|
صفحات
1 2 |
|---|
|
7/9/2011 4:22:46 AM
|
TALAL_4488
Posts 362
|
بسم الله الرحمن الرحيم
حبيت افتح هالموضوع ونبي نتناقش فيها
اغلب الاخوات
تلاقي كاتبه بالبروفايل
بمعنى انك ماتشوفني بس نسولف بالموقع
تروح تخطبني على طول !!!!
انا عن نفسي لو وحده تقولي جذي ما ارد عليها او للامانه بقعد امطل فيها لين اهي تمل او لين ما اعرفها عدل وذيج الساعه اروح واخطبها وانا واثق من اخلاقها وشخصيتها
من صجكم من ااول مكالمه بالموقع ثاني يوم اروح اخطب
وين قاعدين
لازم يا اخوان تصير فيه معرفه تامه قبل الزواج
وهاذا السبب بنسب بعض حالات الطلاق عدم معرفة الشخص قبل الزواج
واحد من الاخوان بالموقع قالي
تعرفت على وحده وثاني يوم قالت تعال اخطبني من اهلي بيوافقون ما يقولون لا استغرب من هالطلب
والريال ميت يبي يتزوج اب اي وسيله له ظروفه الشخصيه
يقول للامانه انا ماني حاط براسي اني العب او الف وادور
و
عن نفسها قالت حلوه ومزيونه ما ينقصها شي وتبي الستر وعطته المواصفات يقول حاولت اشوفها رفضت بس بالتلفون
يقول اخذت العنوان وكلمت اهلي وبعد 3 ايام واهي تحن تعال وتعال
قال رحنه وصلنه كان خوش استقبال قعدت الام ويه البنت والخوات
وله البنت مزيونه بس المصيبه
اكتشف اخر شي ان البنت معاها انفصام بالشخصيه
وهالمرض يعتبر نفسي وتاخذ ابر مره كل شهر
هالابره تهديها شهر واذا ما اخذتها تنقلب فوق تحت
اقدر اقول انها شبه مجنونه
فا انا ما الومه بصراحه لان اغلب البروفايلات مكتوب
مابي واحد يقولي بشوفج او اكلمج اذا جاد يجي ويخطبني على طول مايشوفني وله اشوفه اله بيوم الخطبه
زين فرضن انا مريض نفسي او اهي فيها شي اشلون نكتشف هالشي
او بعد ما تتزوجيينه تكتشفين انه مريض وذيج الساعه طلقني ليش مطلقه واااي ما دريتي طلع مينون
ههههههههه
خلاصة الموضوع
اي وحده حاطه براسها هالشي تنساااه
اجي اخطبج وانا للحين مااعرف شي عنج ما يصير هالكلام بالله طلع لج سوابق
اشلون تترقع هاذي
تحياتي للكل
مشاركتكم تسعدني
|
|
7/27/2011 2:57:16 PM
|
samia22
Posts 149
|
اللهم صل علي محمد وال محمد
تري للعمل اخ طلال ...بعض البنات مريضات نفسيا ... تبي الناس تشوف ان اهي كل يوم ياي شخص يخطبها ... يحبون يتفاخرون بهالشي ...حتي لو طولت ما اتزوجت ..ورفيجاتها اللي انخطبوا مره وحده تزوجوا 
((مابي واحد يقولي بشوفج او اكلمج اذا جاد يجي ويخطبني على طول مايشوفني وله اشوفه اله بيوم الخطبه))
وعادي توقع ان بيوم الخطبه تقول ما ابيه ....وهلما جرا .... علشان الناس يدرون اني كل يوم انخطب بس انا ارفض لووول.
