|
10/21/2008 12:35:26 PM
|
|
من هى المرأه !!! تكمله للموضوع الاول
|
اهلا بموندوالعزيز من بعد غياب ... و القافية زي الفل ... لانك مهما هتكتب انا ما بفهمش بالشعر للاسف ... لكن الكلام و بدون مجاملة لطيف ...
بس انهيتها بانك صرت زبدة ؟؟ تذوب يا راجل !! الظاهر كل الحواءات اللي تعرفهم خبازات تنور
و بالنسبة للعقار ... انا اظن لو بورصة كاملة للعقارات يسوونها للستات مو عقار واحد ما راح يطيب هالجرح ... السوق فيك فيك
هذا و الله اعلم اقرب ماله دواء يسوي كآبه للمراة فتكره عيشتها و حتى لو كانت امنية عمرها او متعتها الوحيدة بالدنيا... راح تكره الطلعه
نعالج طلعه بكآبه ... طبعا هذا التحليل من عندي و هو الله بالخير ادري
لان المراة اثبتت انها كائن بشري صلب جدا لا تتغير متطلباتها و مشاعرها و اهتماماتها على مر العصور .... مهما حدث
و الا جان ما قالت عفيسة ان المراة لا تسكت عن الكلام الا لتبكي ( شكو هذا بذاك )... طبع ... هو حليو انها توقف علشان تبكي بس مو علشان
تبكي لا سمح الله فانا مو سادي لا سمح الله ... و لكن علشان تلتقط انفاسها المسكينة !! .. و احنا بعد اذانينا تلتقط شوية هدوء و سكينة
و نعمل لها ريستارت
السموحة
|
|
10/21/2008 1:00:04 PM
|
|
سلبيات شباب الموقع ( موضوع نقاش ) ؟
|
ايه حكاية شباب الموقع و بنات الموقع
يعني اللي مو بالموقع غير ؟؟
العيوب كلكم تعرفونها للذكور و الاناث ... هذول فيهم مما لا يلذ و لا يطيب و الاخرين لا يقلون
ماشاالله الكل يقول الزود عندي ,,, و لا ننسى نذكر ان الطيبين ما ينقطعون ... بس هني البحث عن السلبيات
الشباب ماشاالله شوفوا هالقصة
كان بالسابق .. اللي قبلنا اللي داعية له امه يشوف اللي حاط عينه عليها تطل من ورا الباب .. لو ثانيتين بس يخلونه يفكر اسبوعين
ايام الستينات كانت اكثر انفتاح ( على فكرة ) حتى من ايامنا ( قبل المد الديني ) و كانت الحياة الاجتماعية شحليلها و الناس ما زالوا مع ذلك محافظين على العادات و التقاليد
ايامنا كانت ايام صراع ما بين الل بعدهم ما تحجبوا ( من الجنسين ) مع اللي اولردي تحجبوا و كان صارع ضربوا في النفسيات ... و اللي مو متحبة يا سواد ليلها ... و المسكينة يعنسونها لين تفقد الامل ان تتزوج اذا ما تحجبت ..ز فتتحجب و سبحان الله يتراكضون الرياييل على بابها ( مثل الرسوم المتحركة ) مع انها لما ما كانت متحجبة كانت ايضا انسانة مضرب امثال بالاخلاق ... بس ربعنا بيقولون ...هي والله و النعم و لكن ... هذه اللكن اللي بتعقدني في هالمجتمعات المتخلفة ... ما علينا
نرجع لشباب ... الطيب فيهم ممكن يجابل مرته ساعة باليوم ... يروح الديوانية بس 3 ايام بالاسبوع ... باجي الايام بالقهوة يلعبون العاب كمبيوتر ( هذول شباب و بيديرون البلد ) ..
