View User Profile - Khitba Forum Forums

nas010 - جميع رسائل المستخدم

1/30/2010 9:04:54 AM
متى تكتشف المرأه جاذبيتها	السلام عليكم ورحمة الله وبركاته .. في الحقيقه العنوان غير عن اللي بكتبه اهني .. قصه واقعيه حصلت قبل سنتين ..... كنت دايم اتمشى في مشى احدى مدن الكويت الحبيبه ومواظب على الروتين هذا ... وكانت دايما تمر جدامي بنت شابه اعتقد انها ما تعدت 19 سنه .. ولما تمر صوبي تطالعني وتبتسم وهي توها تقول ورده مفتحه بس كانت عيونها تتكلم ... فيها تعبير غريب كنت اتسائل اقول اكيد هذي من الاهل والا من بناتنا والا من بنات جيرانا وامشي واخمن وما اعطي للموضوع اهميه . ففي مره من المرات وانا ماشي ناحية الشجر والياسمين اللي بطريق الممشى سمعت صوت نحيب وبكاء .. وقفت والا هي البنت نفسها .. سالتها شفيج قالت مافيني شي بس اعبر عن نقسيتي اهني حاولت اهدئها واهون عليها بكلمتين لوجه الله الا وزاد بكائها .. مو باقي الا تصارخ .. سكت ومشيت والا تقول لا تروح ابي اروح معاك .. ضحكت على نفسي شنو تروح معاي ليش يا يبه عسى ما شر .. قالت ودني لاي مكان بس ارتاح قلت لها ما عندج ام والا اب جاوبت امي موجوده وابوي متوفي طيب اخوان والااي احد خل ياخذونج قالت لا انا نفسيتي تعبانه حيل . مو عارف اتصرف وبعد شوي قامت وراحت . الى اهني الموضوع انتهى معاي . ثاني يوم بالدوانيه يقول لي احد افراد الداخليه ان في بنت وصلت لهم بحاله نفسيه تعبانه وانها تشتكي على زوج خالتها لانها شافته يتبادل القبلات مع امها وكان يحسسون على اماكن كثيره باجسامهم . تحولت القضيه للنيابه العامه مع طلب البنت بانها ما ترجع لبيت اهلها ابد خوفا من امها وانتقام زوج خالتها .. طبعا عرفت بالنهايه ان هالبنت هي اللي كانت بالممشى ... وانها هاجرت من الكويت وتزوجت اماراتي بسبب امها وتصرفاتها . السؤال اهني الى متى نجد هذي الخيانات في معقل بيوتنا وداخل غرفنا وداخل مجتمعنا ... موضوع للنقاش البناء ان وجد ودمتم بخير
3/5/2010 12:06:06 AM
متى تكتشف المرأه جاذبيتها	شكرا لكم جميعا والله انشغلت عن المنتدى غصب مو بكيفي وكنت كله ادخل من موبايلي على كل حال الله لا يحرمني من تواصلكم وتواجدكم بالنسبه لتعليقاتكم على راسي من فوق الف تحيه موصوله بباقة ورد لكم
3/9/2010 2:39:24 AM
الى الاداره الكريمه واعضاء صرحنا الراقي	السلام عليكم ورحمة الله وبركاته الموضوع اعتقد يجب ان يكون موجه لادارة المنتدى والى كل انسان دخل الى هذا الصرح العظيم الذي بني على اسس سليمه باستثاء ما حصل بداخله من تسوس يجب ان ينظف بدقه .؟ اعزائي هذا الموضوع يتعلق بمن دخل واستغل هذا الموقع وابدأ بجنس الرجال الكثير دخل هنا بغاية اغراض غير شريفه وخاصه من يستخدم الشات فقط للسب ووصف بنات الموقع باقبح الاوصاف ولا زلت اكرر اين الاداره من رقابة الشات على الاقل احط موظف يراقب بما ان هناك عائد مالي للموقع عادي لو حطوا موظف يختص برقابة الشات . الشباب او الرجال الله يصلحهم . ما همهم الا شيء واحد ( الا ) من رحم ربي وطبعا ايضا هناك الكثير من تربى على نبل الاخلاق ...( أدع تكملة الموضوع لارائكم اخواني وخواتي الكرام اعضاء منتدانا . ونرجع للتعليق على اغلبية النساء اول ما تتعرف على واحد اهني الا وبعد كم يوم ... شوفوا طلباها .. ابي كرت علشان اتصل والا تعال ادفع قسط السياره وطلبات كثره .. طبعا استخدم العابثون هذا الصرح الجميل للخراب .. وايضا اترك لكم ايها الكرام التعليق على ما كتبت اعلاه تقبلوا تحياتي ومودتي