|
|
7/28/2011 2:44:42 AM
|
TALAL_4488
Posts 362
|
ياهلا ومرحبا بختي الكبيره ساميه
والله كلامج عين العقل
فعلن اهني بنات مريضااااااااااااااات نفسينا
اقسم بالله تعبت
ابي افتح موضوع جديد اتكلم فيه عنهم
عن بعض المعقدات 
|
|
8/3/2011 4:44:29 AM
|
Kojekaa
Posts 8
|
وااي حراام عليكم ليش جذي
ماتدري هالبنت شنو ظروفها
يعني مو معقوله بتعرض نفسها وصورها على مليون شخص علما يصير نصيب بالاخير ع شخص
انا اشوف ان صح هالشي مة غلط ومن حق البنت انها تطلب الشوفه الشرعيه فقط لاغير اللي اهي تكون ف بيت اهلها
يعني هالولد لو شنو كان تقدر تظمنه ان ماينشر صورها؟؟ او مايتكلم فيها عند ربعه بعد ماشافها؟؟
مادري احس غلط غلط غلط الشوفه قبل الخطبه
الوصف العام كافي حتى بدون تفاصيل واذا كان جاد اهم شي الاخلاق
وبعدين ع موضوع الامراض النفسيه ف بالشوفه الشرعيه بيتضح كل شي والريال موخسران شي لو راح وخطب... احسن من ما تخسر البنت سمعتها ع عيال حرام مونيتهم زواج اصلا
بالعكس هالشي يعلي من مكانة البنت والمفروض تكبر بعينكم اذا طلبت هالطلب
موشرط مثل ماتفضلت اختي الكريمه ساميه..، يمكن البنت جاده صج وتبي الستر مو التفاخر
وبالنهايه الجاد والجاده يبينوووون بس ماله داعي الصور والمواعد والخرابيط
واسفه عالاطاله
خيلي ممنون
|
|
8/3/2011 7:34:40 AM
|
TALAL_4488
Posts 362
|
حياج الله اختي
اول شي ما قلنه شي غلط
بعدين بالنسبه للنظره الشرعييه
يا اختي
محد يقبلها على نفسه ولا انتي تقبلينها على نفسج
كل يوم رايح بيت احد والله جاي اخطب واذا ما يزتلي لي مشيت
او لا شفتج وله اكتشف انج انسانه فيج خلل اعتذر لانها مو حلوه بحقج وبحقي
؟
فا ليش اسبب لج الاحراج او انتي تسببين لي الاحراج
اشوفج بمكان عام
وتشوفيني وبعدين انتي وانا انقرر اذا نصلح لبعض
امه سالفة تعال للبيت وشوفني انا اشوف انها ما تصلح كلش
كل يوم واحد طاق الباب والله نبي نشوف البنت نبي نخطب
بعدين ما يصير نصيب
شنو نظرة الام
محد يعلم بما في القلوب
يمكن الام تقول بقلبها بنتي ليش كل مايجي واحد يخطبها بعدين يعتذر اكيد فيها شي
والموضوع ما قصدنا فيه ان البنت لازم تخلي كل واحد يشوف صورتها
لي نظرة وشوفه شرعيه
اشوفج وتشوفيني
ياما ناس تقابلو وبالاخير شافو انهم ما يصلحون لبعض وكل واحد راح بطريقة
مشكورين على المرور
|
|
8/3/2011 2:17:19 PM
|
Kojekaa
Posts 8
|
هذا كله يتحدد ع كلام البنت وكلام الولد
المفروض يكونون صريحين مع بعض من البدايه عشان يتجنبون الاحراجات بالشوفه الشرعيه مثل ماتفضلت اخوي
بس حتى لو شافها عند اهلها واعتذر عادي الزواج قسمه ونصيب المفروض البنت العاقله المؤمنه ماتزعل من هالشي والعكس صحيح
وممكن المعرس او العروس يعتدرون بطريقه ذربه ماتجرح الطرف الاخر مثلا تقول لا اهيا وايد صغيره عليه او ماتبي واحد بالعسكريه او شي مايعيب الشخص نفسه بشكل مباشر
وتبقى وجهة نظر
|
|
8/3/2011 3:23:19 PM
|
samia22
Posts 149
|
اللهم صل علي محمد وال محمد
(وَلاَ جُنَاحَ عَلَيْكُمْ فِيمَا عَرَّضْتُم بِهِ مِنْ خِطْبَةِ النِّسَاء أَوْ أَكْنَنتُمْ فِي أَنفُسِكُمْ عَلِمَ اللّهُ أَنَّكُمْ سَتَذْكُرُونَهُنَّ وَلَـكِن لاَّ تُوَاعِدُوهُنَّ سِرًّا إِلاَّ أَن تَقُولُواْ قَوْلاً مَّعْرُوفًا وَلاَ تَعْزِمُواْ عُقْدَةَ النِّكَاحِ حَتَّىَ يَبْلُغَ الْكِتَابُ أَجَلَهُ وَاعْلَمُواْ أَنَّ اللّهَ يَعْلَمُ مَا فِي أَنفُسِكُمْ فَاحْذَرُوهُ وَاعْلَمُواْ أَنَّ اللّهَ غَفُورٌ حَلِيمٌ «235») سوره البقره
هذا كلام الله ... ولا يحتاج الي افتاء ...فلا تفتون بما يعجبكم
كلام اخي طلال صحيح .