تعلموا منكثر فرارتهم ان ماكو شي اسمه ثقة بالطرف الاخر ... يا اخي اكو مئات البنات الفصع ( سوري للكلمة ) بس اكو عشرات الالاف من بنات العوايل المحترمات
صج نصهم نحيسات و ربعهم ماديات و نص الباجي فارسات ( يركبون الريال !! ) علام الاخ قلب توه اشزينه ... و لكن بالنهاية هذول بناتنا و محد ترى يزيد او يزايد عليهم ... فهذه الخصال موجودة ببنات الدنيا كلها
اشكثر اكوووو بعد بس انا اصلا طولت عليكم .... مع الاعتذار
|
|
10/21/2008 2:24:56 PM
|
|
نقص الحديد في الجسم يضعف ذاكرة النساء
|
هذه وحدة تسولف عن صديقتها المسكينة اللي نقص عندها الحديد و صار لها اللي بتقرونه ( طبعا هذه نكتة ز عذرا ان كان المكان مو مناسب و لكن هذا اثبات على نقص الحديد
و اعتذر انها بالانجليزي ... بس انشالله سهلة
> This is why we are not supposed to have children when we get older………
>
> Childbirth at 65
>
> Too good not to pass on, Enjoy !!!
>
> With all the new technology regarding fertility recently, a 65-year-old friend of mine was able to give birth. When she was discharged from the hospital and went home, I went to visit.
>
> 'May I see the new baby?' I asked
>
> 'Not yet,' She said 'I'll make coffee and we can visit for a while first.'
>
> Thirty minutes had passed, and I asked, 'May I see the new baby now?'
>
> 'No, not yet,' She said.
>
> After another few minutes had elapsed,
>
> I asked again, 'May I see the baby now?'
>
> 'No, not yet,' replied my friend.
>
> Growing very impatient, I asked, 'Well, when can I see the baby?'
>
> 'WHEN HE CRIES!' she told me.
>
> 'WHEN HE CRI ES?' I demanded. 'Why do I have to wait until he CRIES?'
>
> 'BECAUSE I FORGOT WHERE I PUT HIM, O.K.?!!'
>
|
|
10/21/2008 4:42:55 PM
|
|
ملاحظات شباب الموقع عن بنات الموقع !!!
|
تتذكر يا فلفل قلت لك باول موضوع شلخت فيه البنات ,,, تحمل اللي بييك ؟؟ و حطيت لك السمايلي
اللي المسكين يطيح على راسه الطابوق ؟؟
هذا هو رد ليالي يطبق اللي قلته لك بالضبط
بس انت لا ترز ويهك و تطلع على الساحة ... ترى بيصير تنبؤي بالكامل .... خلك متذري ورا النت
ليالي الله يهديك فلفل يحب يطفر اللي يصعبون بطريقتج و انتي خليتيه ينجح ...
حولي الموضوع للضحك و بدال ما تردين عليه ردود بهالشكل اقترح تداوينه باللي كان هو الداء ...
عصبج بالتعدي على البنات ؟ ردي عليه بنفس الطريقة ... يعني الشباب اللي مو صعايدة و بنغاليين ؟؟ قال شنو صبغوا من البحر
اول ردودج و مشاركاتج كلها اعصير الله يهداج
|
|
10/21/2008 8:49:38 PM
|
|
بيانات العضوا والسيرة الذاتية
|
رايج احترمه و اقدره
بس منو قال انه في احد يستحي من اصلة يا مس ربي يخليج ... و لا تقوليني كلام انا ما قلته او افترضته
و على العموم انا ما قلت ان اي احد بيتزوج اي احد يتعرف عليه على الريحة على طول ... خليه يكتب اشما يكتب بالنهاية طبعا اقول ( علشان ما تراجعيني ) ان في اساسيات من البداية راح تحسم الاصل و التعليم و نوعية الشخصية و كل هالاشياء... و سواء كانت معروفه و مكتوبة او ان الطرف عرف عنها من الطرف الاخر راح تحدد استمرارية العلاقة ... و بعد ما تنحسم الامور الاولية الاختلافات البسيطة الباجية كل هالامور راح تقل قيمتها لما تشتغل الكيمياء بين الاثنين ...
