NajdiMan - جميع رسائل المستخدم
7/14/2010 12:17:03 PM
زواج الكويتيين والكويتيات من خارج الديرة
السلام عليكم،
بنت بلدك اهي امك واختك وبنتك و اهي سترك وغطاك، عارف طبايعها وعارفه طبايعك، الكويتيه مو كامله ولا حنا كاملبن، (الكمال لوجه سبحانه)، لكن نكمل بعضنا. فكره الزواج من غير الكويتيه برأي الكثير من الشباب انها اقل تكلفه من الكويتيه اللي طلباتها وايد، -مع احترامي للاخوات بهالتشبيه- اذا بغيت تختار لنفسك اي شغله ما تبخل على عمرك بالغالي وشلون اذا بختيار شريكة حياتك؟ هي اللي بتربي عيالك اللي يحملون اسمك وهي نفسها اللي بتحافظ على اسمك بناء على عاداتنا وتقاليدنا؟ ماتفيدك الا اللي من ثوبك مهما طال الزمان والا قصر. اتمنى كلامي خفيف عليكم
8/14/2010 12:20:04 PM
اشـ هالحالة؟؟!! السلام عليكم
الله يجعل ايامك فرح وسعاده Ensan68 والله انك صادق، اسمع سالفتي.
في عضوه قرأت ردود لها بالمنتدى وأعجبني اسلوبها وطريقة تفكيرها، السن مقارب جدا وشعرت انها الانسانه المناسبة لي من خلال ردودها بالمنتدى، ارسلت لها اهتمام، حتى ما كلفت خاطرها تقرا بياناتي، قلت يمكن ما تعرف، خصوصا مقله في دخولها للموقع، يعني اكون محظوط اذا دشيت ولقيتها، قلت توكل على الله يا رجال وراسلها، سويت اشتراك وارسلت رسالة، كل شوي اشوف اذا بطلتها والا لأ، طبعا ما دشت الموقع اسبوع، دشت هذاك اليوم، قلت جاك الفرج وبتفرح قريب، عين على الموقع وعين على الايميل واقول الحين الموقع يرسل يقولي فتحت الرساله، طبعا بعد تقريبا ساعه وشوي، فتحت الرسالة، الطبيعي انتظر الرد، وانتظر ربع ساعه، نص، ساعه، لا السالفه مصخت. اسوي ريفرش للصفحه الا الحجية طلعت من الموقع. ادور اشوف اذا قبلت الاهتمام، طبعا لا. قلت الموضوع لازم يصعد الى درجة اعلى، قمت واضفتها الى قائمة الامل، يعني يا حرمه ترا انا جاد، وطبعا لا حياة لمن تنادي. نطرتها جم يوم وماكو رد، قمت ارسلت رساله ثانيه اطلب منها ترد على الاهتمام او الامل علشان اعرف شنو اتجاها غير اني سئلتها اذا جاده هي بموضوع الزواج او لا، طبعا انتظر مره ثانيه لكن هالمره مو اسبوع بس 4 ايام الا هي داشه الموقع، والله وربنا كريم وتفتح الرساله اول ما دشت، وايشرك وتجيني رساله منها، افتح الرساله الا فيها علامة استفهام! نعم ردا على رساله طولها يمكن صفحتين علامة استفهام يتيمه. رديت عليها اسئلها وشنو اللي تبين تعرفينه وانا مستعد ارد عليه، هالكلام صارله شهر والى الان يبقى الوضع على ماهو عليه وعلى المتضرر اللجوء للقضاء.
اعتذر للاطالة عليكم وتقبل مروري
الصفحات 1
تسجيل faq AspNetForum v.0.0.0.0