انا بالنسبه لي احب اشوف الانسان اللي ابي اتزوجه بالاول قبل لا يدخل بيتنا .... شفت شخص انا بسيارتي واهوه بسيارته وشافني وشفته ...انا باحترامي واهوه باحترامه .... وما صار شي ولله الحمد .
اختي الكريمه الله ما يحلل شي غلط والعياذ بالله ... الله تعالي حلل اللقاء في حدود الدين كما في الايه الكريمه ...وهنا كلام الله صريح .
|
|
8/4/2011 1:06:12 AM
|
Kojekaa
Posts 8
|
اذا عدت مره وماتعدي المرات اليايه يا اخت ساميه
ممكن الولد الاول يحافظ عليج ويتم اللقاء بسلام
بس ماتدرين عن عيال بليس ممكن ياخذ رقم سيارتج ويطلع كل البيانات او ممكن يلحقج لي بيتكم ويسويلج فضايح ويهددج
ماتدرين الشخص اللي يدامج شنو نواياه
لانكون طيبين زياده عاللزوم
والعكس صحيح للولد يمكن تكون البنت لعوبه وقايله حق اخوها انك تتحرش فيها وتروح تقابلك وانت تروح فيها من اهل البنت
وبشكل ثاني فرضا احد من الاهل شافكم وانتو تتبادلون النضرات حتى لو كل واحد بسيارته شبيقولون؟؟
السمعه غاليه يا اخوان ما تنشرا ولا تنباع
واحترم وجهة رظركم اخت ساميه واخ طلال بس مازلت متمسكه بوجهة نظري اللي اشوها عين العقل
نقاش ممتع..
|
|
8/4/2011 3:30:58 AM
|
TALAL_4488
Posts 362
|
اول شي مشكورين على التفاعل مع الموضوع
وثاني شي يا اختي
انا اتكلم بالواقع
وقلت لج انا ما ارضاها على نفسي
كل يوم طاق الباب ومن بيت لي بيت اشوف بنت
شنو سياره اهي
؟
وقلت لج الموضوع مو اني اقعد او اجلس معاها
لا لي نظره شرعيه ما قلت تعالي نروح نقعد ونضحك ونسولف اشوفها وتشوفني
زين
ابي اوضح لج اكثر
يمكن انا انسان مو كامل النمو
يعني فيني اعاقه مثلا ايدي قصيره او ريلي قصيره
وقاعد اسولف معاج على النت ومن هالكلام وماذكرت لج عن الاعاقه اللي فيني
وعلى طلبج اني اشوفج ببيت اهلج
رحت وانا قاعد وانتي دخلتي وشفتج ومشيت وبعدين
الصدمه
يجي الاب او الام
يابنتي ترى الريال معاق
شنو بتكون ردة فعلج
؟؟؟؟؟؟؟
اووووله ما قالي عن هالشي طلع جذاب
ترى الجذب مافي اسهل منه خصوصا بالنت
اللي بيني وبينج شاشه اسولف واجذب على راحتي
لكن لو اني شفتج بمكان عام وشفتيني
بعدين انتي اللي تقولين لا يبه ما تصلح لي اخوي
وبينتهي الامر
وكل واحد يروح بحاله
امه والله يجي الرد من اهلج
البنت ماتبي تتزوج او والله اهي صغيره عليك
جذي انا بنجرح لان ادري انهم قاعدين يجاملوني ومايبون يقولون البنت ماتبيك لانك في الشي الفلاني
====================================
من فتره صار حديث بيني وبين احد الاخوات
وتم الاتفاق على موضوع الخطبه بس عن طريق النت
للحين ما صار شي رسمي
طلبت اني اشوف البنت ووافقت رحت لمكان عملها وشفتها
شفت ان البنت ما تصلح لي لعدة اسباب احتفظ فيها لنفسي
وبالعكس تقبلت رائيي بكل صراحه
قلت لها انتي يا اختي جذي وجذي وجذي عشان هالشي هذا مانصلح نكون لبعض
فرضا اني ما شفتها ورحت قلت لها خلاص قولي حق اهلج انبي بجي واشوفج
تدرين شنو بيصير
انتي واي وحده غيرج لو يقولون لها واحد جاي يخطبج راح تكشخ وتلبس احلى لبس وتضبط نفسها وبالاخير
والله ما يازلتيي
جذي بكسر فيها لان بتكون بقمة الوناسه انها تبي تنخطب واخرتها والله ما ابي البنت
انا اتكلم بالواقع
وانسان ولله الحمد متفتح وما اقول شي اله اكون حاسب حسابه وما اقط الكلمه اله لين اثمنها
|
|
8/4/2011 1:40:31 PM
|
samia22
Posts 149
|
اللهم صل علي محمد وال محمد
((بس ماتدرين عن عيال بليس ممكن ياخذ رقم سيارتج ويطلع كل البيانات او ممكن يلحقج لي بيتكم ويسويلج فضايح ويهددج))
كلمه لكل بنت هددها رجل ...وطلع بياناتها ... تستطيع مقاضاه من اخرج بياناتها ... اقصد الموظف ...وتقدر توديه ورا الشمس ... اي شخص يستعلم عن شخص يودونه السجن ...ويطلع بكبسه زر منو استعلم عن منو.