و هذا هم اللي يجذبون قاعدين ينكشفون بكل الاحوال و قاعدين ينعزلون بالنهاية ... و انا ما قلت ان الجذب راح يمشي الى نهاية الخط
على العموم هذا الموضوع حسب ماني شايف ما راح نتفق عليه و لكل رايه ... ارد و اقول احترم اراء الكل
|
|
10/21/2008 11:06:29 PM
|
|
:: اسباب العنوسه ::
|
1- did u really meat all the nice men ? .... lucky u
2- and did u really deal with all the handsome ones ?
3- i can assure that there are at least 2 or 3 men in here who r handsome and nice but r not gays thats only the men h know here where i don`t know many men here ..... so keep looking !! its worth it
4-sorry i didn`t know what r the hetero .... so and so .. so i can`t discuss that
5- so what u r looking 4 r not the man that can share the life with ... who`s fault is that
6- in this .... u may be right ... this comes in thier minds ...thats human
7- u can deal with them and keep ur money away ... just the same way they do !!
regareless to the rest , each would keep complaining what ever they get .... thats the human being ... will never be convinced
thank God the only english i have saved me this time to complete my responce ...
good luck all
|
|
10/22/2008 9:48:32 AM
|
|
للجادات بالزواج فقط ...
|
ايه الكلام الكبير ده يا راجل
جذيه جنك شوية بردت قلوبهم ... انك مو معاديهم
سبحان الهادي ... يتهيألي هذا كلامهم ... من بعد العوافير اللي حطيتها براسهم
اللهم ارزق فلفل ببنت الحلال ... و هدي سره .. !!! ..
شفتوا يا بنات ؟؟ قلنالكم فكروا شوي علامكم شلتو سجاجينكم على الريال
فلفل باشا ... مدحتك ... مو تكون انت اللي مسوي قمنده ... ترى اصف واياهم !!!
|
|
10/22/2008 11:10:11 AM
|
|
:: اسباب العنوسه ::
|
twelve Stages (Months) of Love
JANUARY - ROSE
FEBRUARY - PROPOSE
MARCH - GIFT
APRIL - LIFT
MAY - CHATTING
JUNE - DATING
JULY - MISS YOU
AUGUST - KISS YOU
SEPTEMBER - ANGER
OCTOBER - DANGER
NOVEMBER - LEFT
DECEMBER -next ....
................
اتمنى للجميع ان توقف الاسطوانه عند اغسطس و تسير باتجاه المحابس ... و ما تكمل الباجي اللي من سبتمبر و رايح وتكرر العملية من البداية
بالتوفيق
|
|
10/22/2008 11:23:26 AM
|
|
ملاحظات شباب الموقع عن بنات الموقع !!!
|
An English professor wrote the words:
" A woman without her man is nothing
"on the chalkboard and asked his students to punctuate it correctly..
All of the males in the class wrote : "A woman, without her man, is nothing."
All the females in the class wrote : "A woman: without her, man is nothing."
Punctuation is powerful!!
شوفو النحاسة بين الجنسين !!
هذه مساله ادبية ... تدخل فيها اراء الرجال و النساء من التمييز الجنسي ...
تعتقدون انه من آلاف السنين تغير على هالحالة اي شي ؟؟
مو من زمن ادم و حواء و احنا بحنة و رنة منو اللي ... ؟؟؟
يعني كل المشاكل اللي بالعالم راح تنتهي و راح و نوصل الى نهاية العلوم لكن هالقضية ما راح تنتهي ...
فبدال ما يضيع الوقت على الجنسين و هم يراكضون سلب او ايجاب ورا افكار و اطروحات فلفل ( شكو هالمسكين الحين ) ...
كل واحد يشوف صالحه بس ترى ابرك ...
|
|
10/22/2008 12:05:42 PM
|
|
للجادات بالزواج فقط ...
|
هههههههههههههههههههه
خووووووووووووووووووووووش رد ....