4/2/2010 4:37:40 AM
عفوا ايها الرجال..!	تتهم المرأة بأنها جامحة كخيل طائشة في فضاء غير متناه، ففارسها أوهن من أن يكبح صهيلها المتمرد أو يقمع فيها طموحا نزق، وهن الرجولة الآتي من تراكمات الذنوب والإذعان لرغبات النفس حتى العجز والخنوع، تتذمر بعض النساء من رجالهن وشتات بيوتهن واضطراب أحوالهن فنلقي الملامة عليهن فهن المتجبرات والمتبطرات وعلى أزواجهن مستكبرات، ولكن أين هو الرجل القيم الذي يحتوي المرأة أختاً كانت أو زوجة، أماً أو ابنة، فبيوتنا هشة تفتقد الأمان وحياتنا قابلة للعطب. يحدث ذلك في مجتمعنا وفي هذا الزمن الذي انقلبت فيه الموازين، فما الذي تغير نحن أم الزمن؟! ومن الذي يصنع تاريخه ويحرك واقعه غيرنا نحن؟!! فالنساء ما استرجلن إلا عندما غابت شهامة الرجال وتبلدت فيهم الغيرة واستحوذتهم أنانية مريضة فوصفهم في آخر الزمان (دينهم دنانيرهم وقبلتهم نساؤهم) وهذا يعني باختصار (أن لا شخصية لهم)، وما تغير خواص النساء النفسية من ناعم الأنوثة إلى غلظة الذكورة إلا عند استشعارهن ضعفاً في الرجال وانهزامية في إرادتهم. فالرجولة تقوّم بركيزتين هما القوة والأمانة وحسبي في هذا الزمن الذي تلاشى فيه أقوياء العزم والإرادة، فاتصف كثير من الرجال بالضعف أمام المال، الضعف أمام المنصب، الضعف أمام النساء، وبالتالي يمكن استمالتهم لأي تيار أو أي فكر أو نزوة. وأما الأمانة بمفهومها المطاط فحدث ولا حرج تشمل كل مكونات الإنسان الحر بضميره، ودينه وذاته المستقيمة، فها هي الخيانات عفن يتغلغل في أقدس رابطة، أمانة الاستخلاف على الأرض يستبعدها الرجل من قاموس حياته الملوثة بالماديات، فأين هو القوي الأمين الذي يستند إليه مجتمع غارق في الوحل، مجتمع كسيح يلمع ببريق كاذب وباطنه أجوف فارغ، أين هو رجل الموقف الذي تتفيأ ظله المرأة، أين هو الرجل الذي تتكسر على شموخه شهوات المال والمنصب، أين هو رجل الإرادة الذي يرغم الآخر على احترام حزم لاءاته. تتهم المرأة بأنها جامحة كخيل طائشة في فضاء غير متناه، ففارسها أوهن من أن يكبح صهيلها المتمرد أو يقمع فيها طموحا نزق، وهن الرجولة الآتي من تراكمات الذنوب والإذعان لرغبات النفس حتى العجز والخنوع، فالإرادة هشة والقرار هزيل والسلوك متذبذب والعزم مترهل فكيف تحترم المرأة رجلاً أجوف داخله وإن كان متسلحاً بالشهادات العليا والمناصب والجاه، وكيف تخضع نساء هذا الزمن لرجال لا قوامة لهم، فمنتهى أحلامهم الدينار والدنيا فكان دينهم دنانيرهم وقبلتهم نساءهم، استعبدتهم هذه المطامح العاجلة واستبدلوها بآخرة آجلة حتى جاءت صورهم ناقصة وهزيلة لا تحمل من الرجولة إلا قشرتها. فعفواً أيها الرجال.. إنها حقيقة لفظها الزمن مرغما فغياب الرجولة يعني غياب الأمن في حياة المرأة (والمحصلة بيت أوهن من بيوت العنكبوت) ومن أعنيهم يدركون هذا الواقع جيداً ولا أعدم الثلة النبيلة منهم فلو خليت خربت!!