وبعدين اختي العزيزه الحركه النذله هذي اللي يسويها النذل ...يقدر مو شرط خطبه ...ان شاءالله ما عطته ويه
ولا تخافين اكو قانون بالبلد ....والله يحفظكم يارب .
طبعا هذي الامور من لقاء شرعي باي مكان ...انصح بها لمن عمرها اكبر من ٣٠ سنه ..صراحه ...علشان تكون تحكم عقلها مو قلبها بس.
اذا ولابد تكون البنت صريحه مع امها تقولها ...اكو واحد يبي يخطبني ... وطالب يشوفني ..وتروح مع امها او اختها لاي مكان ...وانا ما اقصد قعده مطعم ...اقصد حتي لو اهي ماشيه داشه الجمعيه ...واهوه يشوفها بالجمعيه جدام خلق الله ....ماله داعي ابتسامات ونظرات وله واعجاب
يا بنات والله الشغله اللي يتكلم عنها اخوي طلال ...مهمه حيل ...وانا اعرف وايد بنات يبون يشوفون الريال قبل لايدش بيتهم ...لا تحرج نفسها ولا تحرج الريال .
والله يوفق الجميع
|
|
8/5/2011 2:55:13 AM
|
TALAL_4488
Posts 362
|
والله يا ساميه انا اتكلم بالواقع
والاخت تقول ياخذ رقم سيارتج وما ادري شنو
اختي من غير زعل
هذا تفكير اليهاااااااااااااال
الناس تطورو منو ياخذ رقم سياره الحين او يروح يلحقها للبيت
اللي يسمعج بيقول الديره مافيها قانون
ساميه راح اذكر لج التفاصيل برساله خاصه وراح تشوفين شنو اللي صار
|
|
8/5/2011 2:19:06 PM
|
Kojekaa
Posts 8
|
لا هذا مو تفكير يهال
رغم القانون للحين هالسوالف تصير
وانا ما حطيت امثله الا صج صايرين حق ناس اعرفهم
اذا انتا طييب ونظيف ياطلال غيرك مو جذي
وشكرا
|
|
8/26/2011 5:58:01 PM
|
TALAL_4488
Posts 362
|
كل من يرا الناس بعين طبعه يا اختي
|
|
8/27/2011 3:59:16 AM
|
samia22
Posts 149
|
اللهم صل علي محمد وال محمد
ويي شخباري المنتدي يحليلكم ...افتقد سوالفكم ونقاشاتكم
انا من زمان احاتي النظره الشرعيه ...لاني لو بقول لاخواني محد فيهم بيرضي اشوفه بمكان ... انا شفت خطيبي بمكان عام فقط سلام عليكم ..وعليكم السلام ..وكلمتين مني وكلمتين منه ...وعلطول مشيت ...خلاص ..والحمدلله كان في قبول مني وقبول منه ... وعقب تمت الخطبه ولله الحمد .
هالزمن الريال والبنت ..اثنينهم يبون يشوفون الشخص اللي بيخطب ...قبل لا ينحرجون جدام الاهل ..ويوافقون تحت ضغوطات ...وصارت لناس اعرفهم ..وكان زواج فاشل .
