|
صفحات
1 |
|---|
|
1/30/2010 9:04:54 AM
|
nas010
Posts 51
|
السلام عليكم ورحمة الله وبركاته ..
في الحقيقه العنوان غير عن اللي بكتبه اهني ..
قصه واقعيه حصلت قبل سنتين .....
كنت دايم اتمشى في مشى احدى مدن الكويت الحبيبه ومواظب على الروتين هذا ...
وكانت دايما تمر جدامي بنت شابه اعتقد انها ما تعدت 19 سنه ..
ولما تمر صوبي تطالعني وتبتسم وهي توها تقول ورده مفتحه بس كانت عيونها تتكلم ... فيها تعبير غريب
كنت اتسائل اقول اكيد هذي من الاهل والا من بناتنا والا من بنات جيرانا وامشي واخمن وما اعطي للموضوع اهميه .
ففي مره من المرات وانا ماشي ناحية الشجر والياسمين اللي بطريق الممشى سمعت صوت نحيب وبكاء ..
وقفت والا هي البنت نفسها ..
سالتها شفيج
قالت مافيني شي بس اعبر عن نقسيتي اهني حاولت اهدئها واهون عليها بكلمتين لوجه الله الا وزاد بكائها .. مو باقي الا تصارخ ..
سكت ومشيت والا تقول لا تروح ابي اروح معاك .. ضحكت على نفسي شنو تروح معاي ليش يا يبه عسى ما شر .. قالت ودني لاي مكان بس ارتاح
قلت لها ما عندج ام والا اب جاوبت امي موجوده وابوي متوفي طيب اخوان والااي احد خل ياخذونج قالت لا انا نفسيتي تعبانه حيل .
مو عارف اتصرف وبعد شوي قامت وراحت . الى اهني الموضوع انتهى معاي .
ثاني يوم بالدوانيه يقول لي احد افراد الداخليه ان في بنت وصلت لهم بحاله نفسيه تعبانه وانها تشتكي على زوج خالتها لانها شافته يتبادل القبلات مع امها
وكان يحسسون على اماكن كثيره باجسامهم .
تحولت القضيه للنيابه العامه مع طلب البنت بانها ما ترجع لبيت اهلها ابد خوفا من امها وانتقام زوج خالتها ..
طبعا عرفت بالنهايه ان هالبنت هي اللي كانت بالممشى ...
وانها هاجرت من الكويت وتزوجت اماراتي بسبب امها وتصرفاتها .
السؤال اهني الى متى نجد هذي الخيانات في معقل بيوتنا وداخل غرفنا وداخل مجتمعنا ...
موضوع للنقاش البناء ان وجد
ودمتم بخير 
|
|
1/31/2010 11:07:48 AM
|
NOLOHO
Posts 74
|
صباح الخير,,,,,للجميع
بالبدايه أشكر دعوتك لي للمشاركه بالموضوع اللي طرحته واللي أعتقد ان موضوع وايد حساس بس للأسف ما أعتقد ان له حل غير ان الواحد أو الوحده اتحرص على بيتها ,واللي يضيق الخلق بالموضوع اهي البنت (ولا الأم الحمدلله والشكر موليه) وصدقنى يمكن انت شخص زين لأن لو صادفت شخص ثاني أعتقد ان عادي انها اتضيع نفسها معاه بحكم الصدمه اللي احصلت لها لكن انت ماعطيتها مجال وأحيي الشي هذا فيك.
أتمنى اني ماطولت عليكم ......والله يهدي الجميع>
سلامى لشخصك.
|
|
2/2/2010 12:29:42 AM
|
laila70
Posts 57
|
بسم الله الرحمن الرحيم
الموضوع جدا مهم للكى قاعدين نشوفه
يا ما سمعنا سوالف تشيب الراس
بس واحط تحتها خطين حمر
طالما اللى قاعد يصير بدون حسيب ولا رقيب ما راح يتغير شى كلش
على سالفتك طبعا ما صار هالشى الا اكيد صار فيه تصرفات غير محسوبه من الطرفين اكييد ولا ما يصير
لازم الواحد يرتقى بنفسه من داخله عشان يرتقى فيها من برا
وشكرا عالمرور
|
|
3/2/2010 5:22:35 PM
|
nansi
Posts 1
|
سالفه تعور القلب من الصعب ان البنت تشوف امها إلي
المفروض قدوه لها بالصوره هذي ..
الله يكو ن بعونها
|
|
3/5/2010 12:06:06 AM
|
nas010
Posts 51
|
شكرا لكم جميعا
والله انشغلت عن المنتدى غصب مو بكيفي
وكنت كله ادخل من موبايلي
على كل حال
الله لا يحرمني من تواصلكم وتواجدكم
بالنسبه لتعليقاتكم على راسي من فوق
الف تحيه موصوله بباقة ورد لكم
|
|
3/9/2010 12:51:45 PM
|
nanos
Posts 86
|
الله المستعان والحمدالله الذي عفانا فيما ابتلاهم فيه
صراحة سالفة تعور القلب والحمدالله ان الله سخر لها ناس زينين وماصارت مثل امها
ومادري ليش في ناس تعرض نفسها لمثل هالسوالف المحرجة
يعني شيسوي عليها جدام بنتها تطيح من عينها استغفرالله
صج عورت قلبي
الله يعطيك العافية علي هالمشاركة
|
|
3/29/2010 9:54:20 PM
|
bader73
Posts 1
|
الله المستعان
|
|
4/2/2010 4:54:26 AM
|
nas010
Posts 51
|
شكرا لكم ولكل من تواجد وقرأ القصه
لكم تحياتي
|
|
صفحات
1 |
|---|