|
صفحات
1 |
|---|
|
11/20/2008 12:37:35 PM
|
refef
Posts 10
|
السلام عليكم ورحمة الله وبركاتة للجميع
اخواني اخواتي اتمنى ان هذي الرساله يفهما الكل وبدون تجرح ابأحد بس لازم تكون مصداقية البنت او الرجل واضحة
انا صراحة لقيت كثير من الناس متزوجين بالموقع اتمنى يا اخي ولا يا اختي تراجعون انفسكم وعيب الكذب يا ناس انت متزوج او انتي متزوجة لاتخربون على الناس الي داشة الموقع بقصد الزواج ناس تشوه على ناس وهذا عيب على الكل في قضيه ثانيية وهيا البدون
اخوانا البدون واخواتنا البدون للاسف يدعون انهم كويتيين صج مافي فرق بينا وكلنا عيال الكويت ولاكن خلكم صادقين مع الناس و مع انفسكم اجي اعرفج بالموقع ولما اخطبج تطلعين بدون هذي عيب وماهي طريقة لبقة ان الانسان يكذب اتمنى الصراحة من الكل
اما الشباب اتمنى من الكل يا اخوان انهم يكونون صادقين بالزواج لاتلعبون على بنات خلق الله قاعدين تخربون على ناس تبي تلعب اللعب بعيد عن بنات الحمايل وما اعتقد ان لو هذي اختك بترضا عليها الي انت تسويه ابنات خلق الله واتمنى ان تكون عندك غيرة على بنات ديرتك ولا تكذب على بنات الناس باجر تلقى الي يكذب على اهلك ولي سويتة ابنات الناس يسونه غيرك ابأهلك
هذي رسالة للكل اتمنى انكم تاخذون ابكلامي ولا تكذبون بدون ولا كويتي ولا جنسية اخره واحد كلنا بشر بس لازم الاناسن ان ما يكذب ويخدع بنات الناس
|
|
11/21/2008 11:56:14 AM
|
gem
Posts 267
|
هني انا اعتب على الادارة انها نزلت الموضوع ... هذا الموضوع مع اعتذاري للاخ رفرف كلش مو مناسب
يخلو من اي نظرة انسانية للبدون ... او للاخرين
ثانيا الشباب هذا شغلهم ... يدورون اللي تبي ... و اقول لك صراحة ان هالنوعية من البنات موجودين للاسف
شوف ماكو نمل بدون اكل ... يشم ريحته و الله لو من كيلوات ...
فهالنوعية من الشباب لو ما يلاقي ويه هني بيطلع و ما راح يبقى احد منهم ... لكن قلنا ان صيدهم موجود
اما موضوع الكذب فهذه للاسف سمة انسانية صايرة ... كانت انسانية بغيضة و الان صارت تمشي و بدونها الدنيا ما تمشي
ما راح تقضي عليها .. والله الواحد او الوحدة يحلفولك على كل صفحات القران صفحة صفحة و هم كذابين
اما المتزوجين .. فهذا كلام خلك بعيد عنه ... ما شفت احد يخرب على اللي بيتزوجون يا رفرف و هذول المتزوجين
و انا اتابع اللي يكتبونه ما يقولون الا يا كلام ناصح او اشياء طيبة
اشفيك ياخوي ... علامك اليوم داعم رصيف و داش رونغ سايد ما خليت احد الا و طقيته طشونة
أووي ألبك شوي الدنيا اذا بتكون جذيه ، بتصير وايد صعبة عليك مثل ما انا ملاحظ من كتاباتك يا اخوي
انت وايد طيب ووايد صاحب قلب ملائكي و منت قادر تصدق ان اللي يصير بالدنيا هذا حقيقي و انه الصفة الطاغية للاسف على اخلاقيات الناس
انزل من برجك اللي تشوف منه من فوق الى عالم الحقيقة و عيشها بنظافتك بما ممكن يحقق مبتغاك دون التنازل عن مبادئك
و الناس مثل ما فيهم السيء فيهم الطيب و بتلاقي منهم انشالله وايد بدربك ..و ترى بالنهاية كلمة اخيرة الناس سواسية بعد يا ابو الرف
|
|
11/21/2008 2:22:07 PM
|
gem
Posts 267
|
اسف رفيف ... انا كنت اقول من قبل ليش الشباب مستلمينه رفرف و انا الحين سويت مثلهم
راح اكتبها 100 مرة علشان ما انساها مرة ثانية !!!!
|
|
12/14/2008 8:18:39 AM
|
nathyah
Posts 17
|
بصراحه كلام الاخ اللي كاتب الموضوع كلللله عين العقل والله العظيم عدل
ناس قاعده تخرب على ناس
ناس داشه تلعب وناس الله العالم بنيتها
وبالعكس كلامه مايجرح احد وكله انسانيه الريال تكلم بصراحه
الله يعطيك العافيه على هالموضوع بصراحه كان الكلام اللي قلته قاعد يدور في بالي
ليش الجذب؟؟؟ والمتزوج اللي عنده مشالله 20 ياهل وداش بيتزوج؟؟ هذا شي يدش العقل؟؟ داش يدور صيده اكيد راح يلقا
بس مو كل طير ينوكل لحمه
|
|
4/29/2009 12:17:50 AM
|
teacher.com
Posts 134
|
واللة ياخوان الجذب حبلة قصير ليش الواحد يفشل نفسة ويجذب اذكر برك
ولاتخاف ولاتخافين اذا صار الجذب كثر العقد واللة يهدي انشاللة
|
|
صفحات
1 |
|---|