختلاف المستوى التعليمي يعد أحد المشاكل وطريقة تفكير الزوجين قد لا تكون متقاربه

ومن ناحيت نظرة المجتمع اتوقع انها للرجل عاديه لاكن تكون النظره تاجه المرأه احد واقوى لسبب واعتقاد اجتماعي ((وانا اشوف انه ظلم للمرأه لانه قد يكون العيب من الرجل))

وبخصوص الارتباط بأمرأه منفصله اعتقد بأنه من افضل الزواجات لانه راح يرتبط بأمرأه مرت عليها الحياه الزوجيه ولم تقبل الزواج عشان تطلع مره ثانيه بالطلاق بالعكس
راح تتمسك بحياتها الجديده وتكون متفهمه وراح تقدر زوجها الجديد وأتوقع انها تساعده وتتساهل معه لمعرفتها للمتاعب اللي تلحق بالزوج
بعكس البنت اللي اول مره تتزوج تحب تطلع ((تبي تعيش يومها)) تروح مطاعم تلبس احسن لبس تبي تسافر مثل غيرها بس بعكس المطلقه راح يكون اكبر اهتمامها هو الحفاظ على
هذا الزواج واستمراره بشكل صحيح

هذي وجهت نظر واختلاف وجهات لاتفسد للود قضيه


أخوكم / كلام .حلو



ياهلا فيك كلام حلو
لا أنا وحده
أتفق معاك ميه بالميه
أن من أهم اسباب الطلاق هي اختلاف المستوى التعليمي وأيضا الإجتماعي
فتلاقي كل واحد عايش في بيئه مختلفه كليا عن الثاني ولازم واحد منهم يتنازل علشان تستمر الحياة الزوجيه
لكن للأسف نلاقي كل واحد معاند .
1/20/2009 5:23:38 PM
اسئله جريئه واللي يقدر يجاوب يتفضل..... 1: ياورد مين علمك تجرح ,,, لمن توجه هذه العباره ؟؟


لكل شخص غالي علي وجرحني


2: اعتذار الرجل للمرأه ذل أم احترام للذات ؟؟

أعتبرها قمة الرجوله لان برايي الرجوله مواقف وهذا أقوى موقف
يعبر في الرجل عن ذاته وصدق نيته ومشاعره واحترامه للطرف الثاني



3- هل ترى ان الحب الاول ناجح ام فاشل ؟؟

يعتمد على الطرفين ممكن يكون لعب يهال ومراهقه وممكن يكون أصدق حب وماينسي


4- اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟

مراقبة جميع الأعضاء ووضع أسس معينه لإختبار جديتهم بالموضوع



5- مارأيك بالغيره ؟

الغيره دليل على الحب لكن لاتوصل لمرحلة الشك والجنون وحب التملك هني تصير دليل على نهاية العلاقه
لان بالنهايه كل واحد يحب يكون في حدود لحياته ولازم كل واحد يعطي مجال للطرف الثاني بالكويتي ( لايصك عليه)



6- ماذا تقول لمن ظلمك ؟؟

إن دعتك قدرتك على ظلم الناس فتذكر قدرة الله عليك



7- وجه نقد لكاتب الموضوع ؟؟

قواك الله ويعطيك العافيه



8- هل وضعك كلمة منقول لموضوع نقلته تزعجك ؟؟
لا



9- كتاب حياتك بما تصفه في كلمات معدوده ؟؟
ح
حياتي مثل البحر فب لحظات تكون حلوه وهاديه ولحظات ينقلب الموج علي واغرق بهالدنيا




10- شخص تفتقده ,, من هو ؟؟

والله كثير



11- قرار اتخذته وتسرعت به ومن ثم ندمت عليه؟؟

دراستي للهندسه إكتشفت بعد فتره اني ماحب هالمجال
ودخلته علشان أبوي



12- لا اسمع لا ارى لا اتكلم ,, متى تطبق هذه المقوله بحياتك ؟؟

كتم السر



13- قم بتوجيه ثلاث نصااائح ؟؟

- كثرة الإستغفار تجلب البركه واجعل الله أمام عينك في جميع موازين حياتك
- العلاقه بين اي اثنين أساسها الأخلاق والإحترام المتبادل ومن ثم ايي الحب
- وخر عن البورصه


14- ماهو اكثر شي يحرجك ؟؟
لما أتكلم جدام ناس وايد احس بالإحراج


15- لو الزمان عاد يوما . ماالشي الذي ستفعله مره اخرى ومالشيء الذي لن تفعله مره اخرى ؟؟

كلمة لو ماتعيد شي ولا تغير شي ... كل شي صار هذي كتبة رب العالمين وأكيد في خيره لي



16- ملحوظه لاحظتها على عضو من الاعضاء ماهي ؟؟
لا يوجد


17- شيء حدث بحياتك غير مجرى حياتك ؟؟

بإنتظاره قريب بإذن الله


18- كلمة تتمنى سماعها كل يوم ؟؟
أحبج
الصفحات 1
تسجيل faq AspNetForum v.0.0.0.0