|
زواج المتعة
|
بعيدا عن كل النقاشات التي سلفت بينكم والتي لم تكن اساس النقاش نعود لمحور حديثنا وهو زواج المتعه بالموقع اخواني زواج المتعه زواج يحصن الانسان المسلم من المحرمات وامور الزنا والعياذ بالله ولكن لا تحولوه انتم الى زنا وبنات الناس مو لعبه بنات الناس اعراض الناس وعلى كل حال الرجل صاحب الرغبه بالزواج يتميز بلسان عذب مثل العسل وشخصية حلوه جذابه لذلك ارجو انه مايستغل كل مميزاته في اغراء واغواء وتضليل المراه ترا ياخوان امانتكم بنات الناس حرام اهم داشين يبون الستر ومايبون الفضيحه ووراهم عوايل وامهات واباء شياب واخوان محترمين بس االحريم من قلة صبرها او يكون قطار الزواج طايفها من جذي وعن ثقه تامه دشت هالموقع وانتو عيال ديرتها فهاللة هالله فيهم لا تستغلون ضعفهم وجمالهم وفطرتهم والله يوفقكم يارب ويستر علينا وعليكم وعلى خواتكم .وعلى فكره زواج المتعه للبنت اللي لها والد او جد من طرف الوالد لازم يكونوا موجودين عند عقد الزواج اما اليتيمه فامرها بيد امها واذا كبيرة عمر اتقوا الله فيها ولا تغرونها وتضحكون عليها وتستغلون طيبتها --الله يحفظنا يارب --انصح خواتي ان لا ينساقن وراء الاغراءات ولا يطلعون مع الريال بروحهم ترا بعض الرياييل ملاعين وخبثا ماتقدر عليهم اي وحده يبيلهم وحده مفتحه والله وال البيت وياها ويحرسونها وتكون محصنه نفسها عدل بالدعاء وللا بتروح فيها وعلى فكره والشهاده لله كل الاخوان اللي يطلبون زواج متعه يكونوا غير جادين بالزواج يبون يلعبون وبس وتالي يقطونج ولا يعبرونج --انا لمه ازفهم يقلبون وجههم اشمعناتها ؟ معناتها انهم كانوا ناوين تقزير وقت والدليل لو كانوا صج جا دين جان اكبرت بعينهم مو ينحاشون اختبريهم ارفضي الزواج الموقت اذا كان يبيج يتمسك فيج واذا لعوب بيهرب ويقلب ويهها واذا عندج له ايميل راح يخليج بلوك واذا بالموقع هم بعد بلوك صيري اشطر منه واخذليه قبل لا يخذلج .والسلام ختام
|