اللي مندقين منك الحين تاخذ منهم الرد اللي هو !!
و اللي فاهمين اللعبة طبعا لأ
----------------------------------------------------------------------
على العموم موضوعك هذا مش اللي هو
عندي للشباب و الشابات اللي الرومانسيه عندهم عاليه موضوع لطيف
هذا من ابتكار عالم اجتماع صيني ( بس غير قابل للكسر هالصيني ) ... و هم اللي معروف عنهم الحكمة منذ الفيلسوف الاول على الكرة الارضية ... كونفوشيوس .... يقول فيه
كل اصبع من اصابع اليد يمثل احد افراد العائلة
فالابهام يمثل الابوين ......... والسبابة تمثل الاخوان و الاخوات .......... الوسطى يمثلك انت شخصيا ......... الخنصر يمثل شريك الحياة ........ و البنصر يمثل الاولاد .
الان لتوضيح الحكمة من سبب كون الاصبع الرابع مخصص لشريك الحياة ... و حيث تعود الناس ( لا اراديا و لا ادريا على وضع خاتم الزفاف في هذا الاصبع بالذات )
يقول الصق كفيك ( ليس شبك ) كل اصبع مقابل قرينه .. و ثم ( هذه حتكتبها ازاي يا حسين ) اصفط الاصبعين الاوسطين الى الداخل .. مع الاحتفاظ بالتصاق انامل اليدين
الان افتح الابهامين ..حيث يمثلا الابوين و هما بالنهاية ذاهبان عنك ( يطول بعمر والديكم ) !! ... ثم افتح السبابتين حيث يمثلان الاخوان و الاخوات و حيث سيكون لهم اسرهم و حياتهم و بالنهاية سيذهبون .. ثم البنصرين ... الاولاد و هم بالنهاية الى دربهم ذاهبون و بنفس الطريقة و لنفس الاسباب .
الان حاول ان تفتح الخنصرين ... سيستحيل ان تفتحهما لانهما يمثلان الحياةالوحيدة الممتلئة بجمال خاص لن تفترق عنها ابدا
فالحب الحقيقي سيلتصق بعضه ببعض الى الابد .
لكم انشالله حب حقيقي و لعمر مديد
|
|
10/22/2008 1:58:16 PM
|
|
:: ان أكرمكم عند الله أتقاكم ::
|
تبي الصج يا كربلا هني شوي انا اخالفك و يا ريتك ما كتبت هالموضوع
تدري ان موضوعك هذا و اشلون دش بهالسايد بدون اشارة او هرن يذكرني بمجلس الامة و الضوابط
ال 13 و ضوابط توزير المراة و ضوابط عضوية المراة بالبرلمان و كلل اللي قبلهم و بعدهم و أخرهم ... و ليس اخيره ...
لجنة الضوابط الشرعية
كل الاخوان اللي يشاركون مسلمين و مؤمنين و بكل كلامهم بدون استثناء يدعون ربهم لبعض
دائما ذكر الله على السنتهم
لما الواحد يتكلم عن الجكر هو ما يسفه بخلقه الله سبحانه ... انما مجرد انها تكون عملية مماحكة من شخص لشخص على اذن او خشم او ...
