|
مواقف وقصص واقعية من موقع خطبة
|
السلام عليكم ورحمة الله ...
بصراحه انا قريت مواقف هنيه وأستغربت , لأنه فيه بنات طيبين وعلى نياتهم ويطيحون باأيادي نصابه
المفروض البنت اللي تبي الستر بهالموقع :
أولا : لاتتعرف على الرجال خارج الموقع << لأن الرجال كثير منهم عقليته ضعيفه وراح ياخذ افكار غلط عنها
ثانيا : الموقع هذا مسخر لخدمتنا جميع يعني تقدرين تتعرفين عليه عدل هنيه بالموقع وتتفاهمون على كل شي وبعدها
المفروض تكون للبنت كلمه وحده وهي تعااااااااااااااااااااااال أخطب أن كنت جااااااااد , ليش تطولون العلاقه وبالاخير لما تقولين له تعال
يقول ماعندي مهر والا يقول اصبري خليني اضبط امور اويتعذر باأي شي , دام موقادر ليش داخل الموقع !!
نصيحتي ان البنات المفروض يكونون حذرين عشان ماينصب عليهم ولايجي احد يلعب بمشاعرهم واعراضهم .
وعندي نصحيه لأحد الاخوان ؛ اللي يقول وحدها عمرها 50 سنه وبعدين يبي ينحاش منها , ياأخوي انت كلمتها وتدري ان عمرها 50
يوم شفتها متينه وجذي انحشت عنها وبعدين هذا موموقف يضحك عيب , يعني بنت عمرها 50 تتوقع انك بتشوف هيفاء وهبي مثلا
البنت موبعمرها ولابشكلها هناك شغلات أهم وأعتقد الواعي يفهمني ,
الله يعطيك العافيه ياصاحب الموضوع
|
|
هل تعتقد ان حلمك يتحقق من هذا الموقع
|
السلام عليكم ورحمة الله ...
ليش لا انا اقول نعم يمكن
مافيه شي مستحيل
أنا عن نظرتي للموقع واللي داخلين فيه أكون صريح طبعا البنات أكثر جديه من الشباب , لأن البنات عاطفيات أكثر
بس الشباب أغلبهم موجادين , بس الواحد يقدر يستخدم النت بطريقه لايجرح احد ولاأحد يجرحه ولايستغله يعني بحدود
واللي داخلين بالموقع لهم أهداف متنوعه أحاول أحصرها :
1_ فيه منهم من له رسمه بخياله ويبحث عنها من الشباب , ومن البنات من تبحث عن افارس أحلامها بالمواصفات اللي لم تجدها برى .
2_ فيه على قولت أختي اللي سبقتني من يبحث عن وحده عندها فلوس وبيت يعني مصلحه , وبالنسبه للبنات ايضا كثير يبون اغنياء . << زواج مصلحه مايدوم
3_ وفيه من الشباب من يدور المغازل واللعب , وايضا من البنات نفس الشي . << الله يهديهم
4_ وفيه من يبحث عن الأستقرار الروحي والجسدي والعاطفي ويبحث عن العفه .
5_ وفيه حراميه بس داخلين نصب عالبنات فكرهم مادي فقط , وفيه بنات نفس الشي يدورون فلوس .
6_ ومنهم داخلين مجرد فضول .
بس بالنهايه لازم يكون التفاؤل موجود
وسلامتكم ..
|