4/2/2010 4:40:33 AM
الى الاداره الكريمه واعضاء صرحنا الراقي	شكرا لتواجدكم وتعليقكم ومشاركتكم الكريمه هذا الموضوع للنقاش وتبادل وجهات النظر بالنسبه للاعضاء والاداره الكريمه كنت اتمنى اشوف رد من الاداريين علشان نسولف معاه اكثر ونتقرب بوجهات النظر لكم تحياتي ومودتي واحترامي
4/2/2010 4:52:40 AM
قصص زواج عن طريق الموقع khitba	يا جماعه اول شي السلام عليكم ورحمة الله وبركاته ليش ما نحسن النيه وما نظن بالاداره الكريمه الا كل خير ننطر ردهم على هالموضوع وانا شايف ان الموقع صح فيه كسب مادي بس مفيد بالنسبه لي لاني جاد بسالفة الزواج التقيت مع احدى الخوات اللي معانا بالموقع على المسنجر بس ما صار تفاهم بيننا من ناحية وجهات النظر وبجد بجد كانت تبي غرندايزر مو انا والا خادم المصباح السحري يعني في ناس يستخدمون الموقع خطأ والف خطأ ولا تزعلون ابي اقترح اقتراح على الاداره انهم يخلون الاشتراك بقيمة اكثر علشان اللي يبي يدخل بس يلعب ما يقدر يدفع مبلغ كبير مثلا 50 دينار وبعد نفتك من بعض الاجناس اللي داخلين عرض علينا دون تحديد الجنسيه شنو . يعني نفس مجلس الامه كل من هب ودب قام يسجل للانتخاب وهو مفلس ولو الحكومه تخلي التسجيل 5000 غير مرجوعه راح نشوف اللي يسجلون منو وشنو اشكالهم يمكن وجهة نظري غلط او صح بس حبيت اقولها وسلامتكم وتعيشون واستقبل النقد البناء . تحياتي لكم جميعا
4/2/2010 4:54:26 AM
متى تكتشف المرأه جاذبيتها	شكرا لكم ولكل من تواجد وقرأ القصه لكم تحياتي
4/2/2010 5:24:44 AM
نكت عن النمله والفيل	كان في فيل يلبعب مع صديقته النمله وكان يرفعها بخرطومه فوق على راسه وينزلها وهي مستانسه وايد وايد . المهم يات ام النمله ولقتها تلعب بالطريقه هذي مع الفيل وقالت لها نملوه نمولوووووووووووه ويهد لا تلعبين معاه هالبارع ليش يرفعج فوق علشان يشوف الاندروير اللي لابسته قالت النمله انزين يمه بعد ما العب معاه . ومن ثاني يوم الا الام تشوف بنتها تلعب نفس اللعبه مع الفيل قالت لها نموووووله يا نمووووله انتي ما تسمعين الكلام .. رد النمله لا يمه الحين ما يقدر يشوف الاندروير مالي لاني فاصخته ... """"""""""""""""""""""""""""""""""""""""""""""""""""""""""""""""""""""""""""""""""""""""""""""""" النكته الثانيه ... كان الفيل يتمشى مع رفيجته النمله على شاطيء البحر وفجأه خلاها الفيل وانحاش عنها ليش ........ - - - - - - - - - لانه شاف اخوها جاي صوبهم ههههههههههههههههههههههههههههههههه اسمحولي عاد دوخت روسكم
4/2/2010 5:46:48 AM