لكن الايمان الاعظم قائم بدون شك لله سبحانه و لا يجادل احد بذلك
بعض المرات يا اخي كربلا يحلى الضحك بامور بشكل تجاوزي و لكن لا تشكل اي تشكيك بايمان استهزاء بالخالق
خلوا الدنيا سهلة و الله شبعنا جدية من العمل الى المراجعات الى مؤوليا البيت و الاهل و ... الخ
الضحك صار عملة صعبة بهذه البلدان ( ما اقصدك اخوي الغالي كربلا ) مو احنا كافي عندنا الطبطبائي و هايف و ربعهم شمال و جنوب
و من كل المذاهب ... ماشالله ... قمع حريات و فرح و ضحك ...... سمي كل اللي ببالك
خلونا بهالبيت الجميل ( المنتدى بعيد عن النكد و لا نصير على قولة اسم الفلم .... سارقي فرح
اعتذر منكم جميعا و منك اخوي الحبيب كربلا و ارجو ان لا ياخذ احد مني موقف ... انما حبيت اوضح وجهة نظر بالشرح
|
|
10/22/2008 2:07:29 PM
|
|
سلبيات شباب الموقع ( موضوع نقاش ) ؟
|
ربي يخلي الدبلوماسية و الله
المفروض تقوليلنا اياها باذونا علشان ما يعرف الباجي هالسر العفيسة !!
هذا كلام اكابر مو للنشر يا مسسسسسوه الله يهداج
انتي كنت شاربه لبن خاله ؟؟؟
|
|
10/22/2008 5:45:44 PM
|
|
تتعد الزوجات............ بس الرفض والقبل
|
اشك ..... لا والله اجزم انه في ريال يقدر على الثالثة
كلنا عيال أدم و كلن يعرف هالقمندة عدل
فلا احد يزايد
اما اذا قبلت وحدة بالوضع ( no matter what ) فهي حرة و اختيارها
انما عدل مثل ما نفهم كلمة عدل ؟؟؟ انسى
|
|
10/22/2008 5:51:17 PM
|
|
الزواج السري اوالمسيار.......لماذا؟
|
انا اتمنى و بعد اذن اخوي خالد ان هالموضوع ينشال
لان من قبل انفتحت مثل هالمواضيع و بلشت تسوي اختلافات من المؤيدين و المعارضين مو للزواج
و لكن لمذاهب هذه الزيجات
خلونا بعيدين عن هالامور علشان نظل طول الدهر حبايب
و اذا حابين و تجربون و تشوفون شنو اللي بيصير ... خلوه و اكتشفوا بنفسكم
اعتذر اذا اتخطى او اكدر احد
|
|
10/22/2008 11:15:54 PM
|
|
سلبيات شباب الموقع ( موضوع نقاش ) ؟
|
ههههههههههههههه ....
يا ستي يا موناليزا
هذا الكلام عن الشباب
الشباب طبينا فيهم و البنات حبيت اتشاقى وياهم
المهم الموضوع او كلامي المقصود فيه مسك العصى من النص ,,, فلا هذا احسن و لا ذاك يزايد عليه
اذا الكلام بس بالمعايب .. يعني التناحر بدال التقارب ترى محد يزيد على الثاني
و المثل يقول قاعة الجدر تعيب على ورا المقلة ...
كله سنون
اشلكم بالمعايات و بصراحة عاد و الزبدة الشباب و الشابات الاغلبية العظمى منهم على الراس
بس هو في شغله ... الغرفة هذه فيها الف او الفين نفر ... 5 او 8 اشخاص صراخهم شايل ... باجي الناس ينظلمون ليش
هذا حال شبابنا و بناتنا ... مية و الا متين مخربين على انفسهم لكن عشرات الالاف ترى مبيضينها
فيا شباب اجدموا على هالبنات تراهم و الله مراهم
ما عليكم اول ما تحطونهم يحرقون وايد ( هذا لانكم طلعتوا روحهم )... بس ما عليه بسرعه ينتهي مفعولهم و يصيرون خوش ناس ( هم لبخ الاخ ماكو فايدة ههههه )
و ربي الموفق
|
|
10/23/2008 11:05:07 AM
|
|
سلبيات شباب الموقع ( موضوع نقاش ) ؟
|
بصراحة انا ناوي اقصر مشاركتي بالموقع على مشاهدة المنتدى بس علشان اتواصل مع الاحبة و متابعه ايميلي