ليش نحرم شي الله حلله ...النظره الشرعيه موجود حكمها صريح بالقران الكريم كما ذكرت بردودي ... ياليت نتساهل بهذه النقطه وبس بالاول يكون عندنا ثقه ان الله هو الحافظ ... يكون عندنا يقين ان الله يحمينا من كل شر .... ادعي رب العالمين اذا بتشوفينه ان الانسان اذا ينوي السوء ان شاءالله يصير شي وما اروح اشوفه ...وصدقيني الله بيحفظج ...وسلامتك ...والله يرزقكم النصيب الصالح
|
|
8/27/2011 4:19:51 AM
|
TALAL_4488
Posts 362
|
هلا ساميه نورتي من يديد
والله يوفقج ويرزقج
مابعد الصبر اله الفرج
زين ماختفي ياخذ رقم سيارتج ويطلع بياناتج مثل ماقالت الاخت
لووووول
موفقه دنيا واخره ان شاءلله
|
|
8/28/2011 5:33:38 PM
|
samia22
Posts 149
|
اللهم صل علي محمد وال محمد
مشكور اخوي طلال ... والله يارب بحق هذا الشهر الفضيل يرزقك الزوجه اللي تتمناها .
والله يوفق الجميع يارب بالنصيب الزين والصالح ...لا تياسوا من رحمه الله ... احيانا الانسان يصبر وااايد بس بالنهايه الله يرزقه اللي يبيه بنفس المواصفات اللي يحلم فيها ...يمهل ولا يهمل ...بس لا تنسون الدعاء في جوف الليل والناس نيام والتضرع الي الله .
|
|
12/9/2012 10:27:58 AM
|
Tears2
Posts 96
|
السلام عليكم ورحمة الله ،،، احبائي الاعزاء انا واعوذ بالله من كلمت انا تعرف من هذي الاحداث ولاحظت اعلب الي يبي تقدم لك وخاصة الي في المنتدى يكتب شي واذا تكلمت معاه تظهر اشياء غير عن الروفايل مثال ذلك كاتب اني ماعندي اولاد وبعدها تكتشف ماشاء الله عنده اولاد والي يقولك انا مطلق وبعدها تكتشف انه متزوج يبي وحده ثانية وهل من مجره اليش الجذب ليش مايكون في صراحه وكل شي قسمة ونصيب انا ماحط اللوم على البنت او الشاب كون صريح (البنت والشاب ) في بروفايلك واخرته نشوف النتيجة بحالة رفض او قبول ،،،، تعرضت مشكله ثانيه ان في واحد قال لي ابي اشوفك قبل الحطبة انا مااعترضت بهذا الموضوع ولكن اعترضت مكان الشوفه تعرفون وين في بيته مافي احد تعالي نتفاهم على الزواج الله عليكم هل ترضون بهذا الشي يااخواني وخواتي الاعزاء الحمد لله وانتم عندكم خوات !الله المسعان
|
|
12/10/2012 1:26:01 PM
|
abuabdullah59
Posts 297
|
بسم الله و الحمد لله و الصلاة و السلام على رسول الله
ورضي الله تعالى عن جميع الصحابة وخاصة منهم الاربعة الخلفاء ابوبكر و عمر و عثمان و علي و باقي الصحابة والقرابة رضي الله تعالى عن الجميع و جمعنا بهم آمين
اسعد الله اوقات الجميع بكل خير
على عجالة احبتى الكرام لضيق الوقت أقول :
الامر حساس الى حد كبير خاصة للنساء ولابد من ان نقدر هذا الامر بالنسبة للمرأة على و جه الخصوص
لكن البروفايل وضع لتعريف الآخرين من خلال المعلومات الخاصة ببعض المعلومات الاأساسية كالعمر و الطول و نحوه
والمعلومات شخصية كالحالة الاجتماعية منفصل او متزوج و نحوه وهذه اعتقد لا شئ فيها مجرد معلوماتلابد منها
لكن عند زيارتي لصفحة السيرة الذاتية لبعض السيدات الفاضلات لا اجد معلومات كافية عن السيدة الفاضلة تشجعنى
اغلب ما يتم اختيارة افضل ان لا اقول
طيب انا ماذا استفيد ؟ اكتبي سيدتى الفاضلة جميع المعلومات الاساسية و الشخصية بكل و ضوح إن كنت جادة طبعا