هل تخاف الزوجة من مصارحة زوجها.....؟	NOLOHO كتب: 585585 كتب: والله بحكم معرفتي وخبرتي بالحياه ادري ان الزوجه الكويتيه جبانه ماتقدر تصارح حتى نفسها عشان تصارح زوجها . لكن المفروض ان الصراحه والاحترام قبل كل شي صباح الخير,,,, اسمحلى أقول لك انك ماعندك أي خبره أصلا.....(كل انسان له ماضي ومو معناته ان الواحد لما يتكلم عن الماضي يعنى شجاعه ......هذا معتقد غلط ابغلط ولو ان الزوجه تدري ان صراحتها ماراح اتهدم بيتها جان تكلمت وبعدين الله ستر عليها فليش اتروح تفضح نفسها ؟ انا مادري شنو الشجاعه بالنسبه لك؟ وشنهي الحكمه من ان الواحد يتكلم بالماضي؟ ممكن الواحد يتكلم بالماضي اذا كان من باب النصيحه او للضروره غير جذي ماله داعي.. وبعدين على فكره اذا الزوجه جبانه بالنسبه لك لانها ماتكلمت بالماضي عيل الزوج شنو موقعه من الاعراب بالنسبه لك ؟ أغلب الازواج اللي انشوفهم متزوجين مازالو على علاقات ومازالو يتباهون جدام حريمهم بوساختهم .......هذا بعد شنو تعتبره ؟ شجاعه وقوه صح؟ مع تحياتى لشخصك...... [color=#FF0000]ما اقدر ازيد على كلامج شي لانه صحيح ميه بالميه . وليش شنو المانع ان الزوجه ما تصارح زوجها وليش تجلس مبهمه معاه انا افضل الزوجه الشجاعه والصريحه لانها بترتاح وتريح زوجها وشكرا لكم
4/4/2010 4:44:14 AM
الى الاداره الكريمه واعضاء صرحنا الراقي	صح كلامك بالميه بالميه وكما تدين تدان وشكرا على التواجد الراقي
4/5/2010 5:36:27 AM
لو سمحتوا تعالوا اهني ...؟؟	السلام عليكم ورحمة الله وبركاته ابي اعرف من الاداره الكريمه للموقع 1 - منو الاشخاص المعنيين بالموقع للرجوع اليهم ؟ 2- في حال اي شكوى ضد احد الاشخاص نراجع منو وعلى اي ايميل ؟ 3- منو المسؤول على الاعضاء الشباب ومنو المسؤوله على الاعضاء البنات ؟ 4- اتمنى ان ما يهمل الموضوع للاهميه وارجوا اذا كان رد من اداري يكتب انه الاداري فلان ؟ شكرا لحسن اخلاقكم وطيبة تعاملكم مع تحياتي للجميع edited by nas010 on 4/5/2010
5/9/2010 6:29:49 AM
هل الموقع خاص للكويتيين ؟	بسم الله الرحمن الرحيم السلام عليكم ورحمة الله وبركاته اخواني واخواتي في موقعنا الجميل والراقي .. لاحظت من خلال دخولي للموقع حيث ان لا تفتح معي الا الصفحه الخاصه بالاناث تواجد عدد كبير من الجنسيات العربيه والاجنبيه والموقع يعتبر خاص بالدرجه الاولى للكويتيات ... فما اعلم هل ادارة المنتدى سامحه بهذا الشيء تواجد من هم غير كويتيين معنا بالموقع .. او ان الموقع شامل للجميع ارجو الافاده من الجميع .. لان وبصراحه طبعا الشباب يشوفون بعض المشتركات الاجنبيات شنو يكتبون والصور اللي تعرض بالبروفايل حقهم . طبعا مع احترامي وتقديري للاخوه والاخوات الغير كويتيين انا لا اقصد الاساءه .. عننا مثل كويتي يقول : حلاة الثوب رقعته منه وفيه فدخول اللي بلادهم بعيده عن الكويت اعتقد ما منه فايده بس مضيعة وقت لان ما اظن في احد بيسافر كل هالمسافه علشان يخطب اتمنى اتمنى بكل صراحه اللي بعيدين عن الخليج العربي لا يدخلون ... ولكم شكري واعتزازي فمان الله
7/14/2010 2:37:39 AM
هل الموقع خاص للكويتيين ؟	شكرا على تواجدكم وردودكم انا مستغرب 76 شخص دخل وشاف وما شارك الموضوع مهم والاداره لازم تحدد الموقع لمن ما يصير البيت بيت ابونا والغرب يشاركونا