و لكن ياني هالايميل اللطيف اللي راح يبرد قلب البنات عدل عن الموضوع نفسه
سلبيات شباب الموقع !!! لا بل شباب الموقع و غير الموقع
طبعا علشان محد يزعل مثل ما نقول ان البنات فيهم اللي .. و فيهم اللي .. .. و الشباب كذلك
بس فلفل كانه سجل وايد اهداف على البنات و ا نا من ورا من النت شفت كشيش تتطاير من زود بطة الجبد و الاعصاب
حرام والله ... قلت اخلي هالاشعور تنزل .. ولكم يا البنات مواصفات الرجل الكويتي ..و على قولة ربعنا هني و خاصة البنات
الناس من كل مكان بالعالم يشوفون الموقع ... خل يشوفون و اذا ما عجبهم يطقون راسهم بالطوفة .. يا اخي البيت بيت ابونا ترى و احنا احرار
مثل ما اهم احرار ببيوت ابوهم ... و اصلا ما يحتاج نشوف مواقعهم علشان نعرف عنهم .. مو يقولون العالم صار قرية ؟؟
المهم هاكم المواصفات
-----------------
من عجائب الرجل الكويتي
إذا جاع انهبل
وإذا شبع نام
وإذا نام ما قام
وإذا قام نكد وطلع
إذا طلع ما رجع
إذا رجع آخر الليل قال : وجع نايمه ! ( هذه ضحكتني )
لا يعرف الرومانسيه
ومن الطلبات عنده حساسيه
وزوجته دايم منسيه
افكاره سطحيه
إبتسامته غبيه
مشاريعه خسرانه
وأسهمه دمرانه
وشلته تعبانه
نفسه خايسه ( عاد الله ياني ما احب كلمة خايسة ... ييييييع )
وكبده حايمه
عياله مهملين
واهله دايم صح لو كانوا غلطانين ( الله يعين الزوجات )
و مفلس وحالته حالة وزوجته تساعده وتشتغل
وكله يشتكي من الظروف، وهو يفكر يتزوج الثانية
وكل هذا ويقول
انا ما فيه مثلي
' يا خرطي '
----------------------------------
يمكن هالكلام يبرد قلب موناليزا شوي علي ...
-------------
لا وتبون تتزوجون .... روحوا بس تطوعوا في جهة خارجية او خلوكم في اعمال الخير
او صيروا راهبات !!(سواء كنتو سنيات او شيعيات ) يعني سوو شي مفيد !!!
او شوفولكم رياييل من ادير ثانية اللي هذه سوالف ربعكم
اللهم هل بلغت
|
|
10/23/2008 11:39:00 AM
|
|
هل تعلمين !!!
|
ما عليه يا فلفل البنات الحين بيطقون اصبع على كيف كيفك .... صك اذنك
=================
هالايميل عاد هذا منقول مثل ما انكتب بالمجلة
يالله بنات علشان فلفل ... سلام مربع .... و اغنية ... يا عواذل فلفلو
===========
في استفتاء اجرته مجلة زهرة الخليج الاماراتية عن بنات
الخليج
وكاااااانت النتائج هي :
*** جمال الوجه والشكل ***
الاولى : الكويتية
الثانية : السعودية
الثالثة : القطرية
الرابعة : الاماراتية
الخامسة : البحرينية
السادسة : العمانية
*** التعليم ***
الاولى : الكويتية
الثانية : السعوديه
الثالثة : البحرينية
الرابعة : الاماراتية
الخامسة : العمانية
السادسة : القطرية
*** الكشخه ***
الاولى :الكويتية
الثانية : السعودية
الثالثة : الاماراتية
الرابعة : البحرينية
الخامسة : القطرية
السادسة : العمانية
*** الالتزام الديني ***
الأولى : السعودية
الثانية : العمانية
الثالثة : القطرية
الرابعة : البحرينية
الخامسة الاماراتية
السادسة : الكويتية
*** التحرر من العادات والتقاليد ***
الاولى : الكويتية
الثانية : الاماراتية
الثالثة : البحرينية
الرابعة : العمانية
الخامسة : القطرية
السادسة : السعودية
هذه الدراسة تقول ,,,, الكويتيات اكثر بنات العالم دلالاً وجمال ....