لا تتركي الامر مبهم للآخرين تلك المعلومات لن تنقص من قدرك شيئا
عن نفسي انا و اضح من بداية دخولي الى هذا الموقع كتبت بحسن نيه كل المعلومات الاساسية و الشخصية عن نفسي لم ادع معلومة إلا جاوبت عليها
حتى في مربع السيرة الذاتية يعلم الله كتبت قرابة صفحة كامله شرحت فيها سيرتى و معلوماتي و كل شئ عن نفسي لأكون و اضح للجميع
قبل ان تفكر أي سيدة فاضلة الاتصال بي تقرأ سيرتى الذاتية و المعلومات الاساسية و الشخصية وو تعلم كل معلومة عنى صغيرها و كبيرها و بعد ذلك تقرر هل انا اصلح لها ام لا
لكن الادارة هداهم الله الغوا سيرتى بدون حجة مقنعة تأتيني رسالة إدارية تطلب منى كتابة تعريف جديد في السيرة الذاتية
وفي كل مرة أعيد الكتابة تأتنين نفس الرسالة السابقه هكذا على مدى أربع أو خمس مرات في كل مرة اكتب سيرتى يتم الغاءها حتى استقر بي الامر على ما تقرأونه في سيرتى
الان وهذا من و جهة نظري غير كافي لهذا كتبت في سيرتي الذاتية من يريد التعرف عليّ يرجى مراسلتى او قرأة المواضيع التى كتبتها لأنها تحاكي و اقع عملي
لحياتي الشخصية الى حد كبير و هذا حفظكم الله من باب الصدق و الامانة حتى كما اسلفت قبل ان يتصل بي احد يكون عارف معلومات شبه كافية عن سيرتي
المقصد من هذا
الانسان الذي يدخل الى هنا يجب ان يكون و اضح من البداية صريح وصادق مع نفسه و الآخرين
لا احد اجبرك ايها الرجل او ايتها السيدة على دخول هذا الموقع مادمت دخلت للجد فكن جاد أو جادة
و اذا كنت متلاعب و تريد او تريدين التسلية فاتقي الله ولا تجعلوا منا ألعوبة لكم و باب سخرية لكم تتلاعبون بعواطفنا و مشاعرنا
المتلاعب و الغير جاد أمره الى الله
الذي اريد ان اقوله
على الرجل و المرأة ان يكتب معلوماته الاساسية و الشخصية بكل و ضوح و شئ من سيرته رغباته المواصفات و تالى الامور الاخرى و التفاصيل الاخرى يتم
التحدث عنها من خلال رسائل الخاص او نحوه
قد اتفق مع الاخ صاحب الموضوع ان الامر ليس بهذه السرعة
هذا زواج وارتباط لا بد ان يتريث الانسان
و الثقة و الامانة أهم شئ
اكثر ما يجعل الانسان يتردد هو عدم الثقة و الخوف من عدم الصدق و الجديد
و الدليل ان هناك اعداد لا يستهان بها من الاعضاء الموقوفين لأنهم يدخلون بغير صفتهم الشخصية بمعنى رجل يسجل على انه انثى
و انثى تسجل على انها رجل و آخر يدخل و هو غير جاد لمجرد
قضاء و قت و تسلية و هذا و الله امر محزن و عاقبته و خيمة نسأل الله السلامة و الهداية للجميع
اكتفي بهذا القدر و معذرة لأطالتى
|
|
12/11/2012 2:10:19 AM
|
TALAL_4488
Posts 362
|
اسعدني مروركم وتعليقاتكم
|
|
12/15/2012 2:01:27 PM
|
nasserazizkwt
Posts 29
|
السلام عليكم ورحمة الله و بركاته
يا اخ طلال انا معك و ضدك في بعض النقاط ، هو صحيح لازم المعرفة قبل التقدم للخطبة و لكن في نفس الوقت تخيل لو انك قاعد في مكان عام مع وحدة و فجاة يطلع واحد من اهلها او اهلك فشنو يكون موقفكم ، اعتقد والاصح في رائي ما دام النواي صادقة انك تتقدم لها و تشوفها في بيت اهلها وعلى قولت المثل المكتوب على الجبين تشوفه العين .
|
|
صفحات
1 2 |
|---|