|
مواقف وقصص واقعية من موقع خطبة
|
السلام عليكم انا حابه اكتب تجربتي من هالموقع وقصتي واتمنى اشوف رايكم فيها ...
اولا هذا ماكان نكي انا قفلت هذاك النك عشان خاطره وعيونه اوهمني بوايد امور وانا صدقته .. وسجلت بهالنك بس عشان اكتب لكم قصتي لاني محتاجه افضفض ..
اول شي تعارفنا .. وبعدين تواصلنا وكنا نتواصل يوميا عالايميل لمدة شهرين تقريبا .. وايد صفات وامور اشتركنا فيها وتناقشنا وايد في امر الزواج من البدايه سالته ان كان ممكن اهله يكونون عائق في ارتباطنا كانت دايما اجاباته انه اهله مراح يعارضون عالانسانه اللي بيختارها مهما كانت وكل مره يقول سالت اهلي مره قالي سالت امي وقالت له اهم شي الاخلاق ومره قالي سالت ابوي وابوه قاله اهم شي اذا انت تبيها بكيفك .. هذا كان كلامه معاي علطول و خلاني اصدقه واثق فيه حتى قالي بيصكر حسابه من الموقع عشاني وقالي انا مراح احتاجه وانا بالمقابل قفلت حسابي لاني صج ماكنت اهتم او ابي اشوف غيره .. بعد هالمده هذي كلها طلب يشوفني وانا ما منعت اخليه يشوفني وشافني مره وقبلها كنا شايفين بعض لكن بالصور .. وبعدين ماقال شي بس بعد يوم تغير كل كلامه حتى اسلوبه مو هو اللي كنت اعرفه فجاه كلمني وقالي مافي نصيب !! وقالي انا ابيج بس مافي نصيب ؟؟ طبعا انا استغربت وسالته عن الاسباب قال اهلي مراح يرضون ومراح يتقبلون حط كل الاسباب والحجه باهله واخر شي يقول انا ما خدعتج .. ليش قبل اهلك ماكانو حجه ودايما كان يحسسني انه مهتم لامري سالته قلت له شكلي ما عجبك يرد ويقول انتي مافيج شي شكلج مافيه شي .. انزين ليش ؟؟ قال اهلي .. وسطر لي حجج ماعمره قالها لي من قبل ومن هالحجج انه معرفته لي كانت نت ؟؟ ليش مو انت استخدمت هالموقع مثل ما انا استخدمته لغرض شريف اذا مو مقتنع بارتباط بهالطريقه ليش بديت بكل شي .. انا وايد مجروحه منه ومن نفسي لاني وثقت ثقه كامله بهالانسان ماخشيت عليه اي شي .. حسبي الله ونعم الوكيل ...
|