وحثت الدراسة على الاعتناء بالرشاقة وحسن المظهر واهتمام الفتاة
الكويتية بجمالها , حيث يقول السيد
كريستروفر جولايل ان الكويتيات الاجمل على مستوى العالم لذلك تمت
اضافة نسبة الجمال الى البحث
والدراسة وضعت الفتيات الكويتيات تحت مسمى
اكثر بنات العالم دلالاً وجمال
----------
تحياتي لكم يا بنات الكويت
الله يا حلو الانتقام يا فلفل ( هذا مو كلامي )
مادري اشفي حظك اليوم كل الانترنت ضدك
تحية لك و للجميع
|
|
10/23/2008 2:56:12 PM
|
|
سلبيات شباب الموقع ( موضوع نقاش ) ؟
|
اذا هالرد برد قلوبكم عيل راجعوا موضوع هل تعلمين ... راح تركبون بالدرجة الاولى
هذاك عاد مو كلام مرصرص ... لا هذاك استفتاء رد على استفتاء فلفل ... و فيه مفاجاة على قولتهم من العيار ( 24 )
انا اللي راح انطق منك فلفل
لا و بخرب عليك ولا وحدة بتاخذك
و اللي بترضى فيك الحين بتزيد المهر 3 دبلات و المؤخر مادري اشكثر
يالله سترك على عبدك ( جيم ) اخو سميث لنكولن القاضي المسلم
|
|
10/23/2008 5:23:53 PM
|
|
هل تعلمين !!!
|
و الللللللللللللله يا كربلا اني قايل اني راح اتوقف عن المشاركة ,,,
و لكن لك علي حق ... احب اوفيه لك ... طبعا انت ما تدري ليش بس اخوك يوزن الطيب بميزان الذهب
و كل طيب يطلع من طيبين هو ذهب ، و انت ذهب 25 ( طلعت كلكجي انا بهالكلمة )
و كل الناس الطيبين هني انا اشيل لهم المحبة و التقدير كذلك و اتمنى من اي احد تكدر مني يسمحلي
المشكلة اني بعد ما كتبت نفس هالكلام اليوم الصبح ... شفت كلام مشابه للاخت حزن
ارجو من الله ان ما تكون فعلا فقدت احد ... و الله يحفظ لها كل من تعز و انتوا كذلك ... و يديمهم لكم سالمين
فملقاي معاكم انشالله وايد
كل المحبة و التقدير لك اخوي كربلا .... و لكل الاحبة ...
حساسة تقولين و اخيرا ؟؟ انتي الظاهر كل اللي تقرين لهم هني بس فلفل ... و الاخ فلفل .... و السيد فلفل ... و الاستاذ فلفل
بعدين لا تشكريني ... انا ادرجت الموضوع منقول و تحسفت ... !!!
تحية محبة و تقدير للجميع
|
|
10/24/2008 12:16:17 AM
|
|
هل تعلمين !!!
|
يا حساسة كل شي و لا الكدر
انا مثلك و ربي يشهد كنت امزح بعد
للحين ما عرفتيني الله يهديج اشكثر اتغشمر ؟؟؟ لا تصيرين حساسة وايد .. هالايام صفري و تغيير جو مو زين لج
انتي اخت و كل الموجودين حبايب لي و على راسي ... و الكلام اللي كتبته سيد فلفل و الاخ فلفل و ... الخ واضح انه للغشمرة ...
بس الفلفل هالايام يدش بالخشم ادري و يضيع مخ الواحد من المعاطس ... ادري ما الومج و هو بعدالله يهداه ما قصر بالبنات ...
طشر مخوخهم بمواضيعه
لا تشيلين هم و ترى البساط احمدي جدا و القلوب بيضا انشالله
|
|
1 2 3 4 5 6 7 8 9 10 11 12 13 14
|