7/16/2010 5:15:51 AM
يا بنات ونساء الكويت	السلام عليكم بصراحه يا خواتي انا شايف انكن ساكتات عن حقوقكن بالمنتدى والا شنو سالفة اللي داخلات من بلاد ثانيه وغير عربيه بعد وماشاء الله شبابنا مو مقصرين خلوكم وراحوا لهن اتمنى ان البنات يتفاعلون بالموضوع وهذا ثاني موضوع اكتبه يخص الموقع لانه مكتوب اسمه موقع خطبه للكويتيات . سوو احتجاج عند الاداره علشان محد يدخل علينا وياخذ حقوقكن تحياتي لكن
7/19/2010 12:40:13 AM
هل الموقع خاص للكويتيين ؟	تسلمين والله على مرورج والرد الواضح : بس الاداره مو راضيه تفهم على فكره انا كاتب موضوع ثاني ابي البنات يتجاوبون فيه لان هالموقع يهمهم وانا ما اشوف الا صفحة النساء ولذلك يتعذر علي اعرف اللي بصفحتنا والظاهر الجذابين اهني وهناك يعني عندنا وعندكم خير اتمنى التواصل الف شكر
8/8/2010 11:55:51 PM
منوع دخول اللي عمره / عمرها اقل من 21 سنة	السلام عليكم لاحظت من خلال دخول للموقع دخول بعض الفتيات اللي من هن دون السن القانوني 21 سنه .. والاعمار اللي شفتها بصراحه تخرع 16 سنه و17 و18 سنه شنو هذول ما عندهم اهل ولا يعرفون ان غلط اللي قاعدين يسوونه ... يعني العمر القانوني لا باس فيه بس هالعمر خطر جدا وبصراحه ما ادري عن الشباب بعد كم الاعمار اللي داخلين بس يا ادارة الموقع حددوا الاعمار لان هذا الموقع مثل ما الجميع عارف فيه انفتاح وتبادل ايميلات وتلفونات بعد يعني بيكون مساهم بخراب البنات والشباب الصغار ... احنا الكبار وطايرين مو بعد الصغار شكرا لكم ودمتم سالمين
8/15/2010 5:17:46 AM
منوع دخول اللي عمره / عمرها اقل من 21 سنة	هلا والله الفالوده صح كلامج والله وما ادري شنو ازيد عليه بس اتمنى ان نقدر نميز بين اللي يكبرون عمرهم عن طرق فراستنا بالامر هذا لان الامر هذا يحتاج الى فراسه تحياتي لج وشكرا
8/15/2010 5:21:37 AM
منوع دخول اللي عمره / عمرها اقل من 21 سنة	هلا ومرحبا الجرح كلامك صح بعد هم هذي مشكله وراح نعاني منها ربي يسهل الامور الف شكر لك
1/29/2011 1:09:37 AM
كل بنات الموقع كذابات	السلام عليكم طبعا العنوان واضح جدا هذا الكلام موجه لنساء الموقع وبناته ؟ هل تقدرين تدافعين عن نفسك ( نفسج ) امام هذا الاتهام والا صحيح المقوله اللي اختصرتها بالعنوان اعلاه طبعا يا خواتنا العزيزات انا اكن لكم كل احترام وتقدير بس كل ما عرفت وحده او حاولت اتفاهم معاها الاقيها تعتمد على الكذب وتبي مصلحه معينه يا فلوس او خرابيط مالها معنى ؟؟ مابي اطول عليكم بس من غير زعل او تجريح ابي يكون بيننا اخذ وعطاء وتفاهم شكرا للجميع
1/29/2011 2:39:52 AM
كل بنات الموقع كذابات	هلا والله طلال وجهة نظر احترمها واحترم الاخوات الصادقات اهني ولكن انا ملاحظتي ان البنات فيهم مكر وكذب كثير وايضا الشباب على قولتك بس انا ابي اعرف من الاخوات وجهات نظرهم بعذ تسلم طلال ودمت بخير
الصفحات 1 2 3

Khitba.com